مرحبآ !

من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك

آشتركي معنا الآن !

$. عيش لحم شبت لوبيا .$

إنضم
3 يناير 2009
المشاركات
603
بسم الله الرحمن الرحيم

والسلاااام عليكم ورحمة الله وبركاته،

طبق لذيذ، وأصوله إيرانية،

يتميز باللون الحلو والريحة الخنينة، سويته باللحم ولكم حرية الإختيار بالدياي أو اللحم، وناس تسوي كفتة لحم مقلية وياه،:22:


عيش لحم شبت لوبيا





المقادير:

نص كيلو لحم مقطع مكعبات صغيرة بدون شحم أو عظم
صرة كاملة كبيرة سبت (حشيش)
كوب لوبيا مسلوقة ولينة
شرائح بصل
فصين ثوم مفرومين فرم ناعم
بهاراتج المحببة
عود دارسين وهيل ومسمار


الطريقة:

- تحمصين البصل والثوم في كمية بسيطة من الزيت،

- وبعدين تضيفين اللحم وتخلطينه معاه، وضيفي بهاراتج عني ضفت (ملعقة صغيرة بهارات مشكلة + ملعقة شاي سنوت + نص ملعقة شاي جوزة الطيب + نص ملعقة شاي فلفل أسود) وحطي عود الدارسين وحبات الهيل والمسمار، وخلي ماي في القدر وهديه يغلي لين ما يصير اللحم لين (اللي عندها قدر البخار بيطلع عليها أسرع وأسهل

- عقب ما يصير اللحم لين ويروح مايه تقريباً، شيليه كامل مع البصل والدارسين والهيل والمسمار إذا حبيتي،

- على صوب غسلي العيش وخليه في كمية بسيطة من الماي وكأنج بتسوين المجبوس وحطي السبنت المفروم واللوبا المسلوقة والملح والزيت وما ننسى اللحم اللي شلناه مساعة، يعني ما نبي نشغل العيش بعدين، خفضي الحرارة عليها حدها، لين ما تستوي،

- إقلي معاه البطاطس،
(البطاطس لما قصصتها بهرتها بدقوس وملح وبعدين قليتها)


ولا تنسين الدقوووس الحار مع هالطبق،




وعليكم بالعاااااااااااااااااافية :32:
 

سماهر88

New member
إنضم
25 نوفمبر 2009
المشاركات
4,665
ماشاءالله تبارك الله مميزه يالغلا
روووعه وتسلم الأيادي
 

غلا روحي99

New member
إنضم
27 نوفمبر 2008
المشاركات
7,862
لكِ أكاليل من الورد الفواح
يعطيك العافيه على هالطرح
تسلمي حبيبتي لمجهودك القيم دوما
وبانتظار جديدك المميز
لك ارق التحايا واعذبها
وكل الود والورد لقلبك
 

cuteSusu

New member
إنضم
20 أكتوبر 2009
المشاركات
441

ممممممممممم
مرة شهي جدا
تسلم الايادي
الله يعطيكي العافية
ومشكورة على الطرح
 
أعلى