فترة الملجه

ا

احاسيس منسيه

New member
إنضم
2009/10/09
المشاركات
200
السلام عليكم ورحمة الله وبركااااته


الصراااحه انا احترت مع زوجي(بس مالجين)

صار لنا تقريباً 5 شهووور من ملجنا ولا عمري سمعت منه كلاااام حلووو:thumbdown:
انا اعرف الكلام الحلووو واعرف اقووله بس مابي ابادر انا........:busted_red:
اففففف انا عرسي شهر 7 واحس مكالماتي معاه ابدً مافيها اي جديد ..كل يوم نفس الكلام وكل يوم نفس الاسئله..عن الدوام وعن طلعته وسوالف عاااااااااااااااااديه جداً:schmoll:

ما اعرف افتح معاه مواضيع جديده ..ولا احب اناقشه بشي لان دااايم يفرض رااايه علي..فعشان جذااا اجلت كل شي لعقب العرس...
انا الحين ابيكم تساعدووني بأفكار وسوالف في التلفووون..كيف اخليه يشتااااق لي يتلهف لمكالماتي يقووووول كلااام حلوووو..حتى لوو بالمسج
كييييييييييييييييف اتصرف:exclamationpoint::sadwalk:
 
حبيبتي أحاسيس منسية يجب ان تسمي نفسك أحاسيس مزهرة لأنك فعلا كدلك .. خير بإذن الله ياغاليتي .. افرحتني كثيرا بقرب زواجك ربي يهنيك يارب ويفتح لك به سعادة الدنيا والآخرة

عزيزتي انا لم افهم كلمة " الملجة" لكن الدي فهمته أنه ثمت عقد زواج ..
ربما الأخوات يفيدونك بطلبك ياغاليتي
وربما انصحك بالثقل بعض الشي وخبي الاشواق الحلوة وجل اسلحتكي بعد الزواج ... واكتفي بهده المرحلة بالنظرات المبهرة التي تشعل الشوق دون تعبير بالكلام ....
وطبعا يبقى رأيا ياغاليتي

مبروك مقدما ياغاليتي ولك مني أطيب الدعوات بظهر الغيب
وفقك الله تعالى ياحبيبة
 
أخت في الله
مشكوووووره اختي على ردك الأكثر من رائع وكلامك الهادئ المؤثر
الملجه===تم العقد
 
حبيبتي هذا دليل ان زوجك مليعرف يتكلم مع الحريم ومو متعود وهذا شي يطمن الحمدلله
والشي الثاني هذي طبيعه الرجال
انا زوجي نفس زوجك في قله كلامه وما يفتح مواضيع
وعلى فكره يمكن يكون اكثر واحد يعرف يقول كلام حب بس خجول او متردد او ممكن يكون ذكي يخلي كل شي في وقته ولا يبغى يستهلك ريقه الحلو قبل الزواج
ولا تزعلين منهالصفه تراها عاديه وطبيعيه من الرجال
وطالما تزوجتوا بادري بكلمات بصيطه ومو غلط بالعكس كذا انتي تعطينه دافع يتكلم
والله يوفقكم
 
لوليتا مشكووووره فديتج ع الرد
الحمدلله انا متأكده ما عنده خلفيه عن البنات..بس احس البيئه اللي عاش فيها بيئة جااافه ويمكن هالشي اثر عليه وااايد..
بس انا استحي اقوله شي ولا اباااادر ..انا كلمة "فديت قلبك"عقب الشين طلعت معاااي مع اني متعوده اقولها حق الكل:)
 
اذا كان هذا طبعه صعب جدا ان تغيره الا اذا كنت في بيته

واياك وانت تبدئي انت حتى لا يعيرك بعد الزواج
موفقه والف مبروك غاليتي
 
شرات مشكلتي وانا حاسه فيج

بس ريليج مايي عندج البيت ماتشوفين برع طبعا انا الي اطلب منه اشوفني عمره ماقالي كلام حلو
بس اكيد بعد العرس بيتغيروا
 
ام سعود مشكوووره على مرورج الطيب..وهذاا اللي انا خايفه منه واحاول اتجنبه

اميري يسوف..اييني البيت بس مب وااايد لأنه احسه ما يرتااااح لان الحراسه مشدده علينا :(
وطلعنا بس مرتين من ملجنا بس نفس الشي ابوي مطرش اخواني معاي:(
 
حبيبتي بالعكس هالشخصيه حلوه تبينه يقولك احبك من اول يوم ملكتوفيه تبينه يقولك حبيبتي ومن هالحكي بالعكس خليه يعرفك اكثر وتعرفينه اكثر وبيجي يوم ويحكي زيقو بس انتي اصبري ذكرتينيبااختي فرق بين زوجهاواللي اعرفهم كان زوجها يحبها ومستحي يحكي ويقول بس ماشاءالله بعد الزواج غرقهابهالشي لان الحكي وانتي ملكه وعنده احسن من انه يحكي وانتي بعيده والله يوفقك يارب ويرزقك ويفتحها بوجهك وييسراموركم يارب
وياالف مابينكم ويسخركم حق بعض يارب
الله يسحره فيك سحر حلال
 
حنانووو الله يسمع منك ان شاءالله ومشكوووره على مرورج الأكثر من رائع..بس انا مابي يقول لي كلام حلوو انا اباااا مواضيع افتحه معاه لان اكثر كلامنا في التلفون..واخاف نمل من بعض لان سوالفناا شبه عاديه
 
ساااعدوني شوو المواضيع اللي اقدر اسولف معاه عنها في التلفون؟؟؟؟؟؟؟؟؟؟؟
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل