قلبي نار من تصرفات زوجي جزاكم اله خير فيدوني

[بتوته توته]

خواتي مشكلتي زوجي يمسك تلفون بلساعات ايام العطل خمس ساعات يعني من ساعه وحده ل ساعه ست صبح ونور الغرفه ولازعاج ويكتب مع العلم جهازه اي فون وانا عندي لكني ما امسكه بكثرا وكل يوم نتهاوش ويحلفي انه مايكلم الا ربعه انام واكعد وهوا يكتب كلمته ماكو فايده اقول له هذي وحده يحلف يقول لا ربعي من أجي اشوف شنو يكتب مايخليني اشوف اقول له مو تقول ربعك خليني اشوف مايرضا انه تعبانه ماادري ماذا افعل انه مااكلمه الحين لكن من تهاونشنه قال انه اروح لشاليه اروح اديوانيه عشان مااشوف ما اضايقه انه فسرتهاماذاا فعل جزاكم الله خير فيدوني

 

[ام البراقع]

ياقلبي الله يبرد قلبك ويقر عينك بهداية زوجك اكثري من الاستغفار والدعاء وتقربي له والله الهادي

 

[ليلى الأموره]

فترة وبيمل من الجهاز
وبيخف عن الحين
مالك الا الصبر والاستغفار والدعاء
ولا تخلين زوجك هو شغلك الشاغل
اشغلي نفسك بترتيب البيت بالاهتمام بنفسك
وطبعا قبل كل شي بواجباتك الدينيه والتقرب الى الله
ولا تنسين ان زوجك شريك حياتك فقط وليس حياتك
ودايم بالصلاة ادعي هالدعاء
اللهم اني استودعك قلب زوجي وسمعه وبصره وفرجه فاحفظهم لي يامن لا تضيع ودائعه
اللهم سخره لي في سمعه وبصره وقلبه وماله
والله يوفقك حبيبتي​

 

[جورية الحجاز]

الله المستعان

 

[بتوته توته]

بنات انه قلبي مثل نار مافي رد شافي منكم انه تعبانه جزاكم الله خير ابي فزعتكم معاي ترا الكلمه طيبه صدقه انه شاكه في انو هذي مو ربع مثل مايحلف هذي وحده شنو سوالف مع ربع خمس ساعات لليوم في العطل والأيام العاديه ثلاث ساعات رريحوا قلبي بكلامكم الله يجزيكم خير

 

[رازيا]

يا بنت الحلال انشغلي عنه واتركيه لربه هو يهديه
اسمعي مني اذا فعلا صادقة وجاية هنا علشان تلقي حل
الحل الاكيد هو امسكي سورة البقرة يوميا كل ليلة وادعي الله في السجود ان يسخره لك
ويحننه عليك
اهم شي سورة البقرة اقرئيها يوميا وشوفي الخير والراحة النفسية

 

[صدمتيز]

شوفي يا عمري ما يعلم ما يقوم به زوجك غير لله لذلك ادعي ربي وحده القدر
و ممكن يكون فعلا يكلم رجال اذا كان من الناس حقين نت
شوفي اختي متزوجه و زوجها زي زوجك تقول يجلس با الساعات على النت
و البلاك مع اصحابه ولا يخليني اشوف
نصيحه لا تحتدي معاه و خليه ممكن فتره و يبطل
بس با ازعل و المشاكل مستحيل تغيرين فيه وانتي ليه ما تدخلي معاه عن طريق جهازك
اشغليه ارسلي له ادخلي على الخط اذا شفتيه جالس على الايفون

 

[رازيا]

وخلينا نفترض اسوء الاحتمالات حتى لو مو ربعه اللي يكلمهم وطلعت وحدة شو راح تعملي
ليش تنكدي على حالك انشغلي عنه بالطاعة والتقرب من الله
وتذكري مو زوجك بس اللي يكلم اكثر الرجال يكلمون الا من رحم ربي
وتذكري انت في ابتلاء واختبار ليرى الله صبرك وياجرك على هذا الصبر
اعملي مثل ما قلت لك ادعي الله في السجود له بالهداية ولتزمي بسورة البقرة وتعالي بعد اسبوع قولي لنا شو تغير في حياتك

 

[رازيا]

للرفع