غسالة اتوماتيك مع المجفف طريقة الاستعمال؟؟

[نسمة 2]

السلام عليكم
يابنات ياريت تساعدوني
اشتريت غسالة اتوماتيك ابو دورين غسالة ومجفف
نوعها كلفنيتور
بس مني عارفة كيف استخدمها وكتلوجها انقلش وانا طبعا ماعندي لغة نهائيا
واللحين جالسة استخدمها كذا على عمايا
كل شوية اجرب
الغسيل لو اربع برامج وانا ماشيا على البرنامج الاول بس لاني مني عارفة
وبالنسبة للمجفف برضو لو كذا برنامج فيه من 10 الى 70 والباقي مدري ايش مكتوب
اللي عندها زييها ياريت تفيدني

 

[ممنوع من الصرف]

طيب ادخلي اسم الغساله بقوقل chrom لان فيه خاصية ترجمه بمعنى اكتبي في المتصفح اللي ذكرته لك (طريقة استخدام وكملي اسم الغساله بالانجليزي كامل لو طلع لك سوي ترجمة الصفحه وراح تطلع بالعربي اتمنى اكون افدتك يارب تكوني عرفتي قصدي

 

[رندا كووول]

ماعندي فكره ان شاءالله البنات يفيدونك....ومبروك ع الغساله الجديده...جربيها وقوليلي مريحه ولا لا ..ابشتري غساله جديده عن قريب

 

[ام لمـــارا]

بكم جبتيها ؟؟؟؟؟
لأني ناويه اشتريها في القريب العاجل

 

[غيرهم كلهم]

ما عندي علم

بس مبرووووووووووكة يا رب​

 

[نسمة 2]

يعطيكم الف عافية
فهمتك قصدك ياممنوع من الصرف وان شاء الله بجرب اشوف

اهلين رندا كوول هيا اكيد مريحة بس لازم نعرف كيف نستخدمها عشان تجيب نتيجة افضل

اهلين ام لمار شرفتي موضوعي اشتريتها ب4500 نوعها امريكي كلفنيتور هيا نفسها ويرلبول بس تغيير في المسمى
ويعطيكم الف عافية
استنى اللي عندها خبرة تفيدني

 

[رهف4]

هلا حبيبتي

بس مني عارفة كيف استخدمها وكتلوجها انقلش وانا طبعا ماعندي لغة نهائيا
واللحين جالسة استخدمها كذا على عمايا
كل شوية اجرب
الغسيل لو اربع برامج وانا ماشيا على البرنامج الاول بس لاني مني عارفة
فيه مفتاح صغير فية 3 خيارات وهو للماء low للغسيل قليل وmللوسط وfullللحف وشراشف السرير والغسيل الكثير
صح اربع برامج 1للملابس المتسخة ودورته الظاهر 15 دقيقة
2 نفس الأول بس دورته أقل
3تشطيف بالماء فقط وتنشيف
4 تنقيع تدور شوي وتوقف وتجلس تقريبا15دقيقة وبعدين شطف وتنشيف
في هذا المفتاح في جميع الدورات كلمةspinمعناتها هنا ينشف الغسيل

وبعدين جنب مفتاح مقاس الماء تلقين مفتاح له 4 خيارات وهو لدرجة حرارة الماء hotيعني حار والباقي متعدل cooldيعني بارد من الصنبور
,وبعدين مفتاح المجفف وفعلاً فية 70دقيقة وهي افضل إذا كانت الملابس كثيره تطلعها مفروده وناشفه وتراه يطلع صوت جرس مرتين زي المنبه يقولك إذا تبعين الملابس تطلع بارده حولي مفتاح المجفف على اليمين اما إذا تبغينها مجففه وحاره زي المكويه خليه يزمر براحته
جنب مفتاح المجفف مفتاح صغير onلتشغيل المجفف

خلي الغسيل الأبيض الين يخلص بالغسالة تحت وبعدين حطيه بالمجفف
وأرجعي اغسلي الملون وحطية بالمجفف وأذا خلصتي الغسيل شغلي المجفف وروحي

انا إذا ابغى الغسيل الأبيض لونه نظيف ومشرق وحاسة أنه 15 دقيقة مو كفايه أذا وصلت لدقيقة8 أسكر المفتاح بالظغط عليه وأفر المفتاح يمين ألين أول البرنامج وأفتحه بالسحب ويعيد دورة الغسيل ألين أحس أن الغسيل نظف تماماً
وسلامتك

تعبت أدعيلي ان الله يرضى عني ويسخر لي زوجي يجيب غسالة صحون عندي الم شديد بأسفل القدم وما اقدر اطول بالوقفه



وبالنسبة للمجفف برضو لو كذا برنامج فيه من 10 الى 70 والباقي مدري ايش مكتوب
اللي عندها زييها ياريت تفيدن

 

[نسمة 2]

تسلمي ياقلبي الله يعطيكي الف عافية
ماقصرتي ياعمري الله يسخرلك اللي في بالك
وعقبال غسالة الصحون يارب
وجزاكي الله الف خير
استفسار اخير المجفف كمان لو ا3 برامج الاول من 10 ل70وهاذا عرفتلو
تيب وقلتي الجهة التاني يخلي الملابس باردة يعني مافيها حرارة
تيب الثالث لإيش؟؟

 

[ام شهد و ريم]

مبروك على غسلتك
وان شاء الله تتعلميها بسرعة
اذا الغسالة حلوة قولي لنا عشان نحوش ونشتري