عندي مشكلـــه واطلب منكم العون

عذبتني دنيتي

عذبتني دنيتي

New member
إنضم
2008/03/02
المشاركات
32
مرحبا

كيفكم ؟


بصراحه انا مره معجبه بالمنتدى لانه يساعد اي حاوء صغيره او كبيره بنت او متزوجه
وبدون مقدمات هذا اول موضوع لي وهذا لاني محتاجه لارائكم وافكاركم


انا تعرفت على واحد من سنه تقريبا حبينا بعض من سبع شهور
ويعلم ربي وش كثر حبينا بعض لدرجه مااحد يتخيلها
لدرجة انه احيانا يتصل فيني الفجر يكون صحى من نومه او صاحي عشان يصلي يتصل وهو يبكي يقول ليش انتي ممو عندي الحين ليش مااقدر اشوفك احضنك وهو يبكي
واي شي ممكن يبيكه اذا كان له علاقه بحبنا

صار له فتره يلمح لي انه يبي يتزوجني ومن شهر تقريبا قال لي انه قرر يتزوجني وانه كلم ولد خالته بالموضوع وايده على اللي بيسويه وقال له انه كذا يصلح غلطته معي وانه تعرف علي عن طريق التلفون
بس فيه اكثر من مشكله واتمنى مساعدتكم انا عارفه بتقولون غلط ولا تتزوجينه بس وربي ماحد عارفه كثري ياناس فيه طيبة قلب ماشفتها بالدنيا هذي والوقت هذا

اول مشكله
اني باول سنه بالجامعه وباقي 3 سنوات وهو يقول انا ابي زواجنا بعد سنه يعني يكون باقي لي سنتين على الجامعه لانه مايقدر يصبر وهو ماقال الا الحقيقه لاننا لو صبرنا 3 سنين واخر شي رفضوا اهلي راح نتعب كثيييييييييير عشان كذا هو مستعجل بالزواج او على الاقل انه يعرف اهلي موفقين او لا مع اني متاكده ان مافيه شي ينعاب بس الرفض من طرف اهلي بيكون للاسباب اللي بقولها الحين ...

ثاني مشكله
انه يبي يسكني مع اهله ببيت واحد بس ان الدور الثاني كله لي انا مااحد فيه غيري بس انا خايفه من اهلي لان اول شرط عندهم اني اكون ببيت مستقل وانا ابي اقنعهم انه شي عادي خاصة اني عرفت عن اهله واطباعهم وحبيتهم بس مو عارفه شلون

ثالث مشكله
انه مو عارف شلون يقول لاهله عني لانه قال لي انا بعرفك على اختي بس انا رفضت لاني مابي اهله يعرفوني بالطريقه هذي مو حلوه بحقي والحين مو قادرين نلقى حل عشان يقدر يفاتح اهله بالموضوع ويقول لهم عني وانا ابي منكم افكار ممكن تساعدنا بحل المشكله هاذي


وبليز محتاجه ردودكم باسرع وقت ابي ارتاح من اللي انا فيه



ومشكورين مقدما ..
وآسفه على الاطاله ......
 
إذا جاد في الموضوع يقول لا هله إن واحد من زملائه يمدح في اهلك ويطلب منهم ان يخطبوك له بغض النظرعن النظرة العامة لمثل هذه العلاقات وما قد ينتج عنها من مشاكل ،وطمنينا عليك
 
مشكوره حبيبتي وربي اني فرحت لما شفت احد رد علي


ان شاء بشوف رايك اذا يصلح يسويه راح يسويه
من جد مشكوره والله يوفقك حبيبتي

وادعي لي ان ربي يسهل علينا ويجمع بينا على خير
 
الغاليه خليــه يكلم اهله ويقوول ان البيت الفلااني يمدحوون بنتهم ..اخلااق وادب وتدرس وبااقي لهااا كم سنه وتتخرج ..

واناا بغيتهاا من كثر ماا النااس يمدحون فيهاا وابى اخطبهاا قبل لاا احد ياااخذهاا مني

حبوبه خليه يلحق عليج ترااا ان فاات الفوت مااينفع الصوت

انااا حبيت وكملت خمس اسنين معااه وكل ماا اقوله تعاال وخلنى نبدأ حيااه جديده يقول بكون نفسي
بس في نفسه يقول محد بيي يخطبني بس من كملت معاااه كم سنه ولاا ربي يبىه يخليه عبره لمن يعتبر

اجااني وااحد من اهلي وخطبني بس هو من سمع اني اناا خلااص بروح عنه قاال بيي اخطبج

بس شو قلتلهااا قلت لهاا لي فاات الفوت مااينفع الصوت والله تم ندماان انه مااياا يخطبني لين هاللحضه

والله ماا اكذب عليج من كثر ماايحبني وده يموت ولاا يشوفني مع حد ثااني

بس الله كريم واللحين بتزوج من وااحد من العاايله بس الحمدلله على كل شي

حبوبه اذاا عجبج اقترااحي سويه عى طوول واذاا لاا فكري لاا تخلين الزمن يكوون ضدج

خليج انتي على الزمن وفكري بشي يطلعج من المشكله ويستوي اللي في باالج

وربي يوفقج دنياا واخره
 
يا حبيبة قلبي..ترا ما في أحلا من الحلال..

وداام الولد شاريج..خلااااص خله يتوكل ع ربه..وايي يخطب..عشان ربج يبارك لكم في حياتكم..ويبعدكم عن الحرام..

وترا الزواج ما يلهي عن الدراسة..الوحدة اللي تبي الشي..تسويه..وانتي قدها وقدود..

أختي..مثل ما تفضلوا الخوات اللي قبلي..خله يقول حق هله..إن يمدحون في بيتكم وأخلاقكم ومن هذا الكلام..

والريال لين بغا الشي..ما يوقفه حد..ولا توقفه الأعذار..ولا يتردد..

اذا من جد شاريج..خله يكلم هله..ويفهمهم..ويصر عليج انتي بالذات..

أما يالغاليه اذا قام يطلع لج أعذار ..ويسوي لج سوالف..فالأحسن لج تركه..والمضي في حياتج!

استخيري يالغاليه..ودووم ادعي ان ربج اذا في هذا الشخص خير لج..يسر لج الموضوع ويوفقج..

واذا ما فيه خير لج..يصرفج عنه ..

غاليتي..فكري بعقلج..وحاولي تحسبينها من جميع النواحي..ادرسي أخلاقه..وسلوكه..وحالته الإجتماعيه ..واعرفي
عن هله وعن حياته..وغيرها من الأمور المهمة..

نعم الحب شيء جميل..لكن الحب لوحده..ما يبني بيت قوي ومتين..

الحب مكمل رااائع لباقي العوامل الأساسية..فكري يالغاليه..وحاولي تقررين صح..لن هذا زواج..وعشرة..وفوق هذا هذي مشاعرج وهذي روحج!

وحطي في بالج إنه اذا كان من نصيبج بياخذج ..وبتكونين له..

ربي يوفقج..ويريح بالج..ونسمع عنج اخبار سعيدة قريب..
 
شيخة المناصير
حبيبتي مشكوره واقتراحك رائع بس خوفتيني
بعدين انا مابي ارمي نفسي عليه وكأني ماصدقت انه بيزوجني مهما كنت متاكده اني يبيني
يعني صعبه اني اقوله تعال بسرعه والا اجلس كل فتره اساله وش صار على موضوعنا
اذا عندك طريقه عشان اخليه هو يتكلم بالموضوع من نفسه ياليت تفيديني
وربي يعطيك الصحه والعافيه والله يوفقك بحياتك
 
حبيبتي دومي عاليه
مشكوره على ردك وكلامك اللي اعتبره اهم مساعده لي لانك نبهتيني على اشياء كثيره بس غلاتي انا اعرف زين وحالته الاجتماعيه والماديه واهله واخلاقه وسلوكه وكل شي اعرفه عنه والا لو كنت شاكه فيه او انه مايصلح يكون زوج لي او لغيري صدقيني ما وافقت بغض النظر عن حبي له بس انه انسان نادر بالزمن هذا مو بالسهوله نلاقي الشخصيه هاذي

والف شكر وربي يهنيك في حياتك ومع كل اللي تحبينهم
 
حيااتي قوليله اهلي يتكلمون عن وااااحد يبي يخطبني

قوليله اهلي يقولون بس كلااام مااصاار شي لين اللحين وعلى طوول انتي غيري السالفه

بتشوفين بعدين كيف بيتصرف
 
مشكوره غلاتي
وفكره حلوه ماكانت في بالي مشكووووووووووووووووووره
ربي يعافيك
 
اخيتي الغاليه ....... وفقك الله ويسر امرك ورزقك الله الزوج الصالح فأود ان اهمس في اذنك همسه وهي ان تتقي الله والشي اذا بني على الحرام لايستمر لان فيه معصيه الله فأذا تزوجتي هذا الشاب سيكون دائما يشك فيك وانك تكلمين شاب اخر مثل ماكنتي تكلمينه وتكون حياتك في جحيم ولا يغرك كلامه فهولاء هم الشباب يوهمون الفتاة حتى تقع في شباك الحب ثم ينال منها مايريد ويذهب ويتركها فارجو انك فهمتي كلامي ومقصدي ووالله انك بحسبت اختي وما هكذا تورد الابل واخيرا اخيتي اتقي الله في مكالماتك فهذا حرام ولايجوز لك محادثة الرجل الاجنبي وخوفي من يوم تتقلب فيه الابصار وتذكري بان الله سوف يحاسبك على كل عمل عملتيه وكل كلمه تلفظتي فيها ووفقك الله ويسر امرك
محبتك ...................................الامل
 
الامل حبيبتي
انا عارفه اني غلطانه وهو عارف والعيب ان الواحد يعرف انه غلطان ويسكت بس الصح اننا اعترفنا بغلطتنا وبنصلحها بالحلال بدل ماكانت على الحرام ومو كل الشباب يلعبون ولا عندهم هدف

ومشكوره على نصيحتك
 
حبيبتي عذبتني دنيتي
والله شكلك دخلتي نفسك في دوامه (دوامة الحب) الله يعينك
على العموم نصيحه نصيحه لا تنتضريه اكثر من اسبوع او اسبوعين وبعدين بلغيه انك ماراح تكلمينه في التلفون لان هذا الشي غلط وانتي ماعمرك سوتيه بحياتك (لازم تكسبي ثقته)اذا كان صادق راح تكبرين في نضره واذا كان لعاب راح يمل ويوقف لعب حبيبتي احنا البنات صاااااادقين في مشاعرنا لكن الاولاد !!! والله ماانسى اخوي كان يبكي على السماعه (يكلم وحده)وهو ماهو صادق(يعني لعاب)لن تتاكدي من صدقه الا بالزواج ومدة سنه كثيره مره لاتفكرين فيها ابدا لانها بتكون على حساب صحتك ونفسيتك راح اقولك مواقف مع بنات وحده اختي و حده صديقتي
وفكري فيها عدل ولاتقولي هم غير الرجل يبقى رجل
اختي..ارسل لها جارنا الجديد رسايل حب وهيام (كلهم كانو اولى جامعه)ويقولها انا صادق وراح اتقدم وحبي لك ولعيلتك مايوصف وكلمها بالتلفون وماردت عليه وقلها بس اسمعيني ولاتتكلمين قرر موعد الخطبه بعد اسبوع لين يفاتح اهله واسبوع ورا اسبوع والوقت راح وانا ورا اختي اقلها نصيحه لاتكلمينه علشان تعرفين هو صادق او لا .وهو يتصل واختي ماترد لانها فهمته انه هذا الشي حرام وانا ما راح اخون ثقة اهلي فيني بس رسلتله انا ارتحت لك وراح اديك فرصة انتضار واهم شي تتم الخطبه والله طنشته وهي قلبها يغلي المسكينه حبته موووووت والله كانت تبك بس تقول الي مايجي بالحلال ما ابغاه وخمسه شهور كنها سنين وتقدمو اهله وخطبوها. بس تدرين بعد الخطبه ايش قال لها والله تبين الصراحه في البدايه كنت اكذب عليك وابغى اتسلى (والله كانت صدمه لها دموعها وحرقتها وحبها الصادق كان بيروح وطي)يقول بس لما رفضتي تكلميني وشفتك محترمه كبرتي في نضري قلت ليش مااخلي الموضوع حقيقي(ومن يتقي الله يجعل له مخرجا)
(ومن يتقي الله يجعل له مخرجا ويرزقه من حيث لا يحتسب)
والحمد لله اختي متزوجه ومستانسه مع زوجها الي كان راح يورطها لكن جات سليمه والحمد لله علشان كذا انتبهي
...وصديقتي عاشت قصة حب دامت اربع سنوات وبعد الزواج وعندما دخلت الى بيت الزوجيه لم تجد تيلفون في البيت!!!!
بكل بساطه قلها معليش كيف اثق فيك وانتي كنت تخوني ثقة ابوك(يعني في النهايه الرجال تفكيره تفكير ارجال وماراح ينسى)
الرومنسيه تعمي عينه فتره لكن وقت الجد بيفكر جد
اااااسفه حبيبتي على اني طولت لكن لاتخلي الحب يعمي عينك وعطيه مهله لكن من غير مكالمات .هذا بعد ماتوضحي له الاسباب والله راح تكبري في نضره اذا .......كان صادق
 
جوليا قال:
حبيبتي عذبتني دنيتي
والله شكلك دخلتي نفسك في دوامه (دوامة الحب) الله يعينك
على العموم نصيحه نصيحه لا تنتضريه اكثر من اسبوع او اسبوعين وبعدين بلغيه انك ماراح تكلمينه في التلفون لان هذا الشي غلط وانتي ماعمرك سوتيه بحياتك (لازم تكسبي ثقته)اذا كان صادق راح تكبرين في نضره واذا كان لعاب راح يمل ويوقف لعب حبيبتي احنا البنات صاااااادقين في مشاعرنا لكن الاولاد !!! والله ماانسى اخوي كان يبكي على السماعه (يكلم وحده)وهو ماهو صادق(يعني لعاب)لن تتاكدي من صدقه الا بالزواج ومدة سنه كثيره مره لاتفكرين فيها ابدا لانها بتكون على حساب صحتك ونفسيتك راح اقولك مواقف مع بنات وحده اختي و حده صديقتي
وفكري فيها عدل ولاتقولي هم غير الرجل يبقى رجل
اختي..ارسل لها جارنا الجديد رسايل حب وهيام (كلهم كانو اولى جامعه)ويقولها انا صادق وراح اتقدم وحبي لك ولعيلتك مايوصف وكلمها بالتلفون وماردت عليه وقلها بس اسمعيني ولاتتكلمين قرر موعد الخطبه بعد اسبوع لين يفاتح اهله واسبوع ورا اسبوع والوقت راح وانا ورا اختي اقلها نصيحه لاتكلمينه علشان تعرفين هو صادق او لا .وهو يتصل واختي ماترد لانها فهمته انه هذا الشي حرام وانا ما راح اخون ثقة اهلي فيني بس رسلتله انا ارتحت لك وراح اديك فرصة انتضار واهم شي تتم الخطبه والله طنشته وهي قلبها يغلي المسكينه حبته موووووت والله كانت تبك بس تقول الي مايجي بالحلال ما ابغاه وخمسه شهور كنها سنين وتقدمو اهله وخطبوها. بس تدرين بعد الخطبه ايش قال لها والله تبين الصراحه في البدايه كنت اكذب عليك وابغى اتسلى (والله كانت صدمه لها دموعها وحرقتها وحبها الصادق كان بيروح وطي)يقول بس لما رفضتي تكلميني وشفتك محترمه كبرتي في نضري قلت ليش مااخلي الموضوع حقيقي(ومن يتقي الله يجعل له مخرجا)
(ومن يتقي الله يجعل له مخرجا ويرزقه من حيث لا يحتسب)
والحمد لله اختي متزوجه ومستانسه مع زوجها الي كان راح يورطها لكن جات سليمه والحمد لله علشان كذا انتبهي
...وصديقتي عاشت قصة حب دامت اربع سنوات وبعد الزواج وعندما دخلت الى بيت الزوجيه لم تجد تيلفون في البيت!!!!
بكل بساطه قلها معليش كيف اثق فيك وانتي كنت تخوني ثقة ابوك(يعني في النهايه الرجال تفكيره تفكير ارجال وماراح ينسى)
الرومنسيه تعمي عينه فتره لكن وقت الجد بيفكر جد
اااااسفه حبيبتي على اني طولت لكن لاتخلي الحب يعمي عينك وعطيه مهله لكن من غير مكالمات .هذا بعد ماتوضحي له الاسباب والله راح تكبري في نضره اذا .......كان صادق
أنقر للتوسيع...
بارك الله فيك ياغالية
اجابة شافية
راح نكون معاها ونتاااااااااابع
 
ماشاءالله البنات ماقصروو حبيبتي..
بس انتي شدي حيلج وقوليله..
ويارب يكون من نصيبج يالغلا...
 
جوليا حبيبتي خلاص هو بس ينظر اني ارسل له رقم البيت عشان يخلي امه تتصل وتخطبني
بس مررررررررره خايفه وبعدين انا لو ماكلمته اكيد راح اراسله يعني هي نفسها لاني لابد اننا نتواصل عشان نعرف وش راح يصير
واتمنى انك قريتي الموضوع اللي نزلته كانت فيه احداث جديده

وربي يعطيك الصحه والعافيه
 
نبض القلب ياقلبي وربي وقفتكم معي ومتابعتكم لي ماراح انساها طول عمري

الف الف شكر لك
 
وانتي بعد قلبي حبيبي مشكوره على وقفتك لي ودعواتك يالغلا

ثااااااااااااااااانكس
 
حبيبتي مازلنا نتابع اخبارك ولن نتركك ولو بالدعاء
لكن لا تقطعي واصلي وكلنا معك
يسر الله لك امرك وفرج لك همك
وكتب ما فيه الخير لك
 
فـــــــــــــــــــــــديتج ياجوليا وينج عني من زمااااااااااااااااااااااان اه ياقلبي احترك من الحب والتفكير

بس خلااااااااااااااااااااااص توبه من الحب واوهامه الحمد الله اني كنت ذكيه ولاجريت ورا العواطف شكرا جووووووووووووليا كلامج بتذكره كلمى فر مخي
 
حبيبتي بدويه ستايل
شكلك عندك تجربه مع الحب
ممتاز لو تذكرينها يمكن يكون فيها فايده لحبيبتنا عذبتني دنيتي والجميع
والله يديك العافيه على كلماتك الحلوه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل