قلق مستمر من اهل زوجي!!

احصائياتى
الردود
4
المشاهدات
2K

كعب الغزال

New member
معلومات كعب الغزال
إنضم
3 مايو 2010
المشاركات
46
مستوى التفاعل
0
النقاط
0
قلق مستمر من اهل زوجي!!
السلام عليكم ورحمة الله وبركاته..

كيفكم خواتي؟

حبيت افضفض شوي ومالي غيركم يمكن أحصل طريقه اكمل فيها المشوار مع أهل زوجي بطريقه واسلوب يريحني وما يسبب لي القلق..

عزيزاتي انا تزوجت من 5 سنين وعندي عيال الله يحفظهم واعمارهم 5, 3, 1 اللهم لك الحمد والشكر..

مرتاحه جدا مع زوجي وهو إنسان جدا كريم ويحبني ويحترمني كثير ويقدرني ويقدر عياله واهلي.. يعتبرني الصديقه والزوجه . حكيم جدا وهو ناقد كبير وما يجامل ابدا ف الغلط يعني لو والدته او اخته او اخو غلطوا يعترف وحتى انا يعاتبني ع الغلط وينبهني ..

المشكله يا طويلات العمر بديت أمل من اهله 5 سنوات عرفت وشفت تصرفات وسمعت كلام.. عندهم تشتت غريب يعني كل شخص يتكلم عن الثاني فلانه(أخت زوجي الكبيره) تتكلم عن فلان وفلانه حتى لو اخوها أو زوجة أخوها أو زوجة أخو زوجها.. حتى عن أختها يعني ما شاءالله خطفت عليهم كلهم بس بالامانه هي طيبه كثير بس احسها ما تهدي الوضع لااااااااا احس إنها تحل اي مشكله تصير بس من تحت لتحت تتكلم من وراءهم.. تكلمت عن اختها وإنها أنسانه ماديه كثير وما تحب غير الناس اللي عنده فلوس وانا بصراحه ما لاحظت هالشي. تتكلم عن اخوها إنه يحاول يخرب ع ولدها ف الشغل.. تكلمت عن زوجة اخوها وزوجة أخوها تنحط ع الجرح يطييييييييييب والله إنها فله بس صحيح الانسان ما يخلي من العيوب وتصير بنت خالتهم .. اخت زوجي الاصغر وحده تحب اختها كثير وتلقدها يعني تشحنها أحس خلاص الصغيره طبق الاصل من الكبيره لدرجه صارت تتكلم عن بنات اخوها واليوم رسلت لي مسج تسالني صح فلانه ( بنت اخوها) تسال عني وتحاول تعرف إذا انا أجرت فساتيني ولا لا؟ انا استغربت من المسج قتلها لا والله محد سالني ولا تكلم عنك واذا سألوني وش فيها عادي... ومره رسلت لي مسج تقولي فلانه زوجة اخوي اللي هي بنت خالتهم تكرهني. قتلها من قالك هالكلام قالت اختي الكبيره سمعتها وقتلها يا بنت الحلال والله إنها تمدحك كثير وبالامانه ما ترضى عليكي بشء وهذا فعلا حقيقي لانه بنفسي سمعت كلامها وهي تمدح في اخت زوجي الصغيره (عمرها تقريبا 28 وبعدها مو متزوجه واخر العنقود.

احسها مشحووونه من اختها الكبيره... خلاص انا تعبت مافيني ادخل ف متاهات

صرت احاتي واخاف يتكلموا من وراي لاني فعلا حاسه بهالشيء رغم اني ما غلطت معهم بشي واللله الشاهد بس صرت اجاملهم كثير صرت اتصنع االاهتمام فيهم عشان محد يتكلم عني.. وعمتي وانانيتها من صوب صحيح هي طيبه بس انانيه كثييييييييير وهذا متعبني.. بنتي الصغيره تبي تروح بيت خالتها كم يوم وكانت تصيح تبي تروح وتناقشنا انا وزوجي وقلنا خليها تجرب ليش لا يمكن شخصيتها تتغير لما تبتعد عنا يومين وبالصدفه قلت لعمتي انه بنتي بتزوج خالتها كم يوم والمنطقه بعيده يمكن حوالي 3 ساعات قالت واذا صاحت قلت ابوها بيرجعها قالت لاااااا خلي اختك ترجعها ولدي ما يروح.. تخاف ع ولدها من الطريق بس اختي وبنتي بالطقاق.. ف رمضان امي عزمتنا عالفطور وقلت لعمتي لا تحسبوا حسابنا عالفطور لانه امي عزمتنا قالت وليش تفطروا عندهم ماشي فطور هنا وقالت اذا تبي تروحي روحي بس ولدي خليه يجي عندنا يفطر وزوجي انصدم من كلامها بس انا قلت خلاص بكنسل عزيمة امي عشان خاطرها.. شفتوا كيف الانانيه.. اااااااااااااه قلبي احسه مليان من ناحيتهم تعبت والللللللللللله اخاف حد يتكلم عني منهم... كلهم متشتتين نفسي نجلس مع بعض بنية صافيه.. مقدر اعيش كذا ما تعودت.. كل واحد يخبي ع الثاني حتى ف الامراض والافراح..

اطنش واعيش لبيتي وعيالي وابتعد عنهم ؟؟حاولت مقدر طبيعتي ترجعني لأصلي الطيب

اجامل واتصنع الاهتمام وامشي حياتي معهم ع كذا خوفا من الكلام والنقد؟

إحنا عائله مسالمه جدا ما لنا في طولة اللسان ولا امي لها بالقيل والقال

طبعا زوجي ما يحب يتدخل ف شؤونهم لانه عارف طبعهم ولا انا اتدخل بس سبحان الله كل شيء يجيني واعرف فيه يمكن لاني طيبه وكل وحده تجي تقولي وش صار معها وعن مشاكلهم وأبدا اسمع الكلام ينقال عن فلانه وعلانه..


ااااااااااااااااااااااااه ادعوا اني ما اطلع مغفله عندهم ويتكلموا من وراي..

طولت عليكم بس خاطري افضض خاطري اقول اللي بقلبي يمكن ارتاح..
 

reeme24%

New member
معلومات reeme24%
إنضم
15 سبتمبر 2008
المشاركات
333
مستوى التفاعل
0
النقاط
0
الإقامة
مكان مـــــــــــــــــا
حبيبتي ليش تستني وتخليهم يحكو لك
سكري الباب من الاول اريح لك
اذا جات وحده تتكلم عندك قولي لها مااحب اسمع كلام زي كذا هذا الكلام يقسي القلوب ويبعدها عن بعض
الله يهدي الجميع وحاولي تغيري السالفه
 

hadifa

New member
معلومات hadifa
إنضم
29 يوليو 2008
المشاركات
1,324
مستوى التفاعل
0
النقاط
0
الموقع الالكتروني
www.islam-online.net
اذا كان سكنك مستقل عنهم لا تهتمي بمشاكلهم المهم أنت اذا كنت معهم في الجلسة أمسكي لسانك عن الكلام الفاضي


أنت استمري على المعاملة الحسنة واذا تكلموا عليك فالله حسيبهم
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه