مرمري الغالي
New member
- إنضم
- 2010/06/08
- المشاركات
- 15
السلام عليكم حبيباتي ويسعدني اليوم اكشف الستار عن قصة حياتي انا متزوجه وعندي بنت وماكتب الله غيرها للحين وصار لي متزوجه اربع سنوات ومأساتي بدأت تدريجيا من الملكه والي استمرت سنه ونص لانه مابعد تخرج وطبعا اكيد كلكم تقولون ليش وافقتي وبعده ماخلص دراسه بس هو يصير لنا والولد كل بنات العايله حاطين عينهم عليه جمال وشهادته قويه ومستقبلها مضمون ووبصراحه امه ماكانت تبيني بس هو من كنت انا بالمتوسط وهو حاط عينه علي لانه كان يرسلي من هالخواطر والاشعار والهدايا وكان يحاول يتصل عالبيت وانا اصد عنه لان تدرون ابوي بيقتلني ومشت الايام وتزوجنا وكنت طايره فيه وسافرنا شهر العسل بس ماطولنا عشان عمله الجديد وطبعا ياحبيباتي اغلب السفره زعل ومشاكل وبصراحه لاحظت عصبيته ومزاجيته ورجعنا وبدأ يداوم ويرجع وانا مصلحه الاكل وكاشخه وانتظره بشوق:32: ومره مسكت جواله فصرخ علي وقال هذي خصوصيه قلت ليش فيه شي تخاف اشوفه وتتريقت شوي قلت يمكن يكون لك صديقه قديمه وعز عليك تمسح رقمها وياليت ماتكلمت اعطاني محاضره عنه وعن اخلاقه وجلس يمجد سيرته الذاتيه وانا ياعيني صدقت وحسدت نفسي اني تزوجته وفي يوم دخل علي وقالي بادخل قنوات رياضيه عشان المباريات وقلت اوكيه فقال لي بس معاها قنوات اجباريه وسخه فراح احذفها قلت اوكيه واثاريه ماحذفها وكان يقوم اخر الليل ويجلس يتفرج وكان يدخل الغرفه ويناظر فيني يتأكد انا نايمه تخيلوا باقي عروس مالي الا شهر مع اني كنت البس واتعطر وجسمي ممشوق وكملنا شهرين واضطريت ارجع لاهلي اكمل دراستي لانه كان باقي لي ترم وطبعا ماكان يتصل ولا يتطمن ويتعذر بالشغل والنوم بدري وكان فيه اجازه ورحت له وكانت اول صدمه لي لقيته مجمع كل القنوات الوسخه ولما واجهته قال هذا زميلي يجي ينام عندي وشكله هو مجمعها وصدقته وتخرجت ورجعت له وهو اسوء من الاول وفي يوم كنا متهاوشين ومانكلم بعض دق علي من دوامه وقال راح اتاخر عندنا احتفال وقلت اوكيه ورجع متاخر ومستانس حيل واليوم الثاني كان لي موعد بالمستشفى وانا استنى بالسياره وهو بالصيدليه فتحت الدرج الي قدامي ولقيت فاتوره لفندق باسمه وبتاريخ امس فشكيت ولما رجع سألته عن الحفل وبأي فندق صلحوه عطاني اسم غير الي بالفاتوره فقلت غريب شكلك مو متأكد ووريته الفاتوره وتلعثم وقال ايه صح لخبطت فسالته ليش اجل ماخذ غرفه قال تخيلي انكب على ثوبي شاي وصار شكلي يفشل فخذيت غرفه وعطيتهم الثوب يغسلونه وانا كنت تعبان فنمت وماحسيت الا الوقت متاخر وانا طبعا كعادتي صدقته وردينا البيت واحنا حبايب وكانت الايام صعبه لاني بعدت عن هلي وصديقاتي ولا كنت اعرف احد ولاازور احد ولا احد يزورني وهو مواجتماعي وانا صرت مثله وليالي كثير بكيت من قسوته واهماله لي وصار يحب ينام لوحده ويتعذر بشغله عالابتوب لحد ماينام وانا ازعجه واوقات اسمعه يسولف بالغرفه واوقات يطلع يكلم برا لما اكون جنبه ويوم زارتني اختي واولادها فشكيت لها قالت اذا صار نايم خذي جواله وافتحيه وبالفعل تشجعت ودخلت الغرفه وانا قلبي يدق بسرعه وفتحته وياليتني مافتحته وصرت اقلب فيه وانا ااسناني تصك ببعض من الرجفه والخوف والصدمه كانت اكبر من ماتخيلت طبعا الحين اقول صح كانت قويه بس اهون من الي صار لي الحين لان الحين صار لي شهر من عرفت بزواجه وكان بالسر من سنه تقريبا وانا الحين محطمه وماادري شصلح ومحتاره وافكر بالانفصال لان الخيانه بدمه ومستحيل يتغير لان ياما اقسم عالمصحف وانا اصدقه واتحمل عشان تمشي الحياه وعشان بنتي الي اموت فيها وراح اكملكم وش صار لما واجهته بالي لقيته بجواله استنى دعمكم وردودكم وتعليقاتكم والحين باروح انام جنب بنتي لانه مسافر والظاهر رايح لها ادعوا لي بالثبات
