فضفضه ,, فضفضه ,, بموت من القهر .........

[سلة فواكه]

مساء الخير يا حوامل ويا انسات وياسيدات
ابي ابوح لكم بموضوع ما قلته لاي احد ,,, ضايق خلقي بسبب هالموضوع وحاز في خاطري !!!
الحمدلله رب العالمين انا حامل مثل ما تعرفون وهذي نعمه ملايين من النساء في العالم يدورونها مو محصلينها ,, الله يرزق كل محرومه يااارب
لكن والله العظيم من يوم حملت الى هذا اليوم لو تشوفون عدد المهنئين مقارنه بالمحبطين راح يكون نص العدد ..
انا اقول لكم شلون ...............
تعودت ارمي كل الكلام الي اسمعه ورا ظهري وما اهتم لان كلام الناس لا يقدم ولا ياخر ,,, لكن انتو حبيباتي وان شاء الله تفهمون علي ...
يعني من وحده من المتزوجات الي عندهم عيال تعرف اني حامل تستلمني تحبيط ,, وكأن هالشي غلط وحرام ونسوا انه نعمه من ربنا الحمدلله والشكر عليها ...
مثلا اخت زوجي : من يوم مادرت اني حامل تقول لي استمتعي في هالكم شهر في حياتج طلعي وروحي واشتري وسافري وروحي السينما وسوي الي تبين لان بعدين بتنزل عليكم المصيبه ( استغفر الله ) وماراح يصير عندج وقت تطلعين او تسوين اي شئ وحياتج راح تكون للبيبي وبس سهر ولوعه جبد ,, طيب اذا الموضوع لهالدرجه صعب ليش هي تحمل وتولد كل سنه ؟؟؟؟؟؟؟؟؟؟؟؟؟؟؟؟
وحده ثانيه تقول لي : والله من تولدين راح تدلين كل عيادات الديره ,, لان البيبي باول سنواته كله مريض ,, وبتصير طلعاتكم انتي وزوجج بدل المطاعم والمشاوير لعيادات الاطفال
وحده ثالثه قريبه مني تشوفني احب البس واشتري لروحي قاعده تقول لي ايييي ودعي الاناقه لان بعدين راح تشترين للبيبي وراح تنسين نفسج ........
والمصيبه ان دكتورتي بالجامعه من جنسيه عربيه لما قلت لها اني راح اغيب فتره بسبب الولاده كانت مره تتكلم عن عقوق الابناء ومره وحده التفت علي وقالت لي : ما تفرحيش كثير عالبيبي الي ببطنك ده يوم من الايام حيخليكي ويمشي في حياتو ....
واخر مثال اليوم معاي وحده بالجامعه عندها بنت تقول لي لا تعودين البيبي عالرضاعه الطبيعيه,, عطيه صناعي ,, انا بنتي محتله جسمي بسبب هالموضوع ,, ما اقدر اطلع معاها لانها على طول تبي ترضع ,, ولوطلعت مطعم مع زوجي اضطر اني اخذ كرسي وادخل دوره المياه عشان ارضعها وتضيع الطلعه ,, ياااربي صورت لي ان الموضوع شي مستحييييل وصعب .....
يابنات والله العظيم حرام عليكم يعكرون فرحتي
انا حامل اول مره ومستانسه والحمدلله على هالنعمه ,, ليش الناس سلبيين جذي ويحبطون ...
انا انوي في قلبي ان حياتي باذن الله ما يتغير فيها شئ بعد البيبي ,, بعد ما الله يقومني بالسلامه بهتم بجسمي وغذائي وكل شئ ,, بحاول انظم وقتي بين اعمال البيت وزوجي والطفل والدراسه والعمل ,, ناويه ان حياتي ما تتغير الا للافضل لان راح يدخل فيها شئ جديد الكل يتمناه ,,, بس ليش الناس تحبطني وتخرب علي فرحتي وتصور لي ان حياتي الشخصيه من طلعات ولبس ودلع وكشخه راح تنتهي مع قدوم البيبي ؟؟؟؟؟؟؟؟
والله مقهوره ,,, الله يرزقني بطفل سليم معافى تام الخلق والخلق ,, ويقر عيني بشوفته ساااالم ,, الله يهون علي ولادتي وييسرها وتكون طبيعيه ,,,,
وشكرا لحسن استماعكم

 

[القمر الوحيد]

هلا فيك حبيبتي ومبروك الحمل والله يفرحك بشوفته ويساعدك على تربيته تربية صالحة ..

أنا مثلك ما شاء الله حامل بأول مولود والدنيا ماهي سايعتني من الفرح الله يتمم لي ولك على خير ولا يهمك كلام الحريم ولو كانوا صادقين ليش يحملون على قولتك ، وتأكدي إن كل وحده لها حياتها وطريقتها الخاصة في بيتها ومع أطفالها صحيح إن هالطفل بيكون من مسؤولياتك وبياخذ من وقتك لكن مو بالدرجة
اللي صوروها لك فتقدرين تنظمين وقتك وتهتمين بنفسك وتستمتعين بطلعاتك وبالنسبة للرضاعة لا يهمونك ما فيه أصح من الرضاعة الطبيعية لطفلك ولك إنتي بعد واذا تبين تطلعين وتتركين البيبي عند أحد أو بتاخذينه معك لمكان عام بإمكانك تسحبين الحليب من صدرك وتحفظينه بالرضاعة ، يعني كل شيء وله حل لا تفكرين ولا تشيلين هم أبد بالعكس استمتعي بهالفترة وتهيئي نفسياً لاستقبال أجمل ضيف تتمناه كل امرأه ..

الله يوفقك ويتمم لك حملك على خير،،​

 

[سميت نفسي]

لا يهمك أخيتي الغاليه ادعي الله ان يرزقك طفلا سليما معافى بارا حسن الخلق والخلقه

كلام الناس كثير

الله يقومك بالسلامه ويسلم لك جنينك

ادعي الله يرزقني بالذريه الصالحه

 

[ميساء احمد]

ما يهمك كلامهم حبيبتي الناس مايعجبهم العجب فعلا في ناس كدا يحبو يحطمو الواحد وييركزو على الشي السلبي في الامور بالعكس الطفل يزين حياة الزوج والزوجة ويقربهم من بعض ومافي احلا من الامومة حتى لوكان فيها تعب بس مايقارن بالسعادة لما تشوفي مولودك لاتهتمي لكلامهم ارمية ورى ظهرك واستمتعي بكل لحظة في حملك واهتمي بصحتك وصحة البيبي الله يقومك بالسلامة ان شاء الله

 

[***فوفة***]

لا تخافين ولا تشيلين هم بالعكس الوضع مررررررررررة حللللللللللو وكل شهر له مميزاته وسعادتك ماراح تنوصف انت

وأبوه لما تتابعون حركاته وسكناته لكن يبغالك شوية تنظيم مثلا:

** حاولي مع الرضاعة الطبيعية انك تعودين طفلك على الرضاعة ويكون فيها أعشاب أطفال مثلا أو شوية حليب عشان
لو اضطريتي لطلعة ضرورية مايحتاج تاخذينه معاك فتتركينه عند أحد موثوق فيه ويسير يقدر يعطيه الرضاعة فيتقبلها النونو


*** بالنسبة للسهر والنوم من أول شهر عوديه على وقت النوم الرئيسي بالنسبة لك مثلا لو تبغيه ينام 12 ليلا خلاص

قبلها بساعتين ماينام ولا يرضع وإذا بكى أعطيه مصاصة مثلا لين تجي الساعة 12 وابدأي معاه برنامج معين يومي
-تغيير حفاظ -لبس بجامة - نور خافت جدا -رضعة مشبعة

لو اتبعتي هذا التظام يوميا خلاص حيفهم ويتعود ومايعذبك في نومه


أدري اني طولت عليك وتفلسفت كثير بس الكلام اللي قاعدة أقولك عليه أقوله عن تجربة صح أنا ماعندي إلا بنت وحدة

والحين حامل بالثاني بس هذا الكلام سويته مع بنتي و خواتي سووه مع عيالهم وكانت النتايج رائعة وأهم مافي الموضوع

عودي طفلك من أول يوم على المصاصة ولا تسمعين للي يقولك منها أضرار ومخاطر كل خواتي استخدموها مررة روعة
وأنا عن نفسي استفدت منها كثير وبنتي استخدمتها سنة وثمان شهور ومن فوائدها::
-تهدي الطفل كثير
-تشبع رغبته في المص لأن المص غريزة في السن المبكرة عند الطفل ولو ماأشبعتيها ممكن يلجأ لمص الاصبع
-عملية جدا في حين لو كنت في سوق أو سيارة وما يمديك تجهزين رضعة فتعطيته المصاصة تهديه إلى تدارك الوضع
- ممكن يقولون لك انها تأثر على اللوزتين والأسنان بس هذا الكلام لا أساس له من الصحة لأني ما شفت بنتي ولا عيال خواتي ساار لهم شي من المصاصة
-وأحلى شيء في المصاصة انه شكل الطفل يسير يجننننننننن بالمصاصة !!!!!


أتمنى أكون أفدتك

 

[الملكه نور]

حبيبتي لوانت ماااااحملتي صدقيني اول من ينتقدك خواااااااااات زوجك ويحسسونك بالنقص ويبدا التحريض والخ
هذي نعمه من الله لا يخربون عليك فرحتك اللي كثيييييييييييييييييييييييييييييييييييييييييييير يتمناها
الله يقومك بالسلامه والناس تجيب واحد واثنين وثلاثه ورى بعض وعااااااااااااااايشين قمة السعاده والترتيب.................................................................................

 

[بسكولاته]

هلابك اختي سله
انتي الناس يحبطونك انه اذا جاء الطفل راح يغير حياتك للاسواء انا الناس صارو يخوفوني من شي اسمه حمل فصلو اشهر الحمل خلوها عذاب مو حمل وايام الولاده خلوها تعذيب شي صرت كل ماجتمع فيهم بدو يتكلمون عن الولاده او عن الاشهر الباقيه لمين صرت كل مايقرب وقت الولاده صرت احلم اكثر كيف طريقة الولاده وحاله مايعلم فيها غير رب العباد زوجي انجن يقول ليش بس انتي اللي بتولدين خواتي ماصار فيهم كذا ومن هال كلام بغيت اقوله من اهلك كل هال اللي فيني صحيح تعبت بولادتي بس مو زي ماكانو يقلون لي بعد ماولدت صحيح تغيرت حياتي بس مو زي مايقلون لك الناس لا انواع الوناسه صحيح يتعب ومايخليك تنامين بس بالفتره الاولى بعد ماتعودينه على نضام خلاص ماراح تتعبين الا اذا تعب وسعي صدرك ولا قالو لك شي ارميه وراء ظهرك لانه كله ماراح يصير زي مايقلون وكل طفل يختلف عن الثاني وكل ام تختلف عن الثاني والاب واحد غير الثاني كل واحد له شخصيه وطريقه يتعامل فيها مع طفله الجديد ان شاء الله فهمتي
وارجو اني ماطولت عليك
والله يهون عليك ولادتك وان شاء الله تكون طبيعيه الله يرزقك بطفل سليم معافى تام الخلق والخلق ويقر عينك بشوفته ساااالم

 

[sosoooo]

السلام عليكم ورحمة الله وبركاته
شخبارك ياسلة فواكه شوفي انا بقولك رأيي بكل صراحه انا اشوفك كبرتي الموضوع يعني لمى قريت فضفضه وبموت من القهر جا على بالي حااقااااات بس الحمدلله كل اللي ذكرتيه بسيط
انا اختلف عن الاخوات في الرأي.. يعني ..اشوف ان اللي ذكرتيهم اعطوكي رأيهم من باب السواليف وهرج الحريم يعني مو معقوله ما عرفتي سوالف الحريم شغل بيت و اطفال ووو يعني انا اشوفهم تكلموا من باب التجربه انهم جربوا لااكثر او من باب توجيهك انو الطفل يحتاج رعايه ووقتتتتتتت وراح يشغل وقتك لاتنكدين على نفسك وافرحي بحملك وبصراحه لا تزعلين من كلامي اللي تكلمت عن موضوع الرضاعه جربت وانا جربت وغيري جرب وانتي ان شاءالله راح تجربين هو فعلا متعب ويحتاج جهدمنكي يعني اشوفها تنبهك للقادم حتى لا تتفاجئي وتتعبي وتملين
خلاصة كلامي ....انا لا ارى في الموضوع اي تعكير لفرحتك ان شاءالله ولا فيها اي سلبيه هذا الواقع الاطفال صحيح انهم جنه وزينه الحياة الدنيا لكن يحتااااجون رعايه واهتمام من الام بالذات ولو حصل تقصير فهي محاسبه من الله ومن الاخرين وكان الهدف التوعيه
اتمنى ان تتقبلي كلامي بصدر رحب وتتقبلي مشاركتي وشكرا

 

[نور القمرررر]

هلا حبيبتي سله :blush-anim-cl:

الله يتمم لك على خير ويفرح قلبك بأذن الله ..

انا بقولك شي انا متزوجه من سنتين وماحملت الا فآخر السنه الثانيه من زواجي بحكم اني انا وزوجي متفقين على كذا ... لكن الناس يبلشونك كثير .. ماحملتي الى الحين والا وحده من عمات زوجي اذا دق عليها تقول حسبت انك بتبشرني بولي العهد وغير خالته رايحه ترسل لي ادويه شعبيه وعلاجااااات اشياء مالها آخر ....:busted_red:

لكن يوم حملت نفس الكلام اللي قلتيه انقال لي انا ومن ضمنها ان زوجك بيكره البيت وماراح تجلسون مع بعض زي اول ويالله كل من يزيد من عنده كلمه ويضيق صدري ...:sadwalk:

بالنهايه زوجي قالي خليهم يتكلمون لان رضى الناس غاية لاتدرك :harhar1:

توكلي على ربك وانبسطي وادلعي على زوجك لايهمك احد .... تراها غيره فيهم منك..

:icon26::icon26::icon26:

 

[درة مصرية]

انا كمان حامل لاول مرة ادعووووووووووولي
بس بجد حاسة بمتعة عمري ما حسيت بيها في حياتي برغم التعب دلوقتي وبعدين بس بحسب الايام والساعات امتى اولد واشوفه سليم معافى يارب

 

[Baby Doll]

ياقلبي لا تسمعين كلام الناس معروف الناس ما يعطون خير ..​

لا بغت الوحده تتزوج قالوا الله يعينك على العرس .. ولا خلاص بيبدا الهم والغم ..​

وإذا تزوجتي قالوا احملي .. ورى ما حملتي ..​

وإذا حملتي قالوا الله يعينك .. انسي الطلعات .. انسي اللبس .. انسي الوناسه ..​

وإذا جبتي بيبي .. قالوا احملي بسرعه وجيبي له اخو .. جيبي ثنين ورى بعض وارتاحي ..​

وإذا حملتي مره ثانيه قالوا لك الله يعينك ع الشقا .. وشلون بتتحملين ثنين ..​

وإذا .....​

وإذا ......​

.....​

......​

هذولا هم الناس ما يملون ولا يسكتون ..​

وابن آدم مايملى فمه الا التراب ..​

خاصه حنا يالحريم سبحان الله ..​

تقول لك ليش تتزوجين وهي متزوجه .. طيب مانشوفك تطلقتي ولا عفتي هالزواج اللي تسبينه ورحتي بيت اهلك ..​

إلا تحكي من هنا وتروح تنام بحضن زوجها مناك ..​

ولا اللي تخوف من الحمل والولاده .. ما شفناك بطلتي ووقفتي ..!!​

الا مستانسه و24 ساعه حاضنه عيالك ..​

عالم عجيب ..​

قل خيرا او اصمت ..!!​

بالعكس حطي اذن طين واذن عجين على قولتهم ..​

انا وحده الحمد لله ربي من علي تزوجت وحملت وجبت طفلين ..​

واللهم لك الحمد عايشه حياتي زي اول واحسن ..​

لان الحمدلله ربي تمم علي نفسيتي دايم فوق وما اسمع لاحد الا الناس الصح ..​

تزوجنا وحملنا وودلنا ماشفنا من هاللي قالوا ..​

صدق الزواج مسؤوليه .. والمشاكل تغث .. بس ولو فيه حلو مثل مافيه مر .. والشاطره تعرف تتعايش مع كل الظروف ..​

الحمل صدق نوعا ما متعب .. بس يضل له طعم خاص وحلو ..​

الولاده .. ما اقول مافيها الم .. فيها بس مو ذاك الالم اللي يوصفونه ..​

لا شي بعد ولادتك بيوم يومين تنسينه بحكمه من عند ربي سبحانه .. ولا كان ما شفتي الكثير يحملون ويولدون ..​

الاطفال .. مافيه احلى منهم > الله يرزق كل محروم يارب ..​

^ مع اني الحين سهرانه مع ولدي وباط كبدي وقاهرني ورامي الهارد دسك حقي بالأرض :"( ..

بس اردد الله لا يحرمني منك .. ولو التفت لي اضحك له غصب ​

مع اني مريضه وفيني نوم وهو مسهرني يبي يلعب ..​

بس هذي الحياة .. ربي مرتب كل شي بحكمته ومارح يكلف احد فوق طاقته ..​

مارح يتغير شي ..​

معانا اطفال ونطلع ونروح ونجي ونتمشى ونسافر ونلبس ونكشخ ونروح النادي​

و احسن من اول بعد ..​

اللهم لك الحمد كل شي هين وسهل بإرداة ربي ..​

عشان كذا لا تسمحين لاحد يكدر عليك فرحتك ويخرب حياتك ..​

واعرفي اللي تقول لكم كذا ( غيرانه - حاقده ) ولا مافيه احد يجي يسوي كذا وهو عاقل ولا طبيعي ..​

بشروا ولا تنفروا .. يسروا ولا تعسروا ..!!​

^ انبطت جبدي من الموضوع :blow:​

هذا اللي عندي وسلمتو :icon26:​

واي استفسار تبونه انا بالخدمه دائما ..​

 

[لحن الوداع]

ياحبيبتي الناس هذي عندها مشاكل
لا تحبطين نفسك
كلنا عندنا عيال ومع ذلك الحمدلله مرتاحين في حياتنا صح لازم نضحي بأشياء ونتنازل عن اشياء لكن راح تحسين بسعاده عوض عنها أحمدي الله على النعمه
الحياة مو طلعات ولبس في بالحياة أشياء أهم بكثير تخليكِ سعيده
لا تهتمي سله تراك غاليه علينا كثير

 

[دموعي غاليه]

أحمدي ربك حبيبتي على كل النعم
و الناس ما لها مصلحة الا الكلام

 

[دلوعة مملكتنا]

كلام فوفة وايد حلو بصراحة


بس فيه جملة مفيدة هم وصلوها لج بطريقة مخيفة

يعني دخول الحمام مش زي خروجه <<< تكرمين وتكرم القارئات

يعني حياتج بتتغير وايد بعد الانجاب من كل النواحي ..

بس انتي تعرفين كل انواع السعادة يبيلها تعب الين توصلين لها وبتحسين بلذتها بعد تعب

وبالعكس بيصير بيبي بحياتج يملا وقت الفراغ اللي زوجج مشغول عنج فيها وعالم البيبيات يملاج بالطاقة الايجابية مثل ما قالت الدكتورة نستمد منهم طاقة لذيذة


وفيه ادعية روووعه انا منزلتها بموضوع حلو بمنتدى ثاني باعطيج اياهم بتسهل عليج امور الولادة باذن الله

وبالتوفيق للجميع

 

[بنت السحاب]

هلا فيك اختي


الناس يحبون ينكدون على الواحد ولاتسمعي كلامهم

بالعكس اطلعي وانبسطي وجهزي لمولودك الله يقومك بسلامه

هذا حال الكثير من الحريم لما تتزوج تبي تحمل بسرعه واذا حملت وجابت اطفال تبداء تقول للحوليها انبسطو ترى

غث الاطفال وقرف ماكانهم يادورون الحمل قبل مااقول لا الله يهديهم

ولاتعطي لاحد مجال يضايقك قولي هذا نعمي وان شاء الله اصونها


دمتي بود

 

[فراشه منحاشه]

تذكري اختي ارضاء الناس غايه لا تدرك

 

[بنت رجاجيل]

كل كلام خواتي السابق صحيح بس حبيت أعلق تعليق بسيط بس على كلام أختي فوفة بالنسبه للمصاصه احذري كل الحذر وإياني وإياك تعطين البيبي المصاصه لان ضررها أكبر من نفعها أول شي تسبب أمراض للصدر - وبعدين بدل ماتعطينه مصاصه عطيه حليب لان ماراح يصيح عبط أكيد جوعان أو تعبان ثاني شي اذا تعود عليها صعب يخليها حتى لو خذتيها منه راح يجرب مص اصبعه وهذا طبعا يؤثر على الاسنان

 

[اريد الرومانسيه]

ماعليك منهم واستمتعي بالحمل وبالولاده وبالرضاعه هو يمكن كلامها صح بس مو درجة السوء انا لمن جبت عيالي صج ان السوق اشتري لهم قبلي بس استمتع كثير اما

 

[اريد الرومانسيه]

اسفه هذي بنتي ضغطت على انتر وانا مابعد اخلص كلامي
الرضاعه الطبيعيه انا اعبدها اموت فيها ولدي الاول رضعته سنه و7شهور وكان يرضع صناعي بعد ولما جيت افطمه انا اصيح وهو عادي كله اقول انا مو راضيه انفطم منه مو هو اللي ينفطم مني بنتي رضعتها بس 8شهور لان جدتها ام ابوها توفت فجاه وزعلت عليها وقمت اصيح قالت امي لاترضعينها بهالفتره لان يضر الجنين وانا حزينه مارضعتها يومين وبعدها حاولت ارضعها مابغت ماتبي وحاولت لمدة اسبوعين بس مافي فايده ماتبيه واللحين ودي احمل بس علشان ارضع الرضاعه الطبيعيه ممتعه بجد

 

[*المفكره*]

الله يبارك لك في حملك ويتمم عليك وكرري دائما"ربنا هبلنا من ازواجنا وذرياتنا قرة أعين واجعلنا للمتقين اماما"
الي قاعدين يقولون انسي وانسي وانسي قولهم لا يخلوا من الصحة في السنتين او السنه والنص الأولى لقدوم الفرد الجديد المنظم لأسرتكم الصغيره...واذا كنتي قعدتي وقت اشبه بالكافي كسنه او سنه ونصف من بداية الزواج بدون اطفال فالوقت مناسب ..جدا كون الانسانه تغامر مغامره جديده بعد الدخول بمغامرة الحياة الزوجية بحلوها ومرها تتشوق إلى تغيير الروتنين اليومي وترغب بالمزيد وخوض العديد من التجارب والمغامرات وان كانت ترهق كاهلها في بعض الاحيان ولا اجمل من أن يكون لك في هذه الحياة اثر ومن اعظم الاثار التي يتركها الوالد ولد تقر عينه بالنظر اليه ........الحياة لا هي في الترفيه او الروحه والجيه وتبديد الوقت ..عشان يصكون راسك بامواعظ التي في غير محلها..الواحد يرفه نفسه بحدود المشروع المعقول ما يخلي الترفيه هدف ..لأن هذا يؤدي إلى الاكثار من الخوض في المسوح والتعدي للمنوع..ولا يصير في حياته جديه والجديه مطلوبه لأخرج بشخصية رائعه وانتج جيل رائع ذو تفكير متزن.....والله شيء عشان روحة مطعم والا نوم في فندق ما اشوف لي ذريه؟؟