قصتي اليوم مع باب رزق

[كسرني الالم]

السلآم عليكم
شو اخبآركوم صبآيآ ..
امس وانا اتصفح ع ايميلي شفت فيه رساله
وظيفه وانو تقديمها على باب زرق
وكمان المقابله الشخصية
طبعا انا كنت رايحه السبت وعبيت استماره
قلت اليوم اروح واشوف واقولهم ابغى ادخل المقابله
المهم لما قربت من باب رزق الا اشوف
السيارات والعالم وزحمه
بنات مكه كلهم في باب رزق :33:
والعالم كلها عارفه الخبر وانا بس امس الي عرفت
ع تسع ونص بالليل قبل ماانام
نزلت من السياره ودخلت ابي اطلع ع المصعد
جنب المصعد شي 15 بنت واقفه ومعاهم الملفات
الخضراء .. << ورانا ورانا
جاء السكيرتي وحاول يطلع خمس بنات
والعالم لسه بتجي من برا
طلعنا بالمصعد .. الزحمه الي ع الاستقبال ماسمحت
لنا نطلع من المصعد الا بالقوه بالدف وشوي ولو سمحتي
طبعا بالقوه كمان كرمال احكي للموظفه اني عبيت استماره
اقدر ادخل المقابله
قالت لا تعبي طلب جديد
والعالم تعبي فقر اقلام فقر اوراق الاستمارات
الموظفات يصوروا ويوزعو
قالو انتظرو .. نص ساعه
كلمت زوجي وقلت له روح دوامك السالفه مطوله
المهم وانتظرنا وانتظرنا
من الساعه 9 صباحا
وع 11 وصلو موظفتين من جدهـ
هما ذولا الي رح يجهزو للمقابله
الساعه عششره وقفو استقبال البنات ..
وحده من موظفات باب رزق تقول
روحو بيوتكم لو ربي كاتب لك الرزق
رح يجيك .. :2: يعني طرده
مافي احد خرج
قالو العمل مختلط .. خرجو قليل
قالو .. الي رح يسوي المقابله رجال .. خرجو شوي
اما الباقي متواجدين
قالو لنا الكل ينزل للصاله تحت مانبغى احد يجلس هنا
نزلونا تحت ف الصاله
والموظفتين معانا والاوراق معاهم
طبعا وحده طيب والثانيه تقولو نشحذ منها
بس دايم اذا كان لك عند ... تقوله ياسيدي
وصارو ينادو عشره بنات ويسسوا قروب
ويرقمو القروبات
طبعا عدد القروبات وصل 17
وكل قروب فيه عشره بنات
والكل رح يسسوي المقابله
طبعا فيه الكاشفه وفيه المنقبه وفيه الملثمه
وحاطين مكياج وراسمين الحواجب والي تحت الحواجب
والمناكيـر ..
المهم .. قروبي كان احد الارقام وكنت العاشره
ف قروبي المتلثمه والي لابسه نقاب ولي لابسه برقع
جات وحده من البنات قالت يابنات
ترا يقبلو ناس وناس
والي يقبلوهم يعطوهم ملف ازرق يعبو فيه
البيانات للتاكيد
انا بصراحه قلت شكلو يعطي البنات الي المتلثمات
اما الي لابسين نقاب وبرقع عليهم السسلام
قالت وحده من القروب والله رح امسك عبايتي
واشدها ع جسمي واتمخطر عشان يعطيني الملف
فكرت اتلثم واقول لنفسي اكسبي الوظيفه
بعدين فكرت ف نفسي .. اعصي
ربي كرمال وظيفه وفي الدنيا
حتى لو كنت محتاجتهآ
رتبونا ودخلت صاحبتنا الي قالت رح اتمخطر
وفعلا عطاها الملف الازرق وعبت فيه بيانتها
وكان قروبي كلو جايب ملفات واوراق كامله
دخلت بنت ثانيه وراها كمان متلثمه
واعطاها ملف ازرق
وكمان الثالثه وعطاها لانها متلثمه
الباقي كانو برقع ونقاب
وانا منهم
بما اني الاخيره ماااعطى ولا وحده منهم ملف ازرق
دخلت انا ..
سالني
عمرك .. متزوجه .. عندك اولاد .. فين اشتغلتي
وليش تركتي .. الاسئله
بعدين عطاني ورقه وقالي روحي للاخ عمر الكلام للكل
انا بصراحه انقهرت
قلت لو ليه ماعطيتني الملف الازرق
قالي .. لانو اوراقك كامله
قلت .. البنات الي قبلي كلهم كانت اوراقهم كامله احنا قروب واحد وجلسنا مع بعض قرابة الساعتين
قالي .. لالا اصلا الملف ماعليه توقيع شركه
قلت .. طيب ليه بنات وبنات لا كلنا جايين للوظيفه
قالي.. انتي ليه تجادلي ..
قلت شف يااخي اذا ماناسبتك كرمال توظفني قولي اسف
لا تقول اوراقك مو كامله
البنت الي قبلي طلبت منها ايبان البنك ولما قالت له الايبان
معاي قالها لا ابي صوره قالت له الصوره معاي
قال لها ابي جديده وذكرت له السالفه
قلت طيب كيف اوراقي كامله ومافي ايبان ولا صوره
قلت .. الرزق ع الله مو عليك
والحمد لله ع كل حال ...
بس القهر انو اتمصخر عشان اتوظف
اطلع عيوني وحواجبي وشوي من شعري عشان
يوظفني
يعني انا محتاجه للوظيفه .. يقرصونا بها الطريقه
طلعت مضايقة من باب رزق عبداللطيف جميل
مو حرام عليهم ..
وربي كونو عندي فكره عشان اتوظف لازم
اتخلى شوي عن مبادئي وعقيدتي واسلامي
ولاخ كان سوري
يعني لو كان من اهل البلد سعودي كان صارت
عنده غيره ع بنات بلده وماسسوا هالشي
بصراحه شي يقهر
ولكن مااقول الا حسبي الله ونعم الوكيل
والله يابنات من القهر خنقتني العبره
وحسيت بقهر ..
قبل كم يوم اشوف بنتين قدامي ينقبلو بالواسطه
وانا لو احتجنا اتصلنا
..
يارب رحمتك يارب رحمتك
​

 

[رورو الاموره]

لا حول ولا قوه الا بالله
معقوله وصلت الدناءه بهم لهادا الحد
حسبي الله
يا ستي احمدي ربك بعدك عن البيئه النجسه دي
واتذكري انو من ترك شييئا لله عوضه باحسن منه ​

 

[كسرني الالم]

الحمد لله ع كل حال الارزاق بيد الله مو بيدهم
مشكوره ع المرور وتفاعلك خيتو ​