قصتي بإختصار

[الطائره]

السلام عليكم ورحمه الله وبركاته

سمعت كثير عن المنتدى وحبيت أشارك وأستفيد عشان كذا حبيت أذكر قصتي مع زوجي بإختصار

أنا زوجي يدرس ويشتغل موفاضي لي نفسيا يعني ماعشت معها أحلى أيام زواجنا في البدايه ولا حتى بعدين كل يومه شغل ودراسه وأنا فاضيه في البيت لاشغله ولا عمله وكنت لما أسويله مفاجأه أو حركه مايحاول يشجعني يمكن يكون فرحان بس مايتكلم ولا يعبر لانه تعبان طول النهار
وصبرت وتحملت والحين كملت سنه وبكمل الثانيه وعندي بنت وحده ماكملت سنه

ومع العشره حسيت إن زوجي إنسان متردد ويمكن يكون ضعيف شخصيه عشان كان له ماضي مع أهله أثناء صغره
ماعمره دخل علي بشي يفرحني أنا أفرحه وأشتري له الهدايا وهو ماحاول معي
حتى مايمدحني لما ألبس له مأدري ليش ومع كذا صبرت بس الحين تعبت ودي أحس معه بالرومانسيه
ودي يعبرلي عن مشاعره مع إنه يحبني كثير بس مايعبر

هذه قصتي بإختصار ودي تفيدوني ودي تطلع عليها الاستاذه ناعمه وتفيدني لاني حاليا لاأستطيع الاشتراك بالدورات

تحياتي لكم

 

[روح الوفى]

حبيبتي الله يعينك بس اغلب الرجاجيل كذا مايعبرون عن مشاعرهم بس اكيد عندة طريقة لتعبير حتى ولو بنظرة

 

[لحن المطر ~]

انتي شجعيه على التعبير حبيبتي

اذا لبستي شي حلو قولي له شو رايك خليه يمدحك بطريقة سؤال ودلع مو أمر
مو شرط يعبر عن حبه بالهدايا بعض الرجال ما يحس او ما يعرف او يعتبر هالاشياء مو مهمة علميييه

خلي لكم يوم فالسنة مثلاً او كل عيد تتبادلون الهدايا قولي له كذا فالعيد بهديك هدية وانت اهديني هدية عوديه على اللي انتي تبغيه

شوفي شخصيته من أي نوع حدديها يمكن تقرأين قصص تفيدج عن الشماليين او الجنوبيين او اي شخصية زوجج ينتمي لها

الله يوفقج ويسعدج باآقي حياتج

 

[ahhat]

وش نمط شخصيتكم

 

[الطائره]

حبيبتي الله يعينك بس اغلب الرجاجيل كذا مايعبرون عن مشاعرهم بس اكيد عندة طريقة لتعبير حتى ولو بنظرة

كلامك صح أنا أحس بعيونه وأقوله قولي مثلا أحبك يرد علي طيب أحبك

وإذا قلتله أنا ماأبغى كل يوم تقولي بس ودي أحس بالشي من فتره لفتره يسكت ولا يرد علي
حتى إذا ناقشته وحاولت أعلمه يظل ساكت ولايعلق بأي كلمه لا نعم ولا لا ولاأي كلمه خصوصا بالحياه الي تخصني وتخصه أقصد حياتي الزوجيه معاه

 

[حلاقطر]

حبيبتي الرياييل يحبون الوحده الصريحه معاهم يعني اذا خاطرج في هديه حاولي انتي تعودينه قوليله ودي بهالعطرهديه منك ولما تجيبين له هديه قوليله انا بعد ابي هديه الرسول عليه الصلاه والسلام قال تهادوا تحابوا

يعني لا تقعدين تنطرين وانتي ساكته الا بالعكس قوليله جيبلي هديه وانطري كم يوم وقوليله وين الهديه شدعوه حتى لو ورده ب10ريال تفرحني ومن هالكلام وكل شي منك حلو ............الخ

ولما تلبسين دايم اساليه شرايك اذا قال حلو وسكت قوليله اي يعني هاللون حلو علي والا مال امس احلى
وش رايك بهالميك اب علي وشرايك بشعري جذي يعني انتي اسحبي منه الكلام لين ما يتعود

ولما تلبسين شي جديد قوليله وانا اشتريه كنت متأكده انه بيعجبك ها شرايك فيه ويعني من هالحجي

انتي اسحبي منه الكلام صدقيني شوي شوي بيتعود وبيصير يقول بدون ما تبدين انتي

 

[الطائره]

انتي شجعيه على التعبير حبيبتي

اذا لبستي شي حلو قولي له شو رايك خليه يمدحك بطريقة سؤال ودلع مو أمر
مو شرط يعبر عن حبه بالهدايا بعض الرجال ما يحس او ما يعرف او يعتبر هالاشياء مو مهمة علميييه

خلي لكم يوم فالسنة مثلاً او كل عيد تتبادلون الهدايا قولي له كذا فالعيد بهديك هدية وانت اهديني هدية عوديه على اللي انتي تبغيه

شوفي شخصيته من أي نوع حدديها يمكن تقرأين قصص تفيدج عن الشماليين او الجنوبيين او اي شخصية زوجج ينتمي لها

الله يوفقج ويسعدج باآقي حياتج

حبيبتي أنا أقوله وأسئله يقولي أي حلو ويسكت مايحاول يثير إحساسي أكيد فاهمتني ؟؟
أنا ماأقصد يدخل علي بهديه كل يوم يعني أقرب شي في عيد الفطر أنا شريتله هديه وإنبسط كثير ويوم صار بكره قلتله وين عيديتي ؟؟تدرين وش قالي ؟؟ الحين ماسحبت فلوس بكره بسحب وتخيلي مع حنتي له وكل شوي أقوله وين عيديتي وبينت له إني زعلانه وقلت له ليش أنا أفرحك وإنت كذا تعاملني أنا فكرت فيك وإنت لا ليش ماتفكر تفرحني ..... ولا كلمه رد علي وبعد إسبوع عطاني عيديتي قبل لايروح العمل :icon1366:


بالنسبه لشخصيه ماأعرف شخصيتي ولا شخصيته وحاولت أبحث في المنتدى بس مالقيت إذا تعرفين حاولي تديليني لاني جديده على المنتدى وبالنسبه للقصص قصتي مافيها خيانه ولا معاناه كبيره هي مشكله بشخصيته أو يمكن بشخصيتي مع العلم إني أحبه مووووووووت وهو بعد يحبني ولا كان ماتزوجني لأنه كان يحبني هو يقربي من بعيد

أشكرك أختي الغاليه

 

[الطائره]

حبيبتي الرياييل يحبون الوحده الصريحه معاهم يعني اذا خاطرج في هديه حاولي انتي تعودينه قوليله ودي بهالعطرهديه منك ولما تجيبين له هديه قوليله انا بعد ابي هديه الرسول عليه الصلاه والسلام قال تهادوا تحابوا

يعني لا تقعدين تنطرين وانتي ساكته الا بالعكس قوليله جيبلي هديه وانطري كم يوم وقوليله وين الهديه شدعوه حتى لو ورده ب10ريال تفرحني ومن هالكلام وكل شي منك حلو ............الخ

ولما تلبسين دايم اساليه شرايك اذا قال حلو وسكت قوليله اي يعني هاللون حلو علي والا مال امس احلى
وش رايك بهالميك اب علي وشرايك بشعري جذي يعني انتي اسحبي منه الكلام لين ما يتعود

ولما تلبسين شي جديد قوليله وانا اشتريه كنت متأكده انه بيعجبك ها شرايك فيه ويعني من هالحجي

انتي اسحبي منه الكلام صدقيني شوي شوي بيتعود وبيصير يقول بدون ما تبدين انتي

أختي حلا قطر يمكن كلامك صحيح أنا أسوي مثل ماقلتي بس لما ماألقى تجاوب بالمره الثانيه أطفش ولا أسئل تخيلي حتى بالملكه مافرحت فيها كلها مشاكل من طرف أهله يمكن عشان كذا ودي هو اللي يعبرلي عن حبه ويكون رومانسي معاي مثل ماأنا معاه بس برجع أسوي مثل ماقلتي

أشكرك أختي الغاليه

 

[الطائره]

وش نمط شخصيتكم

أشكرك أختي الغاليه بس للأسف ماأعرف شخصيتي ولا شخصيته

 

[امل الصالح]

http://www.niswh.com/vb/showthread.php?t=1324

سوي اختبار الشخصية وان شاء الله كل اسئلتك لها اجوبة مقنعة

احس ان زوجك جنوووووووووبي واذا كان جنوبي غربي الله يحييك معنا في تجمعنا .

 

[الطائره]

شكرا لك يأمل الصالح وّإذا طلع كلامك صح فأهلا وسهلا بي لديكم ( لغه عربيه عجيييييييبه )