كتماني السلبي وطريقتي في ايجاد راحتي

[ارااام]

هلا باحلى بلقيسيات ...
في البدايه احب اقول ان لي عشر سنين ابحث عن افضل وامثل والاهم الاريح طريقه للبوح وتنظيف القلب مما يكنه من مشاعر مختلطه لهذا الزوج هههههه امحق من تعبير ماعليكم اهم شي المعنى
انا بعد ماحسيت اني قريبا راح انظم للدول المحظوره من قبل الولايات المتحده بسبب مايحمله قلبي من مفاعلات نوويه تكاد تنفجر في اي لحظه قررت واعتمدت هالقرار وهو تنظيف يومي اول باول لقلبي مهما كانت النتائج
الي ابي اقوله الى متى تعبنا وملينا من الكتمان عشان نمشي حياتنا
طيب هل الكتمان افضل ام المصارحه والفضفضه افضل لحياة مستقره
اشلون افضفض ...اشلون انظف هالقلب قبل يوصل لمرحلة الانفجار
تنظيف يومي افضل ام تنظيف اسبوعي
طيب تنظيف يومي راح يتهمك انك نكديه
واسبوعي بيقول حاقده وماتنسي
بضرب امثله لتوضيح...1-زوجه اكتشفت ان زوجها يخفي عنها شيء ما سواء كان هالشي كبير او عادي ...وحتى لاتسوي مشكله تقول ياشيخه مشيها ناقصين احنا
2-زوجه ضايقها زوجها بفعل او قول وابو الشباب عاجز عن ان يقول اسف لانها ثقيله على لسانه وتنقص من رجولته (ابي اعرف هم اشلون فاهمين الرجوله)
بالتالي يطلبها للفراش هذا اذا كان مهتم بامرها وحاس انه غلط كتعبير للاعتذار وانهاء للمشكله الي ماانحلت ولكن عمل لها ديليت ضمن قائمة المشاكل المحذوفه وعشان ياقلبي الزوجه ماتخرب على زوجها وايضا تحظى بلحظه حميميه لاتفوت ورومانسية موقته هم تقول ياشيخه مشيها
3-زوجه متعطشه ...مشتاقه لكلمه حلوة ...لمسه حانيه اخ ياقلبي من هالانسان الجلف الجاف الي مو عارفه اشلون يستمتع بحياته وهو حارم ومحروم...هالحاجه الغريزيه اضطرت الزوجه ان تلغيها درءا للمشاكل لان ابو الشباب يقول انه مايعرف يعبر (ماادري وش الصعوبه في قول احبك واذا صعبه اقرب مسج منقول )
او انه يتعذر بتعب العمل وان هالتعب لهو دليل حب ويكفي موعارفه جالس على مكتب رجل على رجل ونت وووووواخر شهر مقابل لهذا المدعو التعب
او يرد بكل بساطه فاضيه ومدلعه ومتاثره بالافلام والمسلسلات (رحمتك ياااارب)اقول شكل المفاعل النووي بينفجر انتبهوا خخخخخ
المهم يابنات الحين نبي طريقه صح في تنظيف القلب وعدم الكتمان
ارجع اقول يومي اول باول وادق الحديد وهو حامي ومهما كانت النتائج اهم شي فضفضت وارتحت
والا اجمع وانتظر حتى تحين فرصه مناسبه واطلع الي بقلبي بس هل بتكون بتركيز وترتيب وتوصيل للي ابيه بالظبط ...هل بيستوعب مابيقلب الطاوله علي يحملني الغلط
عالعموم انا قررت اني انظف هالقلب اول باول واشتري راحته مهما كانت النتائج واليكم اول تجاربي ...
انا زوجي انسان طيب وحنون وتمام بس فيه عيب انه يجامل الي بره اكثر مني وله فتره ماجبلي هديه خخخخ ذبحني هالشي وفي يوم جاء من العمل واحنا نتغدا الا يقول اليوم شريت هديه لجيرانناجابو مولود (انا في بلد غربه وجيراننا مو مسلمين طبعا)قلت حلو قال تدرين هالشي لها معاني كبيره لازم نبينلهم معاني الاسلام واخلاق المسلمين عاد انا مقرره اني اول باول قلت حلو بس هم انك تجامل زوجتك لها معاني كبيره وانا اولى بهالمجامله وخيركم خيركم لاهله طبعا عصب وتنرفز ومني ومنه زعل وقام صدق تضايقت شوي بس ارتحت اني طلعت الي بقلبي وعرف اني انا اولى بهالمشاعر وطبعا الى الان واحنا مانكلم بعض بس بكيفه
والي تقول الوقت ماكان مناسب انا زوجي يجي من العمل ياكل وينام ويصحى يخرج ويجي اكيد يبي ينام يعني مافي وقت مناسب ابد وسلامتكم ادري طولت بس ياليت كل واحده تدخل تفيدنا حتى نتوصل لطريقه افضل ...سي يو

 

[احترت في امري]

والله كلامك يحكي عني تعبت من هالمخلوق العجيب
انا من رائي انك تجمعين وبعدين تنفجرين مره وحده
بس تدرين وش المشكله اني انسى وش كان مضايقني وهو من الي يلف ويدور الى ماينسيك وش كنتي بتقولين

 

[ارااام]

هلا اختي احترت في امري زوجك نفس الي عندي جربت اجمع واقوله مره واحده بس طريقته في اللف والدوران تنسيني وش ابي عشان كذا قررت اقوله الي مضايقني كل ماجات فرصه حتى لو مو وقته بس اهم شي اسلوبك يكون هاديء وكلامك يكون مرتب صح بيزعل ويعصب بس صدقيني بينه وبين نفسه راح يصحى ويفكر وينتبه الله يعين بس

 

[ام القلب الحساس]

آآه يعني فيه ازواج نفس زوجي والله اني قبل شوي يوم اصلي العصر اني ابكي وانا اصلي آآه
دائما معصب
اذاقام من النوم
ويطلع ومايجي الا الفجر
ما اقول غير حسبي الله ونعم الوكيل
تسلمين على الموضوع

 

[ارااام]

ام القلب الحساس ويامافيه بس مانقول غير الله يجبر بخاطرنا ويعوضنا خير ومسالة انه يخرج للفجر انا ولله الحمد مايطول حده 9 واذا تاخر 10بس لما يجي يكون قلبي مليان احتار هل اقضي هالوقت في معاتبه او استمتع بيه يعني هي كلها ساعه وبينام واذا اخترت تاجيل المعاتبه على كذا مو تتاجل الا بتندثر

 

[ارااام]

رفع نبي نستفيد ياناس

 

[الوجه المليح]

والله يا مرام كانك بتحكين عني

الفرق اني وزوجي بنتناقش على الموبايل لانو بدولة بعيدة فتخيلي معي كيف اوصل له زعلي وفكرتي....وهو بعيد

يعني لازمني انتظر اتصالو لحتى افرغ اللي عندي واحيانا بيكون بمزاج جيد وانا عكسو فكيف افرغ واعبر رح اخرب عليه راحتو وانطول بالمكالمة وممكن ينقطع الرصيد وانا ما كملت كلامي تو ممكن ننهي الاتصال بزعل جديد ولهذه المخاوف اتنازل احيانا على اللي مضايقني لان البعد مابيسمح لغير ذلك ....
وحين ينتهي الكلام بيننا وان كاان حلووو ما افكر فيه لان اللي بفكر فيه وبيسيطر علي هو زعلي السابق ....واللي ما درى به

يعني الله ايعين وبس

عاااايزة طريقة افرغ فيها اللي عندي ليرتااح قلبي تجاه زوجي واستمتع بكلامه.....وفي نفس الوقت ما اكوون نكدية ومنتقذة اعلم ان التطنيش والتغاضي هو الحل ولكن اخشى ان يسببا لي في انفجاار وعدم راحة واستقرار

 

[ارااام]

اختي الوجه المليح بما ان زوجك بعيد عنك فانا اقترح عليك ان تتركي المعاتبه الا اذا كان شيء كبير
خلي محادثتك له حب ورومانسيه استغليه طالما بعيد وحتى مايقول هذه نكديه وبعيده اجل لو اني معها وش سوت هههه لاتزعلي ياقلبي بس صدق حاولي تبعدي عن الزعل طالما بعيد عنك عشان مايلاقيها فرصه ويوسوسله الشيطان انت موقفك صعب مو مثل واحده مع زوجها في نفس البيت اذا زعل تداركت الوضع الله يوفقكم ويجمع مابينكم

 

[الوجه المليح]

يسلموووو يا مرام على الرد انا احااول اكون زي ما قلتي بس بعد المحادثة الوم نفسي ليش ماقلتلو كذا وليش....وليش....واوعد نفسي انو لما يتصل ثاني رح اقول اللي ما قلتو ولما يتصل ثاني انسى خخخخخخ واقول بنفسي خلااص مسكين خلليه واحتسبي الاجرهههههههه

الله ايعين وبس كثرة الهم بتضحك خخخخخ

 

[مفارقني الدلع]

الله يعينكم زوجي تقريبا مثل زوجك بس ماعلي منه ابخها في وجهها
خخخخخخخخخخخخخخ
وش نسوي ليه مايتحملونا أشمعنى أحنا نشيلهم على روسنا
وووووووالله

 

[نورة النورة]

لا حول ولا قوة الا بالله

وكلوا امركم لله عز وجل
والحياة المشاكل بهاراتها

الصبر ثم الصبر............​

 

[قلب هلو]

jhhhhhhhhhhhhhhh

 

[رحـى]

صباحك خير و بركة يالغلا,,
بالنسبة لي,,العادة لما أتضايق من حياة روحي,, من تصرف معين,,أو أكتشف شيء,,أكلمه بهدوء,و بثقة و بكلمات قليلة و بسيطة و واضحة,,و أعامله بشكل رسمي,,بس بدون رومانسية,,
وماشاءالله,,يحس بسبب إنزعاجي منه,,وبيحاول يصلحه بالحوار,و الضحك,,
بإمكانك تتعرفي على نمط زوجك الغالي,,وشوفي إيش الطريقة المناسبة لإيصال المعلومة له,,و أضيفي من إبداعاتك الأنثوية,,
و الفضفضة,,إلزمي الصلاة,ثم إدعي بما في قلبك,,ونعم بالله,,
إلهي يسعدك دوم,ويسخرلك زوجك الغالي بكل جوارحه,,ويطيب خاطرك بما تودين,, اللهم آمين يارب,,

 

[ارااام]

مشكوره رحى وانا متبعه هالاسلوب حاليا بس مشكلته يتنرفز ويعصب يحس نفسه ملاك مايغلط مايبيني ابد اقول انه مقصر والا غلطان بس والله ماعاد صار يهمني اهم شي الي في قلبي يطلع مشكوره عالمرور ياقلبي

 

[القلب المهموم]

انابصراحه صرت اطلع كل الي في قلبي برساله لجواله لانه من النوع العصبي وقت المناقشه ويحاول يهرب منها قلت مافيه الا الرساله واحيانا اسلوب التطنيش لانه نفعني كثيرلانه بعدها يشعر باالندم وتعويضي اما بهديه مفاجاه لي او فلووس او طلعه معاه بس يبقى اثرالمشكله في نفسي وخصوصا اذا مشكله مستحيل تنسينها

 

[ارااام]

هلا بالجميع واختي القلب المهموم اسلوب الرساله اتبعتها فتره بس مانفع بعد كل ماتصير سالفه يطلع من البيت ويقول لااشوفك ترسليلي رساله الحين خخخخخخ صار يعرف اسلوبي والتطنيش ابد ماينفع ومايحسسه بالندم ماادري احس يخليه يتمادى ووجهة نظري الخاصه ارفض هديه او اي شيء قبل حل المشكله لاني احس هالاسلوب بس عشان يلهيني وينسيني المشكله لانه مايبي يتناقش
اسلوبي المتبع حاليا اتناقش معاه بهدوء وجديه سمع ماسمع عصب ماعصب اهم شي اوصله الي ابيه بس اهم شي اسلوبك يكون راقي وجدي في نفس الوقت واحس كثير فادني موفقين خواتي

 

[ناديه#]

ام القلب الحساس ويامافيه بس مانقول غير الله يجبر بخاطرنا ويعوضنا خير ومسالة انه يخرج للفجر انا ولله الحمد مايطول حده 9 واذا تاخر 10بس لما يجي يكون قلبي مليان احتار هل اقضي هالوقت في معاتبه او استمتع بيه يعني هي كلها ساعه وبينام واذا اخترت تاجيل المعاتبه على كذا مو تتاجل الا بتندثر

حبيبتياذا انتي ودك تستمتعين هذيك الساعه استمتعي وحتى لو العتب اندثر خليه يندثر اكيد مو مهم مره لو كان مهم بيضل ملازمك
اما اذا كنت شايله بقلبك هذيك الساعهفطلعي الي بقلبك ..