فكرت اخون زوجي مثل مايخوني

[nonooon]

والله اني ضايعه ومن قهري من زوجي افكر اني اكلم غير زوجي علشان انسى خيانه زوجي والتهي بغيره لكن ديني وتربيتي تخليني امسك نفسي لكن لي متى الله يسامحك يازوجي
انا ايش ناقصني ليش يخوني في اي مكان لو يخليني زوجي بروحي يتجمعون حولي الشباب لاني جميله بشهاده الجميع في مكان عملي وفي اي اجتماعات الفت الانتباه طيب ليش زوجي يخوني
ماعندي احد استشيره يساعدني لاني جد ضعت ماعرف كيف اتصرف احبه لكن ماقدر استمر معاه وذا تطلقت بظلم عيالي وتوهم صغار
ارجوكم ساعوني والله اني اكتب وانا دموعي بعيني

 

[غلاهم انا]

قبل لاتخونينه تذكري انك خنتي نفسك & آهلك
والاعظم من كذا اخطيتي بحق ربك
وارخصتي نفسك
حبيبتي لو كل الناس قابلوا الخيانه بالخيانه كان ماشفتي الشرف له مكان عندنا
ادعي الله مع الاصرار بالدعاء وان شاء الله ربي مايخيبك
واذا تطلقتي عيالك صغار وش ذنبهم يتشتتون
الله يعينك ويصبرك ويسخر لك زوجك ويهديه يارب

 

[nonooon]

استغفر الله يارب ابغيه ينقهر ويحس باللي يسويه فينا
وان سكت انابيستمر بخيانته لانه يفكر اني ماعرف وان تكلمت راح نتطلق لاني ماقدر اكمل معاه بعد مايعترف لي
وش الحل
ومتى يوقف من خيانته ولا راح يستمر طول عمره
لازم الاقي حل اوقفه
وهو كله يسافر لانه يدرس في مصر ومايخليني اروح معه
كرهت الزواج وكرهت الحياه الزوجيه وصرت احسدهم البنات اللي مع زوجي لانه معهم وبفضلهم علي

 

[سكن قلبه]

تعوذي من الشيطان والجئي الى ربك اخر الليل ان الله يصرف عن قلبه بنات الحرام والله يسخره لك ويهديه

 

[نــور عـيـونـه]

في اي مكان لو يخليني زوجي بروحي يتجمعون حولي الشباب لاني جميله بشهاده الجميع في مكان عملي وفي اي اجتماعات الفت الانتباه

احتاج توضييح منك عزيزتي

انتِ كاشفة يعني ماتلبسي نقاب؟؟؟مكان عملك فيه رجال واختلاط؟؟





نـــور عـيــونــه


​

 

[مايار]

ياقلبي اقري البقره وادعي له بعد كل صلاة ان يبعده عن عيال الحرام ويقربه منك ويسخره لك واستغفري كم ممرة ف اليوم وبتشوين الفرج من الله وحاولي تدعين الله ف اخر الليل لان سهام الليل لاتخطئ

 

[الغلا بكاني]

حبيبتي جل منا لايخطى لكن صدقيني مرده لك

انتبهي الا الطلاق استغفري ربك والجأي له وعليك بقيام الليل

ودائما احكي قدامه قصص من تأليفك انتي طبعا صديقتي فلانه دقت علي واهي منها ره زوجها يخونها قولي وش

اقولها انصحها انها تتطلق وانوا كيف ربي كشفه الله لايبلانا ومن هيك حكي

اختي اتمنى لك الفرج وادعي ربك واستغفري كثيـــــــــــــــــــر

 

[حبي لهـ وحدهـ]

مو لهدرجه تغضبي ربك بس عشان تنسي خيانة زوجك
تعوذي من إبليس و لاتصير الدنيا و الرجال أكبر همك
أحس إنا في وقت نسينا أحنا ليش انخلقنا !!!

 

[nonooon]

والله اني فرحت بردودكم جد وانا شاكره لكم لكن ماكتبت موضوعي الا من بعد ماضاقت بي الدنيا استغفرت ربي كثير والحمدلله وبكيت كثير وكل يوم اقرا سوره البقره وفعلا بعدها احس براحه واستغفر ربي ودايما اصلي وادعيه انه يبعده عن هالشي لكن مافي رجا من زوجي شكله هو كذا تربيته يمكن كذا مايخاف من احد هو طيب لكن مايخاف من ربه وكانه حلل الخيانه عنده فكره ان هالشي عادي لان عند الشباب يسوون كذا لانه راعي مجالس ومقاهي
حاولت اني احرمه مني علشان يتادب ومايسافر طبعا مايعرف اني اعرف بلاويه بس ابين له اني اتضايق من كثره السفر واني قمت اشك فيه وفعلا يوعدني بس بعدها يرجع يتعذر ان عنده شغل ويكذب علي انه رايح المكان الفلاني عنده شغل وبعدها اكتشف بجوازه انه رايح لبنان ووقتها كان براس السنه
هذا دليل انه مايخاف من احد

نور عيونه انا اتنقب بس في مكان عملي لا لانه ممنوع النقاب ونعم فيه اختلاط

 

[نوررررري]

الله يكون بعونك اتذكر بيت شعر بس ماافتكره زين يبين حالتك فيما معنى بيت الشعر ياليت اللي تعرفه من البنات تكتبه (((انو ماخنت حبا في الخيانة ولكن حتى اغفر خيانة حبيبي وخطاءة ))))شعور طبيعي جدا يراود كل بنت زوجها يخونها

 

[الدلوعه مي مي]

اعوذ بالله الله يهديك ادعيله بالهدايه بس لاتخونين فضيحة الحرمه مو مثل الرجال ؟؟؟؟

 

[nonooon]

الغلا بكاني
حتي هالسياسه سويتها معاه وقلت له قصه من خيالي تصدقين انه سكت وماعلق عالموضوع انه مايهمه

 

[غلاهم انا]

نور عيونه انا اتنقب بس في مكان عملي لا لانه ممنوع النقاب ونعم فيه اختلاط

خدعوك فقالوا
لاتتناززلين عن حجابك علشان الشغل
الشغل بداله الف
من ترك شي لله عوضه خير منه
زينيها مع الله تزين معاك

 

[نــور عـيـونـه]

اقرأي كلامي عزيزتـــي و اتمنى تفهمي قصدي صح..

أولا كونك بعمل مختلط وبدون نقاب فهذا تقصير منك تجاه ربك سبحانه وتعالـــى

إذا ماتقدري تتنقبي بالعمل اتركييه ~>> ومن ترك شيئاً لله عوضه الله خيراً منه..

قصرتي مع ربك فابتــلاكِ الله بخيانة زوجك لكِ <~ كما تديــــن تــــدان..

مثل ما فتنتي رجال كثر بجمالك الله سلط الجميلات على زوجك ففتنوه مثل ما فتنتي غيره <~ دقة بدقة لو زدت لزاد السقاا..

ثانياً زوجك برضاه عن عملك مع الرجال هذا يدل على عدم غيرته عليكِ وعلى محارمه ورجل مثله قلبه شبه ميت

إن أحييتي قلب زوجك بيترفع عن الحرام و يستشعر ذنبه و بيهتم فيكِ كزوجة

وعزيزتي تعرفين حياة القلب ماتكون إلا بالإيماااان و الخضووع لله عز وجل

زوجك بيتغير إذا انتِ تغيرتي

أصلحي ما بينك وبين الله وسيصلح الله ما بينك وبين زوجك

الله يفرج همك ويصلح أمرك ويشرح صدرك وينور بصيرتك إن شاء الله


نـــور عـيــونــه


​

 

[nonooon]

اشكرك علي نصايحك نور عيونه بس فعلا خوفتيني بكلامك وماتوقعت اني لاني بس مو امتنقبه في عملي سبب في خيانه زوجي لي الوظيفه اللي معي توظفت فيها قبل لااتزوج ولظروفي الصعبه ولحاجتنا للعمل اشتغلت واستمريت فيها لغلاء المعيشه اللي احنا فيها ولو رحت مكان ثاني نفس الشي اغلب الاماكن ترفض النقاب والاماكن الحكوميه راتبها مايسد ديني ولا يعيش هلي
حبيبتي نور عيونه الله يخليكي فهميني بالفتنه لاني مافهمتك انا ماتمكيج بدوامي بس ملامحي حلوه وهالشي يلفتهم لرويتي لكن يكنون لي الاحترام وانا انسانه خلوقه بعملي وشغلي وفرضت احترامي في الشغل لمده عشر سنين
ولكن اذا طلعت مع زوجي او خواتي اي مكان اتنقب مو لان زوجي يفرض علي انا كذا تربيت

 

[غلا روحي ليول]

انا بنت مب متزوجه بس هااذا كلامي لج وانا مب مجربه زواج لحد الحين لو كل كل كل وحده يخونهاا رجلهاا وتروح تخونه خربته الدنيا وين رب العالمين عنج انتي اول شي تسوينه تحطين سجادتج وتطلبين حاجتك من رب العالمين قبل ماتلجين للفكارالسوداء عن خيانه ما خيانه وشي ثاني وش هالوظيفه اللي عشانهاا ترضينهم تغضبين ربج علييييييج طيب وانتي ماتدرين يمكن واحد من اللي تشتغلين معاهم حاط عينه عليييج ومطير قلب زوجته منج الله اعلم كم تدين تدان استغفرالله ربي واتوب اليه ربي رحمتك

 

[نــور عـيـونـه]

عزيزتــي مهما كانت ظرووفك صعبة وديونك كبيييرة تأكدي إن ربك أكبر من كل شيء..

اخلصي النية لربك والله ببيارك في راتك من الحكومة مهما كان قليل طالما إنه حــلال ومافيه معصية لربك فهو مبارك وبيكفي احتياجاتكم..

بالنسبة للفتنة المكياج مو شرط حبيبتي لو حتى الجمال

ممكن المرأة تفتن رجال بأخلاقها و أدبها <~ لاتتعجبين هذا صحيح

ممكن تفتن الرجال بلون بشرتها أو أظافيرها أو حتى كعبهاا

عزيزتي الرجل أي عابر يفتنه فما بالك بإمرأة معاه في العمل يشوفها بشكل يومي طبيعي بيفتتن بهاا..

عشان كذا ربك حرم الإختلاط إلا للضرورة والمواقف العابرة مثل الطبيب أو عامل السوبرماركت وخلاافه من المواقف العاابرة..


اتركي الوظيفة ولا تتخلين عن حجاااابك واخلصي النية لله داااااااوي على الإستغفار

استغفري بالمسبحة 200 مرة بعد كل صلاة وبينتهي اليوم و انتِ مستغفرة 1000 مرة

كرريها يوميا و الله بيفتحها عليكِ وبيصلح زوجك وبيسخره لكِ..

من ناحية ثانية زوجك لازم نعززين الجانب الديني عنده

اطلبي منه تروحون للعمرة استأجرو امام الحرم 3 أيام و واصلي الدعاء لزوجك بالهداية والله يستجيب لدعائك إن شاء الله

اقرأي المواضيع هنا بالمنتدى عن تجارب المتزوجات مع خيانات ازواجهم و إن شاء الله تستفيدي من تجاربهم

الله يشرح صدرك حبيبتي


نـــور عـيــونــه


​

 

[nonooon]

مشكوره نور عيونه على التوضيح شاكره كثير لكل وحده ردت علي احبكم كثير واحب هالمنتدى كثير وماستغنى عنه والله يعيني على ترك شغلي والله يرجع لي زوجي امين يارب

 

[ғ α η т ά s ч ♥]

حبيبتي إنتي أرقى بكثير من إنك تحطي نفسك في مستوى دنيئ مو مستواك الراقي

أوكي صح إنتي حلوة و ملكة جمال

بسس

دامه ملكك يشوف إنه خلاص ؛ يعني صرتي ملكه و عادي عنده

هو لو يفهم بس إنه بإمكانك تطللقين منه و يجيك بدل الواحد ؛ مية

إيش ناقصك ؟ قمر و متوظفة

. ؛ .

تبغى تخوني خونني ؛ بس إعرف حبيبي إنه بإمكاني أطلب الطلاق و أشوف حياتي مع إنسان يقدر قيمتي بجد

طبعآ إنتي لا تصدقين كلامي و تطلبين الطلاق ؛ لا تنسين عيالك

هي بس كفكرة تنحط براسه ؛ عششان بجد يقلق و تبدا غيرته

و إنتي لا تبينين إنك في هم ما يعلم فيه إلا ربك

بالعكـــــــــس

وريه إنك عاااادي و خليه يشوف إنك كل يوم تحلوين زيادة عن اليوم الي قبله

و وجهك مستريح و مبتسم داااايمآ

. ؛ .

و الزمي الإستغفاااار قلبو بنية إنه يسيب خياناته < ما حيمر شهرين أو 3 شهور بالكثير إلا و هو عندك من أروع ما يكون

=(

الله يفرج همك حيــآإتي ؛ و يصبر قلبك

​

 

[ام ابتسام]

يااختي وش هاالكلام تضيعين دينك ودنياك ونفسك واولادك وشرفك علشان هالزوج الي مافكر فيك طيب وش تستفيدين الله يهديك يااختي من ترك شئ لله عوضه الله خير منه عليك بالدعاء والصلاة وقيام الليل واخلاص النية وبتشوفي النتيجه بس لاتياسي ابدا من رحمة الله جلا في علاه