حياة الروووح
New member
- إنضم
- 2009/06/26
- المشاركات
- 814
بسم الله الرحم الرحيم
السلام عليكم يا احلى بلقيسات في الدنيا ...
حابة اعرض لكم قصة حملي و قبل الزواج كيف كان وضعي وكلام الناس .. بس اعطي امل للي عندهم نفس مشكلتي .. و ان ل شيء بقدرة ربي ..
المهم ..
قبل الزواج في فترة الملكة مع الخطوبة والشبكة اضطربت الدورة معاي بشكل مو طبيعي تخيلوا 4 شهور ماجاتني الدورة .. رححت لدكتورة اخصائية نساء وولادة كشفت علي وقالت لي عندك تكيس مبايض واعطتني قائمة تحليلات تكلف قريبا 500 ريال انا طنشت وانشغلت بالمقاضي و الاختبارات وما مداني احلل و حكيت خطيبي بعدها حسيته هم شوي بس قال مومهم كل شيء له علاج ومن دا الكلام .. وبعدها جاتني الدورة شهرين وقطعت شهر قبل الزواج اتزوجت و انتظر الدورة ما جات مع العلم كنت مرررة ما افكر في الخلفة ولا ابغى اخلف لاني ادرس و الحالة المادية متازمة شوي قلنا نستقر شوي سنة بعدين انظم الدورة واشوف حكاية الحمل ..
وكنت اسال عن موانع حبوب مش كويس وانا وضعي ما يطمن .. جدول ماعرف لازم تكون الدورة منتظمة .. عزل صعبة دوبنا اتزوجنا واقله برى و عزل ومش عارفة ايش .. عموما ما لقينا حل وفي الايركنا متفقين على الجدول ومنتظرين الست هانم تجي عشان نبدا ..
لمهم اتزوجت و اخر شهر قبل الزواج مافي دورة و الشهر الاول عدا من زوجنا كمان مافي دورة .. بعد ما خلصنا شهر العسل قلت لزوجي قوم خليني اكشف و اشوف اش سالفة الدورة المزفتة معاي .. قااااهرتني ..
عملت تحليل منزلي طلع لي سلبي مرتين عملته انبسطت ماابغى حمل ..
رحت المستشفى عملت تحليل دم سلبي و تلفزيون قالوا في تكيس مبايض ..وكل هرموناتي سليمة ..
ويوم رحت للدكتورة اعتمدت على النتايج الي جاتها و قامت اعطتني حبوب لعلاج التكيس هي تجيب الدورة و تثبت الحمل ادا في حمل .. وبعدها قات لي ابداي في المنظم بس لازم ينزل الدم ..
استمريت على دي الحبوب5 ايام وانتظرت الدم ينزل كلمتها قالت انتظري اسبوع انتظرت عدا الاسبوع الاول والتاني قمت عملت تحليل منزلي طلع لي خطين اش بكيت ما ابى الحمل و زعلانة مررة
بعدين رحت لها قامت قالت مبروك على الحمل وكنت في اخر الشهر التاني مع انه فترة العلاج كان في اعراض الحمل الغثيان و الدوخة و القرف .. بس ما جا في بالي انه حمل .. .
لان كل اهلي كانوا يقولوا لي دورتك مضطربة يعني ماحتحملي بسرعة .. وتعرفوا عادا الحريم اول ما تتزوج البنت من تاني اسبوع يسالون اخواتي المتزوجات ها اختك حملت ولا لا؟
وكانوا يحكوا لهم انه عندها تكيس و 3شهور على دا الحال ..
وسبق لي حطيت موضوع لي عن التكيس و انه ربي ييسر اموري و تنتظم دورتي ..
والي قهرني اكثر حسيت عيون الناس علي حملت و الي تزوجوا معاي ماحملوا انه غباء والله بعضهم ينظرون لي نظرة انه ما صدقت على طول حملت ومسكينة ما استمتعت والله كان يضايقني كلام الحريم ..
بس كنت اقلهم كل شيء من ربي انا ما بيدي شيء .. لا فساتين حللتها و لا ملابس ..
ماحسيت اني عروسة زي بقية البنات .. الي تزوجوا ويخرجوا ويلبسوا و يتزبطوا والله في الوقت اقول الحمدلله ممكن خير لي .. و انه رحمة من ربنا ما انحرم من الولد ما عرف اش يصير لي بعدين..
وبصراحة قرفت لما فكرت في كلام الناس لو جلست سنةما حملت حيبداو يتكلموا منوا و لا منها اشبها ما حملت و ماعرف ايش من كلامهم لي ما يخلص ..
بس بالله اخواتي ادعوا اول حمل لي اتزوجت لي 8 شهور والان في اول السابع ربي يتمم لي حملي و ييسرلي ولادتي .. و لا تياس ايي اخت عندها تكيس (عقم مؤقت) انها ماتحمل ..
واعتقد مرة قرات انه الخضروات لها علاقة بالاخصاب فالي تبغى تحمل عليها بالسلطات الخس والخيارو الجرجير والطماطم كان اكلنافي كل وجبة طوول شهر العسل..
السلام عليكم يا احلى بلقيسات في الدنيا ...
حابة اعرض لكم قصة حملي و قبل الزواج كيف كان وضعي وكلام الناس .. بس اعطي امل للي عندهم نفس مشكلتي .. و ان ل شيء بقدرة ربي ..
المهم ..
قبل الزواج في فترة الملكة مع الخطوبة والشبكة اضطربت الدورة معاي بشكل مو طبيعي تخيلوا 4 شهور ماجاتني الدورة .. رححت لدكتورة اخصائية نساء وولادة كشفت علي وقالت لي عندك تكيس مبايض واعطتني قائمة تحليلات تكلف قريبا 500 ريال انا طنشت وانشغلت بالمقاضي و الاختبارات وما مداني احلل و حكيت خطيبي بعدها حسيته هم شوي بس قال مومهم كل شيء له علاج ومن دا الكلام .. وبعدها جاتني الدورة شهرين وقطعت شهر قبل الزواج اتزوجت و انتظر الدورة ما جات مع العلم كنت مرررة ما افكر في الخلفة ولا ابغى اخلف لاني ادرس و الحالة المادية متازمة شوي قلنا نستقر شوي سنة بعدين انظم الدورة واشوف حكاية الحمل ..
وكنت اسال عن موانع حبوب مش كويس وانا وضعي ما يطمن .. جدول ماعرف لازم تكون الدورة منتظمة .. عزل صعبة دوبنا اتزوجنا واقله برى و عزل ومش عارفة ايش .. عموما ما لقينا حل وفي الايركنا متفقين على الجدول ومنتظرين الست هانم تجي عشان نبدا ..
لمهم اتزوجت و اخر شهر قبل الزواج مافي دورة و الشهر الاول عدا من زوجنا كمان مافي دورة .. بعد ما خلصنا شهر العسل قلت لزوجي قوم خليني اكشف و اشوف اش سالفة الدورة المزفتة معاي .. قااااهرتني ..
عملت تحليل منزلي طلع لي سلبي مرتين عملته انبسطت ماابغى حمل ..
رحت المستشفى عملت تحليل دم سلبي و تلفزيون قالوا في تكيس مبايض ..وكل هرموناتي سليمة ..
ويوم رحت للدكتورة اعتمدت على النتايج الي جاتها و قامت اعطتني حبوب لعلاج التكيس هي تجيب الدورة و تثبت الحمل ادا في حمل .. وبعدها قات لي ابداي في المنظم بس لازم ينزل الدم ..
استمريت على دي الحبوب5 ايام وانتظرت الدم ينزل كلمتها قالت انتظري اسبوع انتظرت عدا الاسبوع الاول والتاني قمت عملت تحليل منزلي طلع لي خطين اش بكيت ما ابى الحمل و زعلانة مررة
بعدين رحت لها قامت قالت مبروك على الحمل وكنت في اخر الشهر التاني مع انه فترة العلاج كان في اعراض الحمل الغثيان و الدوخة و القرف .. بس ما جا في بالي انه حمل .. .
لان كل اهلي كانوا يقولوا لي دورتك مضطربة يعني ماحتحملي بسرعة .. وتعرفوا عادا الحريم اول ما تتزوج البنت من تاني اسبوع يسالون اخواتي المتزوجات ها اختك حملت ولا لا؟
وكانوا يحكوا لهم انه عندها تكيس و 3شهور على دا الحال ..
وسبق لي حطيت موضوع لي عن التكيس و انه ربي ييسر اموري و تنتظم دورتي ..
والي قهرني اكثر حسيت عيون الناس علي حملت و الي تزوجوا معاي ماحملوا انه غباء والله بعضهم ينظرون لي نظرة انه ما صدقت على طول حملت ومسكينة ما استمتعت والله كان يضايقني كلام الحريم ..
بس كنت اقلهم كل شيء من ربي انا ما بيدي شيء .. لا فساتين حللتها و لا ملابس ..
ماحسيت اني عروسة زي بقية البنات .. الي تزوجوا ويخرجوا ويلبسوا و يتزبطوا والله في الوقت اقول الحمدلله ممكن خير لي .. و انه رحمة من ربنا ما انحرم من الولد ما عرف اش يصير لي بعدين..
وبصراحة قرفت لما فكرت في كلام الناس لو جلست سنةما حملت حيبداو يتكلموا منوا و لا منها اشبها ما حملت و ماعرف ايش من كلامهم لي ما يخلص ..
بس بالله اخواتي ادعوا اول حمل لي اتزوجت لي 8 شهور والان في اول السابع ربي يتمم لي حملي و ييسرلي ولادتي .. و لا تياس ايي اخت عندها تكيس (عقم مؤقت) انها ماتحمل ..
واعتقد مرة قرات انه الخضروات لها علاقة بالاخصاب فالي تبغى تحمل عليها بالسلطات الخس والخيارو الجرجير والطماطم كان اكلنافي كل وجبة طوول شهر العسل..
