معلومات زهر البيلسان @
- إنضم
- 6 يناير 2014
- المشاركات
- 258
- مستوى التفاعل
- 0
- النقاط
- 0
في يوم وليله وبدون مقدمات اصبحت معلقه تدروون لييييشش ؟؟؟؟؟؟
السلام عليكم ورحمة الله وبركاته اخواتي عضوات المنتدى انا ماسجلت هنا الا بعد ماقرأت كذا موضوع ووجدت التعاون في بعض الردود قصتي مثل العنوان بالضبط وبحاول اختصرها واقولكم اهم الاحداث ياحبيباتي انا عروووس مالي ست شهور متزوجه وعايشه مع زوجي سمن على عسل صحيح في مشادات تحصل احيانا لكنها تااافهه ننساها اليوم الثاني انا عايشة مع اهل زوجي في الدور الثاني بس كل تفاصيل حياتي يعرفونها صغيرة وكبيرة يابنات فجأة وبدووون مقدمات جاني زوجي وقال شوفي ماعاد لك \ رووحه عند أهلك الا مره وحده بالشهر ولك ساعتين بسسس انا ف البداية احسبه يمزح يعني ماخذت الموضوع جد الا وهو صادق مع اني في البداية اروح عند اهلي مره بالاسبوع واسولف معهم وارجع بيتي المسافه يمكن ساعه او اقل طبعا انا زعلت من التغييير المفاجي اللي حصل وحاولت اغير موقف زوجي الا انه اصر على رأيه وبعدين سمعتها بأذني من ابوه ان الوحده مالها روحه عند اهلها الابالشهر والشهرين وليش تطووول تكفيها ساعتين وخلاص هذا نظام ابوه مع امه وزوجي يبغى يمشيني على نفس النهج طبعا انا كنت حااامل ونفسيتي تعبببت وطول الوقت فااتحه صورة امي وابوي وجااالسه ابكي لحد مايجيني النوم واذكر مره بكيييت لحد ماشفت سوواد على عيوني شكلي كنت بعمى من كثر البكا بس ربي ستر قلت بكلم ابوي بالموضوع قال زوجي كلميييه ووداني لاهلي وماعاد جا اخذني وكل اغراضي عنده بالبيت حتى ادويتي تبع الحمل عنده واغراضي تبع المدرسة لاني معلمه واحتاج جهازي الحاسب وماجابه ومشيت اموري من عند اهلي وفجأه وبدون مقدمات يرسللي رساله انه راح يتزوج وبيسكن ازوجته بنفس البيت تفاجأت اغراضي كلها بالبيت طلبت اجي اخذهم ومنعني وقال بيتي ماتدخلييينه واتدخل بابوه قااال مالي شغل بينكم حاولت اتماسك عشان طفلي اللي في بطني واستودعة اغراضي الله وخليتها وفعلا تزوج وسكن الحرمة في بيتي وعشان يقهرني هو وأبوه تزوج وحده مدرسة وتركني عند اهلي بلا حقووووق ولا واجبااات وانا الآن عندي طفل الله يحفظة لي ويخليه يااارب رجع بعد ماتزوج يبغى يرجعني بس قال ماراح التزم بشي تدبر نفسها قصده ماراح يعدل يعني على كيفه وماراح يوديني للمدرسة لانه مشغول مع حرمته الثانيه انا قلت لا ماني موافقه زوجي ضعييييف شخصية قدام ابوه يعني لو يقوله طلق حرمتك راح يطلقني طبعا الحين انا لي مايقارب ال9 اشهر معلقه وجلستي عند اهلي خلتني اعرف نمط الشخصيه بس للاسف ايش الفايده فكرت بالطلاق بس اهلي ماراح يخلوني لوتقدم لي عريس بيضغطون علي وانا ماودي افااارق ولدي احسسسه اعطاني نكهه للحياه في جعبتي كثثثييير كلام بس قلت المفيد الحين شورو عليه كل وحده تحط نفسها مكاني الله لايقوله بس مجرد تخيل كيف تتصرف تجلس تتنتظر حضرته يتعدل ولا تخلعه وتضحي بولدها احس اني في دوووامه من التفكير واولا واخيرا حسبي الله ونعم الوكييل
اسم الموضوع : في يوم وليله وبدون مقدمات اصبحت معلقه تدروون لييييشش ؟؟؟؟؟؟
|
المصدر : الأستشارات الزوجية العامة