السلام عليكم ورحمة الله وبركاته
والله ما لي غيركم افضفض واقول كل إلي بخاطري
وياريتكم تساعدوني
ريلي متزوج تقريبا من 5 او 6 شهور وانا زوجته الاولى
ومشكلتي هي انه يوم الخميس كان عندنا حفلة خطوبة اخت زوجي وطبعا لازم انكون موجودين نحن الاثنين وبصراحه ريلي قال انه ما يبغي مشاكل وانا مب من النوع إلي اسوي مشكله وانا بعد قلت ما بسويلها سالفه عسب الناس ما تضحك علي..
والحمد لله مرت الحفله على خير ما سويتلها سالفه وهي يوم دخلت سلمت علي بس من بعيد ورديت عليها ..
فالبارحه ريلي كان عندها وكان كل شي من بينا اوكي يعني طلع ريلي من عندي وهو ما شاء الله عال العال مستانس وفرحان ومن وصل عندها كلمني وقالي اسويله شغله في الانترنت وكنا نضحك وكنت اكلنه عادي وهو نفس الشي يكلمني عادي وكنت حاسه ان زوجته الثانيه يالسه معاه.. المهم صك عني وبعد تقريبا 5 دقايق اتصل مره ثانيه وكان يصارخ ويقولي ليش كنتي تتطالعين حرمتي الثانيه بنظرات في الحفله ومن هالكلام والصراحه واايد اضايقت قتله انا ما شفتها ولا شي وهي مب الوحيد إلي في الحفله عسب انا ايلس اطالعها.. ما ادري شو استوى فيه اتغير مره وحده وتميت احلف له انه حتى اذا طاحت عيني في عينها بس مب قصدي اني اشوفها بنظرات ..
اتخيلوا ما صدقني وتم يقولي انتي جذابه وهي يالسه وياه .. الله يسامحها والله ما ادري وين تبغي توصل ..
اكتبلكم وانا يالسه اصيح من الضيقه إلي فيه .. بس الله ينصرني عليها والله يكفيني شرها ويرد كيدها في نحرها
هو اليوم بيكون عندي واكيد بيفتح الموضوع والله ما اعرف كيف اخليه يصدقني لاني والله العظيم ما كنت اشوفها واحاول اكون بعيد عنها .. بس صدق مقهوره منها كيف تقول جي عني .. والله اني بريئه
الله يخليكم ساعدوني كيف اقنع ريلي ويصدقني اني ما كنت اشوفها وإذا شفتها ما كان قصدي شي
احس انها تبغي تخرب بيني وبينه يوم شافتنا اوكي ونضحك ويا بعض حتى في الحفله ما بينت لحد اني مضايقه من وجودها بالعكس كنت اضحك واسولف بس كنت احاشاها عسب ما تستوي مشاكل وآخر شي دخل ريلي ويا المعرس فأنا كنت يالسه وياه واضحك واكيد هي شافتني ..
والله شكلها كانت مركبة كاميرات مراقبه علي .. واحس انها تسوي جي فيني لاني ضعيفه وما اقدر اخذ حقي وانه ريلي وااقف وياها ضدي فهي استقوت لانها مب اول مره تسوي مشكله بيني وبينه .. الله يسامحك يا ريلي ويردك لي ان شاء الله
الله ياخذ حقي منها والله يبين لريلي اني بريئه وما يخصني في شي
بنات ادعولي وقولولي شو اسوي معاها لاني واايد مضايقه والمشكله اني حامل من يوم عرس يعني من حملت وانا في ضيقه ما يعلمها إلا ربي
اسمحولي طولت عليكم وان شاء الله تفهموني لاني واايد مضايقه واحس عمري يالسه اخربط وما اعرف شو اقول
والله ما لي غيركم افضفض واقول كل إلي بخاطري
وياريتكم تساعدوني
ريلي متزوج تقريبا من 5 او 6 شهور وانا زوجته الاولى
ومشكلتي هي انه يوم الخميس كان عندنا حفلة خطوبة اخت زوجي وطبعا لازم انكون موجودين نحن الاثنين وبصراحه ريلي قال انه ما يبغي مشاكل وانا مب من النوع إلي اسوي مشكله وانا بعد قلت ما بسويلها سالفه عسب الناس ما تضحك علي..
والحمد لله مرت الحفله على خير ما سويتلها سالفه وهي يوم دخلت سلمت علي بس من بعيد ورديت عليها ..
فالبارحه ريلي كان عندها وكان كل شي من بينا اوكي يعني طلع ريلي من عندي وهو ما شاء الله عال العال مستانس وفرحان ومن وصل عندها كلمني وقالي اسويله شغله في الانترنت وكنا نضحك وكنت اكلنه عادي وهو نفس الشي يكلمني عادي وكنت حاسه ان زوجته الثانيه يالسه معاه.. المهم صك عني وبعد تقريبا 5 دقايق اتصل مره ثانيه وكان يصارخ ويقولي ليش كنتي تتطالعين حرمتي الثانيه بنظرات في الحفله ومن هالكلام والصراحه واايد اضايقت قتله انا ما شفتها ولا شي وهي مب الوحيد إلي في الحفله عسب انا ايلس اطالعها.. ما ادري شو استوى فيه اتغير مره وحده وتميت احلف له انه حتى اذا طاحت عيني في عينها بس مب قصدي اني اشوفها بنظرات ..
اتخيلوا ما صدقني وتم يقولي انتي جذابه وهي يالسه وياه .. الله يسامحها والله ما ادري وين تبغي توصل ..
اكتبلكم وانا يالسه اصيح من الضيقه إلي فيه .. بس الله ينصرني عليها والله يكفيني شرها ويرد كيدها في نحرها
هو اليوم بيكون عندي واكيد بيفتح الموضوع والله ما اعرف كيف اخليه يصدقني لاني والله العظيم ما كنت اشوفها واحاول اكون بعيد عنها .. بس صدق مقهوره منها كيف تقول جي عني .. والله اني بريئه
الله يخليكم ساعدوني كيف اقنع ريلي ويصدقني اني ما كنت اشوفها وإذا شفتها ما كان قصدي شي
احس انها تبغي تخرب بيني وبينه يوم شافتنا اوكي ونضحك ويا بعض حتى في الحفله ما بينت لحد اني مضايقه من وجودها بالعكس كنت اضحك واسولف بس كنت احاشاها عسب ما تستوي مشاكل وآخر شي دخل ريلي ويا المعرس فأنا كنت يالسه وياه واضحك واكيد هي شافتني ..
والله شكلها كانت مركبة كاميرات مراقبه علي .. واحس انها تسوي جي فيني لاني ضعيفه وما اقدر اخذ حقي وانه ريلي وااقف وياها ضدي فهي استقوت لانها مب اول مره تسوي مشكله بيني وبينه .. الله يسامحك يا ريلي ويردك لي ان شاء الله
الله ياخذ حقي منها والله يبين لريلي اني بريئه وما يخصني في شي
بنات ادعولي وقولولي شو اسوي معاها لاني واايد مضايقه والمشكله اني حامل من يوم عرس يعني من حملت وانا في ضيقه ما يعلمها إلا ربي
اسمحولي طولت عليكم وان شاء الله تفهموني لاني واايد مضايقه واحس عمري يالسه اخربط وما اعرف شو اقول
