قررت ان آخذ إبرة منع الحمل ............أدعولي وطمنوني

[سندريلا زوجي]

مرحبا خواتي الغاليات


اشتقت لكم واااايد


المهم انا خذت امس ابرة منع الحمل ادعولي ما تكون لها مضاعفات تبهدلني

انا جربت مرتين اللولب وجسمي يرفضه وينزل

وجربت الحبوب وسببتلي حالة نفسية سيئة

وجربت العازل الطبي وسببلي حساسية وافرازات تلوع الكبد


تعبت وما عرفت شو اسوي


لذا قررت استخدم الابر ووعسى ما لها بلاوي هي لاثانية


ادعولي


واللي جربتها تطمني الله يرزقها الجنة يا رب

 

[أم حميدة]

عزيزتي الابر هي أيضا هرمونات ،، خطرة ،، ممكن تسبب تكيس في المبايض وممكن تسبب أورام وآثار جانبية أخرى،
وممكن تسبب خمول في عمل المبايض ،، ( عقم ثانوي ) ، وتزيد من شعر الجسم ،، وعصبية و,,,,
وأوصيك بتحاميل منع الحمل ( قاتل للحيوانات المنوية ) لا تسبب أي أضرار وهي لا تعتمد على هرموانت أبدا وكثيرين جربوها تستعمل قبل الجماع بخمس دقائق وتجلس مفعولها لمدة نصف ساعة
اسمها ( نيوسامبون )

 

[أم حميدة]

اقرئي هنا تجارب ناس من منتدى آخر تقول وحدة :

1- تجربة مرت اخوي:

خذت ابرة المانع معاي في نفس اليوم وقبل فترة راحت العيادة قالت لها الدكتورة ان البويضة مب دائرة قالت لها شلون تقول صايرة مخربطة يعني جنها ((بويضة مشوهه)) وبطانة الرحم ضعيفة طبعا ولحد الحين ماجاتها الدورة من اول يوم خذت الابرة بس بقع دم لين الحين.

2- تجربة خالتي:

خذت ابرة المانع لمدة سنتين وعقب ارتفع عندها الضغط وقالو لها انها ماراح تقدر تحمل لين عقب سنتني لان الابرة سببت لها عقم قالوا لها ضمان ماراح تحملين اقل شي سنتين عقب شهر او شهرين خالتي حملت.

3-تجربة رفيجتي:
عندها ولد وخذت الابرة مرة وحده والحين لها 4 سنين ماحملت.

4- تجربة رفيجتي 2 :
خذت ابرة المانع بداية شهر 12 ومن اول ماخذتها نزل عليها دم (نزيف) وماوقف الا لما خذت حبوب توقف النزيف وكانت تحس بنفس اعراض الوحم.

5- تجربة رفيجت رفيجتي:
تقول ان عندها 4 اولاد وخذت الابرة والحين لها 7 سنوات ماحملت.

6- تجربة رفيجت رفيجتي 2:
خذت الابرة والحين لها سنتين ماحملت.

 

[وفاء القصيم]

الله يعين مابه شي الا غثاااااه اكثر
اختي لا تخاطرين بنفسك وبعدين تندمين
الله يكتبلك الخيره فيما اختاره الله لك ​

 

[ساميه1]

مادري انا اللي اعرفه بنت صديقة امي تاخذها الابره وتكون مدتها 3 شهور وماشوف فيها شي بالعكس استعملته كان عندها ولد وقفت الابره واحملت ببنت ومره ثانيه خذتها وبعدها يابت بنت ماشوف سبب لها عقم بالعكس
بس هي ماخذه هالابر من ايران وايران اداويهم غير هم يصنعونها ممكن تكون مكوناتها غير واضرارها اخف