في كل الأحوال بيتزوج...شلون أخذ حقوقي؟

[طموح الروح]

قوه يا حلوات..

أدخل في الموضوع على طوووول...

إذا كان الزوج في كل الأحوال بيتزوج على زوجته...شلون ياترى تاخذ حقوقها منه هي وعيالها؟

يعني مثال: يكتب البيت بإسم عيالها..
وتحدد له المصروف اللي تريده لها ولعيالها..
وتحدد الأيام اللي تبي يكون موجود فيها معاها؟

شنو بعد؟

شنو الشروط اللي تقدر تحطها علشان تحصل وتحافظ على حقوقها؟؟؟

ملاحظة: هذا الموضوع مو عني...موضوع عاااام حبيت اعرف رايكم فيه....




تحيااااااااااااااااتي

 

[جراده شياكه]

هو يحدد ايام المبيت بس يكون عادل

 

[طموح الروح]

واو؟

وينكم؟ الظاهر ماعجبكم الموضووووع....أدري يرفع الضغط والوحده ماتحب تحط روحها في هالموقف حتى لو على سبيل التخيل....


بس يستوي هذ الشي وانتي محصله اللي تبينه وبشروطج..احسن من غصبا عليج وبمشاكل..

هو شر لا بد منه..بس بعد عصفور باليد خير من 10 على الشجرة

 

[homar]

صدقت يرفع الضغط ومد يحب حتى يتخيلو وبلاش نتوقع البلاء ربنا يعافينا
استبشرو الخير تجدوه

 

[أحلام متواضعة]

حبيبتي الموضوع حساس ومن جد مزعج للجميع

بس نصيحة ..

1) تمسكني .. وقولي وعينك حزينة ومكسورة طيب لمين بتخلينا
2) إنت كل حياتي .. إذا بتروح عني .. ما يعوضني فيك شي
3) وقت الدلع تعلقي برقبته وقولي مستحيل أخلي وحده تلمس شي فيك !!!!!!!!

عزيزاتي الرجال .. لما يفقد الدلع يفكر في وحده ثانية تدلعه أما إذا تدلع وشبع دلع والله لو تزيغ عينه راح يرجع لزوجته ..

أعرف وحده كان لما يقول لها زوجها بتزوج تقول أبغي تحط لي 70 ألف وسيارة ... وشوي والحلو تزوج وهي جن جنونها ...

حبيباتي نصيحة لا تخلن مناسبة إلا وتقولن بدلال وغنج ما أرضى تتزوج علي ولا أخلي وحدك تلمس شعره فيك كلك على بعضك لي ... والحافظ الله

 

[ريحانه المدينه]

والله لوالرجل فكر يتزوج ما يفكر في عيالو لا ام عيالو الا من رحم ربي

 

[زهور قصري]

حبيبتي الريال الشهم تقدري تاخذي منه شروط ورضوة .... لكن الخوف من الريال الخسيس ما تاخذي منه الا القهر للقبر.

 

[نور كندا]

شو قصتك ليش مستعجلة عالهم مادام زوجك معك لمازا التفكير السلبى