فناااادق دبي

[الراجية رضى الله]

السلام عليكم ...شلونكم ياحبيباتي ...احتاج منكم خدمة اذا تكرمتم تفيدوني عن فنادق او شقق فندقية في دبي نظيفة ومرتبة بجانب جدا الستي سنتر يعني خطوات نمشي ونصير بالستي سنتر...ادري ان دبي دار الحي بس حساااافة فناااادقها نار وشرار فاذا تعرفون سفريات تقدم عروض واسعار حلوة في دبي خبروني اذا ماعليكم امر سواء هذه السفريات بدبي او في كويتنا الحبيبة ولاتنسون تزودوني بأرقام الهواتف...وجزاكم الله كل الخير

 

[some1]

رد : فناااادق دبي

حبيبتي أهلا" وسهلا" بك في الإمــارات ،
وبالنسبة للسيتي سنتر فهو يوجد هناك فندق بنفس المركز و شقق فندقية بنفس مبنى السنتر ، يعني أنا دائما" أنزل فيه وأرتاح و رائع ، بالإضافة الى سهولة التنقل ،،،، هو اسمه صافيتيل ورقمه هو : 941222 2 - 009714
كما أنصحك بالدخول الى الموقع " جوجل google " وعمل بحث عن فنادق دبي و سوف تحصلين - باذن الله - على قائمة طويلة عريضة ، وان شاءالله تجدي الجواب المناسب لك ،،

واذا اي شيء ، ترى حاضرين ، نستقبلك على الرحبة و السعة في بلدك الثاني و أنا من أبوظبي ويسعدني بل يُشرفني تقديم اي عون لك حبيبتي ،،،

 

[الراجية رضى الله]

فديتك يا some1 جزاك الله خير ماقصرتي على الإفادة وعسى ربي مايحرمني منك ويالحبيبة الشرف لي والله.. وبالنسبة لسوفتيل وايد حلو بس سعرة غالي وجوجل مجربتة بس هم الاسعار غالية مافي سفريات عندكم تعطي اسعار حلوة؟؟؟؟؟ سامحيني كلفت عليك يالغالية

 

[almono]

الغاليه في مكتب في مطار دبي يقدم لك الحجوزات بخصم كبير عن الفندق... اهم شي تحجزين عن طريقهم..
ويا مرحبا بج في الإمارات

 

[الراجية رضى الله]

حبيبتي جزاك الله خير...بس اخاف اروح المطار وماأحصل حجزوخاصة اني اروح مع الأهل انزين ما تعرفون ارقام سفريات في دبي او الكويت بأسعار معقولة وسامحوني كلفت عليكم

 

[ام سرور]

اختي العزيزه في (رحاب ريزيدنس ) شقق فندقيه مرتب ونظيف وتقدرين تروحين السيتي مشي يعني ياخذ 15 دقيقه تقريبا

 

[ام سرور]

ونسيت اقولج اسعاره حلوه بعد

 

[الراجية رضى الله]

مشكوووووووووووورة يا ام سرور

 

[الراجية رضى الله]

وينكم يالحبيبات ساعدوني في ارقام السفريات...مالي غنى عنكم

 

[متفائلة]

غاليتي الراجية الى الله

عليك بسفريات الصالحية وأطلبى الأخ نضال ^_^

ما راح يقصر معاك يدبر لك حجز من تحت الأرض

 

[الراجية رضى الله]

جزاك الله خير يالحبيبة متفائلة عسى ربي يسعدك وين ماكنتي ويرضى عليك ويرضيك

 

[كلي له وكله لي]

حبيبتي انا من السعوديه وكل مانسافر دبي نحجز من المطار تى اذا بنجدد الاقامه عن طريق المطار صراحه ارخص بكثير بالنسبه للفناق عندك هول مارك بالرقه اسعاره حلوه اذكر اخذنا الغرفه بــ 350 درهم مع انه اربع نجوم وقريب من الستي سنتر وعندك الشنغريلا روووووعه بمعنى الكلمه اسعاره بالف تقريبا بس من المطار تاخذينه 650 .....

 

[فطامي 20]

هلا الغالية بنعتج على مكتب الرحمة للسياحة والحج والعمرة بدبي ورقمهم 0097143344558