فلوسي 000هل اعطي زوجي منها؟؟

  • بادئ الموضوع بادئ الموضوع challange
  • تاريخ البدء تاريخ البدء
C

challange

New member
إنضم
2006/10/08
المشاركات
222
هلا حبيباتي


حبيت اعرف رايكم في موضوع
كثير حساس بالنسبة لي

هل تعطي زوجك من راتبك؟؟؟

الأستاذه ناعمة دايم تأكد ان الزوج يحب يحس ان زوجته تحتاجه
وفي قصة ام بسمة تعلمنا نتيجة مساعدة الزوجة لزوجها

لكن هل يعني اني ما اعطي زوجي ولا فلس من راتبي؟؟
هل يصير؟؟

وهل اصرف بس من فلوسه؟؟؟


والله بنات محتاسة في ها الموضوع!!!!

بنات خبروني عن خبراتم
جزاكم ربي الجنة
 
والله في بالي نفس السؤال؟؟
هل أخلي راتب بس لحاجاتي وأخذ مصروف العيال منه؟؟
علما أن راتبي زين وماعندي غير قسط سيارتي وهو مبلغ بسيط
وزوجي عليه كل مصاريف البيت ومعاش الخدامه ؟؟
 
لا طبعا لاوم يكون فيه حل وسط لا تتولين مسألة المصرف ولا انك تخشين مصروفك على قلبك انا عنب لما تجيني مكافأة الجامعه اشتريله منها شي ناقصه ولي اشيا احبها واذا طلعنا مكان اقوله مثلا انا بعشيكم اليوم وهو اكيد بيعرف ان فلوسي خلصت ومنها اني فكيته من الواجبات الاجتماعيه مثل هدايا الاهل وغيرها اتمنى تكوني فهمتي
ومره قريت موضوع مثل كذا قالت وحده انها تعطي زوجها على قد حاجته وتقوله ان الباقي عطته اخوها لان عليه شيكات بدون رصيد او اي عذر ثاني وهي توفر فلوسها ومع الايام ينسى يسألها عن راتبها هههههه وش رايك
 
ام دودي حبيبتي

مشكورة

بس حبيت اخذ رايج

اذا طلب منك تساعديه في اقساط السيارة مالته؟؟كيف تتصرفي؟؟

وصراحة انا في الأول كانت الامور كلها بايده

بس الحين من عرفت اراء الاستاذه

غيرت موقفي
واحاول كله اصرف من فلوسه

وهو مش مرتاح مع الوضع

والحين لمن اطلب ان اشتري اغراض
يقول ان ها الاشياء مش اساسيات
وانا مش مطالب اوفرها لج:crazy::crazy:

تعرفي المرة 000لازم كل شهر اكسسوارات جديدة
ولبس خروج جديد
ولبس نوم

وجوتي او شنطة كل شهرين او ثلاثة:clap::clap:


انا طبعا عندي فلوس :msn-wink::msn-wink:

بس ما اريد احسسه اني اصرف على نفسي

هو يقول اشتري من فلوسك:1eye:

بس طبعا انا احين متعللة اني عندي مشروعي الخاص ولازم اجمع راس مال:showoff::showoff:


شو رايكم؟؟؟؟ كيف اتصرف؟؟ لاني احتاج اجدد بين فترة وفترة!!!
بس هو 000000000راتبه اصلا ما يسمح بالمصرف الكثير0000

ولسه ما بنينا بيت:dunno::dunno:

انتظركم الغاليات
 
ادخلي في جمعيه كبيره وطويله ، بتكونين ملزوومه فيها ، وبيزاتج بتكوون في الجمعيه وانتي بيكون عندج شوي ،تصرفينه على نفسج،

بعدين تبغين تشترين بيت ، جمعي انتي عربون البنك ، واشتروا بيت وخلي زوجج يدفع اقساط البيت ،

وتخلين البيت باسمج واسمه نص بالنص ، والاثاث عليه هو بعد

جذي تكونين ساهمت بالكثير بنظر زوجج ، وربحتي كل شي .
 
حبيبتي أم سلطان ..
صعبه على نفسي إني أطلب شي لي وفلوسي معي ..
أعز نفسي وأرفعها عن طلبه .. أنا أقول مصروفك عليك .. وإذا نقص عليك شي ممكن تطلبينه حينها .. أما بالنسبه للزوج لو حبيتي تساهمين معه بشي ممكن بس : بخاطرك .. ولا تندمين عليه في يوم من الأيام .. لأن حقك ما يضيع عند رب العالمين أبد أحتسبيه أجر لنفسك ..
بسسسس يكون بخاطرك وبدون ندم .. عشان ترتاحين
 
نصيحه ،،،،، اعتمدي عليه اكثر .... ولا تشلين شي من مصروف البيت .. لان هذا واجبه ..
وهو ملزوم يوفرلج الأساسيات وغير الأساسيات .... هو من واجباته ان يعيشج نفس العيشه اللي بمستوى أهلج .. ولا يخلي عليج قاصر ...

راتبج ،، استثمريه لج ،، شلي شوي منه حق إذا تمت في خاطرج شنطه غاليه .. ولا ساعه ..
ماعليه خذيله هديه ،، حسسيه انج ما راح تبخلين عليه لو مريتوا في أزمه ماليه ..

لكن فالايام العاديه لا تعطينه ...

انا ما شتغل .. لكن ريلي قاللي اياها اشكرى ... اذا اشتغلتي تتحملين مصاريفج كلها ..
وانا رفضت ... لان البيزات احلى يوم اتي بالساهل ... وهو يحبج أكثر يوم يصرف عليج ..
 
ام العبابيد والنرجسية و واحلى عيون

مشكورين على مروركم
 
دام زوجك ما طلب ولا اشتكى الحال ولا طلب مساعدتك
لا تعطينه
خليه هو اللي يصرف
وانتي جمعي فلوسك واشتريلك عماره او بيت ينفعونك -ترى الدنيا ما تدوم لأحد-
 
دائماً اختي في امور حياتك انظري لربك ..................واحتسبي لله لا لغيره
ان شفتي ان الامر الي قدامك فيه خير ...........افعلي محتسبة
وان كان الامر فيه شر اتركيه محتسبة ..................................:bye1:
.........................................................
في عمل الخير لا تندمي وتذكري ان الله سبحانه ما يضيع احد وان ما لقيتيه اليوم تلقينه بعدين:icon26:
.....................................................
الحياه مالها مقايس:showoff: ​
ممكن اذا ساعدتيه بعدين يتزوج عليك (اتقي شر من احسنت اليه):in_love:
وممكن اذا ما سعدتيه حس انك انانية وما ترحمي ويحقد عليه وبعدين يتنذل ويتزوج عليك :icon28:............................... اختي قصص كثيره من هذا النوع
.................................................
لكن نصيحتي لك ان بغيتي تساعدي اي احد كان....................... انظري لله سبحانه محتسبه وسا ترين ذلك في حياتك في اولادك في زوجك ..................:shiny::shiny:
 
انا بالنسبه لي ؛احس ان علاقتي مع زوجي لابد ان تتسم بالرحمه مع الحذر ؛فلا ابين له حرصي على المال حتى لايحس انني انانيه:busted_red:؛ بالوقت الى اكون حاطه عيني على صرفياته:sly: ـ يعني مصيطرة على الوضع:showoff:
 
سعودية،،رايقة،،نبض الحياة

عطرتوا موضوعي


بس انا اريد افهم هل اخليه هو اللي يتولى المصروف كله
وانا بس لمن اريد اساعده بنفسي اعطيه0000

وعلى فكره هو ما عاجبه اني ما اساعد!!!!!!!!!!!
 
أم سلطان الغالية

تبين رأي عن تجربة وبناء على ما تعلمته من قصة أم بسمة وأم الوليد وقصتي :)


اياك ثم اياك تساعدينه

صعبه صح ؟!

ولا تعودتي على التصرف هذا ؟!

عاااادي عوديه

لأن كما قالت الاستاذه ان الفلوس التي لديك تجعلك قويه في نظره

Money Is Power

والرجل لا يحب المرأه التي تساعده أبدا

معاشك خليه لك وحدك وانسيه نهائيا

واذا بخاطرك تشتري شى غالي ما يغلى عليك الباش المهندس موجود

والا أخليه يصرف على بنات الحرام ؟!

أنا أولى منهم

واذا ما طلبتي ولا أخذتي منه فلوس راح يبحث عن اللى تطلب منه

يا جماعة من أين أتت قوامة الرجل بالاسلام اليس من الانفاق ؟!!

لماذا اذا نخالف الفطره ؟!!

شوفي الحين أنا أى فلس كاش حمر يقع بيدي منه على طول أحطه بالبنك

ومعاشي ما أدري عنه شىء على طول بالحساب وهم قسط سيارتي مرتفع خليته على حسابه

ويموت ويحاول يأخذ أو يتسلف بالأحري مني صراحة أضعف وأفكر هل أعطيه

وأتذكر قصص الأخوات بالمنتدي ثم أتحجج وأقول له أخي قدم لي

عرض مالي أفضل من عرضك واستثمرت فلوسي معاه معلش

يمكن تقولون أنا قاسيه ولكن هو الذي جعلني بتلك القساوة

والا بالسابق أنا التي أعرض عليه المساعده وكان جزائى نفس أم بسمه بل أردى

حسبي الله عليهم ونعم الوكيل

تذكري نفسك نفسك نفسك

وهو دعيه يدبر نفسه من أصدقاءه أو أهله الله يا مكثرهم

صج ما يستحون يطلبون فلوس من امراءه ضعيفه

تذكري دوما وأبداا

لكل فعل ردة فعل معاكس بنفس القوة

موفقه غاليتي

متفائلة
 
حيرتينا يا متفائلة

أنا زوجي زين ومايقصر معاي وأنا توظفت بعد 8 سنوات من زواجي
وكان مو مقصر معاي ولا مع العيال كان مخصص لي معاش شهري زين
وبالمناسبات يزيدني وصرف البيت كله عليه مع الخدامه وقسط سيارتي

واللحين أحس مو حلوه بحقي أني أخذ منه
بخلي قسط السيارة علي ومصرف العيال بينا
لان هو عليه مصاريف البيت والخدامه وبنشتري بيت
فـ شرايج أساعده أو أسوي مثلج
مع العلم الرجال مو سوى
وأهو لله الحمد ماخاني ولاجرحني ولامد ايه علي بالضرب أبدا
فــ مادري شسوي؟؟؟؟؟؟
 
والله ماادري كيف الواحد يتصرف مع هذولي الرجال انا لي سنة ونصف متزوجة وزوجي ماجابلي ولا شي لا ملابس ولاعطور ولامكياج ودايما يشتري لنفسه ويتشيك ويتلبس احسن الملابس مع انه حالتنا المادية مو قد كذا واهلي دايما يجبولي لأن حالتهم المادية جيدة جدا كم مرة اقول لأمي لاتجيبيلي شي ماترضى تقول يعني تزوجت خلاص ماجيبلك شي يمكن عشان كذا زوجي اعتمد عليهم وكل مااقله جبلي اشترليلي يقولي اسراف وماله داعي وانت وين تروحين انت دايما في البيت او عند اهلك اقوله بعضها ضاقت وبعضها خربت بعد الولادة مومقتنع طلبت منه يعطيني مبلغ زهيد شهريا مارضي يقول مااعرف وايش تسوين فيه مايكفي اقوله اجمعها بعدين اشتري اللي ابغاه يقولي لا ماتجمعين واذا اعطاني واحتاج وشافها معاي ياخذها يعني مااستفيد شي انصحوني كيف اخذ منه الفلوس بالحيله
 
عزيزتي الشيخة

تبين تنطرينه لما يصير يقصر معاك؟!!

عزيزتي المؤمن الكيس يتعلم من غيره ويتعظ

شوفي زوجي مو مقصر معاي لا سابقا ولا الآن

كان يصرف على يوم كنت لا أعمل نفس حالتك بل لا أطلب منه فلوس

حتى لما أصير باجازة بعد العمل معاشي يمشي ويصرف على

واذا عطاني عطاني والا نفسي عزيزه الله مغنيني لا أطلب وأبادر بالطلب

الا لما أول ما طحت عليه صار يقول بتزوج الزباله حشاك ويتحجج ويقول الله مغنيني وأقدر أفتح بيتين

هذا كلام وهو طول فترة زواجي 11 سنه ما ياب فكرة الزواج لي

الأخ طلع .... وأنا آخر من يعلم

وبعدين الريال فعلا متى ما صارت معاه بيزات غالبا يلعب بذيله

وبعدين ليش تساعدينه بالبيت؟!!!

ليش يشتغل هو ؟؟!!

أليس من واجبه توفيرالسكن لك ولعيالك واللباس؟؟!

عجيب أمرك !

وقسط السياره حوليه عليه وقولي قسط سيارة أمي على صرفيه بأي حجه

عندك فلوس مضايقتك عطيني اياهم استثمرها لج :)
 
لو تجين للشرع هو ملزوووم في كل متطلباتك وانتي غير ملزومه ابدا فيه وحاجياته لان الرجال يعرف يدبرنفسه بس انا اعرف كثيييييير من النساء ياخذون مصرووفه ومصروووفابناءهم واذا صار اخر الشهر وحسوا الرجال محتاج ساهموا في البيت البعض وليس الاكل البعض منهم فقط المال لنفسهم مهما كانت وضعية الزوج والبعض ياخذون المصرووف ويزيدونه من عندهم من غير علم الزوج وعند السؤال ينكروون إضافة اي مبلغ ويقولون هذا اللي عطينى اياه وسلامتكم
 
تسلمين حبيبتي المتفائله
على ردج الطيب والمقنع
وأن شاء الله بحاول أخذ عبره منكم
وفعلا كثرة الفلوس بأيده ممكن تخربه
تسلمين والله يجزاكِ خير ويسخر لنا أزواجنا
 
اذا ما طلب منج لا تعطينه

وانتي مو ملزومه بمصاريف البيت

اخذي مصروفج منه حتى لو كان شي رمزي بس انه يعطيج

وانتي زيدي من راتبج

عشان يحس بالمسؤليه ولا يصير مثل زوجي فسقان:dunno:

وديري بالج تدفعين عنه قسط لانه بعدها انتي اللي راح تدفعين باجي الاقساط:crazy:

اذا كان عنده اقساط متأخره ما يمنع تعطينه لقسط وتقولين له هذا اللي اقدر عليه عندي التزامات

لانه الزوجه اهي بطبعها معطائه لكن بعض الازواج استغلاليين :icon28:

ويعتمدون على الزوجه وراتبج راح يكون للمصاريف وراتبه له وانتي اللي تخسرين:shutup:

انا حتى لو عطيت زوجي اعطيه سلف:sly: لانه زوجي بس يشوف الفلس عندي اصير حلوه:cupidarrow: واهو يصير مفلس لكن اطالبه انه يردهم وهم مو سالمه من مصاريفه:nosweat:


وانا يعطوني اعانه بالدوام يعني مو راتب 100 كل شهر احرقهم بسرعه :blushing:


ومره تميت اجمع وكثر ما اقدر ما اصرف .. سافرنا فيهم :surrender: لانه لو بعتمد عليه بالسفر:tears: عمري ما راح اشوف غير الكويت:cupidarrow:

خلي فلوسج لج تنفعج :in_love:
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل