قصتي مع زوجي ...من الخيانة الى التوبة !!!

[rorona]

​

بطرح عليكم قصتي واتمنى القى منكم التفاعل واتمنى غيري يستفيد ...​

انا امرأة عندي من مقومات الجمال الي يتمناها الرجل ...طويلة .. بيضاء البشرة ..جسم رشيق ..شعر طويل ..صوت ناعم ...جميلة ...​

تزوجت صغيرة بالعمر .. بعمر 17 سنة ..انا اكبر البنات ، ليس لدي اخت احكي لها عن اي شيء واما امي فهي كانت ايضا صغيرة ... لما نمشي باي مكان يعتقدون انها اختي مو امي ؟؟؟
انا خجولة واستحي فما كنت اقول لامي شي لاني ما ابيها تحاتيني ...
انا ناضجة وعقلي براسي ؟؟؟​

اول زواجي كنت دائمة البكاء ودائمة العصبية لاسباب تافهه؟؟؟ ولان زوجي اكبر مني بثماني سنوات كان متفهم ... وكان يعذرني لصغر سني ...​

كان رجل فيه كل مواصفات اللي تتمناه البنت ؟؟؟​

مرت السنوات وانجبت اطفالي الاربعة ؟؟؟؟؟​

يتبع ....​

 

[همس25]

يلله اكملي

 

[لتوفي]

:a025:

تحمس كملي ياقلبي
​

 

[أحلى الحلا]

كملي القصة

 

[Orchid & Tulip]

بالانتظار
بس عندي طلبين و لا عليج أمر
لا تطولين علينا .. و لا تطولين الأجزاء .. نبي نعرف نهاية القصة بأقرب وقت عشان نستفيد
أمنيتي أن أشوف ريلي مهتدي و تائب إلى الله

 

[تهاجيد]

الله يحفظ لج عيالج ويحفظج لهم

:c016:


معاج الغالية​

 

[انهارالعطاء]

كملي يالغاليه احنا نسمعك وان شاء الله انا بعد افرح بتوبه زوجي

 

[أم عايشه 2009]

كمليي حياااااتي معااج أحنه فديتج

 

[شمووخ جرح]

بالانتظار
بس عندي طلبين و لا عليج أمر
لا تطولين علينا .. و لا تطولين الأجزاء .. نبي نعرف نهاية القصة بأقرب وقت عشان نستفيد



وانا اضم صوتي لاتطولييييييييييييييييييييييييييييييييييين

 

[m1m1]

يالاه من زمان مثل موضوعك
انا تعبانة من زوجي يخيني بالتلفون والبنت
تكفين كملي قصتك باسرع وقت
ابي استفيد منك

 

[دموع الاسى]

كملي نحن في الانتظار

 

[لتوفي]

:a227::a227::a037:

 

[الجـوري]

معااااااااااج حبوووووووووبه كملي الله يخليج بسرعه

 

[اجمل شعور]

وينج ؟؟؟؟عسى خير ؟؟؟؟

 

[دلــ زوجي ــوعة]

لا تطولين عليــــــــــــــــــــنا
نحن بالإنتظااااااااااااااااااااااااااااااااااااااااار

 

[أم نهيان*]

نحن بالإنتظااااااااااااااااااااااااااااااااااااااااار

 

[rorona]

تسلمون على التفاعل .. وماراح اطول الاجزاء ...

 

[rorona]

تكمله ...​

قبل انجابي طفلي الاخير عمي طاح مريض واحتاج انه يسافر الى الخارج .. والمرافق له زوجي واخوانه ... فكان يروح واحد ويقعد واحد ... ومدة الواحد تتراوح من 40 الى 50 يوم ...وكان زوجي لما يرجع من لندن كان يرجع لنا مشتاق ومتلهف ومحمل من الهدايا لي ولعيالي ...
المهم حملت بطفلي الرابع ورجع عمي للكويت ...وبعد اشهر ولدت بطفلي الرابع ...وبعدها بايام سافر عمي لتكمله العلاج بالتشيك .. كان المرافق اخو زوجي ...قعدت عند اهلي بالاربعين وبعد طلعتي بايام كان موعد سفر زوجي ... وسافر زوجي لابوه ...
قعد معاه شهر ... رجع بهدايا قليلة والشوق عنده مو نفس كل مرة .. أنا قلت يمكن عشان مرافق مريض والمعروف مرافق المريض مريض مثله ...
زوجي تغير ...سوالفه تغيرت ...ماكو نقاشات مثل قبل ...العلاقة معاه بالفراش قلت ...بدا يواظب على الدوام ومستحيل يستأذن من دوامه لاي سبب ... الدوام يا بنات صار شي مهم بحياته ؟؟؟
رجع الى التدخين .. ينزعج من عياله بالبيت ؟؟؟
بس ماكان مقصر بشي ابدا من ناحية المصاريف والروحات للسوق والطبيب والطلعات .. حتى السفر سافرنا لاكثر من دولة ..كل شي مادي موفره لنا ..بس معنويا متغير ...
سالته ؟ قال احنا لنا جم سنة مع بعض .. والعلاقة الزوجية احيانا يمل الشخص ويحتاج انه يبتعد شوي عنها ...انا صدقته وكلامه كان منطقي ... وقريت بالنت ان العلاقة الزوجية مع السنين تفتر وتحتاج الى تجديد ...
انا ضفت لها ان العيال كبرو وبدو يروحون المدارس وبدت اشغالهم تزيد ...
بنات زوجي كان طبيعي ... التغير اللي فيه في اي انسان طبيعي تشوفينه ...
مرت اشهر واشهر .... وتغاضيت عن هالموضوع لاني ما اشوف التغيير يستاهل مني كل هالتعب ... زوجي مو مقصر معاي بشي ...​

يتبع ....​

 

[قلب ناعمه الطيب]

كملي حبيبتي

 

[rorona]

تكمله ...​

قبل فترة انتقلت لنا بالدوام موظفة ... عندها مشاكل زوجية ...ومشاكل بالدنيا ... بس كانت اخلاقها حلوة ...
كلمتني مرة وكلامها يا بنات صحى شي بداخلي نايم ...
قالت لي زوجج احس انه عنده خرابيط ... واحس انج تكشخين له بس مو دايم ....
كلامه صدمني بس طبعا ماصدقتها انا وصديقاتي ...
بدينا نبتعد عنها خوفا منها انها تسرق زوج وحدة فينا ...واعتقدنا انها ساحرة ؟؟؟
كانت علاقتنا معاها بحدود ....
بس كلامها لي كان مثل الماي اللي ترشينه على شخص نايم ويصحى ... بس تغاضيت عنه ...لان زوجي مو مقصر معاي بشي ؟؟؟
المهم ...مع الايام بديت احس ان زوجي يقعد بالبيت ويقعد ساعات على النت ...ولما اروح اي مكان اتصل على تلفون البيت يكون مشغول ؟؟؟
جن جنوني ... ولما ادق عليه ما يرد واذا رد يتحجج انه نايم ؟؟؟؟؟
صوته مو صوت شخص نايم ...التلفون مشغول .. ولما كلمني ودقيت على تلفون البيت ماكان مشغول ؟؟
واجهته وقال خلاص ولا تزعلين النت ماراح اشبك فيه ابدا ؟؟؟
زوجي ما عنده لابتوب شخصي عنده لا بتوب من الدوام وعلى كلامه انه بالدوام ويشترك معاه اشخاص غيره .. يقول انه ياخذ لا بتوب اخوانه في البيت ؟؟؟
مشيت السالفة مع انها في قلبي وفي قلبي كلامه اللي كان يجذب فيه علي ؟؟؟
قرر انه يسافر مع اصدقائه ... وقال لي بسافر .. قلت الحين منتشر مرض انفلونزا الخنازير ... قال ماخذ احتياطاتي ....
قلبي مو مرتاح من سفرته هالمرة ...وقلت له قلبي مو مرتاح لسفرتك ... قال تعوذي من الشيطان هذي مو اول مرة اسافر مع ربعي ... تحججت بحجة الوباء المنتشر ... حضني وقال انا احب السفر ولي فترة ما سافرت مع ربعي ...
ما حبيت اعاند .. راح يسافر غصب لانه مرتب كل شي ... قلت روح الله معاك بس دير بالك على نفسك ...
سافر زوجي ومدة السفر 20 يوم ... جولة في اوربا ....
سافر زوجي .. اتصلاته قلت ... تخيلو يدق ويسال عن اخبارنا ويسكر التلفون ؟؟؟
وين سوالفه عن السفر ... يطرش مسج من وقت لي وقت ...انا هني قلت ماراح ادق عليه ولا راح اطرش اي مسج بخليه اهو اللي يدق ....
يا بنات شاري له خط تلفون من هناك وما دق علينا الا قليل ... وانتهى رصيده .. سالته بهالسرعة قال اي كلمت اهلي وربعي وانتهى الظاهر الاتصالات غالية عندهم ....
دق علي في يوم وبلغني انهم بيرجعون قبل موعد رجعتهم لانهم حاسين بملل ... وقال بنغير خط رحلتنا وبنرجع بعد خمس ايام ... هذي كانت اخر مكالمة له في السفر ... وكان في دولة اوربية ...
يوم رجعته رحت لشقتي نظفتها وعدلتها ... وعدلت نفسي بانتظار زوجي ...رجع زوجي من السفر بدون هدايا لعياله وهديتي عطر فرنسي ...راح لاقرب محل العاب بالكويت وشرا العاب اي كلام لعياله ؟؟؟؟؟؟
يتبع ....​