معلومات أنثى بعطر الورد
- إنضم
- 11 يوليو 2014
- المشاركات
- 3,981
- مستوى التفاعل
- 2,034
- النقاط
- 113
قصة علي الانستغرام ?
واحدة على instagram حطت صورة ليها مع طليقها ومراته الجديدة
وكتبت أنها هي وهو كانوا أصحاب وحبوا بعض واتجوزوا ورغم أنهم كانوا اصحاب وهي عارفة عنه أنه بينسى قوي، بعد الجواز ماقدرتش تستحمل واتطلقوا... بتقول أنهم لما كانوا اصحاب كان عادي أنه ينسى يوم ميلادها أو حاجة طلبتها منه أو أنهم كانوا متفقين يخرجوا النهاردة، وساعات كمان الموضوع كان بيكون مضحك لأنه في الأول وفي الأخر مجرد صديق - مهما كانت غلاوته- فعدم أهتمامه بتفاصيل حياتها ماكنش بيوجعها أو بيأثر على ثقتها في نفسها... بعد الجواز حاولت تغير فيه الموضوع ده كتير وفي الأخر ماقدرتش تستحمل واتطلقوا بس فضلوا اصدقاء.
لما قابلت مراته الجديدة سألتها هي أزاي قادرة تعيش معاه وهو بينسى ومش مهتم بالشكل ده، ولا هل هي قدرت تغيره؟
فقالت لها:
"لأ عادي لسه بينسى زي ماهو. الموضوع مسخرة! لسه بينسى المواعيد والمناسبات ومع ذلك بيعرف يفتكر تعبير وشي وأنا مضايقة أو متوترة أو خايفة ونوع الشوكلاتة اللي بحبها في كل حالة.
فاكر كل قصة حكيتهاله في يوم من الأيام ومع ذلك مابيركزش كفاية أنه يعرف أنا بقول أيه دلوقتي. مش بيفتكر يسقى الزرع أو ياخد كيس الزبالة في ايده وهو نازل (عندهم زييناااا ?) بس بيفتكر أنه دايما يضحكني... أتوقع أغلب الوقت هو بينسى قوي كده عشان مشغول أنه يفتكر الحاجات المهمة بجد!"
"I think he is so forgetful because he is busy remembering the important things."
نفس الصفة ونفس الشخص... واحدة شافت الصفة دي عيب ماتقدرش تعيش معاه وواحدة شافتها شيء مميز فيه -حتى لو مستفز- عرفت تلاقي ميزة تانية تعرف تقدّر بيها العيب ده...
زي ما رسول الله كان بيقول: "إن كره منها خلقا، رضي منها آخر."
كلنا فينا عيوب... المهم نختار حد مش بس نقدر نعيش مع عيوبه، بل نتقبلها ونحاول نشوفها بعين المحب.
اللي أنت شايفه زنّ غيرك شايفه اهتمام.
اللي أنت شايفه قسوة غيرك شايفه شخصية قوية.
اللي أنتي شايفاه تحكم غيرك شايفه غيرة.
اللي أنتي شايفاه غشامة غيرك شايفه رجولة.
العلاقات الإنسانية مالهاش كتالوج... مافيش صح وغلط، هي أرواح يا بتتجاذب يا بتتنافر... طباع بتولّف على بعض... الفكرة أنك تلاقي حد ياخدك زي ما أنت، على عيبك. مش عشان شايف وحشك حلو لكن عشان حتى في عز الوحش لسه بيعرف يشوف الحلو... عشان عيبك مابيأذيهوش في ضعفه... عشان مجرد وجودك -بالنسبة له- أهم م الدنيا باللي فيها.
وكتبت أنها هي وهو كانوا أصحاب وحبوا بعض واتجوزوا ورغم أنهم كانوا اصحاب وهي عارفة عنه أنه بينسى قوي، بعد الجواز ماقدرتش تستحمل واتطلقوا... بتقول أنهم لما كانوا اصحاب كان عادي أنه ينسى يوم ميلادها أو حاجة طلبتها منه أو أنهم كانوا متفقين يخرجوا النهاردة، وساعات كمان الموضوع كان بيكون مضحك لأنه في الأول وفي الأخر مجرد صديق - مهما كانت غلاوته- فعدم أهتمامه بتفاصيل حياتها ماكنش بيوجعها أو بيأثر على ثقتها في نفسها... بعد الجواز حاولت تغير فيه الموضوع ده كتير وفي الأخر ماقدرتش تستحمل واتطلقوا بس فضلوا اصدقاء.
لما قابلت مراته الجديدة سألتها هي أزاي قادرة تعيش معاه وهو بينسى ومش مهتم بالشكل ده، ولا هل هي قدرت تغيره؟
فقالت لها:
"لأ عادي لسه بينسى زي ماهو. الموضوع مسخرة! لسه بينسى المواعيد والمناسبات ومع ذلك بيعرف يفتكر تعبير وشي وأنا مضايقة أو متوترة أو خايفة ونوع الشوكلاتة اللي بحبها في كل حالة.
فاكر كل قصة حكيتهاله في يوم من الأيام ومع ذلك مابيركزش كفاية أنه يعرف أنا بقول أيه دلوقتي. مش بيفتكر يسقى الزرع أو ياخد كيس الزبالة في ايده وهو نازل (عندهم زييناااا ?) بس بيفتكر أنه دايما يضحكني... أتوقع أغلب الوقت هو بينسى قوي كده عشان مشغول أنه يفتكر الحاجات المهمة بجد!"
"I think he is so forgetful because he is busy remembering the important things."
نفس الصفة ونفس الشخص... واحدة شافت الصفة دي عيب ماتقدرش تعيش معاه وواحدة شافتها شيء مميز فيه -حتى لو مستفز- عرفت تلاقي ميزة تانية تعرف تقدّر بيها العيب ده...
زي ما رسول الله كان بيقول: "إن كره منها خلقا، رضي منها آخر."
كلنا فينا عيوب... المهم نختار حد مش بس نقدر نعيش مع عيوبه، بل نتقبلها ونحاول نشوفها بعين المحب.
اللي أنت شايفه زنّ غيرك شايفه اهتمام.
اللي أنت شايفه قسوة غيرك شايفه شخصية قوية.
اللي أنتي شايفاه تحكم غيرك شايفه غيرة.
اللي أنتي شايفاه غشامة غيرك شايفه رجولة.
العلاقات الإنسانية مالهاش كتالوج... مافيش صح وغلط، هي أرواح يا بتتجاذب يا بتتنافر... طباع بتولّف على بعض... الفكرة أنك تلاقي حد ياخدك زي ما أنت، على عيبك. مش عشان شايف وحشك حلو لكن عشان حتى في عز الوحش لسه بيعرف يشوف الحلو... عشان عيبك مابيأذيهوش في ضعفه... عشان مجرد وجودك -بالنسبة له- أهم م الدنيا باللي فيها.
اسم الموضوع : قصة علي الانستغرام ?
|
المصدر : الزوج والزواج
