السلام عليكم ورحمة الله ..
بكتب لكم قصه اغلى انسانه عندي واعز صديقه""قايد الريم""
بكتبها بصيغة اني انا قايد الريم..
هذي حياتي قبل الزواج…كنت مرتاحة ووكانت امي واااااااااايد عصبيه وانا الوحيده من بين خواتي الي اتحمل كل شي لاني ما احب اشوفهم حزينين صح كانت قاسيه بس قلبها من داخل روووووووعه وطيب…ابوي جدا طيب ما يحب يعصب او يزعل احد …
كان عندنا خدم بس امي فيها هوس نظافه ما تحب تشوف شي وصخ أبد..ودايمنا تهاوش الخدم ..ولاني نفس الوالد ما احبها تزعل او اي احد يزعل منها فكنت اسااعد الخدم واحاول اغطي على الكل كنت اقوم الفير اساعد امي ووعي خواني للمدرسه او دوام واساعد الخدم فالتنظيف بحيث امي ما تشوف أي وصخ وكنت وايد مستانسه في حياتي مع اني ما كنت ارقد بس 6 ساعات باليوم ومع هذا فيني شعور بالسعاده غريب ..وبصراحه أي شي اطلبه ينقالي تم فما كان أي شي ناقصني وكنت ادرس والحمدلله توفقت فدراستي ..
وايام كنت ثاني ثانوي رن فون البت جان اركض ويوم رديت طلع واحد وقالي انا محمد وحاب اتعرف عليج وصكيت الفون فجأه ..ورد دق قالي بليز انا محتاج اكلمج و.......ليتني ما سمعته المهم صار الي صار كنت اكلمه يوميا من فون البيت بس كان هو الي يدق وكملت وياه تقريبا شهر او اقل ...ويتني الصدمـــــــــــــــــة ياني اخوي الساعه 11 بلليل وقالي الريم ناقصنج شي؟ قتله لا ..قال انتي اغلى وحده من خواتي وآخر وحده اشك فيها وطــــــــــــــــلع وانا ميت سؤال فراسي معقوله كشفني..لا مستحيل لاني بس ارمس ربع ساعه و و و ..........
وتعبت نفسيا لاني انسانه خدومه وما احب افشل اهلي ..قررت اني اتركه بس عقب شو بعد اخوي بساعه ياتني اختي الكبيره وقالتلي الي تكلمينه هذا 0عبدالله(ولد عمـــــــــي) وهو خبر عليج الكل انج صااااااااااااايعه وتكلمينه تمنيت الارض تنشق وتبلعني وين اودي ويهي الكل درا ونحن عايلتنا نعيش جنب بعض يعني اهل ابوي ساكنين جنبنا.......تميت طول الليل ما ارقد وما قدرت اذاكر قمت الصبح ورحت المدرسه وما تمنيت ارجع ولما رجعت الوضع فبيت اهلي عادي محد قالي شي قعدت شهر وانا نفسيتي تعبااااااااااااانه بعدها مرضت وضعفت و طلع عندي خمول فالغدة الدرقيه ..ومازلت لين اليوم اتعالج منها......المهم بعد السالفه ب3 شهور قررت انسى واكون احسن عن قبل وولد عمي كان يطلع كلام عليه ان شكلي غلط وصايعه محد يبغيني ودايمن يوصل شي لين سنه خلاني فحال...بعد السنه ايام الثانويه العامه ..ياني اول شخص يخطبني من اهل امي واااااااايد استانست>>يمكن لانه اول شخص..وتقريبا الكل وافق وانا استخرت وارتحت والعرس بعد ما اخلص دراسه .المهم كانوا يتريون جواب امي اذا موافقين او لا..امي قالت باجر برد عليكم وسبحان الله بالليل الساعه عشر ونص دقت يارتنا وقالت لامي الريم نبغيها لولدنا ومن باجر بنخطبها رسمي>>امي وايد تحبهم وترتاح لهم ..ودقت بالباجر للي خاطبني اول شي ووااااااااااايد زعلت امه وقالت بنصبر عليها لين تخلص دراسه بس امي قالت : ما نقدر لانها ما تبا تعرس@_ @!..والعصر يونا الجيران وانخطبت رسمي بس كلام والكل باركلي وكنت مستانسه لان هالشخص كل وحده تتمناه..بعدها قالوا خل تخلص امتحانات وبيملجون .....بس سبحان الله ولد عمي ما خلاني فحالي سار وخبر ولد يارنا وبالباجر يونا اهله وهم يبجون ويقولون الولد ما يبي يعرس ..وانا اخته الي خبرتني وبجيت ونسيت الموضوع.....بعدها بشهر ياني ولد يارنا الثاني بس انا الي رفضته لاني صدق ما بغيت اعرس وبعدها اهتميت فالدراسه وكان كل شهر يخطبني حد>>والله ما ابالغ.......بس انا نسيت الموضوع وخاصه ان ولد يارنا جرحني وما قدرت انسى بعدها تخرجت والكل يخطب بس من دشيت الجامعه استانست ونسيت موضوع الزواج نهائيا...وسنه ثانيه جامعه ردوا الكل يخطب عبالهم بغير رايي..بس رفضت وفجأه كنت عالمسن وضفت ايميل واتكلم وياها عادي بس عقب اسبوع قال انا ولد خالج...وتعلقيت فيه لانه ادب واخلاق بس كنت كل ما اكلمه اقول معقوله يسوي شرات ولد عمي ويفضحني ..لما كملنا شهر قالي انا شفتج مرة وانا ياي اسلم على امج وحبيتج وبعدها قتله وانا ارتحت لك ..وكان كلامنا سطحي وعن احوالنا وهو يدرس فدوله ثانيه بس يرجع بين فترة وفتره المهم بعد الشهر اسبوع ما دش المسن اهني وقف قلبي.....قلت اكيد يقص عليه او هذا ولد عمي وخلال هالاسبوع ياني واحد اول مرة يخطبني وهو من بعييييد ابد ما يعرفونه اهلي خاصه انه عايلتنا كبيرة وايد ومعروفين.. ابويه قال بنسأل خواني رفضوا لانه الريال ما يعرفونه ابد وامي قالت يمكن هو زين خاصه ان ابوه رجل اعمال كبير فالولد اكيد مثل ابوه..اهنيه انا خفت ان ولد خالتي يضحك عليه فطرشتله ايميل لو كنت شاريني اخطبني رسمي لان اهلي شكلهم بيوافقون عالخطيب اليديد..بس للاسف ما رد عليه طول الاسبوع اتريا رد منه بس ما وصلني بعدها وافقت لاني شكيت فيه انه يجذب عليه..واستخرت لزوج المستقبل ووافقوا الاهل واجتمعوا الريال الخميس وانخطب رسمي بس بدون ملجه واندفع المهر...ويوم الخميس بلليل اتصل ولد خالي لأخوي وقاله انه بيرجع يخطبني رسمي بس لا يوافقون قاله اخوي ما اقدر وياني كلمني اخوي قتله كلم امي وابوي بس رفضوااا وركضت عالمسن ولقيته وقعد يترجاني عشان ارفض وحاولت ويا اهلي بس رفضوا..وكنت اشوي خجوله اول شي موافقه وعقب لا.......بعدها رجع الدوله ووصل هو وخالي عشان يرفضون بس ابوي قالهم ما اقدر لاني خذت المهر واستحي ارجعله واقوله لا........وراااااااااااااااح ولد خااااااااااااالي وصار الزواج
معاناتها عقب الزواج بكتبها باجر ان شاء الله..
اتمنى الي تقراها تدعيلها ربي يحقق مرادها ويرزقها من حيث لا تحتسب ويصبرها على ما بلاها
بكتب لكم قصه اغلى انسانه عندي واعز صديقه""قايد الريم""
بكتبها بصيغة اني انا قايد الريم..
هذي حياتي قبل الزواج…كنت مرتاحة ووكانت امي واااااااااايد عصبيه وانا الوحيده من بين خواتي الي اتحمل كل شي لاني ما احب اشوفهم حزينين صح كانت قاسيه بس قلبها من داخل روووووووعه وطيب…ابوي جدا طيب ما يحب يعصب او يزعل احد …
كان عندنا خدم بس امي فيها هوس نظافه ما تحب تشوف شي وصخ أبد..ودايمنا تهاوش الخدم ..ولاني نفس الوالد ما احبها تزعل او اي احد يزعل منها فكنت اسااعد الخدم واحاول اغطي على الكل كنت اقوم الفير اساعد امي ووعي خواني للمدرسه او دوام واساعد الخدم فالتنظيف بحيث امي ما تشوف أي وصخ وكنت وايد مستانسه في حياتي مع اني ما كنت ارقد بس 6 ساعات باليوم ومع هذا فيني شعور بالسعاده غريب ..وبصراحه أي شي اطلبه ينقالي تم فما كان أي شي ناقصني وكنت ادرس والحمدلله توفقت فدراستي ..
وايام كنت ثاني ثانوي رن فون البت جان اركض ويوم رديت طلع واحد وقالي انا محمد وحاب اتعرف عليج وصكيت الفون فجأه ..ورد دق قالي بليز انا محتاج اكلمج و.......ليتني ما سمعته المهم صار الي صار كنت اكلمه يوميا من فون البيت بس كان هو الي يدق وكملت وياه تقريبا شهر او اقل ...ويتني الصدمـــــــــــــــــة ياني اخوي الساعه 11 بلليل وقالي الريم ناقصنج شي؟ قتله لا ..قال انتي اغلى وحده من خواتي وآخر وحده اشك فيها وطــــــــــــــــلع وانا ميت سؤال فراسي معقوله كشفني..لا مستحيل لاني بس ارمس ربع ساعه و و و ..........
وتعبت نفسيا لاني انسانه خدومه وما احب افشل اهلي ..قررت اني اتركه بس عقب شو بعد اخوي بساعه ياتني اختي الكبيره وقالتلي الي تكلمينه هذا 0عبدالله(ولد عمـــــــــي) وهو خبر عليج الكل انج صااااااااااااايعه وتكلمينه تمنيت الارض تنشق وتبلعني وين اودي ويهي الكل درا ونحن عايلتنا نعيش جنب بعض يعني اهل ابوي ساكنين جنبنا.......تميت طول الليل ما ارقد وما قدرت اذاكر قمت الصبح ورحت المدرسه وما تمنيت ارجع ولما رجعت الوضع فبيت اهلي عادي محد قالي شي قعدت شهر وانا نفسيتي تعبااااااااااااانه بعدها مرضت وضعفت و طلع عندي خمول فالغدة الدرقيه ..ومازلت لين اليوم اتعالج منها......المهم بعد السالفه ب3 شهور قررت انسى واكون احسن عن قبل وولد عمي كان يطلع كلام عليه ان شكلي غلط وصايعه محد يبغيني ودايمن يوصل شي لين سنه خلاني فحال...بعد السنه ايام الثانويه العامه ..ياني اول شخص يخطبني من اهل امي واااااااايد استانست>>يمكن لانه اول شخص..وتقريبا الكل وافق وانا استخرت وارتحت والعرس بعد ما اخلص دراسه .المهم كانوا يتريون جواب امي اذا موافقين او لا..امي قالت باجر برد عليكم وسبحان الله بالليل الساعه عشر ونص دقت يارتنا وقالت لامي الريم نبغيها لولدنا ومن باجر بنخطبها رسمي>>امي وايد تحبهم وترتاح لهم ..ودقت بالباجر للي خاطبني اول شي ووااااااااااايد زعلت امه وقالت بنصبر عليها لين تخلص دراسه بس امي قالت : ما نقدر لانها ما تبا تعرس@_ @!..والعصر يونا الجيران وانخطبت رسمي بس كلام والكل باركلي وكنت مستانسه لان هالشخص كل وحده تتمناه..بعدها قالوا خل تخلص امتحانات وبيملجون .....بس سبحان الله ولد عمي ما خلاني فحالي سار وخبر ولد يارنا وبالباجر يونا اهله وهم يبجون ويقولون الولد ما يبي يعرس ..وانا اخته الي خبرتني وبجيت ونسيت الموضوع.....بعدها بشهر ياني ولد يارنا الثاني بس انا الي رفضته لاني صدق ما بغيت اعرس وبعدها اهتميت فالدراسه وكان كل شهر يخطبني حد>>والله ما ابالغ.......بس انا نسيت الموضوع وخاصه ان ولد يارنا جرحني وما قدرت انسى بعدها تخرجت والكل يخطب بس من دشيت الجامعه استانست ونسيت موضوع الزواج نهائيا...وسنه ثانيه جامعه ردوا الكل يخطب عبالهم بغير رايي..بس رفضت وفجأه كنت عالمسن وضفت ايميل واتكلم وياها عادي بس عقب اسبوع قال انا ولد خالج...وتعلقيت فيه لانه ادب واخلاق بس كنت كل ما اكلمه اقول معقوله يسوي شرات ولد عمي ويفضحني ..لما كملنا شهر قالي انا شفتج مرة وانا ياي اسلم على امج وحبيتج وبعدها قتله وانا ارتحت لك ..وكان كلامنا سطحي وعن احوالنا وهو يدرس فدوله ثانيه بس يرجع بين فترة وفتره المهم بعد الشهر اسبوع ما دش المسن اهني وقف قلبي.....قلت اكيد يقص عليه او هذا ولد عمي وخلال هالاسبوع ياني واحد اول مرة يخطبني وهو من بعييييد ابد ما يعرفونه اهلي خاصه انه عايلتنا كبيرة وايد ومعروفين.. ابويه قال بنسأل خواني رفضوا لانه الريال ما يعرفونه ابد وامي قالت يمكن هو زين خاصه ان ابوه رجل اعمال كبير فالولد اكيد مثل ابوه..اهنيه انا خفت ان ولد خالتي يضحك عليه فطرشتله ايميل لو كنت شاريني اخطبني رسمي لان اهلي شكلهم بيوافقون عالخطيب اليديد..بس للاسف ما رد عليه طول الاسبوع اتريا رد منه بس ما وصلني بعدها وافقت لاني شكيت فيه انه يجذب عليه..واستخرت لزوج المستقبل ووافقوا الاهل واجتمعوا الريال الخميس وانخطب رسمي بس بدون ملجه واندفع المهر...ويوم الخميس بلليل اتصل ولد خالي لأخوي وقاله انه بيرجع يخطبني رسمي بس لا يوافقون قاله اخوي ما اقدر وياني كلمني اخوي قتله كلم امي وابوي بس رفضوااا وركضت عالمسن ولقيته وقعد يترجاني عشان ارفض وحاولت ويا اهلي بس رفضوا..وكنت اشوي خجوله اول شي موافقه وعقب لا.......بعدها رجع الدوله ووصل هو وخالي عشان يرفضون بس ابوي قالهم ما اقدر لاني خذت المهر واستحي ارجعله واقوله لا........وراااااااااااااااح ولد خااااااااااااالي وصار الزواج
معاناتها عقب الزواج بكتبها باجر ان شاء الله..
اتمنى الي تقراها تدعيلها ربي يحقق مرادها ويرزقها من حيث لا تحتسب ويصبرها على ما بلاها
