سمااوية
New member
- إنضم
- 2009/03/12
- المشاركات
- 116
السلام عليكم
خواتي أنا هذي أول مرة أكتب لكم فيها و العشم فيكم تساعدوني
و فعلا ً أحتــــاج مشورة بحكمة و عقل بعيد عن العواطف
انا متزوجة قبل 7 شهور
و الحمد لله مستقرة عاطفيا ً مع زوجي
شهر عن شهر أحس نقرب من بعض أكثر و نتعلق ببعض أكثر
هو طيب و حنون و رومانسي
و أنا معاه في هالناحية معطيته اللي يبغاه و الحمدلله
و زوجي من النوع الصريح جدا ً يعني لو ما عجبه شي و لا حس اني مقصرة معاه بشي
ما يتردد و يقول لي و هذي نقطة حبيتها فيه .
اللي صار
اني حملت بعد زواجي ب 4 شهور و قدر الله و سقطت
سويت عملية و جلست عند أهلي 3 أسابيع و خلالها كان يجيني يوم ورا يوم
و مرات يوميا ً المهم انه ما انقطع عني و حتى اليوم اللي ما يزورني نكون ع اتصال
بالجوال أو مسجات .
بعدها رجعت لزوجي قبل اسبوعين
و حسيته طاااااير فيني و متعلق فيني بقوة و الحمدلله و مبين لي عاطفته
و أنا أبادله نفس المشاعر
بعد اسبوع من رجعتي كنت أحوس بجوال زوجي و أطالع مسجاته
((( مع العلم أننا عادي نفتح جوالات بعض و لا يقول شي )))
كنت فرحانه و أنا أقرا مسجاته اللي يرسلها لي من صندوق الرسائل المرسلة
فجأة و أنا ماشية في صندوق المرسلة إلا أشوف مرسل رسايل
لأسم بنت !!!!!!
اي .. مرسل رسايل لوحدة و من شطارته مسجل أسمها بجواله بالاسم الصريح
( فلانة الفلاني ) !!
ما صدقت جاتني صدمة
مسكت نفسي و جلست أقرا المسجات !!
كلها وضح لي من خلالها أنه فعلا بنت
و على صلة مستمرة فيها و يرسل لها بوسات و خرابيط !!!!
داااخ راسي و قفلت جواله و تركته مكانه !!
و هنا بديت أعيش دوااااااااااامة
كيف أواجهه ؟!!
ايش أقول له ؟
طيب هو يحبني و لا عمره حسسني بشي ثاني
طيب أنا ما قصرت معاه
و القههههر أن وقت رسايله لها هو الوقت اللي أنا فيه تعبااانة عند أهلي !!!
و القهر أكثر أني شفت رسايله لها بين رسايله لي !!
يعني يراسلني و يراسلها بنفس الوقت
طيب ليش من هي ؟
معقول تكون زوجته ؟
طيب لو زوجته ليش ما يقول ؟
حسيت نفسي أشوف قدامي شخص كذاااب
بقيت في حيرتي يومين و أنا متحاملة على نفسي أفكر كيف أواجهه
خصوصا ً أنه و لا مرة حسسني انه كاره مني شي بالعكس
بعد رجعتي حسسني بلهفته علي و لليوووم !!
طيب اللي صار اني بعد يومين أنا خلااااص بديت أنفجر و ما استحمل
قمت بديت أبين له أني متضايقة و حسسته أن في خاطري شي
بدا يسألني ايش مضايقك فجأة تغير مزاجك !
و احنا كل ليلة نروح نتعشا و نكمل ليلتنا في مزرعة أهل زوجي
ففي ذيك الليلة أنا كنت مكتمة و لا اهتميت فيه
قام سألني شفيك و أنا أقول ما فيني شي !
و هو يلح علي لين أنا انفجرت أصيييييح !
قام حضني و استغرب شفيك !
قلت له : مقهوووورة !!
استغرب قال من قاهرك ؟!!
قلت له : انسان أحبه !!
قال من ؟
سكت و ما رديت عليه
قال شفيك ؟!!
قلت خلني بعدين أقول لك الحين ما اقدر أتكلم ! يمكن بكرة أقول لك
قال : كذا ماراح أنام !!
قلت خلاص خلنا نروح البيت يمكن أهدأ و أقول لك !
و طلعنا من المزرعة و احنا رايحين و أنا لازلت أجمع أنفاسي و تعبانة
و هو يطالعني مستغرب
قمت نطقت و سألته :
معقول ممكن انسان يحب انسان يقهره ؟!!
قال من هالانسان ؟
قلت له / أنت قااااااااهرني !
حسيته بيصيح من الكلمة بس طالعني بنظرة اللي متفاجئ من كلامي
قال : أنا قاهرك ؟
قلت : إي و محروقة بعد !!
قال ليش ايش سويت ؟ قهرتك بالكلام أو بالأفعال ؟
قلت / أفعال !
قال / ذكريني !
و سكت عنه لين وصلنا شقتنا ..
ع طول بدلت ملابسي و على سريري على طول
و هو جا جنبي و ما تركني إلا تقولين شالسالفة
قمت سألته :
من ( فلانة الفلاني ) اللي أسمها بجوالك ؟!!!
قال : ايش ؟
عدت عليه السؤال
قال / هذا اللي مضايقك و قاهرك ؟
قلت : اي
قال / هذا رجال من المنطقة الفلانية !!
قلت : رجال اسمه كذاااا ؟؟!!
قال / والللللله العظيم انه رجال
(( أنا سكت و لا قلت له اني شفت المسجات ع أساس اني بس شفت الاسم بالجوال ))
قلت له / و من وين تعرفه ؟
قال لي / ان بينهم شغل !
قمت أنا سويت نفسي مصدقته و قلت له الله يريح قلبك ريحتني !
و خلاص قفلت السالفة معاه .
بس طبعا هو كذب علي انه رجال
و مش عااااااارفة ايش أسوي للحيييييين أحس نفسي أحترق
و تجيني كتمة
شسوي معاه
كيف أبعده عنها لو ما كانت زوجته و لو كان لعااااب!!
شسووووي سااااعدوني
خواتي أنا هذي أول مرة أكتب لكم فيها و العشم فيكم تساعدوني
و فعلا ً أحتــــاج مشورة بحكمة و عقل بعيد عن العواطف
انا متزوجة قبل 7 شهور
و الحمد لله مستقرة عاطفيا ً مع زوجي
شهر عن شهر أحس نقرب من بعض أكثر و نتعلق ببعض أكثر
هو طيب و حنون و رومانسي
و أنا معاه في هالناحية معطيته اللي يبغاه و الحمدلله
و زوجي من النوع الصريح جدا ً يعني لو ما عجبه شي و لا حس اني مقصرة معاه بشي
ما يتردد و يقول لي و هذي نقطة حبيتها فيه .
اللي صار
اني حملت بعد زواجي ب 4 شهور و قدر الله و سقطت
سويت عملية و جلست عند أهلي 3 أسابيع و خلالها كان يجيني يوم ورا يوم
و مرات يوميا ً المهم انه ما انقطع عني و حتى اليوم اللي ما يزورني نكون ع اتصال
بالجوال أو مسجات .
بعدها رجعت لزوجي قبل اسبوعين
و حسيته طاااااير فيني و متعلق فيني بقوة و الحمدلله و مبين لي عاطفته
و أنا أبادله نفس المشاعر
بعد اسبوع من رجعتي كنت أحوس بجوال زوجي و أطالع مسجاته
((( مع العلم أننا عادي نفتح جوالات بعض و لا يقول شي )))
كنت فرحانه و أنا أقرا مسجاته اللي يرسلها لي من صندوق الرسائل المرسلة
فجأة و أنا ماشية في صندوق المرسلة إلا أشوف مرسل رسايل
لأسم بنت !!!!!!
اي .. مرسل رسايل لوحدة و من شطارته مسجل أسمها بجواله بالاسم الصريح
( فلانة الفلاني ) !!
ما صدقت جاتني صدمة
مسكت نفسي و جلست أقرا المسجات !!
كلها وضح لي من خلالها أنه فعلا بنت
و على صلة مستمرة فيها و يرسل لها بوسات و خرابيط !!!!
داااخ راسي و قفلت جواله و تركته مكانه !!
و هنا بديت أعيش دوااااااااااامة
كيف أواجهه ؟!!
ايش أقول له ؟
طيب هو يحبني و لا عمره حسسني بشي ثاني
طيب أنا ما قصرت معاه
و القههههر أن وقت رسايله لها هو الوقت اللي أنا فيه تعبااانة عند أهلي !!!
و القهر أكثر أني شفت رسايله لها بين رسايله لي !!
يعني يراسلني و يراسلها بنفس الوقت
طيب ليش من هي ؟
معقول تكون زوجته ؟
طيب لو زوجته ليش ما يقول ؟
حسيت نفسي أشوف قدامي شخص كذاااب
بقيت في حيرتي يومين و أنا متحاملة على نفسي أفكر كيف أواجهه
خصوصا ً أنه و لا مرة حسسني انه كاره مني شي بالعكس
بعد رجعتي حسسني بلهفته علي و لليوووم !!
طيب اللي صار اني بعد يومين أنا خلااااص بديت أنفجر و ما استحمل
قمت بديت أبين له أني متضايقة و حسسته أن في خاطري شي
بدا يسألني ايش مضايقك فجأة تغير مزاجك !
و احنا كل ليلة نروح نتعشا و نكمل ليلتنا في مزرعة أهل زوجي
ففي ذيك الليلة أنا كنت مكتمة و لا اهتميت فيه
قام سألني شفيك و أنا أقول ما فيني شي !
و هو يلح علي لين أنا انفجرت أصيييييح !
قام حضني و استغرب شفيك !
قلت له : مقهوووورة !!
استغرب قال من قاهرك ؟!!
قلت له : انسان أحبه !!
قال من ؟
سكت و ما رديت عليه
قال شفيك ؟!!
قلت خلني بعدين أقول لك الحين ما اقدر أتكلم ! يمكن بكرة أقول لك
قال : كذا ماراح أنام !!
قلت خلاص خلنا نروح البيت يمكن أهدأ و أقول لك !
و طلعنا من المزرعة و احنا رايحين و أنا لازلت أجمع أنفاسي و تعبانة
و هو يطالعني مستغرب
قمت نطقت و سألته :
معقول ممكن انسان يحب انسان يقهره ؟!!
قال من هالانسان ؟
قلت له / أنت قااااااااهرني !
حسيته بيصيح من الكلمة بس طالعني بنظرة اللي متفاجئ من كلامي
قال : أنا قاهرك ؟
قلت : إي و محروقة بعد !!
قال ليش ايش سويت ؟ قهرتك بالكلام أو بالأفعال ؟
قلت / أفعال !
قال / ذكريني !
و سكت عنه لين وصلنا شقتنا ..
ع طول بدلت ملابسي و على سريري على طول
و هو جا جنبي و ما تركني إلا تقولين شالسالفة
قمت سألته :
من ( فلانة الفلاني ) اللي أسمها بجوالك ؟!!!
قال : ايش ؟
عدت عليه السؤال
قال / هذا اللي مضايقك و قاهرك ؟
قلت : اي
قال / هذا رجال من المنطقة الفلانية !!
قلت : رجال اسمه كذاااا ؟؟!!
قال / والللللله العظيم انه رجال
(( أنا سكت و لا قلت له اني شفت المسجات ع أساس اني بس شفت الاسم بالجوال ))
قلت له / و من وين تعرفه ؟
قال لي / ان بينهم شغل !
قمت أنا سويت نفسي مصدقته و قلت له الله يريح قلبك ريحتني !
و خلاص قفلت السالفة معاه .
بس طبعا هو كذب علي انه رجال
و مش عااااااارفة ايش أسوي للحيييييين أحس نفسي أحترق
و تجيني كتمة
شسوي معاه
كيف أبعده عنها لو ما كانت زوجته و لو كان لعااااب!!
شسووووي سااااعدوني
