هموم الوقـت
New member
- إنضم
- 2009/11/08
- المشاركات
- 41
السلام عليكم
ابي افضض باللي فقلبي واتمنى مسااعدتكم
انا متزوجه صار لي كم شهر تقريبا ، قبل زواجي كنت انساانه مالي خص في حد ولا احب اطلع مع الناس وكله منخشه في الغرفه ناادر اطلع
ولا احب الناس الي تحش وتسب وترفع صوتها على غيرهاا << تربيت على هالطبع في بيت ابووي وامي الله يحفظهم
تعودت ماتكلم على حد الا صار لي فتره من زمان يوم كنت في الاعداديه والحمدلله فترة وعدت كنت احش في الناس عقبها تبت !! وصرت اكره الي يتكلمون عن الناس << بتقولون شدخل هالمقدمه بس بتعرفوون سالفتها عقب ^^
المهم بعد الزواج شفت بلاوي من اهل زوجي مستحييييل يتكلموون في شي الا الحش على الناس لازم عندهم حديث يومي هذا وفي اليوم اكثر من مرتين او 3 يحشوون في حد دووم في كل جلسه عائليه لاحظت عليهم هالشي .. ماعجبني الوضع وعقب قمت لا ارادي بروحي اتكلم عن الناس بس بشوي ويوم اتكلم احس بذنب واسكت عقب نصحتهم يوم انصحهم يقولون هم يجبرونا نتكلم عليهم ومادري وشو وحنا قصدنا نصلح من غلطهم شدخل الحين يصلحون من غلطهم ويتكلمون من وراهم ؟؟؟
المهم بنخلي هالسالفه على جنب
بطبيعتي ترا هاديه وماحب المشاكل في بداية الزواج كان الكل اوكي وياي وسوالف وضحك وكنت مستانسه معاهم
عقب فتره شفتهم يغلطون علي وانا اتضايق صح بس اطنــش
ولو طنشت يبين هالشي بوجهي انه فيني ضيقه المهم تصير مواقف وايد وخاصه بين خوات زوجي وعمتي ام زوجي اتضيق منهاااا
لدرجة انه مرات تقول عني خسفه وماافهم ومادري شنو من هالكلام واحيان تعق لي نغزات تبين انه انا مب مهتمه في زوجي << الحين هي شدراها انه مب مهتمه اصلا زوجي متى اشووفه ؟ ماشوفه الا في الويكند والحمدلله يوم يجي كل شي اسوي انظف الغرفه اسوي العشا انظف الحمام حتى الخدامه ماتدخل قسمي كل شي انا اسوييه
والله بعض المواقف صج تبط الجبد بس اتحمل واسكت
منها :
مره كنت رايحه العياده اتعالج ومعاي اخت زوجي صغيره في الثنوي وعمتي ام زوجي المهم صار موقف خلاهم يتضيقون من الرسبشن الي في العياده المهم انا كنت بطول الوقت ساكته ليش احرق اعصابي على شي مايسوى ترا كل شي بالدور هم مادري ليش حارقين اعصابهم .. المهم يوم شفت الوضع شوي هدا العياده كانت مزحومه طبعا وحنا كنا واقفين قلت لهم انزين بدال هالوقفه تعالو نجلس ع الكراسي صرخت اخت زوجي في وجهي اضن كل الي في العياده سمعو صرختها : قالت روحي ايلسي بروحج شو شايفتنا فاضين لج !! انا هنيه انصدمت من ردة فعلها يعني انا قلت شي غلط الحين ؟ المهم سكت عنها حشمه في عمتي وعمتي سكتت ولا قالت شي !! شايفه بنتها الصح وانا الغلطانه والله لو انا قلت شي بتاكلني بقشووري قداامهم كله ولا اغلط على بناتها وتراني مجربه ..
المهم سكت عن الموضوع ولا كلمتهم فيه تضيقت يوم يومين عقب رديت ولا كأنه شي صاير
بعد فتره صار موقف شوي كبير صح انا غلطت شوي بس هم ردو الغلط كله علي لدرجة اني والله بغيت انتحررر تضيقت من كلاامهم
السالفه هي مره وحده من رفيجاتي هي مب وايد وياي يعني بس بيني وبينها سلام وهاي رفيجتي اختها تصير رفيجة اخت زوجي << فاهمين علي ؟!
المهم اختها وايد ويا اخت زوجي وكل شي يقولونه لبعض عقب فتره يت رفيجتي تكلمني تقول لي انتي تسبين عمتج وترفعين صوتج عليها ؟ قلت لها من متى هالكلام قالت اخت ريلج تتشكى لاختي !! انا انصدمت بس سويت نفسي عادي قعدت اضحك قلت لا مستحيل هالكلام يمكن هم يبون يطلعون علي سوالف ويسوون لي مشكله بيني وبين اخت زوجي عقبها قالت سوالف وايد عن اهل البيت ومادري وشو بالضبط بس يعني سوالف صدق تصير في البيت احيانا وقالت انه عمتي تندمت انه زوجتني ولدها !! انا هنيه صدق تضيقت وقلت في خاطري هاي الغريبه شدراها بسوالف البيت وانا ماقولها شي اكيد اخت زوجي قايله شي ولو انتو مكاني بعد بتشكون فيها
المهم هالكلام كله صار في المسنجر
عقب لقيت اخت زوجي داخله المسنجر وقلتلها السالفه قالت والله ماقلت ومادري شنو ومن قال لج هالكلام وانا مستحيل اطلع عنج كلام برا البيت ترا بعد قالو انها سبتني ومادري كيف المهم قلت لها خلاص اذا موب انتي نسكر الموضوع قالت لا مابسكره من الي قايل الكلام وترا السالفه بتوصل لامي << عاد انا هنيه تضيقت قلت لها ليش بعد توصلينها لامج مافي داعي تكبرين الموضوع
هي اصرت انه توصل الخبر لامها المهم يوم وصل الخبر لامها عصبت علي وقلبت علي قالت الحين بنتها تصيح لها وتحلف تقول انها ماطلعت علي كلام قلتلها عمتي انزين انا قلتلها خلاص يوم انه ماطلعتي كلام سكري الموضوع هي ليش تكبر السالفه ووتقولج قالت هي حره تقول لي والا ماتقول واحسن بعد يوم قالت لي ترا وايد متضيقه منج ومادري شنوو قلبت السالفه علي كلها وقالت انه انا حاقده عليهم ومادري كيف عقب دخلت سوالف الحش قالت ويقولون عنج اهلج ابد ماتحشين وانتي تتكلمين ع الناس الحين شدخل هالموضوع ؟
المهم قالت انا خربت على بنتها واهنتها ومادري شنو وكل شي مب عاجبها فيني وانا تضيقت حتى ماعطتني فرصه اتكلم اقولها انزين اصبري خليني افهمج الموضوع واسكتي اسمعيني للاخر عقب ناقشيني تقول اوكي اسمعج واتكلم انا اقول لها السالفه ماواحي اقول كلمه الا ردت علي بعشر يعني حتى ماتعطيني مجال اقول الي بخاطري والله انه تضيقت صدق وحسيت قلبي مقبوووض وشوي بينقطع نفسي حسيت بكتمه كرهتها والله لو انها عجوز ومره كبيره في السن بعذرها بس هي والله داارسه ومتعلمه خريجه جامعيه
المهم اخر شي استسمحت منها وقلتلها ماعليه انا الغلطانه واسفه قالت لي خلاص بعد بكلم بنتي وبعرف السالفه منها عدل وبخليكم تتراضون اليوم << لانه بنتها زعلانه علي بعد يوم عن قولها انه اتهمتها قلت لعمتي اوكي خلاص
نطرتها لي في الليل بس ماردت علي هي قالت بتكلم بنتها انا ماقدرت استحمل ماحب حد يتضيق علي بس قلت بسكت يمكن كلمتها وبكره بتقول لي المهم في اليوم الثاني كنت جالسه مع عمتي ونسولف عقب سالتها قلتلها كلمتي بنتج ع الموضوع ؟؟ هنيه قامت القياامه قالت لي شنوو وانتي بعدج حاقده على بنتي وانتي تبين تسوين مشاكل ومادري شوو وانا ساكته منصدمه منها !! قلتلها عمتي انتي قلتي امس بتكلميها وبتردين علي ليش قلبتي علي قالت ماقلبت عليج وانتي لو صدق تعتبرينها رفيجتج ماسويتي هالشي الا تبين تكبرين المشاكل وتردين الغلط على بنتي !! سكت انا والله انصدمت من ردة فعلها وطنشتها وقالت كلام اكثر من هذا بعد بس سكتنا ومشينا الموضوع وتمو بناتها مايكلمووني وقالت عمتي اروح انا اعتذر لها لانه انا الغلطانه !! قلت في خاطري هين اصبري علي بس بعتذر !! صج صج انقهرت واستغربت من هالعايله
المهم في نفس اليوم كنت جالسه في غرفتي متضيقه منهم مابي اطلع مع حد وطبعا زوجي محد مايجي الا الويكند ولا يعرف بالسالفه
دخلت النت ومنها دخلت المسنجر المهم الا بعد شوي تدخل اخت زوجي هاي الصغيره الي في الثنوي قالت لي ممكن الكاميرا ؟ قلت لها ايوه تعالي شيليها تاخرت ماجات تاخذها انا كنت بقوم للحمام الله يعزكم فقلت بطلع الكيمره لها لا تجي وادق الباب وانا مااسمعها لاني بكون في الحمام !! قمت لقيت باب غرفتهم مقفول حطيت الكيمره برا عند الباب ودخلت يوم طلعت من الحمام الله يعزكم لقيتها تسولف في المسن كاتبه صج حركه عبيطه !! قلت لها ليش شصاير قالت لي ليش فاره الكيمره عند الباب ؟ قلت لها انا فريتها الحين تشوفيها مفروره ؟ قالت ايه هذي اهانه لي ومادري شنو قعتد تحرطم قلتلها ترا لقيت الباب مقفول وحطيتها برا ماسوينا شي حشى قالت لا سويتي حسيت انها جاهل والمفروض مااعطيها وجه قلتلها اسكتي عني مب فاضيه لج وهنا صدق هي تضيقت وتحرطمت في المسن وتقول كلام والله يقهر بس انا ساكته عنها المهم بعد شوي سمعت باب غرفتهم يتصكر بقوو قلت شبلاها هاي متفرعنه شعندها والا شوي اسمع ابوها وامها في الصاله وهي تصيح صياح والله ينسمع لين الغرفه !! استغربت قلت بلاها لايكون مريضه ؟ الا شوي اسمعها تقول لابوها انه انا فريت الكيمره واهنتها وتصيح ابوها قال مافيها شي ليش تصيحين عاد ومادري كيف وايد مدلعها وامها تقول هاي من دخلت بيتنا ( تقصدني) كله تسوي مشاكل << وانا في غرفتي واسمع الحوار صريخهم واصل لمادري وين وكله بسبب انه انا حطيت الكيمره عند الباب ^_^ عايله غريبه
المهم سكت عن الموضوع وصرنا مانكلم بعض وتصير حركات تبط الجبد من عمتي وبناتها وعقب تراضينا ريدت اكلمهم ولا كنه شي صاير !! بس بنتهم هاي راعية مشكلة يوم تكلمت عني قدام الناس كل شوي تعيد لي السالفه في المسن والله طفشت تقول لي ليش قلتو جيه ومادري شنو عقب تقول انا الي اعيد السالفه قصدها مثل امها انه قلبي حاقد عليهم والله عياله غريبه
الحين مادري كيف اتعامل معاهم صج ناس تقهر ارتفع ضغطي منهم
ابي نصيحتكم :tears:
مع العلم اقول لزوجي يوم هو يكون مب وياي يخليني اروح بيت اهلي بس ممنوع المبيت هناك مايخليني
افييدووني كيف اقنعه والله من ايلس في هالبيت احس بنكد وضيقه بس مستحمله والحين حامل اخاف هالشي يأثر على الجنين
ابي افضض باللي فقلبي واتمنى مسااعدتكم
انا متزوجه صار لي كم شهر تقريبا ، قبل زواجي كنت انساانه مالي خص في حد ولا احب اطلع مع الناس وكله منخشه في الغرفه ناادر اطلع
ولا احب الناس الي تحش وتسب وترفع صوتها على غيرهاا << تربيت على هالطبع في بيت ابووي وامي الله يحفظهم
تعودت ماتكلم على حد الا صار لي فتره من زمان يوم كنت في الاعداديه والحمدلله فترة وعدت كنت احش في الناس عقبها تبت !! وصرت اكره الي يتكلمون عن الناس << بتقولون شدخل هالمقدمه بس بتعرفوون سالفتها عقب ^^
المهم بعد الزواج شفت بلاوي من اهل زوجي مستحييييل يتكلموون في شي الا الحش على الناس لازم عندهم حديث يومي هذا وفي اليوم اكثر من مرتين او 3 يحشوون في حد دووم في كل جلسه عائليه لاحظت عليهم هالشي .. ماعجبني الوضع وعقب قمت لا ارادي بروحي اتكلم عن الناس بس بشوي ويوم اتكلم احس بذنب واسكت عقب نصحتهم يوم انصحهم يقولون هم يجبرونا نتكلم عليهم ومادري وشو وحنا قصدنا نصلح من غلطهم شدخل الحين يصلحون من غلطهم ويتكلمون من وراهم ؟؟؟
المهم بنخلي هالسالفه على جنب
بطبيعتي ترا هاديه وماحب المشاكل في بداية الزواج كان الكل اوكي وياي وسوالف وضحك وكنت مستانسه معاهم
عقب فتره شفتهم يغلطون علي وانا اتضايق صح بس اطنــش
ولو طنشت يبين هالشي بوجهي انه فيني ضيقه المهم تصير مواقف وايد وخاصه بين خوات زوجي وعمتي ام زوجي اتضيق منهاااا
لدرجة انه مرات تقول عني خسفه وماافهم ومادري شنو من هالكلام واحيان تعق لي نغزات تبين انه انا مب مهتمه في زوجي << الحين هي شدراها انه مب مهتمه اصلا زوجي متى اشووفه ؟ ماشوفه الا في الويكند والحمدلله يوم يجي كل شي اسوي انظف الغرفه اسوي العشا انظف الحمام حتى الخدامه ماتدخل قسمي كل شي انا اسوييه
والله بعض المواقف صج تبط الجبد بس اتحمل واسكت
منها :
مره كنت رايحه العياده اتعالج ومعاي اخت زوجي صغيره في الثنوي وعمتي ام زوجي المهم صار موقف خلاهم يتضيقون من الرسبشن الي في العياده المهم انا كنت بطول الوقت ساكته ليش احرق اعصابي على شي مايسوى ترا كل شي بالدور هم مادري ليش حارقين اعصابهم .. المهم يوم شفت الوضع شوي هدا العياده كانت مزحومه طبعا وحنا كنا واقفين قلت لهم انزين بدال هالوقفه تعالو نجلس ع الكراسي صرخت اخت زوجي في وجهي اضن كل الي في العياده سمعو صرختها : قالت روحي ايلسي بروحج شو شايفتنا فاضين لج !! انا هنيه انصدمت من ردة فعلها يعني انا قلت شي غلط الحين ؟ المهم سكت عنها حشمه في عمتي وعمتي سكتت ولا قالت شي !! شايفه بنتها الصح وانا الغلطانه والله لو انا قلت شي بتاكلني بقشووري قداامهم كله ولا اغلط على بناتها وتراني مجربه ..
المهم سكت عن الموضوع ولا كلمتهم فيه تضيقت يوم يومين عقب رديت ولا كأنه شي صاير
بعد فتره صار موقف شوي كبير صح انا غلطت شوي بس هم ردو الغلط كله علي لدرجة اني والله بغيت انتحررر تضيقت من كلاامهم
السالفه هي مره وحده من رفيجاتي هي مب وايد وياي يعني بس بيني وبينها سلام وهاي رفيجتي اختها تصير رفيجة اخت زوجي << فاهمين علي ؟!
المهم اختها وايد ويا اخت زوجي وكل شي يقولونه لبعض عقب فتره يت رفيجتي تكلمني تقول لي انتي تسبين عمتج وترفعين صوتج عليها ؟ قلت لها من متى هالكلام قالت اخت ريلج تتشكى لاختي !! انا انصدمت بس سويت نفسي عادي قعدت اضحك قلت لا مستحيل هالكلام يمكن هم يبون يطلعون علي سوالف ويسوون لي مشكله بيني وبين اخت زوجي عقبها قالت سوالف وايد عن اهل البيت ومادري وشو بالضبط بس يعني سوالف صدق تصير في البيت احيانا وقالت انه عمتي تندمت انه زوجتني ولدها !! انا هنيه صدق تضيقت وقلت في خاطري هاي الغريبه شدراها بسوالف البيت وانا ماقولها شي اكيد اخت زوجي قايله شي ولو انتو مكاني بعد بتشكون فيها
المهم هالكلام كله صار في المسنجر
عقب لقيت اخت زوجي داخله المسنجر وقلتلها السالفه قالت والله ماقلت ومادري شنو ومن قال لج هالكلام وانا مستحيل اطلع عنج كلام برا البيت ترا بعد قالو انها سبتني ومادري كيف المهم قلت لها خلاص اذا موب انتي نسكر الموضوع قالت لا مابسكره من الي قايل الكلام وترا السالفه بتوصل لامي << عاد انا هنيه تضيقت قلت لها ليش بعد توصلينها لامج مافي داعي تكبرين الموضوع
هي اصرت انه توصل الخبر لامها المهم يوم وصل الخبر لامها عصبت علي وقلبت علي قالت الحين بنتها تصيح لها وتحلف تقول انها ماطلعت علي كلام قلتلها عمتي انزين انا قلتلها خلاص يوم انه ماطلعتي كلام سكري الموضوع هي ليش تكبر السالفه ووتقولج قالت هي حره تقول لي والا ماتقول واحسن بعد يوم قالت لي ترا وايد متضيقه منج ومادري شنوو قلبت السالفه علي كلها وقالت انه انا حاقده عليهم ومادري كيف عقب دخلت سوالف الحش قالت ويقولون عنج اهلج ابد ماتحشين وانتي تتكلمين ع الناس الحين شدخل هالموضوع ؟
المهم قالت انا خربت على بنتها واهنتها ومادري شنو وكل شي مب عاجبها فيني وانا تضيقت حتى ماعطتني فرصه اتكلم اقولها انزين اصبري خليني افهمج الموضوع واسكتي اسمعيني للاخر عقب ناقشيني تقول اوكي اسمعج واتكلم انا اقول لها السالفه ماواحي اقول كلمه الا ردت علي بعشر يعني حتى ماتعطيني مجال اقول الي بخاطري والله انه تضيقت صدق وحسيت قلبي مقبوووض وشوي بينقطع نفسي حسيت بكتمه كرهتها والله لو انها عجوز ومره كبيره في السن بعذرها بس هي والله داارسه ومتعلمه خريجه جامعيه
المهم اخر شي استسمحت منها وقلتلها ماعليه انا الغلطانه واسفه قالت لي خلاص بعد بكلم بنتي وبعرف السالفه منها عدل وبخليكم تتراضون اليوم << لانه بنتها زعلانه علي بعد يوم عن قولها انه اتهمتها قلت لعمتي اوكي خلاص
نطرتها لي في الليل بس ماردت علي هي قالت بتكلم بنتها انا ماقدرت استحمل ماحب حد يتضيق علي بس قلت بسكت يمكن كلمتها وبكره بتقول لي المهم في اليوم الثاني كنت جالسه مع عمتي ونسولف عقب سالتها قلتلها كلمتي بنتج ع الموضوع ؟؟ هنيه قامت القياامه قالت لي شنوو وانتي بعدج حاقده على بنتي وانتي تبين تسوين مشاكل ومادري شوو وانا ساكته منصدمه منها !! قلتلها عمتي انتي قلتي امس بتكلميها وبتردين علي ليش قلبتي علي قالت ماقلبت عليج وانتي لو صدق تعتبرينها رفيجتج ماسويتي هالشي الا تبين تكبرين المشاكل وتردين الغلط على بنتي !! سكت انا والله انصدمت من ردة فعلها وطنشتها وقالت كلام اكثر من هذا بعد بس سكتنا ومشينا الموضوع وتمو بناتها مايكلمووني وقالت عمتي اروح انا اعتذر لها لانه انا الغلطانه !! قلت في خاطري هين اصبري علي بس بعتذر !! صج صج انقهرت واستغربت من هالعايله
المهم في نفس اليوم كنت جالسه في غرفتي متضيقه منهم مابي اطلع مع حد وطبعا زوجي محد مايجي الا الويكند ولا يعرف بالسالفه
دخلت النت ومنها دخلت المسنجر المهم الا بعد شوي تدخل اخت زوجي هاي الصغيره الي في الثنوي قالت لي ممكن الكاميرا ؟ قلت لها ايوه تعالي شيليها تاخرت ماجات تاخذها انا كنت بقوم للحمام الله يعزكم فقلت بطلع الكيمره لها لا تجي وادق الباب وانا مااسمعها لاني بكون في الحمام !! قمت لقيت باب غرفتهم مقفول حطيت الكيمره برا عند الباب ودخلت يوم طلعت من الحمام الله يعزكم لقيتها تسولف في المسن كاتبه صج حركه عبيطه !! قلت لها ليش شصاير قالت لي ليش فاره الكيمره عند الباب ؟ قلت لها انا فريتها الحين تشوفيها مفروره ؟ قالت ايه هذي اهانه لي ومادري شنو قعتد تحرطم قلتلها ترا لقيت الباب مقفول وحطيتها برا ماسوينا شي حشى قالت لا سويتي حسيت انها جاهل والمفروض مااعطيها وجه قلتلها اسكتي عني مب فاضيه لج وهنا صدق هي تضيقت وتحرطمت في المسن وتقول كلام والله يقهر بس انا ساكته عنها المهم بعد شوي سمعت باب غرفتهم يتصكر بقوو قلت شبلاها هاي متفرعنه شعندها والا شوي اسمع ابوها وامها في الصاله وهي تصيح صياح والله ينسمع لين الغرفه !! استغربت قلت بلاها لايكون مريضه ؟ الا شوي اسمعها تقول لابوها انه انا فريت الكيمره واهنتها وتصيح ابوها قال مافيها شي ليش تصيحين عاد ومادري كيف وايد مدلعها وامها تقول هاي من دخلت بيتنا ( تقصدني) كله تسوي مشاكل << وانا في غرفتي واسمع الحوار صريخهم واصل لمادري وين وكله بسبب انه انا حطيت الكيمره عند الباب ^_^ عايله غريبه
المهم سكت عن الموضوع وصرنا مانكلم بعض وتصير حركات تبط الجبد من عمتي وبناتها وعقب تراضينا ريدت اكلمهم ولا كنه شي صاير !! بس بنتهم هاي راعية مشكلة يوم تكلمت عني قدام الناس كل شوي تعيد لي السالفه في المسن والله طفشت تقول لي ليش قلتو جيه ومادري شنو عقب تقول انا الي اعيد السالفه قصدها مثل امها انه قلبي حاقد عليهم والله عياله غريبه
الحين مادري كيف اتعامل معاهم صج ناس تقهر ارتفع ضغطي منهم
ابي نصيحتكم :tears:
مع العلم اقول لزوجي يوم هو يكون مب وياي يخليني اروح بيت اهلي بس ممنوع المبيت هناك مايخليني
افييدووني كيف اقنعه والله من ايلس في هالبيت احس بنكد وضيقه بس مستحمله والحين حامل اخاف هالشي يأثر على الجنين
