عنيد وانا اعند !!!!!!!!!!!!!!!!!

[ام مأوية]

:icon26::icon26:صباح الخير ياحلوات ....


تصدقن ما نايمة الى الى الحين لاني متهاوشة مع ريلي؟؟؟ :tears:

انا صارلي سنة متزوجة وظروف عمل زوجي تخلينا قليل مانتلاجى ونشتاق لبعض وايد ونزعل من بعض اكثر من وايد....:sad_1:

حاسه ان ابدا مانتفاهم هو راية ف صوب وانا رايي ف صوب ولا بعد كل واحد يبي يثبت كلمته :busted_red:

والله تعبت حيل من كثر ماودي اغير هالنقطة المدمرة الي فينا ....
وكل مرة نتواعد ان نهتم برأي بعض و ساعة ونرد نتهاوش وكل واحد يسير ف صوب :icon1366:

شيرن علي بحل يابلقيسيات :questionmark:


وصح نسيت اخبركن ليش متهاوشين....

انا طالبة ف الجامعة وهالاسبوع عندي اختبار وانا ف امس الحاجة لزوجي يشجعني ويحفزني وهو طبعا ملتهي مع اهله وحواطة وماسأل عني :tears:

انتن عارفات ايش الي ممكن يصير

ع فكرة مب اول مرة نتهاوش ف النقطة!!!!!!!!!!!!:icon1366:



شو رايكن؟؟؟؟؟؟؟؟؟؟؟؟؟

​

 

[عنقود عنب]

الله يهديك يا بنتي

تبغينه يشجعك و يدعمك عشان تنجحين؟؟؟

ليش ؟؟؟

واللي مو متزوجة ...مين يدعمها ويشجعها؟؟؟

عزيزتي ...النجاح لك انت مو لزوجك

كبري عقلك ...انت ام و زوجه

هذه تصرفات غير ناضجة ابدا ابدا

الحياة الزوجية مو حرب ..كل واحد يستعرض و يفرد عضلاته وآراءة

الحياة الزوجية مثل السفية ...اللي يجب ان يكون بها ربان واحد ...لان اللي يصير فيها ربانين ...تغرف

وانت اذا ما تنتبهين لهذه السالفة ..سفينتك راح تغرق

كبري عقلك ...اجل شلون انت ام وجامعية ..وهذا تفكيرك ؟؟؟

انت اكبر من كذا عزيزتي

وتصرفي على هذا الاساس

 

[رجاي الله]

اذا بتحترينه يدعمك ويشجعك عز الله مانجحتي لاتحترين من الرجال شي بكرا تعودين ترا مارح ينفعك الا نفسك

 

[اولادي كل حياتي]

السلام عليكم
انا مع كلام الاخت عنقود عنب
كبري عقلك الله يهديكي والحياة الزوجية مش حرب وعناد انتي لازم تغيري فكرتك هذه والا بتخسري زوجك اقراي في مواضيع المنتدى وراح تتعلمي كثير وتتغيري ان شالله

 

[كفايه تغلي]

الله يهديج هوه موب ملزوم يشجعج احمدي ربج انه مخلنج تكملين انا زوجي حزمني من الدراسه بحجه البيت والعيال معني كنت من المتفوقات تعوذي من الشيطان ولاتزعلين ريلج عشان شي تافه

 

[مشاعر هادئه]

ياحبيتي اذاهو على التشجيع هذا احر سشي فكري فيه الاماندر ونجحك لك ياعمري واهم شي انك تعرفين نمط شخصيته لانه راح يطيح عنك نصف الحمل بالتوفيق وانا راح اشجعك ولك مني:clap:
عسى الله يحقق لك اللي تبين

 

[وهم79]

اولا اختي شكل زوجك شمالي لانه ما يحتم بهذي الامور وانتي جنوبيه تحبي احد يهتم فيك ويراعيك(اقرائي الانماط وانتي تعرفي شلون تتعاملي مع زوجك وتخف المشاكل الي بينكم
ثانيا لو هو عنيد انتي بعد تسيري عنيده تبي تخربي بيتك بتصرفاتك هذي الحرمه لو زوجها عنيد هي تكون سياسيه
موب اسوي زعله عشان ما ساعدني وشجعني في اختباراتي وش تبي فيه الاختبارت لك انتي موب له هو وثانيا ما تطلبين منه بالعكس انتي تقربي منه يعني عندك اختبار صعب موب تقولي له انا عندي اختباراهتم فيني لا
تعالي بعد ما تدرسين اجاسي جنبه ونامي بحظنه قولي له تعبت من الدراسه هو يبي يطبطب عليك ويشد عليك بحظنه وهذا هو تصرف الشمالين ما يعرفوا يعبروا عن مشاعرهم لكن ان تقربتي لهم اعطوك حب وحنان ودلال

اختي فكري زين الحياة تبيلها مسايسه ولين ولا تعاندي تقدري بالحيل والذكاء تحولي عناده الي موافقه لكن بالين وتذكري الرجال مثل الطفال لو اخذتي اللعبه من يد الطفل بقوه يبي يزعل ويعاند لكن لو بدلع وسياسه قلت حبيبي عطني اللعبه يبي يعطيها لك وكذا الرجال لا تخربي بيتك بيدك وستفيدي من المنتدى

 

[UMmonah]

اختي صلي خففي من الغضب اللي تشعرين به ,,,,وادعي الله انه يهديكم ويسخركم لبعض
واذا غضب لا تناقشينه لأنك الندمانه ,,,واختاري الوقت المناسب للحوار
الله يعينكم