عندي مشكلة ازعجتني ريلي جرحني بكلامه بليز ساعدوني

[غرياف العين]

مرحبا يا بنات

بيت اقولكم مشكلتي يمكن عندكم الاقي الحل

انا متزوجة من 9 شهور

وحامل حاليا

واحب زوجي

بس من يومين ريلي صارحني بكلامه وقالي ادري انك بتنزعجين بس لازم اقول اللي ف خاطري

المشكلة كلامه كان قوي

اتخيلو قالي انا من خذتك ودي اشوف انوثتك

يعني بالنسبة للشكل انا ما عندي اي مشكلة بالعكس

بس انا ابا اشوف دلعج وانوثتك فالمشي خاصة
انا ما تعجبني مشيتج
ولا اسلوبج ف الكاام
يعني باختصار ما اشوف انوثتج


احس جرحني بكلامه
بس ما بينت له وسكتت

يا بنات ساعدوني

ابي حل
كيف اقدر اغير وجهة نظهر عني

انا احس طبعي جي
يعني هذي هي مشيتي وهذي اسلوبي الكلام

ما اعرف ليش يقول عني دفشة
وحتى خواتي يقولون عني جي يقولولن مشيتج مب حلوة

ساعدوني

 

[معلومة مفيدة]

إذا قدرتي تحضرين للأستاذة ناعمة دورة السر الأكبر... راح تطلع كل الأنوثة...
أو حاوليس تحضرين أي دورة... أو على الأقل تشتركين بمجلة أسرار...
و الله يوفقج و تولدين بالسلامة...

 

[amoooly]

ممتاز انه صارحك...اكثر الازواج اذا مالقي الشي اللي يبيه في زوجته ..دور عليه عند وحده ثانيه...زوجك يحبك...علشان كذا صارحك...لازم تتعلمي كيف تتدلعي ياختي القنوات الفضائيه ماخلت احد جاهل...تعلمي حركات المطربات المنفتحات ودلعهم وغنجهم....ترى احنا يالخليجيات تربينا على الحياء وهذا شي زين ..[س مع الزوج لازم تكون الوحده غيييييييييييييير...تكفين اهتمي بنفسك وحافظي على بيتك...

 

[سحايب الدوحة]

اقري قصة ليلى ونشالله بتستفيدين وبعض قصص سلة فواكة جدا مفيدة

 

[للأمل مكان]

أتعلمين .. زوجك يطلب أبسط الأمور ،، أنت أنثى و أعلم أن بداخلك الكثير ... قد يكون اسلوبه مباشر وصريح ... لكن أثبتي له ... يمكنك استغلال فترة الحمل .. وخاصة الحمل الاول ... يعني الدلع راح يكون على أصول ... مري على قسم الطله الملكية قسم دلع وغنج وراح تستفيدين

​

 

[ملكة ببلقيس]

حبيبتي الحمدلله انه صارحك
وهذا دليل حبه لك
وانو هذا العيب الوحيد اللي فيك
على شان كذا يبيك ملاك بعينه
ما يشوف فيك اي شيء خطأ
حبيبتي ان شاء الله تستفيدين من مصارحته لك
وتكون من صالحك مو فقط اللي تستفيدين منه فقط " جرح الشعور "
والمفروض اصلحتي من نفسك من يوم ما صاروحك اخواتك
ولكن ان شاء الله الان يكون وقعها في نفسك اكثر
اذا انصحك في انك تتطلعين في قسمي دلع وغنج , حقائق عالم الرجال بتلقين مواضيع كثيرة بستفيدين منها
واللي يهدف اليها زوجك
قبل كذا شوفي الى شخصيته ع شان تتعرفين على اللي يحب اكثر
مثلا ان كان جنوبي يحب الدلع الطفولي ,,, وهكذا
بالتوفيق اختي

 

[كاتياباسل]

لاحبيبتي لاتضيقي صدرك ولاتهتمي مشكلتك بسيطة مقارنه بسواها والله يقومك بالسلامة ان شاء الله
وبعد زين زوجك اعترف لك بما يختلج في صدرة بعضهم لما يشوف شي مايعجبه بزوجته يلتزم الصمت ويروح يدورعليه في مكان ثاني فعسى ان تكرهي شيئا وهو خيرا لك
الشي الثاني حبيبتي سبق وقالك احد هذا الكلام وتحدث عن مشيتك واسلوبك\\وعموما مثل ماقلت لك لاتزعلي نفسك المسالة بسيطة وفيه هنا قسم والله مو ذاكرة اسمه بالضبط بس حلوكثييير وفيه افكارجميلة دخلته مرة وسجلت بعض الافكار واستفدت منها\\ راح اشوف شواسمه واسجلة لك
وترى كل رجل يحب زوجتة تتدلل عليه بالكلام والمشية وكللللل شي ويحس بانوثتها موتكون زي الصبيان وتتحرك بسرعة بسرعة وتصارخ وترفع الصوت لماتكلمة او تكلم اطفالها اوحتى تحادث زميلتها بالهاتف يحبونها تقطر رقة علشان يحسو برجولتهم جنبها ويحس اللي متزوجها مرة مورجل
واهممممممم شي كوني واثقة من نفسك ولاتخلي كلامه يهزك ولاتسمحي له يحطمك لااااا انما اجعلي هذا النقد يعزز ثقتك بنفسك ويزيدك اصرار انك تصيري احسن واحسن ودائما حدثي نفسك حديث الثقة اقولك كيف\\ابرزي جميع محاسنك وقولي لنفسك انا عندي صفات حلوة كثيييير وامتلك ملامح جميلة وقوام جميل وشعر رائع و-----و------و-----يعني ابرزي كل الصفات الحسنة فيك وبعدين قولي بس لما احسن من مشيتي وطريقتي في الكلام راح استفيد كثير
وهذا الشي لك انتي وفي صالحك قبل كل شي يعني اتغيري لنفسك قبل يكون تغييرك بس لترضي زوجك واقرئي كل مايقع بيدك من الاستايل والافكار الجديدة ومن زميلاتك والمنتديات وكوني ثقافة خاصة فيك وطبقيها بدون خوف ولاتردد لان التردد راح يبينك قدامه كانك طالبة في الاختبار
اسفة للاطالة واتمنى اكون بعد كل هالهذرة افدتك بشي والله يوفقك ويرزقك البيبي السليم المعافى واللي تتمنية

 

[.hanona]

سلام بعد السنوات تغير زوجك ام لا