فيني عقدة الرهبه help me plllz =(

[سمارية_بوظبي]

السلام عليكم بناات

اممم اعاني من مشكله منرفزتني واايد وتقهرني وتحسسني اني ضعيفة شخصيه واللي هو عكس شخصيتي واايد :tears:

اممم اول شي انا سنة رابعه في الجامعه وفي كل مساق لازم تقريبا في 3 مواد يكون عندي عرض لدرس معين

المهم انا اشتغل واجهز للعرض اللي بشرحه من بور بوينت وكل شي
بس لما اوقف جدام البنات احس برهبه شديده لدرجه حتى الورقه اللي في ايدي تتحرك من كثر ما ارتجف !!!

اكره حياااتي اريده يروح عندي :busted_red: لأني انسى الكلام اللي ابا اقوله واكله نصه واطوف اطوف علشان اخلص العرض واتم مضايقه اني جي احس نوعا ما البنات يتعاطفون معاي !!


شو تتوقعون الحل المناسب واللي لازم اسويه علشان احس عمري اني مرتاحه وانا عندي اسلوب حلو في الشرح بس مايطلع من الخوف

 

[انسه طفشانه]

عندك خوف ورهبه وخجل
طبيعي والله
انا مثلك بالضبط عندي نفس مشكلتك بس عودت نفسي عالجراءه والحمدالله خفت كثير
الله يوفقك

 

[مجرد الم]

عزيزتي انا مستعجلة لاني بطلع مشوار بس وربي ماقدرت اتجاهل مشكلتك
يعني برد علج باختصار
اول شي لازم قبل لا تقدمين اي عمل تقرين المعوذات (ع فكرة انا كنت مصابة برهاب اجتماعي) نفس مشكلتك وبقوة ارادتي وتصميمي ولحالي والله العظيم تغلبت على 80% من المشكلة
والا صرت القى اجمل واروع المحاضرات بشهادة الجميع وبكل ثقة
اهم شي انك تتدربين لحالك يعني وقفي جدام المراية والقي محاضرتك كااااااااملة !! لا تمثلين القيها بالضبط مثل الحقيقة لو كنتي قدام الفصل
وتخيلي ان في احد يسألك وانتي تجاوبي واطلبي من اخواتك او صديقة مقربة منك وتدربي قدامها وشوي شوي بتتعودين
انا كانت حالتي اسوأ منك (كنت ارتجف واتعرق واتلعثم بشكل فظيع) وتعرضت للكثير من السخرية بسبب هالمشكلة اهم شي حطي ف بالج الي قاعدين قدامج مو احسن منك يعني والله مرة مدير عام عندنا كان يعلق ويتمسخر ولما طفشت منة قلت بأدبة ووسط المحاضرة قمت انادية واخلية يشرح جزء خاص بشغلة والله انه تلعثم وطين الدنيا وطلع ولاااااااا شي ومن يومها ماعاد يضايقني ابدا



انتي توكلي ع لابج وابدأي رحلة الثقة وتغيري ... تمرني قد ما تقدرين (في غرفتج - في المطبخ- في الحمام وانتي بكرامة- في كل مكان حتى بينج وبين نفسج



موفقة

 

[سمارية_بوظبي]

تسلموون انسة طفشانه ومجرد الم

فعلا كلامج اختي مجرد الم,, لازم اكون واثقه من نفسي وادرب واايد لأنه البنات اللي يسمعون لشرحي حالهم من حالي ومش احسن مني بشي ! وفعلا التدريب يساعد وايد على التكيف وتقليل الارتباك

من الحينه لين باجر بيلس ادرب وادرب وادرب وانشالله اقدمه بأفضل طريقه D:

 

[~أماسي~]

صحيح اللي فيك اسمه الرهاب الاجتماعي علاجه التدريب واقناع النفس بالقدره على مواجهه الناس

والتحدث بطلاقه واهم شي تكونين واثقه من نفسك يعني عززي ثقتك بنفسك ثم حلي مشكله الرهاب

لا تنسين الادعيه والاذكار كل صباح ..من الادعيه المجربه والمضمونه باذن الله : ( اللهم اشرح لي صدري

ويسر لي امري وأحلل عقده من لساني كي يفقهوا قولي ) ، ايضا ( اللهم ماسهل الا ماجعلته سهلا وانت

تجعل الحزن اذا شئت سهلا ) وموفقه باذن الله..

 

[GirlishVipGirl]

<< نفس حالتك بالضبط للحين ما انحلت هالعقده عندي
الله يعيننا وياك
جزاهم الله خير البنات ما قصرو

 

[مسا الطيبة]

عزيزتي ذكرتيني بنفسي ف فترة من ايام الجامعة وكانت دراستنا ويا شباب تخيلي..
كنت اخاف وارجف ويبان فصوتي..
فكان الحل انو العرض يكون قصير اقصى ما يكون وما اعتمد ع ورقة فيدي او اني احفظ البرزنتيشن كنت احط النقاط الي راح اتكلم فيها بشكل عام فالبوربوينت وما اشيل الا ورقة نقاط عامة..
وما احفظ شي واطلع واتكلم (ارتجالية هههه)وشوي وشوي تخلصت من الخوف ليش اني اعتمد ع شو بجي ع لسني مو شي حافظته ولازم اتذكره واخوف نفسي اني ممكن انسى واتفشل..
وشي ثاني لما تطلعين خلي فبالج ليش اخاف منهم ترا هم نفس وضعي ويطلعون جدام مثل ما انا اطلع هم مثلي مو احسن مني فليش اخاف منهم ..
وخذي نفس عميق قبل لا تبدأي ونظري عالكل نظرة سريعة وسلمي عليهم وبدي العرض وربي يوفقك امنى افدتك..