عُدنـــا ،، شوركمـ يا بنات ..

المشـ صمت ـاعـر

المشـ صمت ـاعـر

New member
إنضم
2009/06/23
المشاركات
155
السلام عليكمـ

قبل شهرين تقريباً نزلت مشكلتي بإختصار والأرض ضايقه فيني

الرابط http://www.niswh.com/vb/showthread.php?t=230997

حاولت أتألقمـ مع وضعي ،، واهتم أكثر بـ قراءة القرأن وانا متامله من الله كل خير ،،

بعد أسبوعين من قراءة البقره تقدم لي إبن عمي ، وانا ادري انه من أكثر من 5 سنوات وهو يحبني

بس انا صديته في البدايه وبعدها انسحب من حياتي بـ هدوووء انسحب قبل لا يدخلها ولا حاول فيني ،،

السنه اللي طافت خطب بنت عمي بس الله ما كتب وما صار نصيب والحين رجع بس هـ المره صارحني

بكل شيء وانه ما يبي غيري من الدنيا ،،، بنات انا محتارره خايفه اوافق وبعدين اندم >_<

صليت استخاره 3 مرات بس ما حسيت بشي لا رفض ولا قبول احس عااادي اخذه ولا ما اخذه !!!

شوروا علي طاف اسبوع وانا ما رديت وهو ينطر ردي ع نار ..
 
اختي صمت اذا كان(( انسان ذا خلق ودين)) وانسان يحبك وشاريك توكلي على رب العزه والجلال ووافقي يعني انتي بتكوني ادرى منا فيه اكيد اهلك يعرفونه ويعرفوا اخلاقه,,,وبالنسبه لصلاة الستخاره ومابعدها من احساس شي طبيعي انك بتحسي انه شي عادي تحسي لا اللي انتي موافقه ولا اللي انتي مو موافقه... ربي يوفقك ويسر امورك
 
وأنت لية محتارة وخايفه ..؟!!

المتقدم فيه عيوب كبيرة تستحق ها الحيرة !

انت ما ذكرتي لا ايجابياته ولا سلبياته

يمكن يكون هو الأفضل لك وخاصاً انه قريبك يعني اهلك يعرفون كل شي عنه

وانا من الرابط اللي حاطته فهمت انك مقبلة على الثلاثين !

ما اقولك اقبلي المتقدم وخلاص لا طبعاً تمهلي لكن بعقل لا بخوف

ما رح تلاقين لك ملاك او شخص كامل ولا تلاقين لك شخص مفصل على ماتبين

لكل شخص عيوب ومزايا

فصلي عيوب المتقدم ومزايا وقارني وفكري بعقلك

وبرضوه الاستخارة مهمه


صليت استخاره 3 مرات بس ما حسيت بشي لا رفض ولا قبول احس عااادي اخذه ولا ما اخذه !!!
أنقر للتوسيع...


هذا أكثر خطأ ملاحظة في صلاة الاستخارة عند البنات !

إستخارتك مو لزم تكون نتيجتها اما احساس رائع وقبول ..او الضد.. نفور ورفض

ولا حلم ولا غيره

نتيجة الاستخارة هو اللي يحصل واللي ترسين علية

بمعنى اللي يصير لك (سواء قبلتي او رفضتي ) هو نتيجة استخارتك

بضرب لك مثال بسيط

<< مقتبس من موضوع عضوه في القسم العام لكن عجزت القى الموضوع عشان احط رابطته >>

شخص نوى يشترى سيارة وراح المعرض وسعرها وعرف عنها كل شي

ورح يستخير ويستخير بس ما حس بأي شي مثلك لا قبول ولا رفض للشراء

فقرر يشتريها ولما رجع للمعرض لقى السيارة انباعت وانتهى الامر !

وبعد كم شهر لقى سيارة افضل منها وبأقل سعر وانسب واشترها وحمد ربه انه ما اشترى الاولى

هنا هي الفائده من الاستخارة انك تطلب من ربك عالم الغيب ييسر لك الانسب



سواء قبول هذا الشخص او رفضه


( اللَّهُمَّ إنِّي أَسْتَخِيرُكَ بِعِلْمِكَ , وَأَسْتَقْدِرُكَ بِقُدْرَتِكَ , وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ , وَتَعْلَمُ وَلا أَعْلَمُ , وَأَنْتَ عَلامُ الْغُيُوبِ , اللَّهُمَّ إنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) خَيْرٌ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ , اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) شَرٌّ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ ارْضِنِي بِهِ . وَيُسَمِّي حَاجَتَهُ ) وَفِي رواية ( ثُمَّ رَضِّنِي بِهِ) رَوَاهُ الْبُخَارِيُّ (1166)
 
اقولك راي وافقي اذ كان خلق ودين وهو يبيك انا بعمرك والله اني نادمه على اللي رفضتهم بس الحمدلله على كل حال واستخيري واكثري من الدعاء
الله يوفقك ويسرلك امورك يارب 0000وبشرينا ياعسل
 
السموحه ما انتبهت للقوانين >_<

تاريخ الميلاد ؟ 1981
مكان الميلاد ؟ عُمان
الحاله " مخطوبه – مطلقه – عازبه " ؟ عازبه
الدرجه العلميه ؟ دبلوم

درجة الإلتزام بالدين ؟ جيده الحمد لله احسن من قبل
هل انتي مداومه على الصلاة في وقتها ؟ مداومه بس النوم يطوف علينا الفجر "الله يهديني"
المستوى المادي للأسره ؟ جيد
الترتيب بين افراد الأسره ؟ الخامسه
عدد الأخوه والأخوات ؟ 3 اخوه _ 6 وانا ال7 بنات
علاقة الوالدين ببعضهم ؟ جيده
علاقة صاحبة المشكله ببقية الأسره ؟ لا بأس بها
هل يوجد زوج ام و زوجة اب ؟ لا
علاقتك مع زملاء المدرسه / العمل ؟ جيده

هل تعاني من امراض عضويه او نفسيه ؟ عضويه لأ / نفسيه الضيق و الهموم
الحاله النفسيـه حاليا ً عند كتابة الإستشاره ؟ جيده

مدة المشكله منذ بدايتها حتى الآن ؟ الخطبه من اسبوع ومشكلتي في الرابط من حوالي 3 سنوات
 نقاط ضعفك ؟ التردد
نقاط قــوتك ؟ شخصية يعتمد عليها / الصبر وتخطي الأزمات
 
××تـويـتـي×× قال:
اختي صمت اذا كان(( انسان ذا خلق ودين)) وانسان يحبك وشاريك توكلي على رب العزه والجلال ووافقي يعني انتي بتكوني ادرى منا فيه اكيد اهلك يعرفونه ويعرفوا اخلاقه,,,وبالنسبه لصلاة الستخاره ومابعدها من احساس شي طبيعي انك بتحسي انه شي عادي تحسي لا اللي انتي موافقه ولا اللي انتي مو موافقه... ربي يوفقك ويسر امورك
أنقر للتوسيع...


هلا أختي .. انا نسيت ما اخبركم عن ابن عمي
اكبر مني بـ3سنوات ،، طيب حيييل ،، بس ما يشتغل للحين
يعتمد ع نفسه في كل شي وشخص في حاله ما عنده مشاكل يعني كافي خيره وشره ..
النقطه السلبية رغم اني ما اخالطه ولا اشوفه بس ادري انه مب اجتماعي وهالشي
مو من الخجل وهو جريء بس كذا من نفسه ما يهتم بهالأمور يبي له دفشه لجل يطلع ويخالط الأهل .

فديتك تسلمين ع المرور ..
 
يابعدها سماي قال:
وأنت لية محتارة وخايفه ..؟!!

المتقدم فيه عيوب كبيرة تستحق ها الحيرة !

انت ما ذكرتي لا ايجابياته ولا سلبياته
اسفه خيتوو الحين ذكرت ايجابياته وسلبياته في الرد الأول

يمكن يكون هو الأفضل لك وخاصاً انه قريبك يعني اهلك يعرفون كل شي عنه

وانا من الرابط اللي حاطته فهمت انك مقبلة على الثلاثين ! > هذا اللي مخوفني >_<

ما اقولك اقبلي المتقدم وخلاص لا طبعاً تمهلي لكن بعقل لا بخوف

ما رح تلاقين لك ملاك او شخص كامل ولا تلاقين لك شخص مفصل على ماتبين

لكل شخص عيوب ومزايا

فصلي عيوب المتقدم ومزايا وقارني وفكري بعقلك
فصلت بس المشكله مب محصله تشجيع من اي شخص بالبيت !!!
انا محتاجه تشجيع لأني ما احبه وقبولي له درجته متوسطه وكنت حابه حد يشجعني
بس الكل ساااااكت ولا فكروا اني داشه 29 سنه !!!!! عاااادي ما همهم !!
اختي الكبيره تقول لا تاخذينه لأنه ما يشتغل ..
والثانيه تقول ما تعجبني شخصيته ... وهما متزوجاتوعايشات حياتهم
وانا احترق من البيت للشغل وكل من حولي عرسوا ، !!!!!!
وبرضوه الاستخارة مهمه





هذا أكثر خطأ ملاحظة في صلاة الاستخارة عند البنات !

إستخارتك مو لزم تكون نتيجتها اما احساس رائع وقبول ..او الضد.. نفور ورفض

ولا حلم ولا غيره

نتيجة الاستخارة هو اللي يحصل واللي ترسين علية

بمعنى اللي يصير لك (سواء قبلتي او رفضتي ) هو نتيجة استخارتك

بضرب لك مثال بسيط

<< مقتبس من موضوع عضوه في القسم العام لكن عجزت القى الموضوع عشان احط رابطته >>

شخص نوى يشترى سيارة وراح المعرض وسعرها وعرف عنها كل شي

ورح يستخير ويستخير بس ما حس بأي شي مثلك لا قبول ولا رفض للشراء

فقرر يشتريها ولما رجع للمعرض لقى السيارة انباعت وانتهى الامر !

وبعد كم شهر لقى سيارة افضل منها وبأقل سعر وانسب واشترها وحمد ربه انه ما اشترى الاولى

هنا هي الفائده من الاستخارة انك تطلب من ربك عالم الغيب ييسر لك الانسب



سواء قبول هذا الشخص او رفضه


( اللَّهُمَّ إنِّي أَسْتَخِيرُكَ بِعِلْمِكَ , وَأَسْتَقْدِرُكَ بِقُدْرَتِكَ , وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ , وَتَعْلَمُ وَلا أَعْلَمُ , وَأَنْتَ عَلامُ الْغُيُوبِ , اللَّهُمَّ إنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) خَيْرٌ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ , اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) شَرٌّ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ ارْضِنِي بِهِ . وَيُسَمِّي حَاجَتَهُ ) وَفِي رواية ( ثُمَّ رَضِّنِي بِهِ) رَوَاهُ الْبُخَارِيُّ (1166)
أنقر للتوسيع...


الف شكر لك وانا ناويه ادعي ربي هـ اليومين وان شاء الله برسى ع قرار
ويا رب يوفقني ... فديتكم دعواتكمـ ,, ترى التردد ذااااااااااابحني والخوف قاتلني
مدري ليييييييييييييه بس يمكن لأن اهلي هاملين الموضوع ولا حد فكر يسألني بس اذا تكلموا
ما يحسسوني بأي تشجيع ... في نفس الوقت ما يرفضوون بشكل قاطع يبوها يمكن تجي مني
يا اوافق او ارفض لجل اكون انا المسؤوله عن هـ القرار ...
حتى ابوي قبل شهور ابن عمي خطب اختي وهي الصغيييييره وافق حتى قالي شجعي اختك توااافق ،،
بس هـ المره ع ابن عمي اللي يبينا انا سكت وقالي اذا ما تبيه اعتذري وخلاص !!!!

آآآه مدري ليه انا حياتي كل شي فيها مقلوووووووب !!! يا الله توفقني ....
 
حلمي المنتظر قال:
اقولك راي وافقي اذ كان خلق ودين وهو يبيك انا بعمرك والله اني نادمه على اللي رفضتهم بس الحمدلله على كل حال واستخيري واكثري من الدعاء
الله يوفقك ويسرلك امورك يارب 0000وبشرينا ياعسل
أنقر للتوسيع...


يا رب ييسر ويكتب لنا اللي فيه الخير .. آميــــــن ..

الله يرزقك ويرزقني ويرزق كل البنات الأزواج الصالحين يااااااااااا رب

فديتك والله ،،
 
السلام عليكم ،

التردد شي طبيعي .. بَس انتي حاوي تركزين بالأشياء الزينة فيه لو وافقتي مو السلبيات
وإذا وكلتي أمرك لربك أن شاء الله مافيه ندم ، وبتحبيه مع الوقت صَدقيني

بالنسبة للشغل إذا هو شاد حيله ويدور شغل ان شاء الله بيلاقي ..
وبالنسبة لشخصيته اللي تقول اختك مو عاجبتها .. يمكن انتو للحين ماعرفتوه زين
وْ أسألي أبوك إذا يهمك رايه ،

وبفترة الخطوبة راح يبان كل شي ..

وإذا الله كتب و وافقتي يمكن هالشي يكون هو اللي يغير روتين حياتِك ،
ولا تنسين أنتي صاحبة القرار بالأخير


مووّوفقة ياارب
​
 
عليكم السلام

تسلمين يالغلا وكلامك صحيح التردد شي طبيعي
خاصة لما يكون شخص مو حاطته في بالك وتتفاجئي انه خطبك !
انا لسه ما رديت وهو ما عنده مانع اني اطول واخذ وقني بالتفكير
وقال هذي حياتك وما ابي موافقتك الا برضاكِ

الله يقدم اللي فيه الخير >_<
 
السلام عليكم يا أختي وبنت داري..

حسيت من كلامك في الرابط اللي نزلتيه أنك يائسه ومحبطة وبعد ما قرأتي وكثفتي إهتمام بالطاعة تقدم ولد عمك .. وانه يحبك من زمان ..

طيب أخلاقه كيف؟؟؟ واللي فهمته أنه ما يشتغل صح ؟ يعني هل يقدر يوفر لك اللي تحتاجيه؟!!

أبي منك شي واحد .. تجلسي جلسة صراحة مع نفسك وشوفي نفسك وانفضي عنك الماضي بكل تفاصيله وخلي كل تفكيرك في هالموضوع مبدئيا ..

جيبي ورقة وقلم شوفي مميزاته وشوفي سلبياته أنا اشوف السلبيه الوحيدة اللي بتكتبيها أن ما يشتغل ومن حقك طبعا ..

لكن أبيك كل وقت ما حصلتي وقت فاضي تصلي ركعتي الحاجه .. وتدعي الله بتضرع قد يكون ترك الاخر لك خير فلا تعلمي الغيب غاليتي.
 
عليكم السلام الغاليه

ايه والله يائسة ومتضايقه وابلع غصتي ولا اقدر افضفض

تعبت من كل شي ، حيويتي راحت وجمالي ذبل ، بشرعه باهته وشحوب

وعدم اهتمام بنفسي بسبب الوحده والفراغ . اشتغل وارد البيت وراسي مصدع من التفكير

والهموم ، واللي كنت احسبه بيكون سند خلاص اختفى ..... وظهر ابن عمي ما ادري كثير عن سلبياته

بس وظيفه ما عنده وقالي انه ما راح يقصر معاي بأي شي وانه شاريني من زماااااان ,

جاعده افكر اوافق لأني خلاص ما فيني اتحمل بس التردد ذابحني .....

ناويه استخير مره وعشر عل وعسى ربي يسخر لي اللي فيه الخير .....


فديتك وربي لا يحرمني تواصلك .....
 
ما شاء الله 28 سنة .. العمر كلة .. لا تستعجلي في اتخاذ القرار..
الله يكتب لك اللي فيه الخير..
..
..
 
كلووووووووووووووووووش لولولولولولوي ..

وافقي وادعي الله بكل دقيقه ان الله ييسر امرك .. دعواتي لك يابنت عُمان ( بلاد الغالين ) ..
 
شكراً أخواتي اللي مروا ع مشكلتي
موضوع الخطبه ما تمـ مافي نصيب

دعواتكمـ لي يرزقني الله الزوج الصالح ويستر علي وعلى جميع بنات المسلمين >_<
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل