فقط إذا كنت زوجك شمالي شرقي ..help..help..help

[بحرانية مظلومة]

صباح الورد والسرور .....

ياجماعة أنا محتاجة تقولون لي ويش أسوي بزوجي المزاجي يلي معيشنا على كيفه ....
من غير ما أعيد قصتي مرة ثانية .... بالاختصار أنا زوجي معيشني بظلم كبير...
زوجة زوجي الأولى صار عندها تسمم حمل وهي الحين بالسادس وترقدت إسبوع بالمستشفى وطبعا أنا لأني متفهمة الوضع سكت ولاقلتله تعال ولا حبيت أضغط عليه بأي شي .... هو بعد ماكان يخلص شغل كان يروح المستشفى مباشرة ... بعد مايخلص من المستشفى جاني نص ساعة يوم الاثنين ونص ساعة يوم الاربعاء ولآنه نص دوام يوم الخميس إتغدى معاي بسرعة يعني قعد ساعة وبعدين راح لها ..... هي الخميس الليل طلعوها من المستشفى ...
مو هذي قصتنا ...
من وجهت نظري أنا إن زوجي وقف معاها وأدى واجبه والدليل إنه هدني كل الاسبوع عشان يكون معاها .... بس يبدو إنها بعد مو عاجبها وتهاوشت معاه يوم الجمعة لأنه ما أتصل فيني نهائيا (( مو عادته )) ولما كلمني أخر الليل قال لي إنه كان مضايق ...
يوم السبت شكلها كبرت الهوشة .... أنا كان متصل فيني السبت الصبح وهو مافيه شي رايق الحمدالله .... إتصلت فيه العصر بس مارد ... حاولت أتصل كمان شوي بعد مارد ... فجأة وصلتني مسج منه يقول إنه تملل ولاعت جبده من المشاكل شوي بهاد البيت وشوي بذاك وإنه مو عارف ويش يسوي كل مايحاول يرضي وحدة تزعل منه الثانية وإنه مايبي أحد يكلمه لأن نفسيته زفت !!!!! طيب أنا ويش ذنبي !!!!! يعني واضح من المسج إنه متهاوش معاها هوشة كبيرة بس أنا شو دخلني ؟؟؟ لاتهاوشت معاه وكنت الصبح مكلمته عادي وفجأة مايبي يكلمني !!!!!
يلي قاهرني إني أنا رديت عليه بمسج وقلتله بدل ماترضيني أو ترضيها إرضي رب العالمين فينا لأن في فرق كبير.... طبعا هو مارد وأنا تركته يوم السبت لا أتصلت ولا بعتت غيرها مسج ...
أمس الاحد ما أتصل الصبح ... أرسلت له مسج صباح الخير إنشالله تكون أحسن ... مارد .... حاولت أتصل بس بعد مارد .... بعتت له مسج إذا إنت متهاوش معاها أنا شو ذنبي ماتكلمني ؟؟؟ بعد مارد .... وللحين لا أتصل ولا أدري عنه شي ....
يعني معقوله !!!!!!!!!!!!!
فهموني شو أعمل مع هالآنسان ؟؟؟ يعني ماعنده إحساس ولا قلب ؟؟؟ أناني مايهمه إلا نفسه ؟؟؟ مزاجية غريبة يبي يزعل على كيفه ويرضى على كيفه حتى لو أنا مالي دخل بالسالفة !!!! وبعدين لايرد على اتصالاتي ولامسجاتي يعني أنا كرسي عنده !!!! يعني لازم أتحمل ظروفه واهماله وفوقها لازم اتحمل اذا تهاوش معاها بعد !!!!
قولوا لي يالخبيرات شو أعمل مع هالرجل الشمالي الشرقي ؟؟؟؟ شو لازم تكون ردت فعلي الحين لو أتصل أو لو كمل تطنيشه لأخر الاسبوع ؟؟؟

 

[بحرانية مظلومة]

أرجوكن لا تخلوني ...... وين يلي تعرف لهل الرجل الغامض .....

 

[طرايف]

الريال واضح وضوح الشمس انتي انسانه عجوله مقهوره فقط لصقه فيه صراحه لا تزعلين قلنالج عيشي حياتج ووقتج استمتعي لا يهمج شو يسوي يوياها ولا وين وداها ولا وين فرها مايهمج انتي اتصلتي صح وكلمج وشكالج
بس عليج تبعدين لين ما يروق الريال ما بيطير ولا بيموت انتي ملتصقه فيه عاطفيا جدا جدا هو كان متزوجج يباج راحتة باله للاسف انتي ماتعرفين تاخدين حقج الا صريخ ومعاتب ولوم هي بالمستشفى هو يا عندج لو دقيقه بعد المهم شافج اطمن راح مستشفى هدا روحه حق بعد انتي لو كنتي دكيه شويه بس كان خليتيه تحت امرج ما تعرفين تتعاملين وياه عجوله تبين كل شي بسرعه بسرعه وايد تحبين تقارنين ادري مالومج بس خليج عاقل ناضجه ياختي اذا كان ما يرد عليج ولا اتصل عليج خليه لين ما روحه يدق حسسيه بقيمتج عنده حسيييه باستقلاليتج لا تخلينه يحس انج ذنب وغلطه في رقبته تقولينله انا شو ذنبي انا ماعرف كيف اسكتي عنه بروحه بيتصل للاسف انتي محوله زوجج محور حياتج مافي شي يشغلج عنه حتى نفسج وكرامتج ما تحبينها نصحناج وايد بس ما تاخذين النصيحه ابدا

لا تزعلين من كلامي بس لازم تكونين مستقله عاطفيا بالذكاء ووالهدوء والسياسه تاخذين لي تبينه طالبي بفم مليان معاه بس مب بطريقه معاند ومقارنه كفايه لي ياينه من الاوليه من غيره وحقد وهواش لازم انتي تستغلين الفرصه وتكونين حضنه الدافي والهادي العاقل لي يلجا لها وقت الشدايد انتو ما خليتو منه وين يلجا لا انتي ولا هي حتى هي حامل تهاوش وتغار باين مافي ابدا تفاهم ولا كسب موده الموضوع باديج اتركي او تبدلي للافضل اتركيه بروحه بيتصل وبيج البيت بعد غيري من طريقة تفكيرج واسلوبج هو بيغير اسلوبه بعد

 

[ليل الشتا]

ربي يصبرك
أصبري عليه بيرجع لك
بس هو مضغوط والشملي مايحب اللوم وكثرة اللوم يمل
بس يبي مدح هو وشكله ،،

طيب لما أنضغط من لومها ليش ماجاء معك؟؟؟ عشان يخفف على نفسه

الله المستعان على هالرياييل
أذكري الله يا أختي بيرجع لك

 

[~أغلى الغاليات~]

انا مختصه بالجنوبي الشرقي بس بعطيج نصيحه وان شاء الله تناسبج ..يوم شكالج ما كان يبيج تزيدين همه بانج تذكرينه برب العالمين وبطريقه غير مباشره تقولين له انه مقصر معاج العتاب له وقته هو حاليا يبي يرتاح من المشاكل ويبي يغير جو بعد قعدت المستشفى ..لو قلتي له انا اسفه حبيبي ما كنت ابي اضغط عليك بس انا عارفه انك تعبت هاليومين الله يعطيك العافيه ووكنت ابي اعازمك على الغدا او العشا عشان تغير جو..والصراحه وحشتني يالغالي..جان طار لج ..المشكله يا قلبي ذيك تضغط عليه عشان يقصر عليج وانتي تبينه ما يقصر وهو مضغوط والرجال اذا ينضغط يبتعد وما يعرف يتصرف في اي مشكله ..حبيبتي الشاطره هي اللي تسحب رجوله بالدلع والهداوه والحب مو بالمشاكل مثلها ..هو بيكرهها اذا تمت على اسلوبها وبيكرهج اذا طالبتي بحقج كل يوم وضغطتي عليه ..هو اذا حس انج ما راح تعاتبينه على تقصيرج بيقعد عندج اكثر ..غيري اسلوبج في العتاب وشوفي شلون بيتغير..والله يوفقج ويسخره لج يالغاليه

 

[رب احفظ من أحب]

الشمالي يبي له وحدة هاادية رايقة باردة
و لا تراكضي وراه و ترسلي له مسج و هو مو معبرك
الرجال يراكض ورا اللي عندها إعتزاز بنفسها و تقدير لذاتها

ونسي عمرك بأي شي تسلي غيري ترتيب البيت
سوي رياضة زوري أهلك كم يوم غيري جوك

أي شي سوي روحك مشغولة عنه و عادي و لا على بالك
و بتشوفي باذن الله بيلزق فيكي
و ادعي ربنا و استغفري
و الله يسخره لك و يهديه

 

[om miryam]

اول شي واضح انو انتي الزوجة الثانية على ما فهمت وانتي عارفة ظروفه هوا اكيد عندو عيلة قبل ما يتزوجك لازم يهتم فيها زي مهو لازم يهتم فيكي وبنفسك قلتي زوجتو الاولى عندها تسمم حمل يعني الموضوع خطيير جدا يمكن لا سمح الله تروح فيها هيا وولدها لازملها رعاية تاامةازاانتي ما قدرتي ظرفو العصيب جدا ميين حيقدر وفكري انك في يوم من الايام ممكن تتحطي في مكانها وتحملي ويجيكي تسمم حمل لا سمح الله وقتها ابدا محا تقبلي انو يتركك لحظة طول ما انتي وطفلك في خطر وانا اشوف انو هوا ما قصر زارك واتطمن عليكي بس حرام الرجال عندو ظرف وهوا زعل منك لانو كان يفكرك اعقل من كدا لكن تصرفك دا جدا صدمو انتبهي وحافظي عليه قبل ما تتشتت علاقتهم هيا عالاقل يقدر يلتمسلها عذر لتصرفاتها فهي حامل وتعبانة اما انتي مالك عذر لو فكر يختار حيختارها هيا

 

[sokar]

انا زوجي شمالي وبقولك نصيحه اذا ما عندك شي مهم تقولينه لا تفكرين تتصلين لانه يكره انك تدقين عشان بس تقولين كيفك؟؟ يعتبرها تفاهه فمابالك لو كان معصب سواء بسبب زوجته او اي سبب ثاني

حتى الرسايل خليها بالشهر مره بالكثير مالم يكن هناك ما يستدعي هذا من واقع تجربتي الشمالي يكره الي تتابعه بالتليفونات والمسجات خليه براحته اذا دق عليك ردي بمزاج حلو ورايق واذا ما دق خلاااص خليه لين يدور عليك ويدق

 

[بحرانية مظلومة]

اول شي واضح انو انتي الزوجة الثانية على ما فهمت وانتي عارفة ظروفه هوا اكيد عندو عيلة قبل ما يتزوجك لازم يهتم فيها زي مهو لازم يهتم فيكي وبنفسك قلتي زوجتو الاولى عندها تسمم حمل يعني الموضوع خطيير جدا يمكن لا سمح الله تروح فيها هيا وولدها لازملها رعاية تاامةازاانتي ما قدرتي ظرفو العصيب جدا ميين حيقدر وفكري انك في يوم من الايام ممكن تتحطي في مكانها وتحملي ويجيكي تسمم حمل لا سمح الله وقتها ابدا محا تقبلي انو يتركك لحظة طول ما انتي وطفلك في خطر وانا اشوف انو هوا ما قصر زارك واتطمن عليكي بس حرام الرجال عندو ظرف وهوا زعل منك لانو كان يفكرك اعقل من كدا لكن تصرفك دا جدا صدمو انتبهي وحافظي عليه قبل ما تتشتت علاقتهم هيا عالاقل يقدر يلتمسلها عذر لتصرفاتها فهي حامل وتعبانة اما انتي مالك عذر لو فكر يختار حيختارها هيا

يا جماعة الخير إنتو فاهمين غلط .... أنا ماعاتبته بشي ولاقلتله شي ومن حوالي شهرين وأنا مغيرة معاملتي له .... صح معها حق ((طرايف)) أنا ملتصقة فيه عاطفيا جدا بس أنا هالفترة قاعدة احاول جهدي اتعامل معاه بهدوء وما أعاتب ولا ألوم ومخليته على راحته بس مشكلة زوجي مايشوف التغيير وملتصق براسه المعاملة القديمة ....
الحين هو متهاوش مع زوجته وأنا مابعرف على شو وهو ماقال لي هالشي ولا اشتكالي ... هو كان مكلمني الصبح عادي وكان حده رايق بس مرة وحدة اتصلت فيه ومارد وبعدين جاتني منه هذي المسج فأنا فهمت بروحي إنه شكله متهاوش معاها .... أنا ماسويتله شي ولا مزعلته بشي بس هي شكلها مستعملتني سبب دائم للهواش معاه وإلا ليش منقلب علي أنا بعد إذا هو متهاوش معاها هي !!!! أنا مو مسوية أي شي ولا مزعلته بأي شي فليش أخد موقف مننا إحنا الثنتين وقرر مايكلمني!!! أنا هذا يلي قاهرني .. إنت متهاوش معاها طيب أنا شو دخلني!! .... أنا قاعدة أحاول جهدي أكون له الصدر الحنون بس هو ماقاعد يعطيني فرصة ....

 

[نون ومايعلمون]

السلام عليكم

اختي الله يعينك ويعين زوجك الي تورط بين الحريم بمزاجه... المهم طاح الفاس بالراس

الشمالي الشرقي حساس ولايحب العتاب ... فهمتي!! يعني انتي غلطتي... لمى صرتي عليه فرعون

لازم تعيشين حياتك وتناسين انه متزوج وزوجته حامل بعد يعني قمة الحساسيه واي شي بيصير لها ماراح ينسى الي صار ولو لك يد ماراح تسلمين من العتاب

اختي لازم تحطين في بطنك بطيخه صيفيه...خخخخخخ

اي بردي على قلبك وانسي زوجته الحامل وتنساسي زوجك اشوي....

اذا زارك ياهلا ومرحبا والعين اوسع لك من الدار... واذا راح الله وياك وماتشوف شر

ولاتفتين سيرتها واذا تكلم اسمعي وطلعي من الاذن الثانيه علشان مصلحتك والله يكون في عونك

حبيبي داريه ودلعه اذا كان عندك بس......... وانسيه وعيشي حياتك لي راح

الله يفرج همك​

 

[فواحتي بلقيس]

يااختي انا والله معاك في كل كلمة تقوليها ومقدره ظروفك لأني بنفس مكانتك خاصة اذاوقتي ويومي اللي حقي هو يروح للبيت الأول سوا اولاده او زوجته كلنا والله نحترق لكن شنسوي نصبر انفسنا غصب علينا في هالوقت انتي سكري عيونك واذانيك واصبري واصمتي لاتناقشيه بأي شي وكثري الأستغفار حتى يجيك الفرج من رب العالمين وهو اكيد عارف كل شي ويبي يرجع لك وتركي المسجات او المكالمات بالعكس هذي تهينك اكثر انا مجربه مع زوجي الشمالي الشرقي؛؛؛؛؛؛؛؛؛؛انا والله اول ماتزوجت لين تميت سنه تقريبا وهو يبيت عند زوجته الأوله ثلاث او اربعة ايام متتالية بس علشان اخوانه اذا جو من بعيد متعودين يباتون في بيته هذا قبل مانسكن في بيت واحد الله يصبرنا وايام ياعزيزتي،،،،،،،،،،،،،،،،،،،
موفقــــــــــــــــــــه

 

[بحرانية مظلومة]

يااختي انا والله معاك في كل كلمة تقوليها ومقدره ظروفك لأني بنفس مكانتك خاصة اذاوقتي ويومي اللي حقي هو يروح للبيت الأول سوا اولاده او زوجته كلنا والله نحترق لكن شنسوي نصبر انفسنا غصب علينا في هالوقت انتي سكري عيونك واذانيك واصبري واصمتي لاتناقشيه بأي شي وكثري الأستغفار حتى يجيك الفرج من رب العالمين وهو اكيد عارف كل شي ويبي يرجع لك وتركي المسجات او المكالمات بالعكس هذي تهينك اكثر انا مجربه مع زوجي الشمالي الشرقي؛؛؛؛؛؛؛؛؛؛انا والله اول ماتزوجت لين تميت سنه تقريبا وهو يبيت عند زوجته الأوله ثلاث او اربعة ايام متتالية بس علشان اخوانه اذا جو من بعيد متعودين يباتون في بيته هذا قبل مانسكن في بيت واحد الله يصبرنا وايام ياعزيزتي،،،،،،،،،،،،،،،،،،،
موفقــــــــــــــــــــه

تصدقين مرات أتمنى يسكني معاها ببيت واحد على الاقل اشوفه واطمن عليه .... مو نفس الحين مطنشني ولا أدري شي عنه ..... بس بنفس الوقت أعتقد هالشي هيكون فتح باب لمشاكل من نوع ثاني ....

 

[بحرانية مظلومة]

ياريت أتعلم كيف أحط ببطني بطيخة صيفي وأطنششششششششششششششش...
يلي قاتلني الوحدة يلي أنا فيها مو مخليتني أقدر أطنش من زود الملل .... وحياة إجتماعية ((صعب)) كل شي ممنوع ....
نفسي أتعلم كيف أكون ريلاكس ....

 

[بحرانية مظلومة]

بدي نصيحتكم بشي واحد .......
بهذي الحالة يلي هو فيها .... بما أني مو قادرة أفهمه ولا أفهم ويش يريحه ...
هل أطنشه عالأخر ولا كأنه موجود ولا بيحس بالاهمال ؟؟؟
أو أرسله مسج حب الصبح عشان أقوله صباح الخير وبعدين أطنش عشان يحس إن مافي بقلبي شي عليه وإنه لو أتصل مابعاتبه ....

ويش رايكم ....
طرايف شو رأيك ؟؟

 

[جيانة]

بما إنه متعود على تواصلك معاه..فأعتقد لو تطنشينه هاليومين بيستغرب وبيرجع يسأل..
انتي بس لاتشغلين بالك
الله يصلح حالكم ويسخركم لبعض..

 

[بحرانية مظلومة]

أنشالله تهدا النفوس لنعرف نعيش

 

[قمة الحلم]

اختى بحرانيه ما اقول الا الله يرزقك طول البال والحلم والاناءة والصبر وقوة الاحتما ل امييييين يارب
صدقيني الدنيا يبيلها طوله بال وصبر اسمعي خلى دعاؤك بين الاذان والاقامة اللهم ارزقني الحلم ووالاناءة والصبر وقوة الاحتمال
ولاتجعل الدنياولا وزوجي اكبر همي
ولاتجعل الدنياولا وزوجي اكبر همي
ولاتجعل الدنيا ولا وزوجي اكبر همي

هل انتى من جنسيته ام من جنسية اخرى لان عدم العدل بهذه الطريقه يوحي بأنه ليس من جنسيتك
اسأل الله لك التوفيق وان يبارك لك في وقتك ولايجعل الدنيا اكبر همك

 

[قمة الحلم]

من أدعية الرسول صلى الله عليه وسلم دعاء جميل جداً.. وهو من أدعية الكرب .
اللهم إليك أشكو ضعف قوتي وقلة حيلتي
وهواني على الناس , يا أرحم الراحمين.....
أنت رب المستضعفين، وأنت ربي..
إلى من تكلني؟ إلى بعيديتجهمني
أم إلى عدو ملكته أمري ؟!
إن لم يكن بك غضب عليَّ فلا أبالي،
غير أنّ عافيتك هي أوسع لي..
أعوذ بنور وجهك الذي أشرقت له الظلمات،
وصــلح عـليه أمـر الـدنيا والآخـرة
أن يحل علي غضبك , أوأن ينزل بي سخطك،
لك العتبى حتى ترضى
ولا حول ولا قوة إلا بك.............حبيباتي....داوموا عليه واسألوا ربكم بيقين ورح تشوفوا أثره...
ولاتنسوني من صالح دعواتكم***

 

[بحرانية مظلومة]

شكرا جزيلا على الدعاء ....

 

[يااارب فرج همي]

طنشييييييية اثقلي اهتمي بنفسك ودلعيها وكوني لك صداقات وخليه يحس انك مبسوطة به اوبدونه كذا بيرجع لك صدقيني ...........


نفس شخصية زوجي مع اختلاف الظروف