قصه غرام .. اللي تبكي الحجر ...

هكروك ياقلبي

هكروك ياقلبي

New member
إنضم
2010/05/30
المشاركات
292
بسم الله الرحمن الرحيم

كيفكم بنات بطرح لكم قصه ( غـــرام) اللي تبكي الحجر ..

غرام هذي بنت تبلغ من العمر 23 سنه .. حاليا ..

اببداء من اول حياتها .. امها وابها تزوجو عن حب وحياتهم مستقره امها انسانه مسالمه وعايشه عند اهل زوجها تخدم وتكرف علشان زوجها وعلشان تكسب رضاه ..
انجبت اول طفل ولد سمته عبد العزيز .. وبعدها الطفل الثاني وسمته عزام .. وانجبت الطفل الثالث وسمتها غرام ..

فرحو الاهل بولاده غرام لانها اول طفله للعائله كلها وكانو فرحانين فيها البنت جميله مره بس اللي بفرقها عن اخوانها واهلها اللون لون بشرتها ( برونزي ) ..
بعد تمت غرام سنه قرر ابوها يطلع في بيت لحاله وقال لمها راح نخلي غرام عند اهلي المهم جلست غرام عند اهله ابوها من صغرها وجدها كان يصرف عليها وابوها ماكان يعرفها بشي لو بريال واحد .. كبرت البنت وتعلمت وصلت المتوسط وتوفى الجد وبدت معانات غرام .. لاتجد من يصرف عليها راحت تبحث عن شغل اشتغلت وصارت تروح للمدرسه وتجي من المدرسه وتنظف البيت وتطبخ وتطلع للدوام وترجع من الدوام تسوي عشاء وتنام بفضل الله ربي قدرها على كل هالمعانات ونجحت وتخرجت من المتوسط دخلت الثنوي وبدات حياتها تمشي والحمد لله ... تدخلت احدى عماتها بحياتها وبحياة ابو غرام وصارت العمه سبب بخراب بيت ابو غرام المهم بدات مشاكل مع ام غرام وابوها لحد ماانفصلت الام عن الاب لمده 4 سنوات معلقه ..

نسيت اوضح لكم بعد غرام انجبت الام بنت و3 اولاد وتوفي عزام بعد ولاده غرام بسنه ..

صارت غرام هي المسؤوله عن اخوانها من كل شي لبس وتنظيف وغسيل وكل حاجه صارت هي الام والاب لهم .. بعدين اجبرتها ظروفها انها تفصل من المدرسه لتكمل تربيه اخوانها ..
وصارت تشتغل وتصرف على نفسها وعلى اخوانها الاب تزوج وعاش في بيته وعياله نساهم وصار الحمل كله على غرام .. كانت ماتنام اليل لما يتعب احد اخوانها كانت تتألم ولا احد يسمع المها لدرجه انها وهي نايمه تون ونين يقطع القلب ..

بعد مرور والوقت العمه صارت مسلطه على الكل وصار الاب مثل الخاتم بيد العمه كانت تشككه في غرام واختها صار الاب يدخل على غرام واختها واخوانها ويفتش غرفتهم كانت غرام عمرها 20 واختها عمرها 14 سنه وكانو ينامون مع اخوانهم في غرفه وحده ..
كان الاخ الاكبر عبد العزيز نفسه رديه لو تعطينه 100 ريال وتقولين له اذبح اختك دخل وذبحها وكانت العمه مستغله هالنقطه تعطيه من الفلوس وتقول روح اضرب خواتك ويدخل عليهم ويضربهم وكانو حارمينهم من امهم لايسمعون صوتها ولا يشفونها .. بعدها بفتره صارت غرام تتعالج عند دكتور نفسي صارت تاخذ حبوب تخليها مثل الانسانه اللي ماعندها احساس لو تضربها ماتتكلم ولا ترد بس تبتسم و جاء اليوم اللي غرام ماخذت فيه العلاج وجاء ابوها تكلم عليها ودخلت الغرفه واخذت كل الحبوب ونقلت على المستشفى والحمد لله طلعت بصحه وعافيه وبعدها صار وضع اخوانها مره غير مستقر لانها تعبت كثير كثير .. بعدها بكم سنه انخطبت غرام وجاء وافقت من غير تردد الرجال ماعليه مستقيم بس عمتها دخلت في حياتها وكانت تبي تخرب حياتها تزوجت غرام وبعد غرام جلست اختها الصغرى تعاني معانات غرام واكثر صارت مسؤوله عن اخوانها والبيت كله وفصلها ابوها عن المدرسه وجلسها بالبيت كله هذا من تحت راح عمتها حسبي الله عليها ...

ضاق صدري وربي اكمل لكم بعد شوي البنت تتكلم لي وهي دموعها على خدها ...

ااااااااااااااااااخ وين الرحمه وين اللحم والدم ياكبرها عند الله لما يتخلون عنك ..​
 
الله يكون في عونها فعلا قصتها تقطع القلب . كملي يااختي احنا معاك
 
كملي الله يسعدك

قصه محزنه كان الله في عونها
 
اسفه تاخرت عليكم ..

المهم رجعنا لكم .. غرام تزوجت وامسكت اختها الصغيره المسؤوليه .. وعاشت البنت الصغيره في عذاب وغرام تعاصر عذاب اخوانها وهي بعيده عنهم تفكر فيهم كل يوم تبكي وزوحها يهديها ... جاء الوقت اللي العمه قسى قلبها على ابناء اخوها اصغر اخ لغرام عمره 8 سنوات حاول ينتحر وربي حماه والحمد لله .. بسبب ان عمته ضربته ضرب مبرح وخلت في جسمه علامات الولد جاته حاله نفسيه صار بس ياكل في اصابعه من الحاله النفسيه .. جات غرام لزياره اخوانها وشافت حالتهم وبداء الهم في عيونها وعيونها غرقت بالدمووع .. على حال اخوانها واختها اللي تشكي لها وتبكي المهم غرام كلمت امها وقالت لها عن حال اخوانها لعل الله يهدي ابوها ويخلي اخوانها عند امها .. الام صارت تبكي من زمان ماشافت اطفالها وتسمع عنهم اخبار سيئه للغايه .. طالبت الام بالابناء في المحكمه وضلم الشيخ بحكم معرفه للاب حكم لصالح الاب .. الام تدمرت لحد ماتتصورون جابو اخت غرام والاخ الاصغر واعترفو انهم يعانون من عذاب وهم وغم .. صارت العمه اكثر قساوه بعد هذا المشكله وصارت تخلي الاخ الاكبر عبدالعزيز يدخل على اخته ويضربها ويهددها بالقتل .. البنت من الخوف وش سوت خلت احد صديقاتها تطلع لها جوال وتجيبه لها علشان تتواصل مع امها لهم سنين ماسمعو صوت امهم .. المهم الاخ الاكبر دخل على اخته وضربها ضرب وفتش الغرفه وحصل الجوال وقال لها بكره راح ادفنك بالبيت .. المهم البنت من الخوف واخوانها الصغار خافو كثير الاخ اللي اصغر من البنت عمره 11 سنه قال لخته شوفي انا راح اهربك من البيت وروحي عند امي البنت اهربت من البيت الساعه 5 فجرا وذهبت عند امها واخذتها الام لمركز الحمايه للعنف الاسري .. الام تعيش عند احد اخوانها .. وبعدها مافقد الاب بنته الا الساعه 9 العشاء لو قلبه على عياله كان ذكرهم ..المهم البنت الحين تتعالج عند دكتور نفسي نفسيها متدهوره .. العمه من الحقد اللي فيها لفت على بيت غرام الا تهدمه ارسلت رسايل تهديد على جوال غرام واتصلت على زوج غرام واتهمت غرام بأتهامات باطله بأنها تعرف شباب وانها ساحره زوج غرام عارف ان هذي العمه حاقده وفي قلبها حسد رد عليها برد قهرها قال لها مالك دخل بزوجتي غرام انا اعرف اخلاقها وهي ماتت من القهر قالت له والله اني لا اخليك ترجعها لنا مجنونه .. مر اسبوع على هالموضوع وصارت غرام مثل المجنونه يابنات صارت تصارخ وماتدخل الحمام الا وزوحها معاها وانتم بكرامه وصارت حالتها مره متدهوره اتصل زوجها على امها وقال غرام تعبانه قالت الام خلاص انا راح اجي لكم جت الام لبيت غرام تخيلو يابنات غرام ماصارت دخل غرفت نومها يتقول لزوجها لا تفتح بابها ترى فيها ناس انا اشوفهم جت الام ودخلت هي وزوج غرام للغرفه وشافو شي لدرجه ان زوجها انبهر من اللي شافه اسمها اسمها مكتوب على جدارن الغرفه .. اخذ غرام لقرب شيخ عندهم وقرا عليها قال الشيخ في سحر محطوط بالغرفه المهم جلست البنت كم شهر لحد ماباعت الغرفه وتحسنت اوضاعها بعدها العمه اتصلت مره ثانيه قالت لزوج غرام طلق غرام ورجعها لنا قال لها لو تموتين مااطلق زوجتي ولا ارميها عندي يالظالمه قالت له طيب طيب والله انك ماتشم ريحه الاطفال في بيتك طول ماانا عايشه على وجه الارض .. غرام لها الان سنتين وهي تتشفق الاطفال كل مستشفى راحت له مافيه فايده .. المهم قال لها زوجها اذا ربي كاتب لنا الاطفال راح يجون غصب عنها اقتنعت بكلام زوجها ورضت قسمتها ونصيبها ..بعدها بشهرين تسمع بزواج اخوها عبدالعزيز من الناس وامها نفس الشي الام ارتفع عندها الضغط ودخلت المستشفى وبس تدعي ربها انه يفرج همهم ويخفف حزن امها .. كيف ولدها مافكر يقول لها انه بيتزوج وكل هذا من تحت راس العمه حسبي الله عليها .. البنت الصغيره عند امها وباقي الاولاد عند اهل ابوهم الام الان تطالب يحضانه اطفالها .. ولكن محد معطيها وجه ولازم واسطه علشان تمشي اوراقهم .. حسبي الله ونعم الوكيل .. الام قدمت معروض على الملك عبدالله حفظه الله لنا وللوطن يارب اعطها بيت لكن لحد الان مااستلمت البيت كل ماراحت تراجعهم قالو لها بعدين بعدين والحين غرام كل ماشافت احد طلبت منه المساعده لو من الجمعيه الخيره يستاجرون لمها بيت ..
غرام الحين طموحها تكمل دراستها وتتوظف وتحط لمها بيت وتسحب اخوانها من ابوها واخواها واهل ابوها الظالمين ...

حبيت اذكر هالقصه لكم .. واللي تبي تكسب الاجر وتقدر على مساعدتهم في اي كان ربي يكتب لها الاجر انشاء الله ..

حسبي الله ونعم الوكيل اللي لحمك ودمك يسون فيك كذا .. وصلت للسحر حسبنا الله ونعم الوكيل بنات تكفون ادعو لهم ان الله يجمع شمل هالبنات والاطفال الصغار مع امهم وينتقم لهم من عمتهم يارب ..

وانا اسمع البنت تتكلم لي وانا اكتب القصه لكم .. دموعي على خدي ...

الله يفرج همهم يارب وجمع شملهم وينتقم لهم من عمتهم يارب ..​
 
لاحول ولا قوة الا بالله القصه مؤثره

الله يفرج همها وكربتها اللهم امين ادعولها يابنات

حسبي الله ونعم الوكيل
 
لاحول ولا قوة الا بالله
حسبي الله ونعم الوكيل
 
سبحان الله فعلا من شاف هموم الناس صغر همه في عينه
الحمد لله على نعمة العافية
الله يكون بعونها يا رب و اللي خلق ما يضيع
 
ربي بينصرهم وربي ارحم بهم من الناس
ان الله يمهل ولا يهمل
 
لاحول ولا قوة الابالله الظلم ظلمات يوم القيامه هذي ماتخاف من ربها قلبها ميت ياربرحمتك ربي يكون في عونهم ويفرج همهم ويلم شملهم امين
 
طيب كيف يتوصلون لها اكتبي رقم رجال ثقه يتواصلون معه ويساعدونها الله يفرج كربتهم
 
انين القمر انا مااعرف الا رقم ام غرام ممكن تجين على الخاص واعطيك رقمها وهي تشرح للي بيساعدوها كل شي وتوريه صور صحك المحكمه والطلاق وغيره والباقي على رب العالمين احنا بشر نعمل بالاسباب والباقي على رحمته الحي القيوم ...​
 
حسبنا الله عليها حسبنا الله عليها حسبنا الله عليها
وين تروح من رب العالمين

قلوبنا معاهم ودعواتنا لهم واسال الله ان يعجل بفرجهم عاجلا غير اجل

"وبشر الصابرين" يارب اعنا على مساعدتهم ولو باقل القليل
 
حسبي الله ونعم الوكييل على كل ظالم الله ينتقم منهم ياارب عاجلا غيير اجل وربي ان جسسمي ارتعش ودمعتي بعيني لاحوول ولا قوة الا بالله طيب اختي لييه مايروحون يعرضون مشكلتهم على حقوق الانسسان وانشالله ياخذون حقهم .. الله يفررجها علييهم ياارب وعمتكم هذي ارفعوا علييها قضيه لاتتركونها وروحو المستشفى خذو تقرير طبي عششان اماكن الضرب اللي باجسسام اخووانك يكون دليل واثباات سجلو مكالمتها هالووقحه وخليها عندك بالجووال تكون دليل بعد هذي تستاهل السسجن والتعذيب الله لايووفقها لادنيا ولا اخرره عسى حووبة هالمسساكين ماتتعداهااا ياارب انشالله تششوفها بيييوم قرررريب والله يفررجها علييهم ياارب عاجلا غير اجلا
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل