في احد ياناس مثلي

احصائياتى
الردود
8
المشاهدات
2K
معلومات صاحبة الذوق
إنضم
31 أكتوبر 2006
المشاركات
26
مستوى التفاعل
0
النقاط
0
في احد ياناس مثلي
السلام عليكم ورحمتة الله وبركاته

اخواتي العزيزات والدكتورة ناعمة

انا عندي مشكلة يمكن في نظر الكثيرين بسيطه وعاديه لكنها والله مسببه لي هم -وضيقة اخواتي انا متزوجه من سنتين تقريبا وعندي طفل عمره سنه واربع شهور المشكله هي اني من يوم تزوجت وزوجي يرفض الخروج معاااااي يعني ماروح ولااجي معاه لافي تمشيه ولافي سوبر ماركت ولافي سوق ولا في اي مكان الا اذا كان احد ثاني بيطلع معانا من اصحابه وزوجته تصير موجوده علشان اروح معاها وهو يروح مع الرجال حتى اول ماتزوجت وفي شهر العسل كان يرفض ان احنا نطلع ونروح حتى الناس كانت مستغربه وتفكر فينا شي وزعلانين يعني وش حلاتنا عرسان وجالسين في البيت او بالااصح انا الي جالسة في البيت هو يطلع ويروح ويجي حاولت اعرف ايش السبب لكن تدرون ايش يقول انا ماعندي حرمة تروح وتجي معاي هو صغيير عمره 25 لكن لصاحباتي عادي يوديني لهم لكن معاه مستحيييييييل حتى احيانا اجلس بالاسبوع السبوعين ماطلع من البيت مرررررة واجلس اترجاه انه يطلعني يقول لا انا مااحب اتمشى المشكله لو انا عند اهلي كان صار الوضع عادي وطلعت معاهم لكني في مدينه بعيده عن اهلي يعني غربه وطفش الي عندها حال تقولي والله يجزاها الجنه
 
معلومات أ.ناعمة الهاشمي
إنضم
12 يوليو 2006
المشاركات
87
مستوى التفاعل
0
النقاط
0

إن كنت في السعودية فالأمر نوعا ما عادي جدا، لأن هناك ثقافة منتشرة بين الشباب تحثهم على مثل هذه العادة،


وعلى كل حال، فالأمر يعود في النهاية إلى عدم رغبته في التجول خلف زوجته بين المحلات، بعض الرجال يشعرون بالملل من ذلك،

هناك أمور تأتي بالتعود ومع الوقت، في البداية أطلبي منه أن يقلك إلى محل تجاري، ثم قولي له أدخل معي لدقائق سآخذ رأيك في شيء ما،

وبالتدريج حتى يتعود على البقاء بصحبتك،

لكن لا تحلمي بالكثير فالرجال عامة لا يحبون التسوق بصحبة النساء،

وهذا أفضل،​
 

نسائيات

New member
معلومات نسائيات
إنضم
3 يوليو 2006
المشاركات
1,076
مستوى التفاعل
0
النقاط
0
الله يعينك على طبع زوجك
شكله راسه مليان من الكلام الطيب
يعني لا تطلع زوجتك ولا تعطاها وجه ..............الخ
الله يعينك والله
 

العشرينية

New member
معلومات العشرينية
إنضم
20 نوفمبر 2006
المشاركات
182
مستوى التفاعل
0
النقاط
0
حبيبتي عاااادي لا يضيق صدرك
وترى والله أريح لك بكثير
أنا عارفة إنه ودك تخرجين معاه
وتسانسين بوجوده بس إذا ما في فرصة لا تزعلين
كويس منه إنه يخليك تروحين مع زوجات أصحابه
إيش رأيك عاد في اللي يصر إنه يخرج مع زوجته كل مكان والسوق
وحتى عند الطبيبة مدخل راسه
ولا يرضى يخليني أروح مع أختي الأكبر مني بسنتين
اللي أكبر منها ممكن أخرج معاهم لكن هي لأ
ها ويش رأيك عرفت ان الأمر عادي
يا ستي إذا كنتي تخرجي معاه للتنزه في مطعم أو منتزه
وبس يعترض على خرجة السوق فلا تهتمين أبداً
ترى فكه من جحا غنيمة
ولا تزعلين علي ترى والله ماني مستهونة بمشكلتك
بس حبيت أقولك يمكن الناس يشوفونك في نعمة
لأن رجالهم ذابحينهم باللصقة في كل مكاااااااااااااان
 

أم الشيمـــــاء

ملكة متوجة
معلومات أم الشيمـــــاء
إنضم
10 يوليو 2006
المشاركات
409
مستوى التفاعل
0
النقاط
0
مثلك حبيبتي وأشد ...

لكن الحمد لله انتصرنا بالأذن مع إحدى أخواتي أو حريم أخواني ...

لكن هو مستحيل يقول : ( مستحيل تبيني مثل الدجاجة أمشي وراك .....!!!!!:icon28: بكيفك تبين تروحين مع الشغالة وولدك أو وحدة من أخواتك بكيفك ..... لكن أنا لالالالا )

لكن خطتي كانت تهدف للأولى وليست للثانية وانتصرت من حيث يرى أنه هزمني .... هههه

لاتزعلين نفسك الأيام كفيلة بالتغيير بس حطي في بالك أنا أريد كذا وستصلين بإذن الله ...

تعرفين ليه ؟؟؟ لأنك حرمة هههههه
 

غدير الحب

Active member
معلومات غدير الحب
إنضم
24 أكتوبر 2006
المشاركات
1,181
مستوى التفاعل
2
النقاط
38
الإقامة
الفجيـــــــــــــرة
اذا كانت المشكلة بهذيالصورة

حاولي تسالينه بس ماتترجينه يعني سؤال عابر انت ليش ماتحب تطلعني؟
اسمعي وجهة نظره حاوريه بس ما تنكرين وايد

دايما حسسيسه انج يوم تطلعين لانه طبيعي وانت سي السيد ... ومنهالكلام

واول ماتعرفي السبب الحقيقي عقبها مشي امورج علىتغير فكرته

يعني حددي له يوم معين اويومين تطلوعون وومحددة وقت مدة ساعتين مثلا

انا اعرف وحدة تخيلي زوجها ما يطلعهااااااا ابدا الا اذا تفصل ملابس مستشفى والحين عندها عيال كبار وهي ماطلعت طلعة عدلة حسبي 25 سنةوفوق عايشة هالعيشة بس زوجها مامقصر علىبيته وعياله وهي راضية

فالصبرجميل

والله الموفق
 
معلومات صاحبة الذوق
إنضم
31 أكتوبر 2006
المشاركات
26
مستوى التفاعل
0
النقاط
0
هلا فيك دكتورتي الغاليه والله شرف لي ردك على مشكلتي
وهلا فيكم يالغاليات كلكم على ردودكم
المشكلة مش مشكلة سوق المشكلة انه يرفض الخروج معي في كل مكان يعني انا معه ممنوع لاسوق ولاحتى تمشية ولاروحه لااي مكان ابدا يعني جالسة في البيت وبس وهذا الي مضايقني انه ليش يكره انه يروح معاي ويطلعني
 

الولهانة

New member
معلومات الولهانة
إنضم
21 نوفمبر 2006
المشاركات
87
مستوى التفاعل
0
النقاط
0
ترى اختي مب بس انتي عادي --- انا مثلا يطلع معاي لكن يكون مبوز ومعصب ومتضايق طول الوقت --- وكأنه رايح جهنم --- حتى انا الحين ما اريده يطلع معاي علشان ماينرفزني -----

انا فالبدايه كنت مثلج --- ترى هو والحمد لله وااااااايد ريال يخاف الله فيني---- لكن هذا طبعه --- فبدل ما ازعل نفسي وازعله قلت خليني اتأقلم مع الوضع ----- والحين بعد 6 سنوات زواج ---- يطلع معاي للسوق لكن خفيف ----

يا بنت الناس لو تشوفيت هموم الناس تهون عليج همومج ----

انا بعد ماشفت مشاكل البنات ---- قلت الحمد لله الف الف الف مره لان مشكلتي بعيوني كانت جبل ---- لكن الحين عرفت انها ذره رمل بالنسبه لغيري ---- ولو عرضتها عليكم بتضربوني وبتقولوني اني مجنونه ---

هونيها وتهون --- وركزي على إيجابياته وتلركي عنج سلبيات زوجك----
الله يسعدج----
 

أمل أمه

New member
معلومات أمل أمه
إنضم
5 ديسمبر 2006
المشاركات
548
مستوى التفاعل
0
النقاط
0
ياااااااااااااالله نفس مشكلتي سنتين وانا اعاني

وماتوقعت حد عنده نفس هالمشكله ..لا انا زوجي انحس من اللي عندكم

ابوي شارط عليه سائق عشان يوديني الشغل ويردني لان زوجي عسكري ودوامه من الفجر وانا الساعه سبع ..

المهم .. كلما اقوله ودني قال عندج السايق .. بنتك تعبانه تعال نوديها المستشفى قال عندج السايق ذلني واحس بقهر

شديد .. يقول انا جبت السايق والخدامه عشان ارتاح من المشاوير .. قلت له كل الحريم عندهم سواقين ويطلعون مع

ازواجهم ذليتنا ياخي ونبدا نتهاوش .. وعلى هالمنوال سنتين


الله يخليكم لاتقولون عادي لانه مع الوقت راح يهملنا ويشوفنا شايلين طلبات البيت والعيال على راسنا ويتعود

ويصير مشغول بنفسه .. ويبدا علاقات .. مثل ماشفنا من ملف الاستشارات ..
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه