عندي مشكلة ..لم اكن أطيق خطيبي ..ولكن

[راجيه الرضا]

- حضرتك أنا عندي مشكلة ومحتاجة رأيك
- اتفضلي طبعا
- مشكلتي أني لما اتخطبت ماكنتش قابلة خطيبي، ماكنتش حاسة ناحيته بحاجة ، هو كمان كان عصبي عليا وساعات بيشتم
- ففسختي الخطوبة طبعا
- لأ قلت يمكن ينصلح حاله بعد الجواز ... فاتجوزنا
- أه وبعدين
- من أول شهر جواز طلعت طباعه وحشة جدا
- إللي كان بيشتمك في الخطوبة طلعت طباعه وحشة بعد الجواز! ... سبحان الله، مفاجئة غير متوقعة

- ضرب وشتيمة وإهانة لا تتخيلها ، ومهما عملت حلو معاه ، مش بيفكر حتى يلين معايا ، ماكنش بيحاول حتى يقعد يتكلم معايا زي أي اتنين متجوزين ، ومافيش حد له كلمة عليه ولا حد عرف يصلحه من أهله وأهلي.. ففكرت إني مش هقدر اكمل كدة وأضيع حياتي حتى لو كان الطلاق أبغض الحلال

- هو مافيش حاجة اسمها الطلاق أبغض الحلال... بس عموما ربنا يعوضك خير ، تجربة وعدت وخلاص ، المهم تركزي في بقية حياتك

- وبعد ما جبت تلات عيال لقيت ...
- لا معلش ثواني ، تلات عيال جيبتيهم من فين !
- من جوزي أكيد يعني
- قصدي جيبتيهم أمتى دول ... مش لسة قايلة إنك قررتي الانفصال بعد الشتيمة والضرب إللي فوق دول اول الجواز !!!

- لا ما أنا كملت عادي يمكن ينصلح حاله
- أه وبعدين
- زي ما هو ما اتغيرش خالص ، بعد ١٢ سنة معاه ولسة ضرب وشتيمة ومعاملة وحشة ... ففكرت إني مش هقدر اكمل كدة وأضيع حياتي

- تضيعي حياتك مع جوزك إللي خلفتي منه تلات عيال ومعاه بقالك ١٢ سنة ؟
- أه
- طيب ماتديله فرصة زيادة وتخلفي عيلين كمان علشان يبقى معاكم خمس عيال يمكن ينصلح حاله
- تفتكر ممكن ؟
- طبعا اماال ، ب تمام هجرب كدة وأشوف ... شكرا لحضرتك
- ولا يهمك ، مع السلامه

منقول

علي عبدالله

 

[ام انوسة]

وربنا انتي عسل ههههههههههههههههههه احلي حاجة رقم خمسة دي ههههههههههههههههه

 

[راجيه الرضا]

المقال ربما يكون ساخرا لكنه يشير الى نقطة هامة وهي التغاضي عن عيوب ربما تكون مؤشرا لوضع سيء بعد الزواج لابد من التنبه له

 

[دانسميز]

الأمر ليس بهذه البساطة راجيا.. للأسف في مجتمعنا الفتاة ليس لها كامل الحرية في الاختيار.... هذا اذا كانت تربت على أن تعرف ماتريد... واذا كانت تربت على عدم الخوف من فسخ الخطوبة..
غير تدخل الاهل في حياة الفتاة.. فربما هي لايعجبها صفاته ولكن الاهل يجدونه شخص مناسب ولايعطوها الفرصة لا لفسخ الخطوبة ولا للطلاق..
القليل من الفتيات في مجتمعنا تستطيع اخذ قرارها بنفسها..

 

[راجيه الرضا]

الأمر ليس بهذه البساطة راجيا.. للأسف في مجتمعنا الفتاة ليس لها كامل الحرية في الاختيار.... هذا اذا كانت تربت على أن تعرف ماتريد... واذا كانت تربت على عدم الخوف من فسخ الخطوبة..
غير تدخل الاهل في حياة الفتاة.. فربما هي لايعجبها صفاته ولكن الاهل يجدونه شخص مناسب ولايعطوها الفرصة لا لفسخ الخطوبة ولا للطلاق..
القليل من الفتيات في مجتمعنا تستطيع اخذ قرارها بنفسها..

اتفق معك دانسميز ولكن هناك.فئة من البنات استطيع ان اصنفها للنمط العاطفي تكون فعلا تريد.اتمام الزواج رغم كل شيء لان مشاغرها تغلبها وواريد ان تتززج باي شكل او تاخرت في الزواج وتنتهز الفرصة لتتزوج باي طريقة


وقد رايت نموذجا وسمعت عن نماذج.تحدوا الاهل رغم كل تحذيرات الاهل لهن من عدم.مناسبة الشخص للزواج ولكنهن اصروا واتموا الامر ثم باء بالفشل


أما المغلوبة على أمرها فلها الله