عندي سؤال لكل وحده متزوجه وتعاني من سفر يلها

[دلع22]

السلام عليكم


خواتي العزيزات بدخل في الموضوع دايركت

انا مخطوبه وللاسف دايما اعاني من سفر خطيبي لدرجة اني يمكن انفصل عنه والسبب سفره المستمر اللي تقريبا كل شهرين مره

ولما تناقشت معاه قالي انا لما اتزوج راح اسافر لكن طبعا مب مثل الحين لكن راح اسافر واسفرج معاي لكن حطي في بالج اني بسافر مع ربعي وانا الصراحه وايد متخوفه من بعدين انه تصير بينا مشاكل والسبب كثرة سفره وهو قالي انه الحرمه باسلوبها وسياستها تقدر تغير من ريلها بس بالصبر و الاسلوب الحلو كل شي يتغير
شو رايكم اسوي​

 

[احلىحلاوه]

والله الي هذا اوله ينعاف تاليه

 

[دلع22]

خوفتيني يا احلى حلاوه بس مشكوره على ردج

انا اقول يمكن الحين عشان اعزوبي ماعنده اي مسىوليه هو جيه لكن باجر كل شي يتغير

 

[قطريه حبوبه]

لا والله وأنا وخيتج ماراح يتغير واللي حب السفر في دمه راح يسافر دايم وماراح يرده لا زوجه ولا عيال واسألي مجربه الله يسخره لج

 

[انهكتني الحياة]

مواصفات مثل خطيبك مااقبلها
بس لا تستعجلين استخيري

 

[مترفة الاوجاع]

انتبهي وفكري مليون مرة قبل لاتندمي ابو طبيع مايجوز عن طبعه

 

[الحب والعطاء]

والله اصبح السفر واي الربع شي طبيعي بين الرجال انا زوجي ايام الخطوبة ما سافر وكان يقول لية انا لمن ازوجك مستحيل اسافر وخليكي لازم تكونين معاية في كل مكان اروحة وتزوجت والحمد الله طلع يسافر كل سنة بس انا ماني معاة وطلعت اصبر واحتسب واتذكر الوعود

 

[**عاليه**]

اختي انا والله زوجي يوم زوجي قال انا مو سعودي اذا بغيت اسافر اشور المدام اذابسافر بدق عليك وقول جهزي الشنطه وانا مشيتها له ,,,,,,,,,,,,,,,,,وبعدين خوذي وعود انا وانتي بنسافر لين اعيف السفر واتاكد ان هذي كلام فاضي ويسافر مع الربع وزعلت ومرضت وسويت كل شي وحلفت بطلقي وانك ماتشوفني وعيالك ماابيهم والله لااعيش احلى من حياتي معك ,,
وصار يعوضني بلفلوس قيمت التذكره واذاسافر ماردعليه يوصل 15 اتصال لين اشبع صياح واذاكلمني شوفي النفس الخايسه ولاتنسى الهدايا والله مابي شي بس ابي اغثه اخر سفره كرهته ابنفسه لانه خلاني عند اهله انا ببيت حموله,,,,
بعد الرجعه بشهرين قال لي انه ماانبسط والسبه انا ونفسيتي اللي تعبت واذا انتي خايفه على من بنات الحرام انا اخاف من الله مومنك واروح لديره ثاتيه اعقلي وخلك بنت عاقل وانسي انك بتغيرين راي عن السفر بس انا مو مخليته ادعي واتصدق كل مااتذكر موضوع السفر ..
لانه هم مايروح عن بالي بس بصراحه انا اعتبره تغيري وكسر لروتين اروح اتسوق واغير حالي قبل يجي اقص اشتري شي لبيتي اسوي مفاجاة له لانه مافيه طب مسافر مسافر......

 

[الحب والعطاء]

لي الاخت عالية زوجك يقول انا مو سعودي يستشير المدام والله يا السعودي ما يستشير علي هونة حاط السعودين ما عندهم شخصية واو كرامة بس يمكن يحترام حرمتة ويقدرها انا اسفة بس العبارة ما عجبتنيي

 

[نون ومايعلمون]

ابو طبيع مايخلي طبعه

زوجي من قبل الزواج راعي سفرات ولي الان بعد .... سنه مازال ولايمكن يبطل في يوم
قل طبعا بس والله لازم مرتين عالاقل بالسنه بروحه
جربت كل شي ماااااااااافي فايد

الله يهديه ان شالله وهذي عاده فيه

 

[دمووووع]

الكل يشتكي من سفر الزوج
بس ولا وحده خبرتنا وين يسافرون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟


سؤال يطرح نفسه لان ريلي بعد نفس رياييلكم
الله يهديهم يارب

 

[اشرقت دنياي]

اعذرني الاخت الحب والعطاء انا مسجله عشان اايد كلام الاخت عاليه كلا السعودين يتاثرون بكلام النسوان وحتى اشكلهم برا يدل على انهم سعوديين لان بجنب المدام وماسك يدها وفيه رومانسيه موحنا خالف الله علينا تقولين مسافرين غصب...

 

[اشرقت دنياي]

اكيد لبنان

 

[تلميذة الزمن]

لو انا منك ماستعجل ابد قولي لها انتي بتترك طبعك ولا مابيني وبينك شي

 

[**عاليه**]

اشكر الاخت اشرقت دنياي على الرد واختي لا يغثك كلامي انا مااقصد شي بس السعوديين والله كلهم رومانسيين انا سعوديه زوجه خليجي والله اعني اشوف اخواني وخواتي انا مو مثلهم ,,دايم اقول ياليتني زوجه سعودي ,,
الله يهانيكم ..

 

[أبكاني ذنبي1]

احسنوا الظن بأزواجكم انتم ذابحكم الشيطان يوسوس لكم انهم يخربطون

 

[دلع22]

اشكركن حبايبي على ردودكم لي

وانا والله وايد ناقشته بموضوع السفر لين خلاص طفش من نقاشاتي واذا شافني ببدا بنقاش السفر يقولي خلاص طفرتيني ويبدا عاد الزعل والضيج ...

خطيبي دايما يروح مصر​