قولولي كيف

[عبرالاثير]

كيف تطلب المراه من زوجها انه يعتني بجسمه ورائحته من غير ما تجرح مشاعره

 

[عبرالاثير]

لله اكبر 17 مشاهده ولا وحده ردت علي :icon28: ترى هذي السالفه مشكلة كثير من اللي اعرفهم خصوصا اللي زوجها مدخن :smoke1:

 

[aldana]

أفضل حل أنك تشترين له أدوات النظافة ...وتكون مميزة حتى يهتم بها ..

احضري له غسول للفم ...وأخبريه أنك بحثتي عنه طويلاً لأنه مميز جداً ويعقم الفم لفترات طويلة ..

ضعي أمامه باستمرار (علك بنكهات مختلفة ...وبولو)

وعندك مثلاً من نكتار أو بودي شوب ..بروائح رجالية تعجبه ...وتكون بها خاصية معينة ...مثلاً هذا الصابون يقشر البشرة وينظف بعمق ...وهذا الكريم يحافظ على بشرتك بعد الحلاقة ويعقمها ويمنع البثور ..
وهذا مزيل لرائحة العرق ...يدوم طويلاً ........

اشتري الطقم كاملاً وضعيه أمامه في الحمام ...بشكل يسهل عليه استخدامه ...

اشتري له روب للحمام يكون ناعم ...وجاهز باستمرار عند البانيو .

املئي له البانيو برغاوي كل يوم فور حضوره من الدوام ...

ببساطة شجعيه وسهلي عليه المهمة ...

 

[هالوجين]

تصدقين اني اعاني من نفس المشكلة بس الظاهر ان ملها حل واصلا سبب برودجنسي

 

[شموخ ورده]

ماشاء الله رد الدانه جدا كافي

 

[الحرير الأبيض]

شجعيه تروحوا تعملوا تنظيف لاسنانكم بعياده خاصه وخبريه انك سمعتي دكتور اسنان يحكي عن ضرورة عمل تنظيف كل سته اشهر وللمدخن كـل ثلاثة اشهر
كمان اختاري غسول فم جيد وحثيه على استخدامه بطريقه غير مباشره مثلاً احكي له انك شريتي هذا الغسول وهو ممتاز وبيعطي انتعاش ورائحه طيبه للفـم
وممكن تجيبي قصص بطريقه غير مباشره عن حالات قريتيه او سمعتيها كيف ممكن الرجل يهمل نفسه وزوجتوو بتعاني
من ناحية الاستحمام تعاليه بكلام طيب وبتشجيع حاولي تجهزين له ملابسه كل يوم النظيفه وتجهزي فوطته وجل الشور والشامبو تبعه وقوليله الشور بصباح بيعطي انتعاش وبيصحصح الشخص لو كانت خمس دقايق
واذا جا من الدوام قوليله كيف الجو حار ومحتاج يريح اعصابه بالبانيوو ..
وحتى لو هو تكاسل شجعيه وقوليله راح اتحمم وياك وخلي يشوف كيف تجربه ممتعه ...

 

[أحلى عيون]

انتي نظفيه ..

مش يقولون ان الرجل مثل الطفل ... ؟ لو كان ولدج شو بتسوين فيه ؟؟
اول ما يدخل .... رتبيله ملابسه ودخنيها وعطريها .. وخلي الحمام جاهز ..

دخلي معاه سبحيه .... وهو حتى بيستانس عالسالفه ...
سويله مساج فراسه ويا الشامبو ... دلكي ظهره ...

استمري اسبوع ولا اسبوعين .. عقب بروحه بيتعود النظافه ..

لما تسولفين وياه ،، قبل الكلام ،،، حطي في حلجك لبانه ،، وحطي في حلجه بعد ..

قبل النوم ،،، مسكي يده ،، وقوليله تعال عندي لك سالفه ،، وبدون ما يحس خليه
ايي معاج لين الحمام .. وفرشوا اسنانكم مع بعض .. وانتي تقوليله السالفه ..

حاولي تخلين سالفه النظافه لعب ..

وإذا ما فاد ،،، انصحج تصارحينه

 

[افرجها يا كريم]

أنا اتضايق مو من عدم نظافة جسمه او ريحته لانه الحمدلله صار يهتم بهذا كثير
لكن اتضايق من عدم اهتمامه في ملابسه -الله يهديه

يلبس لبس مبهذل في البيت وهو عارف اني متضايقة من كذا

يلبس اللبس الى ان ينتهي<<<<<<<<<الله يعينا

 

[خبيره ومتخصصه]

عبر الاثير
اولا يتطلب منك ان تتناقشي معه
ومايمنع انك تستحمي انتي وهو راح ينبسط علي الاخر وحتمال يطلب منك في كل مررره
ومن واقع هالاعمال راح يفهم اكيد

 

[sad face]

أفضل حل أنك تشترين له أدوات النظافة ...وتكون مميزة حتى يهتم بها ..

احضري له غسول للفم ...وأخبريه أنك بحثتي عنه طويلاً لأنه مميز جداً ويعقم الفم لفترات طويلة ..

ضعي أمامه باستمرار (علك بنكهات مختلفة ...وبولو)

وعندك مثلاً من نكتار أو بودي شوب ..بروائح رجالية تعجبه ...وتكون بها خاصية معينة ...مثلاً هذا الصابون يقشر البشرة وينظف بعمق ...وهذا الكريم يحافظ على بشرتك بعد الحلاقة ويعقمها ويمنع البثور ..
وهذا مزيل لرائحة العرق ...يدوم طويلاً ........

اشتري الطقم كاملاً وضعيه أمامه في الحمام ...بشكل يسهل عليه استخدامه ...

اشتري له روب للحمام يكون ناعم ...وجاهز باستمرار عند البانيو .

املئي له البانيو برغاوي كل يوم فور حضوره من الدوام ...

ببساطة شجعيه وسهلي عليه المهمة ...

تمااااااااااااااااااااااااااااام

 

[لحظات]

سبحان الله يا اخواتي
الكل يعاني من تقصير الرجل
في الاهتمام بنظافته الشخصية

أنا بالعكس اعاني
من اهتمام زوجي بنفسه لدرجة مو طبيعية
عنده حب لذاته
بشكل مو طبيعي

احس هالشيء وااايد ينرفزني ويوترني
صرنا في سباق أنا وهو
للعلم أنا الحمدلله والشكر
جميلة وأنيقة واحلى منه بواااايد
وفي كل مكان اكون محورالانظارو الاهتمام

بس في كل طلعه لازم نتناقر ونتهاوش
اذا جيت اتمكيج يقولي مولازم تتمكيجين انا تعجبيني بدون مكياج لاتلبسين هالعباية وايد ملفتة لاتلبسين هالخواتم اشكالها تلفت بيدك
للعلم زوجي غيور جدا ؟؟؟
وتعالي شوفيه اهو يوقف ساعه بس يرتب لحيته ويرتب غترته ويتبخر وينسق الساعة مع البزم مع الصندل ويتعطر تقولين معرس لا ويقولي وش رايك في شكلك النهائي
هذا حالي كل يوم معاها

انتظر ردودكم وش الحل مع هالرجال
؟؟؟​

 

[أميرة زوجي]

وتعالي شوفيه اهو يوقف ساعه بس يرتب لحيته ويرتب غترته ويتبخر وينسق الساعة مع البزم مع الصندل ويتعطر تقولين معرس لا ويقولي وش رايك في شكلك النهائي
هذا حالي كل يوم معاها

حبيبتي لحظات ... وانتي ليه زعلانه:no:؟؟؟؟؟؟
بالعكس المفروض تفرحي يا قلبي.. هو ما بيسوي كل دا عشانك؟؟ :icon30:
وإزا كان عالغيره... اكيييييييد لازم يغار عليكي.. انتي بنفسك قلتي انك ماشالله حلوه وانيقه:cupidarrow:

ولووووووووووو:msn-wink:
​

 

[لحظات]

هلا حبيبتي
مشكورة على ردك ويعطيك العافية​

 

[الطايشه]

مادري بس اذا الواحد ماهتم بنفسه من نفسه محد يقدر يجبرة حاولي مثل ماقالوا البنات والله يوفقك

 

[الطايشه]

لحظات حبيبتي من يحصله هلايام رجال انظيف الله يسعد يارب والله اعتقد انك محظوظه بس لزم تهتمي في نفسك اكثر منه لا نه راح ينظر لك انك مو مهتمه بنفسك الله يوفقك يارب

 

[سلة فواكه]

الله يساعدج حبيبتي
فعلا اشتريه له اشياء تحببه بالنظافه وكرريه عليه باسلوب ما تحسسينه بالاحراج من خلاله ان النظافه من الايمان وان الزوجه تحب زوجها يكون متهم بنظافته وريحته

 

[بنوتة 911]

سبحان الله لاكدة عاجب ولا كدة عاجب اذاكان مطنش وبدا يهتم نقول تغير ت خير وش عندك شايف شوفة واذا مصخها اهتمام نقول طفشنا {مجرد رأي}​

 

[أمجاد العرب]

ما شاء الله الخوات ما قصروا...

أنا أحس ان الزوج مثل الطفل لازم تعوديه على النظافة بالتحفيز والتشجيع...

وأفكار الأميرات واايد راح تسهل لج المهمه....

بالتوفيق....

 

[لحن الأنوثة]

ما شاء الله البنات ما قصروا

_________________

 

[يامال الجنه]

ماعندي اضافه بس اهم شيء انك تاخذين ملابسه باستمرار وتنضفينها وياريت يكون يومي واما جسمه فلازم يكون هو عنده اهتمام