السلام عليكم ورحمة الله وبركاته
تعبت من الزوج الشمالي الغربي
احس حياتنا باااااااااااااااااارده الا ثلللللللللللللج
انا جنوبية غربيه واحس اني محتاجه حنان وحب واهتمام
ومالاقي من زوجي الا العكسسسسسسسسسسس
هو طيب وحنون لكن مشغول عني يتركني ثلاث ارباع الوقت لحالي وربع الوقت اللي يرجع فيه البيت يقضيه ع اللاب او بالهذره مع اصحابة بالجوال
وربي تعبت وماقدر اتحمل التجاهل صرت احس انه مايحبني واني اخر اهتماماته
ماعمره حسسني بالحب والاهتمام هذا وانا مازلت عروووووووووووس ماكملت سنه
مايحضن ولا يبوس الا وقت العلاقه الخاصه رغم اني مفهمته اني ماحب كذا
واحتاج الاحضان حتى بدون العلاقه لكن ماكاني تكلمت
والعلاقه مره بالاسبوع هذا وانا عروس وانا ماهمني كثرة العلاقه ابي احمل وانشغل وصعب الحمل بهالطريقة لان تروح ايام التبويض وماصار علاقة
وطول وقته بالشغل ويقضي مشاوير ولارجع البيت يدور اللاب
ولما اقول له ليش ساكت طول الوقت يقول ايش تبغيني اقول؟؟ كلام الشغل لو اقوله لك مابتفهمي فيه شي
ولما قلت له انتا طول وقتك مشغول عني ولارجعت من برا ماتدورني تدور للاب توب قال خلاص انا رح ابيع اللاب توب واريحك منه لاني اكثر من مره اقول له كذا
ولما قلت له محسسني اني تحفه او ديكور في البيت قال ايش تبغيني اسوي يعني فانا سكتت مادري وش اقول له وش يبي اكثر من كلمة محتاجتك
انا تعبت ماحس انه يحبني واحس اني اخر اهتماماته ماتفرق معه اذا شافني او لا اقسم بالله العظيم ساعات في اليوم ماشوفه غير نص او ربع ساعه وماتفرق معه عادي عنده
ماحس انه يشتاق لي
ولما اكون عند اهلي واتاخر مايحسسني بالاهتمام ويلا متى ترجعي يمكن لو ابات عند اهلي اسبوع مو فارقه معه
والمشكله لما الومه او اعاتبه يطلعني انا الغلطانه
ولان مافي بيننا لغة حوار بحكم انه طول الوقت برا البيت واذا رجع ع النت صرنا اذا تكلمنا تصير مشكله مو مشكله تقدرو تسموها سوء تفاهم وهذا بسبب انه مافيه بيننا حوار اصلا ومافيه انسجام وهو السبب كل ماله يبعد فلما يصير سوء فهم يقول عشان كذا الواحد يسكت اريح له
صرت احس اني خدامه وظيفتي في الحياة بس اطبخ وانظف واغسل
طيب انا فيني طاقة حب وين افجرهااااا وين اصرفهااااااا
ومحتاجه حب وحنان من مين اطلبهااااا اذا زوجي بخل علي اطلب مين ؟!
قلتو طنشي الشمالي طنشته وصرت اشغل نفسي ارتب وانظف واكوي
وحسيته بالعكس ينبسط منسجم مع هاللاب
طيب ايش اسوي طناش مافاد ودلع مافاد
وش الحل تعبت وربي ماعد فيني طاقه للتحمل اكثر من كذا
كنت احبه وهو جالس يقتل هالحب فيه بدون مايحس
طيب طنشتيه صبري في البدايه بيرتاح بعها صدقيني بيدورك وينك عنه منشغله مو تنطشينه كليا لو موجود عملي انك منشغله في مجله جريده في طلاء اظافرك اهم شي انشغلي عنه لاتقولين انت مشغول عني انت ماتبيني انت ماتحبني انسيهم خليه هو يسألك وش سويتي اليوم المساله صبر مو على طولتبين النتااائج بس لاتظنين بيصير مثل الافلام الرمانسيه لانها ماتصير الا في الافلام والمسلسلات التركيه والله يسخر لك زوجك
لا تنشغلي في البيت وهو موجود انشغلي بنفسك وباهلك وصحبااتك عنده زبطي شعرك ابردي اظافرك وحطي منااكير البسي اتمكيجي واقعدي صوري نفسك واطلبي منه يصورك كم صوره امسي التلفون وكلمي صحباتك وسمعيه المكالمه بطريقه غير مباشره وحسسيه انك مبسوطه اطلعي غيري جو من غيره اعزمي صحابتك في البيت ووقت العزومه صرفيه من البيت قوليله اليوم قعدة بناااات روح عند اصحابك حسسيه انه في عنصر تاني مهم بحياتك وقت ما يكون موجود امسكي الاب توب وشغلي على اليوتوب حاجات تضحك واقعدي اضحكي وطول ما انتي تعملي الحاجات هذي اتجنبي عينك تيجي بعينه وخلي نبرة صوتك فيها انبساط وروقاااان وقت خرجاتك خدي رايه باللبس كل شويه غيري حسسه انه الخرجه هذي مهمه من الاخر احرقي اعصابه زي ماهو حارق اعصابك هو مهتم بالنت والاصحاب والشغل وانتي اهتمي بنفسك والنت وصحباتك وهتشوفي كيف هيلاحقك ويحاول يعرف سر التغير وهيبداء يغير من اللي شاغلك عنه وايااااني واياااكي تعاتبيه وتقولي ليش وكيف خليه على راحته بس انتي كمان انشغلي بحاجات غير شغل البيت
اسمعي حبيبتي انا زوجي شمالي
والله نفس صفات زوجك بس انا غيرعنك
ياعزيزتي دائما كوني المبادرة ولا تتوقعين انه بيستجيب لهالمبادره بسرعه لا ممكن تجلسين شهور
تبين حنان ومن هالكلام انتي عطيه ولا تفكرين متى بيرد لك
تبين سوالف ابحثي عن اهتماماته والله العظيم انو عندي اطفال وحوسه وشغل بس لما يجي اول شي اعمله اضمه وما انكر بعض المرات القى الصد بس ماعلي
لما يكون على الاب احط راسي بحضنه واسولف بسوالف عامه او تفرج معاه وابدي رايي وهو ماطلب بس كذا لقافه
ولله الحمد فيه تحسن
تبغين شي بادري واصبري وحبه حبه مايملك
عزيزتي هوني على حالك فإن من شؤم المعصية أن يحرم العبد من نعمة الله عليه ، وذلك إذا قل شكره عليها إذ بالشكر تدوم النعم ، وأخشى أن يكون جهاز اللاب توب لزوجك يستخدم في عرض المحرمات ممايلفت نظر الزوج إلى غيرك ويغنيه عن مجالستك ومحادثتك ،انصحك
1- التوبة النصوح ، وكثرة الاستغفار من جميع الذنوب، ومحاولة استبدال القنوات الهابطة بقنوات إسلامية هادفة ؛ كقناة المجد ! .
2- الاستعانة بالدعاء والصلاة والصبر ، فإن لكل أجل كتاباً ، ولكل مشكلة عمراً ينقضي ، واجعلي مدة وصولك للهدف بعيدة الأمد لكي لا تشقّي على نفسك ، ولكي لا تستعجلي الوصول فتتشعب الطرق ، وتكبر المشكلة .
3- كوني له زوجة صالحة محبة وحانية وخلوقة ، واستمري في التزين له والتحبب إليه والاهتمام بأموره الصغيرة والكبيرة ، بشرط أن يكون ذلك في حب صادق وعفوية بعيدة عن التصنع والتكلف المنفّر ، ودون تذمر أو انتظار للمقابل في هذه الفترة ( فترة العلاج ) ، وإياك ومناصحته أو انتقاده ، فربما وصلت إلى ما تريدين بطريق القدوة ، لا بطريق النصح والنقد المرفوض عادة من قبل الأزواج .
4- إياك إياك والعقاب بشتى أنواعه ، أو الدخول في خصام أو جدال ؛ بل بالعكس قابلي كل سيئ منه بالحسن منك ، وكل عنف منه بالرفق منك ، فما دخل الرفق في شيء إلا زانه ، ولو لذت بالصمت أحيانا .
5- وأخيرا : إن استطعت أن تخرجي معه في نزهة أو أن تدعيه ( على حسابك الخاص ) إلى مطعم عائلي ، ومن ثم تصارحينه بحبك له ، ثم بما يكتنفك من ألم بسبب انشغاله عنك ، وأنك تخشين على نفسك من الوحدة والفراغ ، كما تخشين عليه من مغبة النظر إلى هذه المحرمات وسماعها وأثرها على إيمانكما وعلى أخلاق أولادكما وسلوكياتهم فيما بعد مستقبلا ، وعِديهِ بأن تكوني له خير زوجة لخير زوج ، وكل ذلك بلغة رزينة وصوت مهموس لا يحس فيه أي نوع من الانتقاد أو محاولة التصحيح ؛ فإن في هذا الأمر ستكون بإذن الله نهاية المشكلة .
6- إضاءة : تفاءلي بالخير تجديه ؛ ولكن تذكري أن المرض المزمن يحتاج زمنا لعلاجه ، وأن أعراضه ـ أحيانا ـ لا تتلاشى كلها ؛ فعليك أن تتأقلمي مع ما يبقى منها .
الله يعينك عليه ... في البدايه لاتستعجلي على الحمل وانتي ماعرفتي طيبه من رداه ... ولا تظنين العيال هم حل لك .. هم بيزيدون الطين بله اذا وضعك كذا وماتغير لان بتتحملين ضغط نفسي اكبر وبتحطين حرتك في الطفل بشكل لاارادي ... اول شي خلي تفكيرك منحصر كيف اسعد نفسي .. وكيف اطور ذاتي وكيف اخليه هو يدورني مو انا ادوره ... حاولي تدورين لك وظيفه وان رفض دوري وظيفه بالبيت عن طريق النت حتى لو دخلها قليل .. بس تسليك وتشغلك عنه .. قوي ثقتك بنفسك ... ومارسي هواياتك وطوريها ... وخليه هو جزء من وقتك مو اساس وقتك .. وطاقه الحب الي فيك خليها لاهلك لصحباتك لخواتك هنا بالمنتدى وكلهم بصدر رحب بيستقبلونك .. غيري لوك تبعك .. وطبعا رايه اخر شي يهمك لان هالتغير لنفسك اولا. اذا شفتيه قومي بكل واجباته .. ولا تشتكين ولا شي وغني وسوي ان الفرحه مو شايلتك .. واذا دخل انتي عطيه الاب توب وقولي له ضبطت جلستك وسوي له شاي وقولي له استمتع بوقتك .. وخليه يسال نفسه اكيد في سر ورى هالتغير ... وخليه هو يدور وراك الاسباب الي مخليتك مبسوطه .. وانتي لاتقصرين .. اتفقي مع صاحبتك تدق عليك بوقت هو موجود .. وخليه يسمعك وانتي تقولين لها يووه ماتصدقين وش قد مبسوطه .. وسوي انها سالتك ليه قولي لها لشفتك اعلمك ليه مبسوطه وضحكي ههههه قولي له ودني سوق بشتري لي فستان جيد عندي عزومه مهمه بروحها مع اهلي .. وخليه يشوف علاقاتك كانها كبرت وان هو ماصار شغلك الشاغل .. وبنفس الوقت ماقصرتي معه بلبسه وطبخه ومعاه التزمي الصمت وسوال ورد غطاه بس ... واذا سالك وش فيك متغيره قولي له شي خاص فيني ... ولو يهمك امري كان على الاقل اشوفك باليوم معاي بس خل ربعك ينفعونك .. واذا تبين حوارات بينك وبين زوجك .. اول شي دوري الشي الي يحبها وناقشيه معه طبعا تكوني ملمه بمعلومات عن هالموضوع .. اساليه عن اهله .. اساليه عن مغامراته لان الرجال يحب يسوي نفسه دوم قوي .. اشتري لعبه والعبوها سوى مثل كيرم او اونو او شطرنج .. سويتها هذه ولقيت صداها حلو العبي معه سوني .. دلكي راسه يحبون هالحركه .. سوي له عصاير مختلفه او موكا او ميلك شك وكل الوصفات باشكال غريبه موجوه بالنت ويحبونها الرجال ... راقبيه بصمت .. تدلعي .. اسعدي نفسك .. دوري صداقات جديده .. طوري مهاراتك .. دللي ذاتك .. ثقفي عقلك .. ارتقي بتفكيرك .. والحب كلنا نحتاجه .. بس للحب طرق كثيره تنفسين فيها عن مشاعرك .. ماقول لك خلي احلام الحب تموت لا .. بس وزعي مشاعرك بين الي يستاهلون .. وبتلقين الحب منهم
مشكوراااااااااااااااااااااات ريحتوووني وربي
اسآل الله ان يدخل السعاده لبيوتكم ويسخر لكم ازواجكم ويجعلكم قرة اعينهم
ويرزقكم بالذريه الصالحه يارب
بطبق كل اللي قلتوه ودعواتكم لي
وان شاء الله الموضوع الجاي بكتب لكم عن تغييره للافضل<<متفائله
والله زوجي نفس الشي شماااالي بس انا اخلص شغل البيت والطبخ والاولاد وكل شي والبس واتكشخ حتى يجي واجلس على لاب في هذا المنتدى الحلوا حتى نفسه يعرف وين انا غاطه اقفل لاب واقول اسرار ي وخصوصياتي حتى انه يقول طيب زين بس ياليت ماتفضحينا وتنشري غسيلنا بالمنتديات ههههه
نفسه يعرف رسائلي الخاصه هنا او شو اهتماماتي ويوم احس نفسي تعبت او نفسي اغير جو اروح عنده حتى لو مشغول او على الاب توب اسحبه واقول له هذا وقتي انا لو عندك شغل خلصه برا وتعال خليك قويه لخذ حقك وعلى فكره لو طلع مستحيل ادق عليه الا لو في شي ضروري بس مره وحده ادق واطمن وبسرعه انا اقفل يعني اقول له كيفك وهو يرد اقول له بس حبيت اطمن عليك طبعا يرد يخير بغيتوا شي اقول له لا بس اطمن ياله بااااي واقفل بالعربي حبيبتي عايشه حياتي لنفسي اسمعي مني هذا الكلمهلا تحملي زوجك مسؤليت اسعاااادك ؟
