قصة هروبي من الحرم

[يارب ارحمني2]

السلام عليكم ورحمة الله وبركاته

خواتي تعودت افضفضلكم كلما تضايقت

واليوم ماقدرت اتحمل وبحكيلكم عن اللي صار

مشكله فيني رغبه بالهرب حقيقيه
وجربت اكثر من مره اهرب اترك بيتي ويصير فيني اللي يصير
ضغوط نفسيه وتعب ادري افكاري غلط ومجنونه وحقيره
بس هي رغبه فيني غصب

هربت

ايه انحشت تركت اهلي وهربت ... لكني تراجعت وانهرت

ماادري ليه تجي هالافكار انا مابي اسوي كذا

ابي حل

قبل كم يوم كنت طايره من الفرح لأني لقيت من يوديني لمكه ورحت للكعبه ومن فرحتي طحت بالحرم وبكيت من سعادة قلبي بشوفة بيت الله والله شعوري مااعرف اوصفه

ومن وسط فرحتي تذكرت العذاب اللي ينتظرني بالرياض

وضقت

لا مابي ارجع
ابي ابقى هنا

ابي اموت هنا ..


مو يأس بس تعبت وشبعت من كثر الالم والتعب
الحمدلله الحمدلله الحمدلله ياربي احمدك واشكرك



بس ابي حل مع هالشعور البايخ اللي بيضيعني

بنات لما اعتمرت الحمدلله وخلصت كانو اهلي قريبين وعارفه مكانهم بالحرم لكني بعدت عنهم بعيد وطلعت وقررت اني ماارجع وقفلت جوالي وصرت بس امشي وابعد
والله مو عارفه شي بمكه لاشوارعها ولا احياءها ولا شي ماغير اسم الفندق

مشيت ومشيت ووماردني الا صوت ابوي لما تذكرته وهو يوصيني على نفسي وعلى امي
آآآآآآآآآه ياعمري انت ياابوي الله يشفيك ويخليك لنا
ياربي تاخذ من عمري وتعطيه يارب

ليه انا كذا وشفيني
ليه تخليت عن كل شي
ياااااااااااااارب ارحمني
تعبت من هالحياة
ياربي ما احب اكون يائسه
يارب تقوي قلبي وتلهمني الصبر


هاوشوني عاتبوني بس لاتسكتون ابي احس انكم فهمتوني واللي قرو مواضيعي السابقه بيحسون باللي فيني

ادعولي الله يخليكم

 

[المسك&&]

الله يعينك حبيتي ايه فاهمتكي زين ان شاء الله ربي يفرجها عليكي ويعوضك كل الخير يارب
بس انتبهي لنفسك واشغلي حياتك بالمفيد والمسلي ولا تفكري في الهم كثير والله يعينك يارب

 

[هوى الشمال]

شعور ممكن يراود أي أحد يتعرض للظلم ولألم بس مايوصل لحد التطبيق
ياأختي إحنا في مجتمع مايرحم ضعفنا وقلة حيلتنا بالعكس كل شيء يتحول ضدك
ممكن حياتك الآن صعبه بس بالهروب أصعب وأصعب والزمن مو نفس الزمن الأول لاااااء كل شيء تغير
حبيبتي لاتصعبين الأمور أكثر ماهي صعبه وتورطين نفسك وتحرقين قلب أهلك وتقطعين أملك بالفرج وتيأسين من رحمة الله..وتعالجين الخطأ بمصيبه أول متضرر أنتي ومن بعدك أهلك ...
وتأكدي أن بين غمضة عين والتفاتتها يغير الله من حال الى حال
أرحمي نفسك من الوساوس وأدعي ربك بالفرج القريب ..
وإذا شفتي حالك متأزمه الجأي لدكتور نفسي ..
الله يكون بعونك

 

[صعبة المراس]

أسال الله لك فرج قريب
ربي يعينك ويشرح صدرك
مالك غيره سبحانه وتعالى تعلقي بحباله
الحمدلله انك عاقله ربي يتمم عليك النعمه
أكثري من لاحول ولاقوة إلا بالله والصلاة على النبي صلى الله عليه وسلم. خصصي لها وقت يوميا
وسترين عجبا بإذن الله
أحسني الظن بالله
والله يوفقك