فضفضة انثى ..!

[سمارية_بوظبي]

السلام عليكم ورحمة الله وبركاته ..

في البدايه ترددت وايد في اني اكتب مشكلتي او مايراود خاطري .! خوفا من اني اسمع كلام اني ضعيفة شخصية او غير واثقه من نفسي ! ولكن عزمت اني اكون صريحه مع نفسي ومعاكم يمكن اني اتحرر من هالقيود اللي احس فيها او هالمشاعر اللي تعكر صفو يومي :sad_1:

يمكن اني الاقـي الكلام اللي يريحني منكم ,, او الحلول الي تساعدني :icon26:

احب اوضح لكم وضعي انا عمري الحينه 21 سنه تربيت في اسره محبه .. انا الصغيره من بين البنات والبنات يكبرني بأكثر من 12 سنه !

انا بنت سمرا البشره " شوكليت" احب لوني احسه يميزني ! بس يوم كبرت انصدمت بواقع غير
ساعات اسمع اني "خاله" سوري على هالكلمه لو ماتنقال من جدامي بس انا اسمعها ..
بديت اكسر هالشي ! اهتم بنفسي وجسمي الحينه جسمي روعه اي حد يجوفني اول شي يلفته جسمي ! حلو هالشي صح ؟ بس احس ستل النقص فيني

خاصتن في هالوقت الحالي.. انا مش مع علاقه مع شاب ولكن بينا انا معجبه فيه وهو معجب فيني صارحني اخر فتره انه ناوي يتزوجني بس لقى وايد عراقيل من اهله والسبب اني سمرا !!
يعني لدرجه انه المشاكل بتييه وبيعيش في هم وكلام كثييير ما بيخلص من اهله !
انا سحبت نفسي سيده احس انه كرامتي ماتسمح لي في نفس الوقت احس انا مظلومه شو يعني لو كنت سمرا شو يعني !؟؟

يعني لازم اتزوج واحد اسمر هل هاي معادله عادله بنظركم .!؟

ثاني مشكله اعاني فيها هي قلة الثقه بالنفس من ناحيتي احس مالي اي دور فعال في بيتنا او في المجتمع دايما انا اخذ بس مااعطي !
افتقر للتشجيع في بيتنا ! انا اخترت تخصصي الجامعي بنفسي ! كنت اقوللهم شو رايكم ماكانوا يناقشوني حتى بس يقولون اختاري اللي يعيبج واهم شي مش مختلط !
حتى في النقاشات العائليه المهمه . . مالي كلمه مسموعه ! مالي راي محد يريد ياخذ برايي

احس هالشي مأثر فيني حتى في الحوارات ساعات في الكلاس ماافضل اني اقول رايي افضل ساعات السكوت مع انه عندي راااي وعندي وجهة نظر ممكن تكون قويه! ساعات اذا وحده ابدت رايها مااحب اعارض اقوللها صح كلامج مع اني في اغلب الاحوال مااكون موافقتنها الراي !

حتى دايما اقول في خاطري .. لما بتزوج بأذن الله وبتكون عندي بنت ولا ولد بعطيها مساحتها في التعبير عن نفسها وباخذ رايها بحسسها انه رايها مهم هالشي بيساعدها في المستقبل لما تكبر انها تكون شجاعه وواثقه من نفسها .

احس بقهر لأني ممكن اكون افضل من جي لو لقيت الدعم من اهلي ! هم في بالهم اني انا للحين الصغيره اللي لسانها طويل وتفرض كلمتها بنفسها .. بس انا تغيرت لمن كبرت صرت غير ومحد حاس بهالشي من اهلي !

لكني دايما ابين لصديقاتي اني قوية شخصيه ! احس اني افرغ هالشي فيهم اثبت لهم اني قويه شخصيه وااايد وهم دايما يقولون هالشي حتى ! على فكره ربيعاتي اهم شي عندي في الحياه احب اكون وياهم كل وقتي وفي البيت دايما ما تلقيني ساكته مااحب اتكلم وايد ! مااجوف نفسي ابدن في البيت

اســفه طولت وياكم في الكلام ووخذت من وقتكم الكثير بس اتمنى الاقي حد مثل حالتي تغلب على هالشي :bigsmile:

 

[سمارية_بوظبي]

ليش محد رد علي ؟!!
لهدرجه مشكلتي سخيفه ماشاء الله 35 وحده قاريه الموضوع !!
توقعت اني افتح بلاقي ردوود منكم او شي يزيد من عزيمتي = )

 

[mrs.spoon]

افى ليه كذا تتسرعين وتقولين ان موضوعك تافه من قال مو للدرجة ذي
خليك واثقة شوي ازرعييها الثقة حبة حبه ماتجي مرة وحدة انا عن نفسي كنت تقريبا مثلك يعني ماحد ياخذ برايي
تعرفين ليه لاني كنت اسكت وبس طفشت لين متى قلت ماراح اتغير الا اذاعزمت اغير من نفسي وفعلا بديت بنفسي احبب نفسي بنفسي اطالع بالمراية واقول انا حلوة وحتى ان قالوا مو حلوة مايهمني كلام الناس مقتنعة بخلقتي الحمدلله ولاتبينين لاحد انك مو مقتنعة بنفسك عشان ماياخذون الشي هذا في بالهم مثلا ناس يشفونك حلوة وتجين تقعدين عندهم وتقولين لهم اوتحكين عن نفسك وتقولين شكلي مو عاجبني انا سمرا انا كذا انا مدري كيف خلا ص بتتحطم فكرتهم عنك ليه لانه انتي زرعتيها فيهم .وفي البيت افرضي راييك وعلي صوتك وسوي لك حس بالبيت يعني انا كانو يقولون صير بس لين متى صرت افرض رايي واتكلمو اصرخ احس الحين اني مهمة ماحد يقدر يستغنى عني اصلا لانه مافي احد غيري فاضي ههههههههه الله يسهل امري دعواتك بس
وقولي انا حلوة انا قوية اوكتبي بالدفاتر اوا قوية وصرخي ودام ان شخصيتك مع صحباتك كذا يعني في امل بس تستحين او تخافين
وبالتوفيق اتمنى اكون افدتك
استغفر الله واتوب اليه
لا اله الا الله
دمتم بود