غضبنا المكبوت ....جلسه مع النفس

[راجيه الرضا]

غضبنا المكبوت ...ثقب الابرة الذي نرى من خلاله الامور ..الالام والغيظ وخيبة الامل .....وفقدان الرغبة في الحياة...وتذكر الماضي...واتهام النفس الدائم بالفشل... ???كبرنا ليه ...الدنيا صعبة والناس ميستاهلوش ....
__
مش ده كلامك لنفسك او بعضه؟؟؟?
تعالي نتكلم شوية بس الاول ليا طلب
ادعي ربنا من قلبك اللهم ارني الحق حقا وارزقني اتباعه وارني الباطل باطلا وارزقني اجتنابه...
القصة مش انك تقري لي ولا لأي حد القصة ايمانك ولجوؤك لله...
___
دعيت؟؟
طيب معلش كمان دعوة
((اللهم اذهب غيظ قلبي واغفر ذنبي واعذني من الفتن)
___
الغضب المكبوت..
ده عدم رضا وعدم تصالح داخلي.. ..
جري ايه هو انت الوحيدة اللي غلطتي ؟؟
هو انت الوحيدة اللي بتتعلم من أخطائها؟
كل واحد فينا فيه في حياته سنوات عجاف(الكلمة دي وردت في سورة يوسف وفيه دكتور اسمه خالد الحداد استخدمها وعجبتني اوي )
كل واحد فينا فيه ف حياته سنوات ضنك
سنوات الم وتعب وحسرة
و......
كل واحد
ايه رايك نجيب دباسة وندبس الملف ده من كشكول حياتك ف بعضه مش هنقفله ولا هنقطعه ..هندبسه...
موجود ومش موجود
ونسميه السنوات العجاف
وايه فايدة الكلام ده
الفايدة هي انك تجمدي كده
مش انت الوحيدة اللي مريتي بالالام
ولا بالسنوات العجاف
ده ملف خبراتك
دبسيه وابقي عليه
ولكن متعيشيش فيه
عيشي بس في نتابجه
بقيتي ايه اتعلمت ايه
لو عارفة اتعلمتي ايه ...تمام رائع
ولو مش عارفة تعالي نتناقش
ايه الصفة الوحشة اللي شفتيها ..الغدر الخيانة...قلة المحبة قلة الاخلاص..؟؟؟محدش وقف جنبك؟؟؟
اتعلمت ايه؟؟
ارتبطي بالله وادعيه يبعتلك الناس (وما يعلم جنود ربك الاهو )
انت فاشلة؟؟
ماشي
تعالي ندبس ملف الفشل بالدبابيس
ونقفله من كل ناحية
ملف الفشل علمك ايه؟؟؟
انك متزعقيش لاولادك
ومتخسريش اخواتك ؟
طيب تمام
بس العيال حالتهم وحشة..
تمام اعملي اللي عليك ومش مهم تشوفي نتيجة? ازاي!!!!
انت بتعاملي ربنا
وهدفك رضاه
وهو عالم بهدفك
وباللي جواكي
بس الواحد بيتقطع
ليه
تقطيعه هيفيد البشرية بايه ؟?
يبقي بلاش يتقطع بقه
مالهاش لازمة
يتوب احسن ويستغفر وخلاص
طيب والناس الوحشة اللي بنتعامل معاهم واللي دايما ظالمين ؟
بيهم بوجودهم الدنيا دنيا
بيهم هي مش جنتنا
بيهم احنا ف حياة مؤقتة فيها قصور ونقص
طيب ازاي نعاملهم
مش من جوة اوي
مش من القلب اوي
مبنعرفش
نتعلم
زي ما اتعلمنا البكا
نتعلم منبكيش
نتعلم ناخد كلامهم من ع الوش
نتعلم منتقطعش
بيه /ولا نموت منه
كلمة كمان
امي كانت دايما تحكي لي عن ضرورة ان الست تخلي بالها من نفسها وصحتها
وكنت مش بركز
دلوقت فعلا
عاوزة اقولك بصراحة السنين الاربعين اللي عشتهم
ايوة الصحة لو راحت محدش بيعوضها
اطلاقا
ارجوك حافظي ع الموجود
الفيتامين(لازم منهم ب 12 وحديد وحللي طبعا)
الخسسان (صفحة حلوة اسمها سنة اللقيمات شوفيها)
الابتسامة
اكل الاكل المعقول (مش كله مقلي ونواشف)
قبل متتهلكي في اي عمل فكري في نفسك قادرة تعمليه؟
مش هيتعبك اوي؟
هترتاحي ازاي
لا تفني من اجل آخرين..دي مش تضحية
___
الزوج اللي مزعلك
ادعي اللهم اصلحه لي واصلحني له
انت مطالبة بحجات اعمليها ومتأفوريش
الدين طلب منك حجات اخف من اللي انتي الزمت بيها نفسك...
استغفري
كتير وادعي
واقري
كمان كلمة من قلبي
ناس كتير مش بتعرف تشرح هي عملت البلاوي اللي عملتها ليه....يعني عندهم انخفاض وعي مشاعري مش بيعرفوا يشرحوا....بيهنجوا
عملت كده ليه
معرفش
تقومي انت تتجنني
لأ بصي انا عاوزة اقولك
ان بيبقي فيه احتياج او لحظة ضعف تكمن خلف تصرف الشخص بس هو مش عارف يحكيها.....
بلاش تموتي نفسك عشان تفهمي دوافع شخص هو نفسه مش عارف يقولها
قولي لنفسك فيه عنده احتياج
او كان عنده ضعف ما
خلاه خان او كدب
هقدر اعرفه ولا لأ)؟؟؟استخير وافكر....
لو عاملة اكلة حلوة
اللي يقولك حلوة تمام
اللي ميقولش هي برضه حلوة
وسعي دايرتك
اسألي علي جيرانك
واهلك
زوري فعلا ناس غلابة واقعدي معاهم
اعملي لنفسك خير ينفعك يوم الدين...
خلي قعدتك مع نفسك
حلوة
اشربي حاجة بتحبيها
خدي فيتامينك
استغفري
تدبري القرآن الكريم
انت مهمة اوي والله لنفسك
وحتي اقرب الناس مش مهمين ادك لنفسك...
انت مهمة اوي
ودي مش انانية لكن توازن
لو كل اللي حواليك حبوووك
وعندك مغص
مش هتحسي بالفرحة يبقي متمرضيش نفسك عشان مشاعر ناس لو ادوها وانت مريضة مش هتفرحي
كتبتلك من قلبي اوي
يارب ينفعك بالكلام
اديني واحدة اهوه بتحبك عن بعد??
تعالي ندعي ونبطل شيل هم..
وختاما
اللهم صب علينا الهدوء والفهم صبا صبا


د.ايناس فوزي

 

[omdeema]

رائع جدا الموضوع
شكرا جزيلا عزيزتي​

 

[راجيه الرضا]

شكرا لمرورك @omdeema

 

[حرف الغلا]

صباحك فل ياحلوة..تشكرات لك ع الكلام التحفه ربي يبارك فيك يارب..بصراحة كلامك لمس قلبي خاطري أكون قوية أكثر عشان م انكسر ولا انهزم ولا اتاثر بالطاقات السلبية اللي تواجهنا كل يوم من أشخاص وناس مستكثره الخير ع الناس...

اللهم إني أعوذ بك من شرورهم واجعلك في نحورهم

 

[صدقه جاريه]

راجيه ، سلمت يمناك والله العظيم اني دخلت اليووم وانا في هم عظيم والم كبير كلامكواسلوب تعبيرك جعلني ارتاح قليلاً من همي والمي الحمد الله جزاك الله خيراً انا الان في فتره الايام الصعبه قد اغيب ولكن دعواتي لكم لاتغيب وكذالك دعواتكم

 

[Lena Dareen]

بارك الله فيك حبيبتي @راجيه الرضا .. مواصيع هادفة .

مشكورة ?​

 

[Lena Dareen]

راجيه ، سلمت يمناك والله العظيم اني دخلت اليووم وانا في هم عظيم والم كبير كلامكواسلوب تعبيرك جعلني ارتاح قليلاً من همي والمي الحمد الله جزاك الله خيراً انا الان في فتره الايام الصعبه قد اغيب ولكن دعواتي لكم لاتغيب وكذالك دعواتكم

حبيبتي ربي يرفع عنك البلاء و الهم و ستفرج قريبا ان شاء الله .. تفائلي الله كريم ما اصاب عبد الا ليختبر صبره

طمنيننا عليك ​

 

[راجيه الرضا]

المقال منقول للامانه عن د.إيناس فوزي

 

[راجيه الرضا]

@حرف الغلا ..نرخبا بك حبيبتي تغيبين عنا لكن تعودين تنورينا رزقك الله قوه من عنده...@Lena Dareen نورتي ليناتو @صدقه جاريه فرج الله همك.حبيبتي ورفع عنك ربنا يطمنا عليك