فبراير .. وين تقترحون ؟؟؟ بليز الموضوع جدي ..وما فيه وقت

[أم كادي]

السلام عليكم و رحمة الله و بركاته
خواتي نصيتكم ولا تردوني !!
زوجي عزم يطلعنا ويا العيال في إجازة نص السنة برع البلاد ... طبعاً نحت 5 أنا و هو و 3 أطفال من 3 - 8 سنوات ..
وقال لي أختار الدولة ... طبعاً أوروبا مستحييييييييييييل في هالبرد الصقيع ...
فكرت في ماليزيا ؟ أو تايلاند ؟؟ أو جزيرة استوائية مثل سيشل أو موريشوس ...
يعني مكان دافئ ....
الصراحة أنا محتارة ، و المدة المقررة من اسبوع إلى 10 أيام تقريباً
وألحين من واقع خبرتكم ... شوروا علي لا خليت و لا عدمت منكم ...

أنتظر ردودكم الحلوة و تفاعلكم الأحلى ...

 

[أحلى عسل]

هلا حبيبتي أم كادي أناأنصحك تروحي ماليزيا لأنها حلوه للعوائل وإنتي وعيالك راح تعجبكم لكن الجزر زي المالديف وسيشل أحسها ماتنفع للعوائل تنفع للعرسان أو يعني تروحي إنتي وأبوالشباب بدون عيال لكن ماليزيا تنفع للعوائل فيها كل شيء ملاهي وحدائق وشواطئ رائعه وتسوق يعني كل شي موجود فيها ورحله سعيده ياقمر وأي استفسار أنا حاضره

 

[أم كادي]

تسلمين يا أحلى قمر
بس ترا بزعجج شوي ؟؟؟
الغالية شو أحسن الفنادق النظيفة و الراقية هناك و أحصل فيها سويت من غرفتين لنا و للعيال و قريبة من المناطق السياحية الشهيرة ؟؟؟؟
الصراحة أنا ما قد رحت ماليزيا
بس أبغي مكان راقي ..
وشئ ثاني :
شو هي الأماكن اللي لازم نزورها ؟؟
أختي اقترحت نقعد بكوالامبوريومين و بعدين نروح لنكاوي ؟؟
شو رايج ؟؟؟
عندج جدول حلو و مرتب ؟؟؟​

 

[أحلى عسل]

شوفي ياقمر أنا بقولك رأيي وإنتي على كيفك كولالمبور إجلسوا فيهايومين وبعدين لانكاوي يومين وبعدين جنتنغ يومين باللنسبه لكولالمبور فيها فندق رووعه ومكانه مره حلو في شارع العرب وهو فندق ماريوت وبعدين في أماكن كثير ممكن تزوريها في كولالمبور منها حديقة وبحيرة بردانة | حديقة الفراشات | حديقة الزهور | حديقة الطيور منارة كوالالمبور | البرجين التوأم | ملاهى تايمز سكوير | أكواريا عالم البحار | عين عربية | متحف النسيجالقصر الملكى | المسجد الوطنى | المسجد الجامع​

بعد كذا تروحوا على لانكاوي وفيها فندق رائع عن تجربه وهو فندقPelangi Beach Resort
بلانجي بيتش
وهذه صور للغرف في الفندق

إن شاء الله تكون عجبتك الصور وترى في فنادق أربعه نجوم وحلوه وأسعار أقل بس أنا جبت لك الأفضل واللي جربتهم أنا بنفسي وبعد لانكاوي جنتنغ وهي مدينة ألعاب رائعه تبعد عن العاصمه 40 دقيقه بصراحه عيالك راح ينبسطوا فيها وانتي كمان لأنه الجو فيها رائع بارد وضباب لأنها منطقه مرتفعه في الجبال وبعد كذا ترجعي كولالمبور وإذا حابه تتسوقي في كولالمبور خبريني عشان أقولك إيش أفضل الأسواق فيها ورحله سعيده إن شاء الله ياقمر:bye1:

 

[أم كادي]

مشكورة يا أحلى عسل
صدق والله عسل ..لا والله أنج شهد !!!والله أحبج ..ههههه
الغالية ...
بالنسبة للتسوق وين أروح .. تعرفين الهدايا .. أبغي شئ تذكاري حلو و مميز و سعره معقول ... هذا شئ
شئ آخر .. شو بالنسبة لملابس الأطفال اللي عندهم ؟؟ شو هي الماركات اللي ممكن أخذها لعيالي و تكون سبيشل .. مش موجودة في السوق عندنا اهنيه ...
.
.​

 

[عروس قمر]

انا اقولج اذا بتروحين ماليزيا روحي اقعدي في فندق صن وي ليقون عجيييييييييب من قلب وفيه مدينه ملاهي مائية وحديقة حيوان ومجمع تجاري كبير يبيلج يومين تقعدين هناك

 

[نورالدنيااا]

روحى ماليزياوانتى مغمضه ولو انى مارحتلهاالاانى اتمنى اروح لها

وصورى خلينانشوف ابداعج فى التصوير
وحطى موضوع عن سفرتج
عشان نحترونغلدج هههههههههه
وتروحون وتردون بالسلامه

 

[أحلى عسل]

ساعات العمل فى الأسواق والمجمعات تبدأ من العلشرة صباحا وتنتهى فى العاشرة مساءا وتمتاز بتنوع البضائع وأيضا الأسعار

بعض الناس يحتاج الى جودة عالية وماركات عالمية غير مقلده لذلك يذهب الى الأسواق الاتية :

1 - Klcc اسواق البرجين التوائم وبها جميع الماركات العالمية وهي عبارة عن 4 أدوار تربط بين البرجين وبها مطاعم عربية فى الدور الثانى ومطعم ايرانى فى الدور الرابع وأنواع عدة من المطاعم اليابانية والصينية والماليزية .

2 – أسواق بافليون أول شارع العرب
وهى من أرقى الأسواق وبها العديد من الماركات العالمية وينافس أسواق ال klcc ويقع فى أول شارع العرب
ومواجه لفندق الماريوت وبه عدة أدوار ومنظم وبه العديد من المطاعم منها العربية ويقع فى الدور الثانى فوق المدخل مباشرة ومنها المطاعم المحلية والعالمية .

3- أسواق فندق الماريوت star hille plaza: وهى أيضا من أروع وأغلى الأماكن والمحلات التجارية العالمية بها أيضا مطاعم فخمة جدا منه العربية مثل الطربوش ومنها ذوات الأكل البحرى.

وبعض الناس يحتاج جوده عالية مع ماركات محلية وعالمية وعالمية مقلدة وبالتالى السعر مناسب والاسواق كالاتى :

شينا تاون سوجو


4- مجمع سوجوsogo وهو من أروع المجمعات نظرا لانه ليس صغيرا وفى نفس الوقت ليس كبيرا متوسط الحجم ويضم كل شئ وهو عبارة عن خمس طوابق كل طابق له منتجات معينة ومنتجاته منها ما هو أصلى وما هو تقليد وكلها ذو جودة عالية.
5-ميدفالى أو الميجامول megamall وهو أكبر مجمع أسواق على مستوى ماليزيا وبه عدة مجمعات داخلية منها الكارفور فرنسى ومنها جايا جيسكو يابانى ومنها متروجايا وهو يمتاز بالجودة العالية.

6-شارع بوكيت بينتانج وبه بي بي بلازا وسونناى وانج BB PAZA وهما من أفضل الأماكن للتسوق حيث يمتازان بالمنتجات ذات الجوده العالية وبهما باركسون ومترو جايا بالداخل وهما من الأسواق ذات الجودة العالية والرخيصة السعر أيضا وتنوع المحلات ويمكنك ان تخفض الاسعار بالفصال .

7- مجمع التيمز اسكوير وهو من المجمعات التى تقع فى شارع العرب وبه ماركات ذات جودة ومتصل بمدينة ملاهى داخلية وبفندق التيمز اسكوير وهو عبارة عن برجين

وبعض الناس يحتاج ماركات مقلدة وسعر يقبل الفصال كما

8-فى شيناتاون china twon وهو عبارة عن شارع فى وسط المدينة كوالالمبور
بجانب محطة الباص وبه العديد من الأكشاك التى تبيع البضاعة المقلدة للماركات العلمية مثل الشنط والأحذية والهدايا التذكارية وهو يبدأ من الظهر حتى الثانية عشرة مساءا ويجب التنبيه الى أن التجار فيه يغالون فى السعر منتظرا أن تفاصله أو تكاسره فى السعر .
شوفي ياعسل باللنسبه لملابس عموما ماعندهم شي مميز نفس الماركات اللي عندنا يعني الملابس عندنا أحلى وعندهم الشنط تقليد الماركات وهذ طبعا في السوق الصيني بس لازم تنتبهي هناك من السرقه وبس أتمنى أكون أفدتك ورحله سعيده ياقمر

 

[أم كادي]

عروس قمر : تسلمين يا أحلى قمر عالنصيحة ... فعلاً كلهم نصحوني بهالفندق ... أختي قعدت فيه..​

 

[أم كادي]

نورالدنيااا : إن شاء الله أنج تروحين ... و بالنسبة للصور فالج طيب ... بس على الله الشبيبة يعطوني فرصة ..​

 

[أم كادي]

أحلى عسل و شهد
الله يبارك لك في صحتك و حياتك و كل ما تحبين
الصراحة .. أخجلتيني من ذوقك و اهتمامك .. أنا ممنونة لك عالمعلومات الأكثر من روعة ...
جزاك ربي الفردوس الأعلى ..​

 

[أحلى عسل]

مشكوره أم كادي ع هالدعوات والله يسعدكم يارب