فـــيـــه أضــــرار ولــــــــــــــــ لآ؟!

[شـوكـولاته]

السلآآم عليكم,,

كيفكم وكيف بعولكم وأهلكم وعيالكم ان شاءالله الأمور معكم زينه

ماعندي مقدمات بس عندي اسأله,,,؟!

ياحلوات يابلقيسيات اهلي هالفتره فترة الصيف مع القهوه يحطون رطب وبدوون قهوه

اتوقع كلنا على هالحال مافي احد الحين بيته مو خالي من الرطب المهم الرطب عاجبني وطاايحه فيه وانا بالشهر الثالث ويقولولي

لا تكليين يمكن يخليك تولديين او تجهظيين؟؟!! الصرااحه خوفوني

لا وخواتي معهم التمر المعجوون مشكلينه بالدخن وبالفستق وطايحه في مع حليب المرااعي

ونفس الشي يقولوا انتبهي لنفسك لاتولديين علينا:8: والله صرت خايفه
وانا مرره نفسي فيها مو وحام بس اشتهيتها لمن شفتهم كلهم ياكلون بالله وش الحل

هل هو صحيح تضرني الرطب والتمر في الشهور الأولى
أو اي شي يسهل الولادة الشهور الأخيره يضر الحين في الشهور الأولى
والله

حتى حلا السنيبون يقولو لاااااا ماتكليين طيييييييييييييب امنع نفسي منها اليين اوصل التاسع:30:

انا قيدني مااا اكل خير شر بالله وش السوات​

 

[همسه2008]

وش هالخرابيط !!! اذا التمر يضر اجل وش اللي ينفع؟؟!!!
كولي اللي تبين لاتحرمين نفسك من شي والتمر فيه فوائد ...ومذكور بالقرآن...والسنبون مافيه شي...
الله يتمم عليك...
ياعزيزتي انتي متابعه عند دكتوره اكيد...اذا فيه شي يضر هي اللي راح تمنعك ...

 

[karamel]

اللي اعرفه يااختي
ان التمر زيين .. لكن الرطب هو اللي حار .. يعني يقوي الطلق
الرطب خففي منه اذا مشتهيته بس وحده اما التمر عاادي
وبالنسبة للسينبوون يمكن خايفين عليك لآن فيه قرفه .. وانتي عارفة القرفة عااد
لكن مايمنع تاكلينها بس بكميات محدودة .. يعني اذا جات على مرة ان شاء الله انها ماتضر
:
:
الله يتمملك على خير ياارب ويرزقك الذرية اللي تقر عينك بها

 

[ام فيصل و دانه]

شوفي كل شي ان زاد عن حده انقلب ضده
اكلي ولاتكثرين وفعلا الحلويات اللي فيها قرفه اتركيها

 

[الدانــهــ 11]

عاااااااااااااادي مافيه شي وكلي اللي تبين
وبالنسبه للسينبون ليه ماتاكلينها عشان القرفه ؟
القرفه تضر لحالها للحامل

 

[S.smsm]

والله ياعسل انا دكتوره ممتازه كنت اراجع عندها ايام حملي
قالت لي لا تاكلين في الاشهر الاولى من الحمل لحد الرابع(التمر _ والعسل_والزنجبيل)

,,هذا كلامها ليه ,, موفقه..

 

[أم حميدة]

التمر ما يضر ولا الرطب فلا تخافي بل بالعكس فيها كثير من الفوائد ( بروتين وكالسيوم وووو) بس أحببت أن أنبهك عن أكل التمر في الشهر الثاني والثالث وأيضا في الشهر السابع إلى أن تدخلي الثامن يعني ماتزيدي عن ثلاث حبات منها مثلا لأن في هذه الفترة ترتفع هرمون يسبب زيادة السكر وحتى أنك تشعرين برغبة شديدة بأكل الحلى فتصابين بالسكر
أما التمر والرطب فوقت الطلق جيد لتزود الجسم بالطاقة
وبعد الولادة الرطب أفضل لأنها تعوض الجسم المفقود مع الدماء .
_______________
والقرفة أيضا ما تضر حملك وما تسوي شيء لكن لو كان عندك أعراض طلق حقيقي يزيد الطلق ويحميه أما التي ليس عندها طلق حقيقي ما تسوي شيء .
والقرفة مفيدة في تنظيم السكر في الجسم ، يعني إذا يوم زودت من أكل الحلى والمعجنات والمقليات في الأشهر التي أخبرتك عنها فاغلي شوية قرفة واشربيها لتنظم لك السكر .

 

[جنة أمل]

كلي منه بس بقدر ضئيل، لأني شفت وحده معانا في الدوام كلت منه كثير وولدت في نفس اليوم. ووحده من صديقاتي كانت تراجع في عياده خاصة ومانعتنها الدكتوره من التمر إلا 3 حبات كأقصى حد في اليوم، عشان تقولها أنه يسبب تحريض للرحم للولادة، ممكن يسبب ولادة مبكرة. كنوع من الإحتياط حاولي ما تاكلين كثير منه.

 

[شـوكـولاته]

هـمـسـه 2008
karamel
ام فيصل ودانه
الـدانـهـ11
S.smsm
أم حـمـيدة
جنـة أمـل
مشكوووريين افدتوني الحمدالله انه مافي اختلاف كثير في كلامكم عشان ما اخاف

 

[فراوله 2010]

انتي ياحبيبتي متنسيه على التمروالسنبون عادي انشاء الله مايضرك ....