قــصــة خالد اللي سحر بينت عمة روضة عشان ترجع لـه غصب!! حياكم فايدتها عظيمة

[معلمة متألمة]

صباح الخيــر..

شلونكم ياصبايا...

هذي قصه واقعية...

صايرة بالمملكة.. وسامعتها من احد المشااايخ بس مايحضرني اسمه...

روضة بنت ملتزمة من بيت ملتزم.. ابوها واخوانها وامهااا.. بيت صلاااااه وقرآآآآآآن..

خلصت الثانوية العامة وخطبها عمها حق ولده خالد.. وخالد شاب مثله مثل اي شاااب الصلاه لكم عليهااا.. واغاني وعوود.. كان يدق عووود..

المهم ابوها جا كلمهااا وقالت له يبه مو ملتزم خالد وانا مابي الا ملتزم.. عشان لو حبني اكرمني ولو ماحبني ماطلمني...
قال لها ابوهاا يابنت ياروضه هذا ولد عمج وبتطمن عليج انج قريب منا وماراح يضرج .. وبالنسبه لدينه .. الزوجه اللي فيها خير تعين زوجهاااا دام انه يصلي اهم شي والباقي مقدور عليه... قالت له طيب...

وملكوا وتزوجوا بنفس الاسبوووع..

دخل عليها القصر وطلعها منه ع بيتهم.. ومن اول مادخلت بيته ما أخرت فرض عن وقته.. وانصدمت انه مايركعهااااا ... الا الجمعه بس!!
فلست تبكي ومرضت من حالته وجلست تدعي ربي وتبكي وتكلمه باسلوبها ومافي فايده.. ابد.. ماكان يحرك فيه اي ساكن..

جلست معاه 3 شهووووور وهو لاحياة لمن تنادي حتى كونها تفرش سجادتهااا قدامه وصلاتها قبل الفجر وهو يشوفها ماكان يحرك فيه اي شعور بالذنب... كان مكرمها ماديا وحبهاااا ودللها بس هي مارتاحت ولاحبته لانه ماكن يصلي...

استخارت وراحت لاهلهااا زيارتها العاديه ماقالت لخالد اي شي.. ويوم جا عقب العشا مر عليها ياخذهاا طلعت له بالمجلس وقالت له اسمح لي انا هذا مكاني وماعاد ابغاااك طلقني.. مارضى اعيش مع واحد مايصلي صلاة ربي.. يابنت الحلال ليه وش اللي صاير . وعد باتغير.. قالت له لو به شمس كان بدت امس.. روح ربي يهديك ويسعدك وارسل لي ورقتي..

واتصل لعمه ابوها وقاله اللي صار.. قال لي معاها حق وماني معارض روضه.. اصلا ماكانت تبيك لانك منت ملتزم تبي واحد مثلهاااا وانا اللي اقنعتها تاخذك قلت لها دامه يصلي اهم شي والباقي مقدور عليه... ورضت بك .. ودام انك ماتركعها ف اسمح لي ما أأمنك ع بنتي...

ثاني يوم الصبح راحت امها واخوها يجيبون اغرضهاااا ... والالبووم عيا عليه خالد قالهم معصي صوري معاها وانا بفصلها وبجيبه لكم اليوم قالت الام طيب من نيتها الطيبه..

تدرووون وش سواا؟؟؟

راح لسااااااحر... وقال له اسحرها لي ابيها ترجع لي.. انا احبها وهي ماتبيني.. ومابيها عند غيري بنجن هي لي انا بروحي وانا اولى بهااا بنت عمي وفوق هذا كله احبهاااا ومابي غيرهااا..

قال له الساحر طيب.. تعال لي بعد سبوع..

عقب سبوووع راح خالد للساحر وقال له هاه وين السحر..؟؟ قال اصبر بعد سبوووع ..

وعقب اسبووع راح له خالد.. قال له الموضوع مطول شوي اللي ارسلتهم لهااا ماقدروا.. وانا مطرش جن عاديين.. برسل لها ماااارد بس ابي فلوووس واجد انت عارف مب شي سهل... قال خالد طيب... وعطاه 100000 عشان يسحر روووضه اللي حبهاااا.. واللي ماتستاهل منه اللي سواه...

وقال تعال لي عقب شهر..

وعقب شهر راح خالد للساحر واول ماشاف الساحر خالد حذف الفلووووس بوجهه وقال له فاااارق ولاعاد اشوووفك... هذي ماقدروووو عليها الجن ولا المارد اللي ارسلته بيتها حافته الملايكة.... والمارد جلس شهر ينتظرها تأخر بس فرض واحد عشااان يصير له مكان يدخل عليها منه وما أخرت اي فرض عن وقته... رووووح الله لايردك ..

خالد هنا فقد الامل برجوووع رووضه... ورااااح يبكي ويبكي ويبكي وتعب ومرض وجابو له مطاااوعه يقروون عليه... قالوا مافيه سحر ولاعين هذا فيه حزن...

وقال له علاجك الزم الصلاة وتروح ضيقتك..

ولزم خالد الصلااااة والمسجد وكسر العوووود وحذف سيديات واشرطة الاغاني كلهااا واطلق لحيته وصار نور وجهه يبشر بخير...

وجااااه عمه برااااسه ورجعه لرووووضه..

سبحان الله... ماكذب من قال صلاتي نجاتي..

فعلا الصلاة نجااااه.. الصلااااه حيااااه.. الصلاه حــــرز وحصـــن منيع... تحمي صاحبهااااا

اللهم اجعل قرة اعيننا ف الصلاااة انا ومن قرأ حروووفي..
آميــن..


قصـــــــــــــــــــة تنكت بماااي الذهب..

واتمنى تعم الفايده

معلمة​

 

[red door]

اول مره اكون اول من يرد











قصه روعه كروعة صاحبتها
الله يهدي الجميع

 

[الاميرة سنفورة]

الله روووووووووعه القصه بجد >> الا الصلااااه والرسول صلى الله عليه وسلم قال

(( العهد الذي بيننا وبينهم الصلاه فمن تركها فقد كفر ))

تركت زوجها عشان مايصلي >> لله تركتوا ** ربي عوضها بصلاح زوجها **

واللي مع الله والله ربي مايضيعوااا

وكمان روضه مع الله كانت فحفظها ربي من المرده (( إحفظ الله يحفظك ))

مشكوره على القصه وربي يجعلها في موازين حسناتك

 

[زوجه رومنسيه]

قصه قمه في الروع الله يجزكي الف خير حبيبتي الصلاة عماد الدين ولله لم تجيني الدوره احس ناقصني شي ومااحس بطعم الحياة لالم اخلاص الله يوفقكي

 

[معلمة متألمة]

رد دوور... الميرة سنفووورة... زوجة رومنسية...

تسلموووون .. ع المرور...

معلمة​

 

[~رودينا~]

سبحان الله إحفظ الله يحفظك

 

[~رودينا~]

جزى الله خيرا من كتبتها وحفظك الله من شر كل ساحر وحاسد
وجميع المسلمين آآآمين
​

 

[أحلى مشمشه]

يعطيك العافيه يا قلبببي

 

[مها البوادي]

الله يثبته يا رب
شكرا

 

[الدنياسراب]

حفظ الله اناملا خطت هذه القصه الرائعه
واسعد الله خالد وروضه​

 

[مـلاك الصغيرة]

قصه رائعه

 

[اسيرة الحب2]

سلمت اناااااااملاك

 

[معلمة متألمة]

رودينا تسلمين فديتج ع الدعوة... ربي يسعدج..

مشمشة.. ثانكس ع المرور,,, تستاهلون..

الدنياا سراب... اسمج له وقعه الخاص بقلبي... اسعدج ربي سعاااده لاتشقين بعدها ابداااا يااارب..​

 

[معلمة متألمة]

ملاك...

اسيرة..


وتسلم اناملكم على المرووور الروعه..​

 

[الوحيدة1]

قصه جميله ومؤثره

وفيهاكثيرمن الدروس الله يبعدعناالسحرواهله

ويجعلقرت اعينافي الصلاة

والله يجزاك الجنه ويجعلعك متألقه وليس متالمه

 

[عصور]

قصة رائعــــــــــــة

الله يجزاك خير ​

 

[السحر الحلال]

بدل من فعل الخير يذهب للشر

ياسبحان الله وبالاخير


مايصح الا الصحيح

من حفظ الله حفظه

امتعينا بالمزيد بارك الله فيك

http://4upz.almsloob.com/uploads/images/www.almsloob.com-7040438209.gif

 

[أساورمن ذهب]

لااله الا انت سبحانك اني كنت من الظالمين الذي مع الله لايضيع احفظ الله يحفظك
جزاك الله خير الجزاء

 

[عزتي بصلاتي]

حرم الله اناملك عن النار وجزاج الله خيرا والله القصة روعة فيها من العبروالمواعظ اللي فقدنت بهالايام

 

[التسامح طبعي]

سبحانك اللهم ولك الحمد

أحفظ الله يحفظك

لويجتمع الأنس والجن أن يضروك
ألأ أن ي شاءالله

قصه فيه من الفايده لشي كبير

وهو الصلاة بوقتها

والأذكار


جزاتس الله كل خير