بنوته واقطع
New member
- إنضم
- 2016/03/10
- المشاركات
- 43
يا ربي زهقت ومليت والله يعني اشي كتير أذا بدي زوج احبه ويحبني ما بعرف ليش اتجوزته احيانا بحس اني مش بعقلي لما كملت بفترة الخطبه تخيلو بالخطبه ما كان يحكيلي بحبك ولا حكي غزل متل هالخاطبين بس حبيته بالاول لانه تعامله منيح معي او الوحده بتكون بالخطبه عايشه شعور واشي جديد وخصوصا انه اول شب بحياتي يعني ما كنت اعرف حدا ولا بحياتي حكيت مع حدا والحمدلله فبيجي حدا ببوسك بتحسي انك حبيتيه وحتى بالخطبه كان يزعل عمواقف بايخه بس كنت اتحمل بس هس بعد ما تجوزت ما بعرف حبه صرلي متجوزه 9شهور بس من اول شهر ما كنت احس انه جوزي يعني عرسان جداد ما كنت احس عنده هاللهفه عزةجته ما في كلام حلو ولا حب ولا غزل ولا حتى شوق لو اغيب العمر كله ما بسأل لحد هس بصفن انو ليش اكمل معه انا الحمدلله حلوة ومتعلمه ليش تا اكمل حياتي مع هيك واحد كتير فترات بفكر اطلق منه بس خايفه من الطلاق الكل بقلي الطلاق صعب واحنا بمجتمع ما بيرحم واذا بدك تطلقي يا بتوخدي واحد كبير يا على ضره يا واحد عنده اولاد وانا ما فيني اعيش مع هيك يعني ما بقدر اتحمل مسؤولية ولاد ولا بقدر اتحمل شارك جوزي مع وحده تانيه والله تعبت وما عم بقدر اكمل حياتي مع هالمخلوق ما عم حس انه جوزي ما بعرف عنه اشي الا الي بيعرفوه كل الناس حتى زمرة دمه ما بعرفها هو انسان غامض جدا مليت العيشه معه وزهقت وتعبت بحس حالي عابشه مع صديق وبس حكيتله اكتر من مره جايبني خدامه ما في مشاعر وانا من النوع الي الحب عندي مهم من زمان وانا بحلم اني اكون عيلة كلها حب وترابط بس للاسف مش عارفه ليه كملت معه من الخطبه مع اني كنت مش مرتاحه بس موهومه اني بحبه هو انسان اذا زعل يصير قاسي بتسدقو اول ما جوزنا كنت اعيط عتختي مفتقده اهلي ما كلف خاطرو وسالني ليش بتعيطي مره روح ولقاني نايمه عالكنباي ما صحاني صحيت بعد فتره بقلو ليش مصحيتنيش بقلي شفتك نايمه محبيتش اصحيكي ما بيهتم فيني حتى لما يسافر ما بجبلي هديه من الخطبه هيك ما بهمني الهديه بس بهمني اني احس انه مهتم انه بحبني كرهته وتندمت عاليوم الي اتجوزتو فيه غير كذبه وانانيته انا انسانه بريئه وقلبي طيب ما بدي اخكي بنضحك علي بسهوله بس انا بسامح وبنسى بسرعه والبنادم ان جرحني بنسا بالخطبه جرحني ولما جرحني اصريت اني اكمل معه لحتى هو يتنازل ويطلق بس بعدين رجع يعاملني منيح رجعت حبيته وسامحته هاي مشكلتي بوثق بالناس بسرعه وبسامح وهس لما تجوزت تندمت مش عارفه ليش كملت مع هالانسان من الخطبه واطباعنا غير حتى حكي متل هالخاطبين كان ما في كان يحكي معي للأشياء الضروريه بس بس متل ما حكيت حضن او بوسه بتفكري حالك بتحبيه بس لما تجوزي وتكتشفي انه هاد حب جسدي وبس مش حب مشاعر بتتدمي عاليوم الي كملتي فيه انا كرهته وكرهت حياتي معه مش عارفه احبه بس خاايفه من الطلاااق ياااااا رب اختارلي الاحسن
