قولولي أنا غلطانةولا لأ الله يخليكم عطوني الحل

[دندزشا]

السلام عليكم بنات هذا أول مضوع اكتبه بس للاسف موخوش موضوع أنا تطلقت من ثلاث أيام ونفسيتي بالحضيض مشكلتي ابتدت من أول شهور زواجنا ماكو توافق بالأفكار بيني وبين زوجي وااااايد متشدد وعنده قوانين بالحياة ومعظم الأشياء عنده ممنوع ورده على أغلب الطلبات( لأ) ولما تزوجني كان شرطي إن أكمل دراستي الجامعية واستمر بسياقة السيارة ووافق وبعد الزواج طلعني من الجامعة وحرمني من السيارة ومن متع الحياة البسيطة لا زوارات عائليه ولا عروس مع بعض الاستثناءات البسيطة واذا وافق كان يتنرفز علي طول اليوم وسمعني من الكلام الجارح وماكو طلعات حتى معاه كانت طلعاتنا نادرة جدا بس أقعد بالبيت واجابل اليهال ووافقت على هذي الحياة 13 سنة أنجبت منه خمسه الله يحفظهم وخليهم لي أطالع الله وأطالعهم حياتنا كلها مشاكل مستمرة ومتواصلة كل شهرين أو كل اسبوعين نزعل بعدين نرظى وبعدين نرد نزعل مرة ثانية بتقولون لي ليش تحملت كل هذي السنين؟ بقولكم ليش لان على قسوته وجفافه معاي كان محسسني إن هذا كله من خوفه علي ومن حبه الكبير لي وكان واااايد كريم معاي ويهتم فيني ويعطيني الحنان ودافع عني حتى ضد أهله ومايخلي بخاطري شي اللي يقدر عليه اسويلي اياه فتحملت الحزن الكبير اللي كان اسببلي اياه وطبعا في تفاصيل وايد ماله داعي أذكرها وكنت بكل زعله بينا أوازن الأمرين كفه حبه واهتمامه لي وبالكفه الثانية قسوته علي فكنت أتحمل لما أفكر بحبه لي علشان ماأبي المشاكل وهو نوعه إغار حييييييل ومجنني بغيرته اللي تتحول إلى شك وعدم ثقه ويعلم الله إني أخلصتله بكل أمانه ووفاء وكان تارس عيني إلى أن جاءت المشكله الأخيرة فانفجرت وانهرت وطلبت منه اطلقني وطلقني .......ومن ذاك اليوم وانا منهاره اشلون هنت عليه طلقني بكل سهوله باعني تنازل عني ويدخل البيت ويطلع ولاكأن فيه شي وشكله مو مهتم ولا حتى ندمان على الطلاق كأنه ماصدق وافتك مني وانا دموعي شغاله ومنهاره ونفسيتي تعبانه مو قادره آكل إلأا القلييييل جدا والأكل ماله طعم شي غريب قاعده أقرا سورة البقره كل يوم وهو أحيانا اشوفني اقرا القرآن حتى ما أكسر خاطره أنا كل اللي فكرت فيه حاليا إني أسوي شرع الله وأقعد ثلاث شهور عنده لين الله اسير الأمور قولولي شنو لازم أسوي ياريت اترد علي الدكتوره ناعمه .....

 

[سهم العشق]

الله يعوضك خيرا ان شاء الله 00 ​

 

[swiet]

انا ما اقول لك غير الله يصبرك معليش يا اختي عشان خاطر العيال اجلسي في بيتك وعادي عيشي الحياه كن ماسار شي وكلمية عادي واطبخي والبسي وسوي روتينك زي ماهو ولاتنقصي شي وطبعا لاتنسي الدعاء والاستغفار والصلاه في اخر الليل والله يفرج همك ويسر امرك ويهون لك كل عسير يارب
اللهم امين
تحياتي​

 

[ألحان نازفة]

الله يكون بعونك أختي عليك بالإستغفـــاروالدعاء

 

[الشتاء الدافئ]

تصرفك سليم ....استمري في الدعاء وقراءة البقره وزيدي على ذلك الاستغفار وقيام الليل وابقي في بيتك وتصرفي بكل قوه وكرامه وعزة نفس وبيرجعك ان شاءالله مكرمه معززه...والاهم راجعي نفسك واسباب الطلاق ولاتكرري ذلك بل حسني من وضعك مع زوجك وحافظي على بيتك من اجل اولادك وسعادتك...

 

[ثقتي بصمتي]

الله يفرج همك يارب

 

[لمسات حالمه]

لايشوفك منكسره لانه بيشوف انه كذا بيعاقبك وبتكبر في راسه

وولكن عيشي حياتك طبيعيه (ولو بالتصنع) واهتمي ببيتك واطفالك وقومي بواجباته
واللزمي الاستغفار ودعاء ايوب عندما مسه الضر ( ربي مسني الضر وانت ارحم الراحمين)

الله يكشف عنك الغمه ويعدي هذه المشكله على خير ماتتمنى نفسك​

 

[المهره الاصيله]

لا حبيبتي لاتنكسرين ولا شي عيشي حياتك طبيعي انتي من اليوم قوي نفسك بعدين انتي عندك اسلحه قويه تقدرين تحاربينه فيها وانا ابصملك انه اذا يحبك راح ينهر من بدايت الحرب انتي قلتي انه غيور عليكي استثيري غيرته البسي وتعطري وغيري في شكلك ابهريه خليه يخاف حاولي توصلي له راساله انك تسوي كذا علشان تشوفي حياتك بعد ما تخلص العده فهمي العيال وهو يكون قريب وقولي لهم انك بتشترين سياره وانك راح تواصلين دراسه واوعديهم وهو يسمع با حياه جديده وكل شي راح يتغير بعد فتره خليه يسمع صدقيني راح يخاف ويتحرك قومي انتي بس وانفضي عن نفسك الحزن وراح تشوفين ولا تنسين الاقران والصلاه اخر اليل

 

[دانة الشام]

استخيري الله وإذا الله ألهمك تبقي في بيتك ابقي وضلي جنب زوجك وولادك وزوجك أكيييييييييد بهل فترة سيفكر ويفكر ويعيد التفكير وسيندم على تسرعه بقبول طلبك وهو تطليقك لأن يلي بينكم مو سنة أو سنتين هاي عشرة عمر وخمس أولاد الله يحفظهم مو بهسهولة رح ينسى العشرة...هلأ عم تقولي مو مهتم ولافارق معه لأن القصة بأولها وزوجك لسى مقهور من يلي صار بينكم بس قطعا قطعا بعد مضي فترة بيراجع نفسه وأكيد بتشوفي منه بوادر تلطيف للجو بينكم...ياأختي في هذه الدنيا ماحدي مرتاح وإنتي عم تقولي زوجك عنده ايجابيات خلتك تعيشي معه 13 سنة معنى هذا إنك حفظتيه وحفظتي طباعه اصبري مشان أولادك وحاولي تتحاشي المواضيع التي تسبب مشاكل بينكم وادعي له بالهداية ...الله يهدي النفوس ويصلح الحال.