قرفني خال زوجي ويش اسسوي معه

[ام معمر]

بنات قوللي ويش اسوي في البلوه اللي عندي سكن عندي خال زوجي لانه توظف والمشكله بيتي صغير مره واللي يقهر انه ماسكن عند خواته الثنتين لانهم خواته من ابوه ومايبي يسكن عندهم المهم مخلى المجلس زي الخرابه والحمام الله يعزكم تقولين بزر انتم عارفين ويش قصدي مع ان السيفون مو خربان لا ويخلى باب الحمام مفتوح مايهمه واذا راح لدوامه مايصفط بطانيته صراحه عجزت انظف من وراه لاني حامل وتعبانه والشغلا لكثير يتعبني لان عندي مشاكل بالحمل ونا واحده اكره شي ان يكون بيتي وسخ حتى اني اهوش زوجي اذا قط المنديل لا ومغاسل الحمام الله يعزاكم يحط علب البيسي عليها ويقط المنديل مع اني حطه زبله صغيره واذا راح لدوامه مايسكر الباب بالمفتاح يخليه فاتح عالباله شقه عزابيه زوجي عجز معه يقوله اذا طلعت خذ المفتاح معك ولا فيه فايده احس اني راح اكتب له ورقه ولزقه عند الباب المجلس انه يحترم نفسه قالت فشيله راح يفضحنى ولا اروح اهوشه قالت عيب بعد اهوش رجل طول وعرض لا ويجمع شباب عندي واكيد اذا شفوا الوسخ راح يتكلمون على مادروا اني عجزت انظف من واره والحمل متعبني لا واذا جاء الخميس والجمعه ابي اطلع مع زوجي يروح يعزم زوجي على غداء واو عشاء في مطعم تحس كانه ضرتي انا انقرفت قولوي شنو اسوي اوووف :30::30:

 

[ام معمر]

بنات بليز لاحد يقرا ويطلع حتى لو دعوه راضيه فيها

 

[الملاحه]

هذا خال زوجك مب أبوه عشان تكوني ملزومه منه خليه يدور على شقه إنت مب مسئوله منه وقولي حق زوجك هالكلام

 

[الدلع مني وفيني]

الصراحة منتي مجبورة تتحملين خاله
لو اخوه يمكن بس خاله احسها صعبه شوي...
​

 

[ام معمر]

المشكله ان زوجي يموت في خواله وراح يزعل اذا قالت هالكلام يقولي اصبري وتحملى عشاني

 

[ألحان نازفة]

الله يعينك صراحة انعدم الدوق عند اغلب الناس..
الله يصلح الحال

 

[نسيت اسمي]

اذا مدة وظيفته شهر او بالكثير شهرين ممكن تحملينه لكن اذا هي وظيفة ثابته لازم يدور على شقة عزابية ويسكن فيها ويجمع اصحابه

الله يعينك ويسهل حملك ويرزقك الولد الصالح ويصرف عن الضيف الثقيل

 

[ام معمر]

المشكله ان وظيفته ماهي شهر اوشهرين الرجل يبي يطول عندي لا وجيب السيفر حقه منبسط على المباريات في المجلس ياكل ويقط ولا حد همه

 

[ام معمر]

نسيت اسمي اللهم امين الله يفرج همنا اللهم امين

 

[خلآص...!]

منتي مجبوره تتحملي خاله
لو كان اخوه او اخته والا امه تحطيهم على راسك ولاتتكلمي عنهم بشي
بس خاله منتي ملزومه فيه
غلطتك انتي اللي وافقتي تفتحي بيتك له الضيف ثلاث ايام مو اقامه
لو كان محترم نفسه ونظيف مو مشكله بس وساخه ولقافه لا.. لهنا وبس
خلي زوجك يقوله انك متضايقه من وجوده ومو ماخذه راحتك او اي حجه ​

 

[شماليه متطرفه]

ياحليلك
انا بيتي مايفضى من العزوبيه
بس الحمدالله واسع وكبير دور
فمستحييييل انظف وراهم لو يموتون
زوجي اخليه ينظف ويغسل دورة المياه ويكنس المجلس والمقلط
لاتتعبين نفسك اهم شي صحتك
ويوم الخميس والجمعه اسبقيه بالغداء والعشاء قبل يطلع خاله
بس لاتتعبين حالك
لان بعضهم يكونون وسخين فبيوت اهاليهم فيصير وسخين عند الناس
==
وهالشي لاحظته فاللي يجوني فالبيت لما اروح عند اهاليهم بيوووتهم وسخه والحمامات ماتنغسل
مو متعودين
لاتشرهين عليه

 

[أنوثة طفلة]

اختي اذا هو كذا لاتنظفي وراه ولاتقربي يم جهته نهائيا يمكن يحس على نفسه شوي
...
اهو مستانس طلما فيه احد وراه ينظف
الله يعينكم عليه



اممم ولو انا بمكانك بحاول اهلي يكثرون زياراتهم لي عشان يدري ان فيه ضيوف بيجونك لحد مايتضايق من الوضع ويكره جلسة البيت عندكم ...

 

[ام معمر]

المشكله ان زوجي مستانس يوم خاله سكن عندنا لا وشرا تلفزيون بلازم عشانه لا ن ماكان عندنا الا تلفزيون واحد وزوجي يحب يسهر معه الى ساعه واحده واو 2بالمجلس ومايجي غرفه النوم الا اذا جاه النوم

 

[*ملكة الحب*]

والله منتي مجبوره فيه حتى لو كان أخوه
الوحده تبي تاخذ راحتها في بيتها
قولي لزوجك يدور له سكن برا أريح لك ​

 

[الأميره النآئمه]

صارحي زوجك عن الي في خاطرك و خليه يتكلم معاه مره ومرتين لين ما يفهم ويستحي من فعله

والله ييسرلك أمورك الغالية

 

[نضوج أنثى]

الله يفرج همك يارب ويصرفه عنك

 

[ام معمر]

شماليه متطرفه هههههههه يحليلك زوجك هو اللي ينظف ام انا ياحسره اللي عندي عالباله انه من ال سعودمايبي يسوي شي

 

[princessh]

عزيزتي لاتهتمين له بزياده ولاتكبرين الموضوع ادري انه يضايق بس احسن من انو تصير مشكله بينك وبين زوجك
شكله هو من النوع البثر المتعود عالحياة الهمجيه وعدم الترتيب والنظافه وشكل زوجك واقع بين نارين بين رضاك وحبك وحب خواله ومستحي يقوله اطلع رح خواتك ولا خذ لك شقه
تحملي صدقيني فتره وبيطلع كنت دايم وانا عند اهلي اتذمر من عمومتي لانهم نفس الطبع ويسكنون عندنا ياوظيفه يادراسه فكانت امي تصبرني وتقول ادفني المعروف بالرجال ولا تدفنينه بالرمال
اقصد لاهو ولا زوجك ممكن ينسون معروفك حتى بعد مايتزوج ويجيه عيال يايسبك يايمدحك

 

[*ملكة الحب*]

بعدين زوجك معطيه وجه بزياده
اذا استمر الوضع كذا ماعليك منه خليه بوساخته ينظفها هو ولا يجلس بقرفه منتي ملزومه​

 

[المستغيثة بالله]

اقلك حل اكيد بدل ماتتهاوشي مع زوجك عشانه اجعلي لسانك باستمرار يردد استغفر الله استغفر الله استغفر الله دون انقطاع بنية ان خال زوجك يطلع وعشان ماتنسي اكتبيها في وريقات صغيرة وضعيها امامك في المطبخ غرفة نومك الصالة واي مكان تتواجدين فيه بكثرة وباذن الله ايام ويفرجها الله عليك