امراه لاتنكسر
New member
- إنضم
- 2011/02/11
- المشاركات
- 27
بنات بليز مالي احد افضفض له الا انتو ..ضاقت بي الوسيعه ابي اتكلم ابي اقول في قلبي نار يمكن ارتاح..زارجو اللي بتقرأ قصتي لاترد الا بعد ماتحط نفسها في مكاني ..وفعلا تنصحني كاني اختها ..
السالفه كالتالي:
أنا كان لاب توبي خربان وزوجي طلع عنده عزيمه عشاء ..فقلت يابنت روحي تسلي بالاب توب قلت اطقطق بالنت شوي على لاب توب زوجي
فتحته عادي بحسن نيه وشفت الماسنجر حقه مفتوح طبعا الايميل غريب مو ايميل زوجي اللي أنا عارفته....ولفت نظري صوره فيه كانه لبنت ولااطالع الماسنجر الا كله بنات .ارتعت واروح اشوف صفحات مفتوحه لمواقع دردشه
وفي موقع فاتحه اسمه موده نت
موقع للتعارف والزواج وكان مسجل نكنيمه يدخل تلقائي دخلت عليه وبعدين رحت للرسايل الخاصه شفت بلاوي وانه جالس يكلم بنات ويراسلهم على الخاص
وراسل لاكثر من وحده انه جاد ويبي يتزوج لظروف خاصه ماراح يقولها الا للجاده ومن هل كلام حبيبتي وماحبيبتي وفي رساله راسل ماارسلتي لي صورتك ومن هل كلام اللي يوجع القلب
طبعا قلبي صار ناااااااااااااااااااااااااااااااااااااااااااااااار
الصدمه هذي مابعدها صدمه
لا وفي رساله راسلها قبل مايطلع بساعه وانا جالسه يمه
الله لايحطكم بهل موقف الصعب
بقولكم نبذه عني انا امراه متربيه عدل واهو بعد ماعندنا خرابيط ولاحتى اذا جى مقطع وسخ بالتلفزيون نخليه وفي نفس الوقت انا ستايل وعلى الموضه ومو ناقصني شي من ناحيه الكشخه ولا الجمال والكثير يشيدون لي بالجمال ويغبطونه انه متزوجني
فتخيلو مقدار الصدمه اللي جاتني لان اهو بعد كنت ناسجه له صوره ورديه وكان كل شي يقوله لي
المشكله ان اهو بحكم دوامه يحتك بكل طبقات المجتمع وياكثر الموظفين الخربانين اللي معاه ويتكلمون عن مغامراتهم واهو يجي ويقول لي كل شي واقوله ليش تجلس معهم يقول ماعلي منهم كيفهم احنا بالعمل ...
لاحظت عليه ان منفتره بسيطه ان فاتح موقع دردشه ويقول ان الشباب كله يتكلمون على الشات والدردشه فتحت بس اتفرج
زوجي يعرف ان شخصيتي قويه واني اذا حبيت حبيت باخلاص ولو حسيت بالغدر كل هل حب بينقلب كره شديد ويمكن مااغفر ابد ابد ابد ..
المهم اهو راعي تعليقات ولمن كنا بالسفر قال لي شرايك بهل موقف لهذي المراه توني سامع السالفه من واحديقول في رجال يموت على مرته ومخلص جدا لها وماعليها قاصر بس في نفس الوقت عنده خرابيط ويمكن يطالع مناظر ويمكن يسوي اي شي بس مايوصل للعميق مخلص لبيته وكله يبي معاهم ويسافر معاهم ....ومره من المرات زوجته طاحت عليه بعدين شلون تصرفت الزوجه قالت طالما اهو مخلص لي ومب مقصر علي خليني اعمل نفسي ماشفت شي واعطيه شويت مساحه وتغاظت عن اللي شافت...شرايك انتي؟؟؟
طبعا انا قلت له شنو يضمنها انه مايوصل للاعظم وأصلا اللي بيشوف هل مناظر الحرام مب يعوقه شي ثاني يسويه اذا اهو رضى على نفسه يسوي هل امور بيطور للاكبر والاكبر ومثل المراه مااهي مخلصه لزوجها اهو المفروض يصير مخلص معاها والا الثقه المتبادله بين الطرفين بتنكسر واهم شي الثقه بالحياه انا مستحيييييييييييل ...اشوف تصرفها غلط في غلط وبيتمادى اكثر لانها سكتت له..
قام زوجي سكت وقال اي بس في تصرفها شي من الصحه يمكن مو مثل المراه اهو محللله الشرع اربع
قلت له رجعنا لهذي الردود اللي في عقول كل الرجال منو قال ان الله محلل بدون مايكون هناك سبب كملو الايه اذا المراه فيها عاهه او عقيم او ....او...او مو بس والله دق في مزاجي اتزوج اتزوج وتوني شايفه برنامج لفوزيه الدريع على هل موضوع و....و.....المهم كلام طويل واهو اذا حاججته يقتنع ومايقدر يقول لي شي ويوافق كلامي ويقول كلامك صح بس حتى التصرف الثاني فيه نوع من الحكمه
المهم نرجع للمشكله الاساسيه لمن شفت هل امور على الاب توب على طول رجع لي كلامه بالسياره وقلت طلع يتكلم على نفسه ..
ماادري شلون جاتني القوه ولادمعه نزلت ..
رحت رفعت السماعه واتصلت عليه وقلت له ::::يافلان تعال ارحع ابيك بموضوع قال شفيك قلت له تعال وبس الحين(طبعا باسلوب عصبي وثوري ) سكرت السماعه على طول رجع اتصل قال شفيك قولي مااقدر الحين ارجع شصاير
قلت له لو ماترجع الحين الحين بلم اغراضي كلهم وبروح بيت اهلي وبديت اصيح واصرخ وقلت له هذا انت سمعت ..على طول حسيت خاف وقال لا ..اهدي انزين بجي بجي لاتروحين مكان
سكرت السماعه وبديت اصيح وقمت نزلت الشنط وبديت أكب كل دولابي بالشنط ..
ودخل علي قال شصاير قلت له قل لي الحين وبسرعه كم وحده تمتعت فيها ..
قال شالكلام ..بديت اصارخ واقول له كذاب الحين قل لي كم وحده لمست غيري ..
قال مافي شي وبدا بيكذب قال خليني افهمك انتي فاهمه خطأ هذا الماسنجر مو لي لواحد مب لي بس انا فاتحه كذا اتفرج
قلت له خلاص مب راضي تعترف وخر ماابي اطالع خلقت وجهك..وقمت بشيل الشنط
واهو يمسكني وانا اصارخ عليه لاتلمسني سمعت .يدك لاتجي علي ..ويقول خل افهمك ودخلنا في هواش قلت له لاتكذب خلاص انكشفت روح شوف رسايلك الخاصه انا اعرف اسلوبك واهو يحاول يكذب ويلم السالفه وانه مو اهو ..
قلت له انت روح شوف راح وشاف اني فاتحه الرسايل الخاصه اللي على الموقع ..
هنا أنهار وقال اي مب اكذب عليك اي الماسنجر مو لي بس هذي الرسايل اي انا
اهنا انا قمت اتنافض واصارخ وبديت أصيح واجنز ورحت بلبس عباتي واهو يمسكني ويقول اهدي قسما باللله نزوه والله مب اعيدها خل نتفاهم والله ماصار شي ماتعدت الكتابه بس ماشفت احد ولاكلمت بنت على الماسنجر ولاعلى الجوال
ماتعدت بس الرسايل قلت ماابي اشوف وجهك ولااسمع صوتك وخر لاتلمسني يالله طلقني ودني بيت اهلي ماابي اسمع شي اكثر ..أهو أهنا بدى يبكي عيونه حمرت وقال قسم بالله نزوه انا ماادري شلون سويت كذا انا غلطان وماراح اعيدها والله ماتزوجت ولاتمتعت ولاسويت شي احلف لك بالقران وصار منزل راسه ويقول انا مااوديك بيت اهلك مستحيل افرط فيك اذا انتي ماتبيني انا مااتركك ابد انا مجنون اخليك تروحين
طبعا انا ذيك اللحظه كرهته من كل قلبي ولااطالع بوجهه أحتقرته وقف قدامي مو مخليني اتحرك وانا ابي اكزه عشان اخذ عباتي واطلع قلت له مااقعد لك بالبيت ولالحظه ..
تبون الصراحه انا الكلام مو راضي يطلع من حلقي اختنقت بس اصيح واجنز على حالي .واهو يقول لي اهدي بس جلسي نتفاهم قصري صوتك انا غلطان ماابي العيال يسمعون شي..والله اللي تبينه كله يصير لاتكبرين الموضوع كل شي صار مايتعدى الكتابه فقط
وانا اصيح واهو يجيب لي الماي يحاول يحظني ويقول اهدي لايجيك انهيار عصبي (لاني كنت ارتجف وجاتني حاله قويه من الانهيار لدرجه اني حسيت مااتنفس )واهو يقول والله ماصار شي والله انا غلطان واسف هذ نزوه انا ماادري ليش سويت كذا..
الكلام طووووويل الزبده اني جبت له القران وحلف عليه ان مامره لمس بنت وبديت املي شروطي عليه وان اول شي يسويه عشان نتفاهم يفتح لي كل ايميلاته بغير ارقامهم وبحذفهم ووافق بسرعه وان لاعمره يفكر يروح سفره حتى لو كانت خطوتين مع ربعه وانه...انه....
وكل شي يقول لي حاضر وانا غلطان بس اهدي وانه بس كذا فتح الدردشه من كلام الشباب وصارت له نزوه ان ارسل لبنات
ويقول انا منقهر على روحي ليش سويت كذا وقال انا الحين في موقف حقير واستاهل اللي جاني...وأحمد ربي اني انكشفت قدامك عشان ماانجرف واتمادى الحمد للله على انه موقف صعب بس انا فرحان لانه صار عشان انتبه لروحي وانا ماادري ليش سويت كذا يمكن فراغ يمكن حيره ماادري اصلا مالي هدف من اللي سويته سامحيني ومن اليوم نبدأ صفحه جديده
بختصر لكم الموضوع لاني ابي اعرف الحين شرايكم شسوي ها الكلام من 3 ايام طبعا ..
انا اول ليله تميت ميته مو مشتهيته كلش.. واهو جاب عشى وظل طول الليل يهديني ويتاسف وفتح لي كل ايميلاته غيرتهم وحذفتهم اهم والمواقع وصفيت الاب توب حقه كله بعدين شقيت الرقم وقطيته يعني اهو مايقدر يفتح شي وانا بعد قطيت الرقم عشان ابليس مايرجع لي وافتح الرسايل مره ثانيه
لانه اتفقنا بعد التهديدات والوعود والشروط ان نفتح صفحه جديده,
واهو للامانه حسيت انه صادق وافق على كل شروطي حتى في ايميل عليه كل خواته وربعه ويحلف ان مااشترك فيه في موقع دردشه بس انا عشان يرتاح قلبي خليته يحذف كل كل ايميلاته واهو بالعكس تجاوب معاي وقال ادري انتي مب تثقين فيني ومعاك حق بس صدقيني كل حياتي السابقه معاك صادق مامره راسلت احد بس من كم شهر من فتحت الدردشه انجرفت بس وانتي كنتي شايفه وعارفه متى فتحت الدردشه خل نفتح صفحه جديده انسي كل شي شفتيه هذي نزوه باذن الله ماتتكرر ولاعمري افتح مواقع دردشه والا شات طول حياتي
وقال لي بطلب منك طلب نبدا من جديد وانتي بعد لاتعايريني باللي صار..وخل ننسى
طيب هذا في اليوم الاول
اليوم الثاني من الصبح جلست الجمره رجعت بقلبي قمت وخذت فراشي ورحت نمت بالمجلس أهو حس فيني جاني يدق علي الباب فتحت له وبديت أصيح مره ثانيه واتهاوش معاه مره ثانيه..
قال لاتخلين العيال يحسون بشي اذا انتي مب مشتهيه تشوفيني انا انام بالمجلس وخليك بالغرفه
مر هذا اليوم والاعصاب مشدوده بعدين كالعاده الالربعاء نتجمع ببيت اهلي وغصبن عني لازم اروح ..رحت وحاولت انسى ولا حسست احد بشي
رجعت البيت بنصف الليل تقريبا ومن دخلت وشفته رجعت لعقلي السالفه رحت له وقلت له ليش انتي سويت فيني كذا مب قادره ابي افضفض مو قادره اقول لاهلي وافضحك لان هذي بتكون خط النهايه ومافيها رجعه ومب قادره اسكت ارجع لك انت واسالك ورجع يهديني وصار نقاش مره ثانيه قال لي ازيد من ان الرحال يصيح انا صرت قدامك في موقف ذليل واستاهل عليه ..وانا نادم تبين ارقع راسي بالجدار ويطلع دمي عشان تصدقين ني نادم قولي لي انا بعد شسوي عشان تقتنعين انا اسف و...و....
اليوم الثالث كاني هديت وصرت طبيعيه لكن بس جلست الصبح وشفته رجع لي القهر كله ورجع يهديني ويقول قومي نطلع لازم مانظل بابيت يمكن اعصابك تهدى وفعلا طلعنا ومارجعنا الا قريب المغرب
اليوم الرابع اللي اهو اليوم اهو طلع من الظهر عشان مااشوفه قال ين اذا ماشفتيني تهدأين
شكله قرب الحين يرجع
وانا ماادري كيف انسى ابي تقولون لي حل هل فعلا بقدر اسامح وانسى
شسوي اذا حاولت انسى واشغل روحي بعد اشوي ارجع اذكر وترجع لي كل مشاعر الغضب
الحين اذا رجع رايكم شلون اتعامل معاه خذ كفايته من الاحتقار طول هل اربع ايام اتعامل معاه كيف؟؟؟؟؟؟؟
لاني الى الان ماشيه معاه صح حسسته بغلطته بكل معنى الكلمه عشان مايرجع لها مره ثانيه...لكن في نفس الوقت خايفه أشد معاه أكثر ويمل ويقول لي سوي الي تسوينه وأصير انا في هل حاله خربت اللي سويته ..
شرااااااااااااااااااااايكم انتظركم ضروووووووووووووري شورو علي قبل لايدخل البيت..أرجوكم انا بضيقه مايعلمها الا الله..
السالفه كالتالي:
أنا كان لاب توبي خربان وزوجي طلع عنده عزيمه عشاء ..فقلت يابنت روحي تسلي بالاب توب قلت اطقطق بالنت شوي على لاب توب زوجي
فتحته عادي بحسن نيه وشفت الماسنجر حقه مفتوح طبعا الايميل غريب مو ايميل زوجي اللي أنا عارفته....ولفت نظري صوره فيه كانه لبنت ولااطالع الماسنجر الا كله بنات .ارتعت واروح اشوف صفحات مفتوحه لمواقع دردشه
وفي موقع فاتحه اسمه موده نت
موقع للتعارف والزواج وكان مسجل نكنيمه يدخل تلقائي دخلت عليه وبعدين رحت للرسايل الخاصه شفت بلاوي وانه جالس يكلم بنات ويراسلهم على الخاص
وراسل لاكثر من وحده انه جاد ويبي يتزوج لظروف خاصه ماراح يقولها الا للجاده ومن هل كلام حبيبتي وماحبيبتي وفي رساله راسل ماارسلتي لي صورتك ومن هل كلام اللي يوجع القلب
طبعا قلبي صار ناااااااااااااااااااااااااااااااااااااااااااااااار
الصدمه هذي مابعدها صدمه
لا وفي رساله راسلها قبل مايطلع بساعه وانا جالسه يمه
الله لايحطكم بهل موقف الصعب
بقولكم نبذه عني انا امراه متربيه عدل واهو بعد ماعندنا خرابيط ولاحتى اذا جى مقطع وسخ بالتلفزيون نخليه وفي نفس الوقت انا ستايل وعلى الموضه ومو ناقصني شي من ناحيه الكشخه ولا الجمال والكثير يشيدون لي بالجمال ويغبطونه انه متزوجني
فتخيلو مقدار الصدمه اللي جاتني لان اهو بعد كنت ناسجه له صوره ورديه وكان كل شي يقوله لي
المشكله ان اهو بحكم دوامه يحتك بكل طبقات المجتمع وياكثر الموظفين الخربانين اللي معاه ويتكلمون عن مغامراتهم واهو يجي ويقول لي كل شي واقوله ليش تجلس معهم يقول ماعلي منهم كيفهم احنا بالعمل ...
لاحظت عليه ان منفتره بسيطه ان فاتح موقع دردشه ويقول ان الشباب كله يتكلمون على الشات والدردشه فتحت بس اتفرج
زوجي يعرف ان شخصيتي قويه واني اذا حبيت حبيت باخلاص ولو حسيت بالغدر كل هل حب بينقلب كره شديد ويمكن مااغفر ابد ابد ابد ..
المهم اهو راعي تعليقات ولمن كنا بالسفر قال لي شرايك بهل موقف لهذي المراه توني سامع السالفه من واحديقول في رجال يموت على مرته ومخلص جدا لها وماعليها قاصر بس في نفس الوقت عنده خرابيط ويمكن يطالع مناظر ويمكن يسوي اي شي بس مايوصل للعميق مخلص لبيته وكله يبي معاهم ويسافر معاهم ....ومره من المرات زوجته طاحت عليه بعدين شلون تصرفت الزوجه قالت طالما اهو مخلص لي ومب مقصر علي خليني اعمل نفسي ماشفت شي واعطيه شويت مساحه وتغاظت عن اللي شافت...شرايك انتي؟؟؟
طبعا انا قلت له شنو يضمنها انه مايوصل للاعظم وأصلا اللي بيشوف هل مناظر الحرام مب يعوقه شي ثاني يسويه اذا اهو رضى على نفسه يسوي هل امور بيطور للاكبر والاكبر ومثل المراه مااهي مخلصه لزوجها اهو المفروض يصير مخلص معاها والا الثقه المتبادله بين الطرفين بتنكسر واهم شي الثقه بالحياه انا مستحيييييييييييل ...اشوف تصرفها غلط في غلط وبيتمادى اكثر لانها سكتت له..
قام زوجي سكت وقال اي بس في تصرفها شي من الصحه يمكن مو مثل المراه اهو محللله الشرع اربع
قلت له رجعنا لهذي الردود اللي في عقول كل الرجال منو قال ان الله محلل بدون مايكون هناك سبب كملو الايه اذا المراه فيها عاهه او عقيم او ....او...او مو بس والله دق في مزاجي اتزوج اتزوج وتوني شايفه برنامج لفوزيه الدريع على هل موضوع و....و.....المهم كلام طويل واهو اذا حاججته يقتنع ومايقدر يقول لي شي ويوافق كلامي ويقول كلامك صح بس حتى التصرف الثاني فيه نوع من الحكمه
المهم نرجع للمشكله الاساسيه لمن شفت هل امور على الاب توب على طول رجع لي كلامه بالسياره وقلت طلع يتكلم على نفسه ..
ماادري شلون جاتني القوه ولادمعه نزلت ..
رحت رفعت السماعه واتصلت عليه وقلت له ::::يافلان تعال ارحع ابيك بموضوع قال شفيك قلت له تعال وبس الحين(طبعا باسلوب عصبي وثوري ) سكرت السماعه على طول رجع اتصل قال شفيك قولي مااقدر الحين ارجع شصاير
قلت له لو ماترجع الحين الحين بلم اغراضي كلهم وبروح بيت اهلي وبديت اصيح واصرخ وقلت له هذا انت سمعت ..على طول حسيت خاف وقال لا ..اهدي انزين بجي بجي لاتروحين مكان
سكرت السماعه وبديت اصيح وقمت نزلت الشنط وبديت أكب كل دولابي بالشنط ..
ودخل علي قال شصاير قلت له قل لي الحين وبسرعه كم وحده تمتعت فيها ..
قال شالكلام ..بديت اصارخ واقول له كذاب الحين قل لي كم وحده لمست غيري ..
قال مافي شي وبدا بيكذب قال خليني افهمك انتي فاهمه خطأ هذا الماسنجر مو لي لواحد مب لي بس انا فاتحه كذا اتفرج
قلت له خلاص مب راضي تعترف وخر ماابي اطالع خلقت وجهك..وقمت بشيل الشنط
واهو يمسكني وانا اصارخ عليه لاتلمسني سمعت .يدك لاتجي علي ..ويقول خل افهمك ودخلنا في هواش قلت له لاتكذب خلاص انكشفت روح شوف رسايلك الخاصه انا اعرف اسلوبك واهو يحاول يكذب ويلم السالفه وانه مو اهو ..
قلت له انت روح شوف راح وشاف اني فاتحه الرسايل الخاصه اللي على الموقع ..
هنا أنهار وقال اي مب اكذب عليك اي الماسنجر مو لي بس هذي الرسايل اي انا
اهنا انا قمت اتنافض واصارخ وبديت أصيح واجنز ورحت بلبس عباتي واهو يمسكني ويقول اهدي قسما باللله نزوه والله مب اعيدها خل نتفاهم والله ماصار شي ماتعدت الكتابه بس ماشفت احد ولاكلمت بنت على الماسنجر ولاعلى الجوال
ماتعدت بس الرسايل قلت ماابي اشوف وجهك ولااسمع صوتك وخر لاتلمسني يالله طلقني ودني بيت اهلي ماابي اسمع شي اكثر ..أهو أهنا بدى يبكي عيونه حمرت وقال قسم بالله نزوه انا ماادري شلون سويت كذا انا غلطان وماراح اعيدها والله ماتزوجت ولاتمتعت ولاسويت شي احلف لك بالقران وصار منزل راسه ويقول انا مااوديك بيت اهلك مستحيل افرط فيك اذا انتي ماتبيني انا مااتركك ابد انا مجنون اخليك تروحين
طبعا انا ذيك اللحظه كرهته من كل قلبي ولااطالع بوجهه أحتقرته وقف قدامي مو مخليني اتحرك وانا ابي اكزه عشان اخذ عباتي واطلع قلت له مااقعد لك بالبيت ولالحظه ..
تبون الصراحه انا الكلام مو راضي يطلع من حلقي اختنقت بس اصيح واجنز على حالي .واهو يقول لي اهدي بس جلسي نتفاهم قصري صوتك انا غلطان ماابي العيال يسمعون شي..والله اللي تبينه كله يصير لاتكبرين الموضوع كل شي صار مايتعدى الكتابه فقط
وانا اصيح واهو يجيب لي الماي يحاول يحظني ويقول اهدي لايجيك انهيار عصبي (لاني كنت ارتجف وجاتني حاله قويه من الانهيار لدرجه اني حسيت مااتنفس )واهو يقول والله ماصار شي والله انا غلطان واسف هذ نزوه انا ماادري ليش سويت كذا..
الكلام طووووويل الزبده اني جبت له القران وحلف عليه ان مامره لمس بنت وبديت املي شروطي عليه وان اول شي يسويه عشان نتفاهم يفتح لي كل ايميلاته بغير ارقامهم وبحذفهم ووافق بسرعه وان لاعمره يفكر يروح سفره حتى لو كانت خطوتين مع ربعه وانه...انه....
وكل شي يقول لي حاضر وانا غلطان بس اهدي وانه بس كذا فتح الدردشه من كلام الشباب وصارت له نزوه ان ارسل لبنات
ويقول انا منقهر على روحي ليش سويت كذا وقال انا الحين في موقف حقير واستاهل اللي جاني...وأحمد ربي اني انكشفت قدامك عشان ماانجرف واتمادى الحمد للله على انه موقف صعب بس انا فرحان لانه صار عشان انتبه لروحي وانا ماادري ليش سويت كذا يمكن فراغ يمكن حيره ماادري اصلا مالي هدف من اللي سويته سامحيني ومن اليوم نبدأ صفحه جديده
بختصر لكم الموضوع لاني ابي اعرف الحين شرايكم شسوي ها الكلام من 3 ايام طبعا ..
انا اول ليله تميت ميته مو مشتهيته كلش.. واهو جاب عشى وظل طول الليل يهديني ويتاسف وفتح لي كل ايميلاته غيرتهم وحذفتهم اهم والمواقع وصفيت الاب توب حقه كله بعدين شقيت الرقم وقطيته يعني اهو مايقدر يفتح شي وانا بعد قطيت الرقم عشان ابليس مايرجع لي وافتح الرسايل مره ثانيه
لانه اتفقنا بعد التهديدات والوعود والشروط ان نفتح صفحه جديده,
واهو للامانه حسيت انه صادق وافق على كل شروطي حتى في ايميل عليه كل خواته وربعه ويحلف ان مااشترك فيه في موقع دردشه بس انا عشان يرتاح قلبي خليته يحذف كل كل ايميلاته واهو بالعكس تجاوب معاي وقال ادري انتي مب تثقين فيني ومعاك حق بس صدقيني كل حياتي السابقه معاك صادق مامره راسلت احد بس من كم شهر من فتحت الدردشه انجرفت بس وانتي كنتي شايفه وعارفه متى فتحت الدردشه خل نفتح صفحه جديده انسي كل شي شفتيه هذي نزوه باذن الله ماتتكرر ولاعمري افتح مواقع دردشه والا شات طول حياتي
وقال لي بطلب منك طلب نبدا من جديد وانتي بعد لاتعايريني باللي صار..وخل ننسى
طيب هذا في اليوم الاول
اليوم الثاني من الصبح جلست الجمره رجعت بقلبي قمت وخذت فراشي ورحت نمت بالمجلس أهو حس فيني جاني يدق علي الباب فتحت له وبديت أصيح مره ثانيه واتهاوش معاه مره ثانيه..
قال لاتخلين العيال يحسون بشي اذا انتي مب مشتهيه تشوفيني انا انام بالمجلس وخليك بالغرفه
مر هذا اليوم والاعصاب مشدوده بعدين كالعاده الالربعاء نتجمع ببيت اهلي وغصبن عني لازم اروح ..رحت وحاولت انسى ولا حسست احد بشي
رجعت البيت بنصف الليل تقريبا ومن دخلت وشفته رجعت لعقلي السالفه رحت له وقلت له ليش انتي سويت فيني كذا مب قادره ابي افضفض مو قادره اقول لاهلي وافضحك لان هذي بتكون خط النهايه ومافيها رجعه ومب قادره اسكت ارجع لك انت واسالك ورجع يهديني وصار نقاش مره ثانيه قال لي ازيد من ان الرحال يصيح انا صرت قدامك في موقف ذليل واستاهل عليه ..وانا نادم تبين ارقع راسي بالجدار ويطلع دمي عشان تصدقين ني نادم قولي لي انا بعد شسوي عشان تقتنعين انا اسف و...و....
اليوم الثالث كاني هديت وصرت طبيعيه لكن بس جلست الصبح وشفته رجع لي القهر كله ورجع يهديني ويقول قومي نطلع لازم مانظل بابيت يمكن اعصابك تهدى وفعلا طلعنا ومارجعنا الا قريب المغرب
اليوم الرابع اللي اهو اليوم اهو طلع من الظهر عشان مااشوفه قال ين اذا ماشفتيني تهدأين
شكله قرب الحين يرجع
وانا ماادري كيف انسى ابي تقولون لي حل هل فعلا بقدر اسامح وانسى
شسوي اذا حاولت انسى واشغل روحي بعد اشوي ارجع اذكر وترجع لي كل مشاعر الغضب
الحين اذا رجع رايكم شلون اتعامل معاه خذ كفايته من الاحتقار طول هل اربع ايام اتعامل معاه كيف؟؟؟؟؟؟؟
لاني الى الان ماشيه معاه صح حسسته بغلطته بكل معنى الكلمه عشان مايرجع لها مره ثانيه...لكن في نفس الوقت خايفه أشد معاه أكثر ويمل ويقول لي سوي الي تسوينه وأصير انا في هل حاله خربت اللي سويته ..
شرااااااااااااااااااااايكم انتظركم ضروووووووووووووري شورو علي قبل لايدخل البيت..أرجوكم انا بضيقه مايعلمها الا الله..
