كرهت غرفة نومي والسبب

[مس مي]

السلام عليكم ورحمة الله وبركاته
بنات والله اني كرهت غرفة نومي والسبب انو ما بقدر اجلس فيه انا وزوجي لثواني حتى الا ويجوا اولادي يخبطوا الباب لو كنت مقفلتو ولو مو مقفلتو يفتحوا الباب ويدخلو :33: انا محتاجه اتكلم مع زوجي على انفراد الا يجي ولدي عمرو 6 سنين يقاطعني وابو يسمعلو :30: الله يهديهم ايش اسوي عشان اقدر اقعد مع زوجي على انفراد بدون مقاطعات المشكله انو زوجي معطيهم وجه ما يخاصمهم ويقزلهم لمن اكون في الغرفه انا وامكم لاتخبطوا لا بالعكس يضحكلهم :30:ويجلسهم معاه انا ابغا حل مع زوجي انو مدلع اولاده زياده عن اللزوم لدرجة انا اطلع بره الغرفه وهمه يجلسوا خصوصا ولدي متعبني بالحركه هادي اما بناتي اللاثنين عادي لو تركتهم بره الغرفه ايش اسوي مع زوجي عشان يكون حازم في هادي الاشياء
للمعلوميه عندي 3 اطفال ولدي 6 سنين وبنتي 4 سنين والبنت الصغيره 9 شهور:8:

 

[عصفوره زوجي]

اختي انا اعلمك شغله ا نا كنت اعاني من كدا انا عندي بنت عمرها 4 سنوات وبنت عمرها سنه و7 شهور ونفس الشي اذا دخلو ابوهم يخليهم ف ايش سويت
سرت اقول لي بناتي انو غلط ما تخلي غرفتي ابدا الا بعدما تدقي الباب اذا مارديت خلاص روحي بعدين انا افتح
حتى وبابا غرفتي مفتووح ممنوع يدخلو عشان عيب هادي غرفت بابا وماما والحمد الله مشي الحال كل يوم اذكرهم

 

[تلميذة ناعمه]

أعانك الله على تربيتهم تربيه صحيحه وجعلهم لك الذرية الصالحه التي تنفعك بالدنيا والآخرة ولكن علميهم واجلسي معهك عندما يكون والدهم غير موجود وفهميهم واجعلي لهم وقتا خاصا يجلسون به مع والدهم واخبري والدهم بذلك ..
عسى ان ينصلح الحال...وارجو الله ان يوفقك ويبارك فيك وفيهم...

 

[يمر طيفك]

الله يعينك ..

حطي لهم العاب قبل لاتدخلين غرفتك ..


سوي لهم ساندوشتات وصير وحطي لهم افلام كرتون او العاب وخليهم


تكلمي معهم ..

وحتى مع ابووووهم قووولي له ..


الله يكون بالعوون

 

[مس مي]

اختي انا اعلمك شغله ا نا كنت اعاني من كدا انا عندي بنت عمرها 4 سنوات وبنت عمرها سنه و7 شهور ونفس الشي اذا دخلو ابوهم يخليهم ف ايش سويت
سرت اقول لي بناتي انو غلط ما تخلي غرفتي ابدا الا بعدما تدقي الباب اذا مارديت خلاص روحي بعدين انا افتح
حتى وبابا غرفتي مفتووح ممنوع يدخلو عشان عيب هادي غرفت بابا وماما والحمد الله مشي الحال كل يوم اذكرهم

حبيبتي جزاكي الله على هالمعلومه بس المشكله انا عندي ولدي صعب شوي يعني عنيد شوي لانو ابوه مدلعو زياده عن اللزوم اكتر من اخواتو فكيف اتصرف معاه خصوصا انو عنيد شوي:7: وطبعا ابوه السبب

 

[يكفيني غلاك]

حاوووووووولي

لاجاء زوجك تنومينهم

ولا طلع ماتخلينهم نايمين تصحينهم

 

[طيبتي غيرهم]

من الافضل تتفاهمين مع زوجك بالشي اللي يضايقك وكمان تعودي اولادك غرفة النوم ما يدخلوها وعوديهم لا يخبطوا عالباب وقت ماتكوني انتي وزوجك في الغرفه وماراح تقدري تغيري شي الا اذا اتفقتي مع زوجك وساعتها بيسهل عليك الموضوع يعني ولدك الكبير عمره 6سنوات يفهم ايش يعني ممنوع عيب واذا الكبير مشى معاكي اللي بعده راح يقلدوه موفقه اسفه على الاطاله ​

 

[مس مي]

أعانك الله على تربيتهم تربيه صحيحه وجعلهم لك الذرية الصالحه التي تنفعك بالدنيا والآخرة ولكن علميهم واجلسي معهك عندما يكون والدهم غير موجود وفهميهم واجعلي لهم وقتا خاصا يجلسون به مع والدهم واخبري والدهم بذلك ..
عسى ان ينصلح الحال...وارجو الله ان يوفقك ويبارك فيك وفيهم...

جزاكي الله خير اختي انا بحاول اصلح الي ابوهم بيخربو هوه يحسب انو بهادي الطريقه بيجذبهم له مو عارف انو بيضرني ويضر نفسو

 

[الوااااان*]

6و 4 سنوات يفهموا

كلميه انه اذا انا وبابا بالغرفه ممنوع تجي ابدا


انا بنتي 7 سنوات والتانيه سنه ونص
والله حتى الصغيره تجي تحاول بالباب ينفتح
اما اختها تجيها وتاخذها
او نقول روحي ماما انا بجيك
ما تجي ثاني

يبغى لك صبر تعلميهم
والباقيين بيتعلموا منهم

 

[ريحانه 87]

بما ان ابوه هو اللي مدلعنه يعني ابوه هو الوحيد اللي يقدر اييب راسه
كلمي ابوه وخليه يفهم الولد انه مايدخل الغرفه الا الما يدق الباب واذنتي له بالدخول
اهم شي تفاهمي مع الزوج عن الموضوع وخليه يكلم الولد
وتوكلي على الله
وربي يسهل اموركم ان شاء الله ويعطيك على قد نيتك
سبحانك اللهم وبحمدك اشهد ان لا اله الا انت استغفرك واتوب اليك

 

[مس مي]

الله يعينك ..

حطي لهم العاب قبل لاتدخلين غرفتك ..


سوي لهم ساندوشتات وصير وحطي لهم افلام كرتون او العاب وخليهم


تكلمي معهم ..

وحتى مع ابووووهم قووولي له ..

حبيبتي الله يعطيكي العافيه ويجزاكي خير انا ما عندي مشكله في البنات لانو زوجي مدلع الولد مو البنات عشان كده ما اقدر اتكلم معاه كم مره قلتلو دلعك هادا مو كويس بس الله يهديه مو راضي يفهم هادا الشي

 

[مس مي]

حاوووووووولي

لاجاء زوجك تنومينهم

ولا طلع ماتخلينهم نايمين تصحينهم

ما اقدر حبيبتي لانو زوجي يجي العصر وولدي عندو مدرسه يعني لو نيمتهم العصر ما يناموا بالليل

 

[مس مي]

من الافضل تتفاهمين مع زوجك بالشي اللي يضايقك وكمان تعودي اولادك غرفة النوم ما يدخلوها وعوديهم لا يخبطوا عالباب وقت ماتكوني انتي وزوجك في الغرفه وماراح تقدري تغيري شي الا اذا اتفقتي مع زوجك وساعتها بيسهل عليك الموضوع يعني ولدك الكبير عمره 6سنوات يفهم ايش يعني ممنوع عيب واذا الكبير مشى معاكي اللي بعده راح يقلدوه موفقه اسفه على الاطاله ​

شكرا حبيبتي على ردك المشكله انو زوجي ما بيساعدني بهادا الشي يعني من يوم يجي على طول ياخدهم ويروح غرفة النوم حتى لمن يلعب اولاد اخواته يدخلهم غرفة النوم يعني صارت غرفة العاب مو نوم​

 

[أساورمن ذهب]

الله يفتح عليك اختي شوية صبر كل شي تمام اولادك يفهموا كلميهم واصبري عليهم وضلي ذكريهم وربي معاك

 

[مس مي]

6و 4 سنوات يفهموا

كلميه انه اذا انا وبابا بالغرفه ممنوع تجي ابدا


انا بنتي 7 سنوات والتانيه سنه ونص
والله حتى الصغيره تجي تحاول بالباب ينفتح
اما اختها تجيها وتاخذها
او نقول روحي ماما انا بجيك
ما تجي ثاني

يبغى لك صبر تعلميهم
والباقيين بيتعلموا منهم

حبيبتي انا زوجي اول ما يدقوا الاولاد الباب على طول يقوم ويفتحلهم

 

[نظرت المستقبل]

انا اقلك السر السحري والعجيب لولدك اشتري له بلاي ستيشن ( سوني ) والله ما بيتحرك من مكانه وتشوفي انتي بتصيري تترجيه انه يجي ما راح يرد عليكي

 

[مزgggن آلشـرق]

الله يعينكـ يالغلا , البنات ماقصروا بالحلول

 

[مس مي]

بما ان ابوه هو اللي مدلعنه يعني ابوه هو الوحيد اللي يقدر اييب راسه
كلمي ابوه وخليه يفهم الولد انه مايدخل الغرفه الا الما يدق الباب واذنتي له بالدخول
اهم شي تفاهمي مع الزوج عن الموضوع وخليه يكلم الولد
وتوكلي على الله
وربي يسهل اموركم ان شاء الله ويعطيك على قد نيتك
سبحانك اللهم وبحمدك اشهد ان لا اله الا انت استغفرك واتوب اليك

بصراحه انا ما اقدر على ولدي والسبب ابوه يعني يقولي ادبيه لو صرخ عليكي لمن اخاصمو يزعل ويقولي ليش تخاصميه وهوه يخاف من ابوه

 

[مس مي]

انا اقلك السر السحري والعجيب لولدك اشتري له بلاي ستيشن ( سوني ) والله ما بيتحرك من مكانه وتشوفي انتي بتصيري تترجيه انه يجي ما راح يرد عليكي

حبيبتي ابوه مو مقصر معاه في شي جاب بلايستيشين و بي اس بي و وي وكل الاجهزه
مو بقولك طلاباتو اوامر حيخرب الولد بالدلع وانا بقولو الله يخليك لاتخرب الولد بدلعك والله انت الي حتضرر لاحياة لمن تنادي

 

[مس مي]

الله يهدي زوجي انا كل همي انو خايفه يصير الولد زي ولد عمتو والله يا بنات انو ولد عمتو من كتر مو مدلع على كلام سلفتي عندو جوال في صور وسخه والله ولدي بيتعلم منو وعمر ولد عتو 11 سنه