عندي سؤال ارجو الرد للضرورة

[اتمنى اكون ملكة]

السلام عليكم

خواتي في اول ولادة لي الله رزقني بتوأمين والحمدلله ربيت طبيعي
ولكن الخياطة كانت غلط ..???

للاسف اضطريت اسوي عملية جراحية وخياطة تجميلية مرة ثانية
لان الفتحه اللي سوتها الدكتورة كبييييرة لدرجة واعذروني ع هالكلمة انها وصلت للخلف بشكل ملحوظ .. ?

حسبي الله عليها خربتلي المنطقة بالكامل ولكن الحمدلله رجعت طبيعي والله يعين اللي تربي وتسويلها الفتحه كل شي غلط بغلط وقالولي انها احسن دكتورة.


المهم رجع المكان مثلما كان واحلى واضيق

وسؤالي لكم الحين بعدما اربي احتاج مرة ثانيه عملية خياطة وفتحة عشان الولادة ؟؟؟
ويصير اطلب في حال انهم ما سوولي خياطة ؟؟
والدكتورة تقول انا ماقدر اقرر لانه ع حسب وزن الجنين وغيرها ..

ياليت تفيدوني بنات لان حدي خايفة. واذا مايسوون فالولادة الثانية بضطر اخليها عملية وحدة يعني بعد الولادة مابسوي الخياطة العادية بسوي التجميلية لان خايفه ع المنطقة تخترب مثل قبل والله تعب نفسي وجسدي والم فضيع ?

نوروني بليز اذا تعرفون شي عن هالموضوع .

 

[Lena Dareen]

و الله يا اختي ما مريت بتجربة الخياطة في المنطقة , تجربتي الا مع الخياطة في اسفل البطن اتمني افيدك بس مع الاسف ما دخلت الا لادعيلك

شوفي دكتورة غير يمكن تفيدك اكثر , و موضوع الولادة بيد الله يمكن تولدي طبيعي و ما يصير خياطة ولا شي

الله يسهلك و يسر امرك يا رب

 

[حرف الغلا]

الله يكون فعونك يارب العالمين

 

[اتمنى اكون ملكة]

آمين يارب شكرا ع مروركن الطيب ودعواتكن حبيباتي ..

 

[أم عمر العمانية]

حبيبتي يعتمد على وزن البيبي
وعادة الفتحة اللي تعملها الطبيبة ما تكون كبيرة بعدها تخيط المكان
لا تحاتي
المهم ما تروحي عند الطبيبة السابقة

 

[فيض العطاء*]

مو وزن البيبي المسؤول وحده على تمزق المهبل ، أنا جبت بنت وزن 3 كيلو وتمزقت وعملولي خياطة تجميلية ،وجبت ولد 4 كيلو و200 غرام وما تمزقت وما تخيطت لأني بالبنت ما كنت أعرف طريقة الدفع الصحيحة أثناء الولادة ،يعني لما تدفعي البيبي قبل ما ينفتح الرحم بشكل كافي يتمزق المهبل ،وهناك طرق خاطئة أخرى للدفع أبحثي في النت وتعلمي وشوفي طريقة التنفس والدفع ، وهناك تمارين تسهل الولادة وتفتح الرحم ، وحطي قبل النوم زيت زيتون داخل المهبل وسوي تمارين كيجل ضروري لأنها تقوي عضلات المهبل وتساعد على التضييق إبحثي على طريقتها في النت ، واقرإي آيات تسهيل الولادة ،وحذاري تشربي زيت خروع لأنه يعملك وجع ولادة والرحم لس ما انفتح أتمنى أكون أفدتك ، وربي يقومك بالسلامة وطمنينا عليك

 

[اتمنى اكون ملكة]

مو وزن البيبي المسؤول وحده على تمزق المهبل ، أنا جبت بنت وزن 3 كيلو وتمزقت وعملولي خياطة تجميلية ،وجبت ولد 4 كيلو و200 غرام وما تمزقت وما تخيطت لأني بالبنت ما كنت أعرف طريقة الدفع الصحيحة أثناء الولادة ،يعني لما تدفعي البيبي قبل ما ينفتح الرحم بشكل كافي يتمزق المهبل ،وهناك طرق خاطئة أخرى للدفع أبحثي في النت وتعلمي وشوفي طريقة التنفس والدفع ، وهناك تمارين تسهل الولادة وتفتح الرحم ، وحطي قبل النوم زيت زيتون داخل المهبل وسوي تمارين كيجل ضروري لأنها تقوي عضلات المهبل وتساعد على التضييق إبحثي على طريقتها في النت ، واقرإي آيات تسهيل الولادة ،وحذاري تشربي زيت خروع لأنه يعملك وجع ولادة والرحم لس ما انفتح أتمنى أكون أفدتك ، وربي يقومك بالسلامة وطمنينا عليك

مشكورة حبيبتي ع ردج الصراحة فتحتي عيني ع اشياء ما اعرفها ولا سمعت عنها ..
اول مرة اعرف ان يصير تمزق يمكن هذا اللي صارلي وهذا اللي خلا الفتحة تتوسع ويدخل لي هوا ..
والحمدلله بعد التجميل رجع كل شي طبيعي ..
وانا يوم ربيت ماكنت اعرف عن الدفع والتنفس لازم اشوف الطريقة ..

وبصراحة خايفة من الولادة اخاف من القيصرية والله اخاف موت وان شاء الله ولادتي تكون طبيعية .. وباول حمل بعد كان عندي نفس هالخوف ولكن هالمرة اكثر لانه حيل مضغوطة ونفسيتي وايد تعبانه.

الله يسهل علي وع كل مسلمة يارب ..

اول مرة تعبت حيل بسبب اني كنت اجهل موضوع دفع الجنين وطولت في الولادة ..

وتمارين كيجل كانو ينصحوني فيها بعد الولادة مب قبل ماعرف ليش ..


الحمدلله لقيت دكتورة احسن اختي ام عمر بس خوفي يصيرلي موضوع الخياطة اللي صارلي قبل ..
دعواتكم حبيباتي ان شاء الله ربي يسهل لي الولادة ويسهل ع المسلمات ويرزق كل محرومة يارب آمين ..