كاريه الدجاج الذيذ والبسيط

[لاريسيا]

باعطيكم طريقة كاريه وااااايد لذيذه وسهلة وانشاءالله بتعجبكم لاكن الله يعينكم ع ازواجكم كل يوم بيقولون لكم طبخيلي :icon30:
المقادير :

طبعاً حق شخصين لان بس آنه مع زوجىى في البيت{ الله يرزقنى الذرية الصالحة}

1. نصف دجاجة نقطعها من النصف وطبعاً نغسلها وننظفها
2. 2 روب (زبادي)..
3. بهارات صحيحة (هيل،مسمار،دارسين، فلفل اسود) عدد 2 من كل نوع ماعدا الدارسين يكفى واحد
4. بهارات مطحونة على حسب رغبتكم
5. 1ملعقة طعام كارية(كركم)
6. بصل ، ثوم،كربته
7. 2ملعقة صلصل ، طماطم واحدة

الطريقة :
في جدر نضع قليل من الزيت ثم نشوح الدجاج لين يتغير لونة ...
ثم نضعه ع جهة...
في نفس الجدر نشوح البصل والثوم المدقوق ثم نضع البهارات الصحيحة والكربته ...
نضع ملعقتان صلصة و طماطم عدد (1) مقطعة مربعات وثم نضع الروب (الزبادى) بعد رجه طبعا

نسكر عليه لمدة 5 دقائق تقريباً
ثم نضع الدجاج وقليل من الماء حوالى استكانة شاى
وفلفل حار حسب الرغبة وكزبرة
ثم نسكر عليه لمدة نصف ساعة ​

ويقدم مع الرز او الخبز وبالهناء والشفاء​

 

[لاريسيا]

مسامحة الصور مو متوفرة عندي لكن صدقينى روعة

 

[صبوحة الشحرورة]

يعطيك العافية شكلي بجربها يسلموووووووووووو

 

[لاريسيا]

شدعوه بنات ............محد علق ع طبختى :dunno::no::icon28::icon28:

 

[لاريسيا]

مشكووووورة يالشحرورة ......ياريت تجربينها صدقيني بتدعيلي

 

[فراغ وقهر وظلم]

يسلمووو فديتك ^_^

 

[لاريسيا]

الله يسلمج وبالهناء والعافية مقدماً

 

[أحبه ولكن]

يسلمووو ياعسل ,,,,انا بسويها بكرا ع العشا ان شاء الله

 

[أم عايشه 2009]

طبعاً حق شخصين لان بس آنه مع زوجىى في البيت{ الله يرزقنى الذرية الصالحة}

اللهم اميييييين يارب العالميين

الصرااحه جربتها وحدهااااااا حلووه صرااحه لذييييذه واليوم انشاء الله اذا الله كتب

راح اسويها , يعطيج العافيه الشيخه وتقبلي مروري فديتج

 

[أم ايلانه]

مشكوووووووره

 

[لاريسيا]

الله يعافيكم .... ومشكورين
(أحبك ولكن .... أم عائشة{عمري القمر اللي طالع) .... أم إيلانة )
وأتمني انكم صدق تجربونها ع فكرة اتمني انكم تشوفون طبقي الثاني ((المقبلات))

 

[my and you]

تسلمووووووووووو
يعطيك الف عافية

 

[نور عيوني]

يعطيك العافيه
وانا نويت سويها

بس عندي سؤال
بصل ، ثوم،كربته

شنو كربته؟؟؟؟؟؟؟؟؟؟؟

 

[الدلع طبعىH]

مشكوره اليوم انا سويته بس حطيت بدل الزبادى قشطه وشوى نشاء

 

[لاريسيا]

الكربتة عبارة عن نبات ورقي لونة اخضر سألي عنه الخضار(محل الخضار) وممكن تلقينة مجفف في السوبرماركت راح اتشوفينة صوب البهارات ع فكرة يعطي الطبخه رائحة ونكهه لذيذة وهو متعارف عن الهنود اكثر
ومشكوووورة ع المرور .......جربيها

 

[NicE-GirL]

حبيبتي الكاري غير الكركم



حددي لنا كاري او كركم

وصفة شهية مشكووووووورة حبيبتي

 

[NicE-GirL]

يمكن الكربتة


هي الغار


اللي يكون على شكل ورق اخضر صغير وجاف


مشكوووورة حبيبتي

 

[أمواج بلا شاطئ]

مشكووووووووووووره حبيبتي بس مو جنه 2روب واجد أنا أسويها صراحه حلوه
بس اسوي معاها عيش مشخول وحط نصه بالجدر بعدين خلطة الدجاج وباقي العيش وغطي الجدر بقصدير وخليه على نار هاديه تقريبا نص ساعه

 

[لاريسيا]

هلا خواتي صح الكربته هي ورق الغار
2روب الكمية معقولة اختي والله ماعندي فكرة بس كل واحد وتفننه بالطبخ
وصحتييييييين

 

[لاريسيا]

قشطة!!!!!!!!! مادري ماجربت بس ممكن نستبدل الزبادي بحليب جوز الهند