محبة الطاعات
New member
- إنضم
- 2010/02/11
- المشاركات
- 425
بسم الله الرحمن الرحيم
السلام عليكم و رحمة الله و بركاتة
انا بقولكم على قصتي مع مرض الغدد العرقيه و اللي اساسه ان جسمي حساس بزياده
انا عايله امي كلهم جسمهم حساس و للأسف ان انا خذيت هالصفة بالوراثه منهم
http://dlo03.jeeran.com/0044[1].gifالسلام عليكم و رحمة الله و بركاتة
انا بقولكم على قصتي مع مرض الغدد العرقيه و اللي اساسه ان جسمي حساس بزياده
انا عايله امي كلهم جسمهم حساس و للأسف ان انا خذيت هالصفة بالوراثه منهم
المهم الله يسلمكم انا لما كان عمري تقريبا 12 سنه بديت استخدم مزيلات عرق على خفيف
و لأن كانت ظروفنا صعبه لدرجه ما تتصورونها كنت استخدم نوعيه اي كلام
و للأسف ما انتبهت للعلبه ان كان مكتوب عليها ان نسبه العطر عاليه بهالمزيل:33:
و مع الأيام بديت احس بألم مكان المزيل كرمكم الله و انا مستانسه
و كنت استخدم كميه كبيره لأن امي ما قالت لي ان مضر لو زدت الكميه كنت فاهمه الموضوع عادي
و للأسف بد الألم يزيد و الألم تحول لدمامل و الدمامل بدت تنفقع
وانا كل ما اقول لامي كانت تقول لي غسلي عدل ما بيطلع لج و يوم ورا يوم
و شهر ورا شهر و الدمامل تزيد و الحاله تسوء و انا يا غافلين لكم الله :8:
و تخيلوا عقب 3 سنين قررت امي انها توديني لطبيب
رحت لطبيب و قال لا هذا مو مضر مع الدوا بنعالجه و بيروح
وخذيت الدوا و لا في تأثير و بعدين رحنا لدكتور ثاني قال هذا لازم عمليه نفتحه ببنج موضوعي :8:
و وافقت امي بعد عناء و طلعت من المدرسه و رحنا سويت العمليه و الله لا يوريكم على الألم الفضيع
اللي شفته مستشفى حكومي و الدكتور اخذ راحته و اشتغل قبل البنج يبدا مفعوله
و كلها شهر و رجع مره ثانيه و رجعنا الطبيب
و قالوا خلاص لازم عمليه بس ببنج نص يعني بس نصي الي فوق مبنج و التحتي لا
و كان وقتها الفصل الأول و نطرت اجازه الربيع و سويت العمليه
و الله لا يراويكم بهدله مو طبيعيه ما كنت اقدر اتحرك عدل و حالتي حاله طبعا كل هالوقت كانت الدمامل
تطلع بس باليسار و عقب العمليه قامت تطلع باليمين بعد
و قالت امي ان احنا بنروح الكويت نعالجج هناك و صج رحنا شفنا دكتوره هناك قالت لا البنت صغيره
خلنا نعالجها بالمضادات الحيويه قلنا اوكي كتبت لي على مضادات و قالت تستمر عليها
و طبعا استمريت و عقب رجعنا الديره و بديت اتعالج عند دكتور خاص و الورقه اللي كتبتها الدكتوره
معاي اللي فيها اسم الدوا و حالتي و طبعا كل هالوقت كانت الحاله مجرد دمامل محد عارف شنو الحاله
الحمد لله و الشكر
المهم تميت اتعالج سنتين و ما في فايده بس مخاسير الدوا الواحد ب 6 دنانير تخيلوا
و كل شهر اشتري لي 4 علب و هذا غير مصاريف الدكتور و بالأخير امي تعبت مو قادره على التكاليف
سألت الدكتور الخاص و قالت له نبي جراحه مره ثانيه بس نبي دكتور زين و عطاها اسم دكتور
المهم رحنا لهالدكتور و طلع دكتور زين صج و قال اللي فيج مرض اسمه التهاب الغدد العرقيه
و بنعالجه بعمليه كبيره لأن المنطقه عندج صارت كبيره لأن الدكاتره لعبوا فيج:33:
بننطر لأجازه الصيف و بتدخلين المستشفى
و صج سويت العمليه و تميت 3 شهور بالمستشفى كل الأجازة
و ما ابي اقول لكم على البلاوي اللي صارت لي هناك
المهم راح اللي فيني بس المنطقه صارت مثل المحروقه من العمليه و تميت سنتين ما فيني شي
لكن الحين ومن فتره رجع و قريت عن الموضوع اكثر و لقيت ان اللي فيني مزمن
و ما تخف اعراضه الا بعد سن ال 35
تخيلوا و السبب الرئيسي ان انا تميت مده على ما تعالجت لو تعالجت على طول جان راح
لكن الحمد لله على المرض لان المرض نعمه من الله و تكفير عن الذنوب
الحين تروح الدمامل و ترجع و هذا حالي اذا زاد الوضع رحت الطبيب تعالجت و يروح
و هذا انا و لما قريت عن المرض اكثر عرفت اتعامل معاه يتأثر بالعطورات و الروايح
عشان جي ما اكثر من العطر او البخور
بنات انا كتبت الموضوع معاناته 9 سنين و مازال مستمر عشان تستفيدون من قصتي
و لا تتهانون بالذات اللي جسمهم حساس
ديروا بالكم على روحكم الحين انا عرفت اهتم بنفسي عدل و اتعامل مع المرض
بس الله يستر ما يزيد المرض و يطلع في اماكن ثانيه لأنه ممكن يطلع ادعوا لي انه ما يطلع يارب
و اللي تبي اي معلومه عن المرض تراسلني و انا مستعده اساعدها الله يبعده عنكم
و يكفيكم شر
