عندي استفسار وحاسة اني ماراح القى منكم رد

[البي]

السلام عليكم ....
انا عندي استفسار عن حبوب اشتريتها اتمنى القى منكم الاجابة السريعة والكافية لاني شفت ردود المواضيع في القسم هذا ضعيفة وخايفة مااحد يرد...

انا عمري 26 ووزني تقريبا 40 وحاولت اسمن مافيه فايدة...وقررت استخدم الحبوب الصينية بالرغم انها مضرة على حد علمي...لكن مو هنا المشكلة...
المشكلة اني اشتريت حبوب من احد المحلات على اساس انها الحبوب الصينية وبسعر 150 ريال وعلى اساس ان فيها حبة لونها مختلف تثبت الوزن ...
بصراحة اخذتها وانا خايفة منها لكن البائع طمني من ناحيتها وحلف انهم يجي عنده كثير يشترون منها وتسمنهم بسرعة ومنهم اخته تستخدمها...
المهم يوم رجعت البيت فتحتها ومالقيت فيها الحبة المثبته...
ثانيا استخدمتها لمة 20 يوم ومابين شيء ابد وماتغير جسمي الا يمكن نحفتني...
وبعدين انا تذكرت لن اختي بعد ولادتها وصفتها لها الدكتورة عشان تعوض اللي فقدته اثناء الحمل مع ان اختي وزنها زايد ...اختي ماخذت منها الاحبتين يمكن وقالتلي خذيها ماابغاها لانها فيتامينات وبتزيد وزني ...
بس انا قلت يمكن تشابه في الشكل والعبوة الا هي تختلف عنها...لكن يوم شفت اني ماسمنت عرفت انها نفسها لاني يوم استخدمت حبوب اختي مازاد وزني ابدا...

عالعموم تمنيت ارسل صورة لها عشان تعرفوها وتقولولي لكن ماعندي سكنر..

انا راح اعطيكم اسمها واوصافها...

اسمهاultravital (الترا فيتال)

لون كرتونها بني...
فيها 30 كبسولة كبيرة ولونها بني

مكتوب في قفا العلبة خال من النشا والسكر

المحتويات:
رويال جلي طازج
زيت جنين القمح
خميرة
بروبليس

سؤالي هل هي هذي الحبوب الصينية لان وحدة قالتلي موهيه وان سعرالحبوب الصينية من40 الى50 ريال...
انا والله مقهور منه قالي خذي الفاتورة هذي اذا مانفعت خذي بقيمتها اي شيء ثاني...انا حاسة انه حرامي لانه في العلبة ورقة صغيرة فيها السعر بس هو شايلة من العلبة...
اذا عرفتوها قولولي كم سعرها في الصيدلية عشان اعرف احاسبه عليها لاني سالت عن عنبرية النورس عنده قالي ب150 ريال وسالت في مكان ثاني قالي ب100 ريال معناته انه غشني حتى في السعر....

اسفة طولت عليكم لكن قهرررررررررني ودي اوريه شغله الحرامي.......

 

[دوشه بلقيس]

اول شئ روحي له وحاسبيه حتى لوماطلعتي بنتيجه بس عشان تبردين حرتك وقولي لقيتها بكذا محل بخمسين ولونها وشكلها غير عن هذي..
ثانيا ..فيه عشبه سمعت دكتور اعشاب يمدحها يقولون لونها اسود ودايريه اسمها الاملج...تطحن وتؤخذ قبل الغدا بنص ساعه وبعد العشاء بنص ساعه...من مميزاتها..تفتح الشهيه
تسمن
تفتح لون البشره
وتعالج فقر الدم
على ذمة الدكتور لانه يخاف الله اسمه عبدالباسط
ثالثا...حبوب الخميره اي نوع من الصيدليه وهذي استخدمتها بنت عمي..
بعد الوجبه حبتين
النتيجه ايضا
للبشره وللشعر وللوزن بس استمري شهرين وشوفي النتيجه
على الاقل كلها اشياء اضمن لك ماتضرك ولاتضر جسمك بالاضافه انها رخيصه
وبرج اقولك بنت عمي استخدمت حبوب خميرة البيره شهر وزاد وزنها شوي بس هي ما استمرت صار عندها ضروف خاصه بس الحين تقول بترجع تستخدمها لانها مضمونه جدا
بس انتي استخدمي معها الاملج قبل الاكل

 

[مرهفه الاحساس]

يا اختي خذي اشياء طبيعيه ما تضر مثل العسل مع الحلبه نقعي الحلبه بماء حار ثم اضيفي اليها العسل

 

[نسائم ليل]

أختي هذه الحبوب إللي قلتي عنه ماهي الحبوب الصينية أبدا ........

الحبوب الصينية أسمها الجنسينج وهي تفتح الشهية بشراهه .......

وسعرها مايتعدى 70 ريال ومعها الحبة المثبتة ..........وعددها في العلبة 60 حبة .......

أنا صراحة سمنتني بس ما أخذت الحبة المثبته لما سمعت عن أضرارها .........

ونصيحة لاتستخدميها ولا تستخدمي العنبرية ....... لأن الدكتور جابر القحطاني يخذر منها بشدة .........

لأن مافي أحسن من الصحة حتى لو كنت نحيفة ........

 

[&لحظه صمت&]

انتبهي يا اختي من الحبووب الصينيه لانها مضره واغلب الدكااتره نصحو من استعمالها
ويقولن لها اضرار على الممدى البعيد
واهم شي الصحه بكره راح تتندمين حتى لو سمنتك بعدين الا اسمعه اذا تركتيها تنحفين وبعدين الكل لازم يرووج ويمدح بضاعته ويقول ان كثير اخذوو مني وسمنو عليها ومن هالاكاذيب
===
وانا مع اختي دوشه بلقيس
لاني سمعت الدكتور عبدالباسط يتكلم عن الاملج وانها تفتح الشهيه
وكمان سمعت ان الحلبه تسمن والمكسرااات والعسل
===
وكمان في منتج انا استعملته اخذته من منتدى اسمه سوبر قاين
وهاذي صورته

واذا انتي خايفه اسئلي الصيدلي او اي دكتوور عنه

 

[البي]

مشكورين حبيباتي على التجاوب معي...
انا انشاء الله ما احتاج اخذ الحبوب الصينية........لكنمافيه وحدة عرفت سعر الحبوب الترا فيتال في الصيدليات عشان انا ابغى اروح احاسيه على كذبه واذا طلع سعرها في الصيدليات اقل راح اخذ الفرق منه حتى لو الفرق ريال باخذه عشان يتوب من الغش والكذب على الناس.....
اتمنى من الدكتور ترد علي اقل شيء تعلمني بسعرها الحقيقي....
دمتم بود......

 

[رهوفة 33]

أهلين اخت البي بشريني عنك كيف صحتك ان شاء الله بخير وكيف نفسيتك ان شاءالله افضل انا اليوم بس اللي قرأت قصتك وقرأت رد الاستاذه ناعمه عليك قبل كم شهر وهو اللي خلاني اتحمس وادور على موضوعك اتوقعت انك شفتي رد الاستاذه ناعمه من بدري وانقهرت لمن عرفت انك اتأخرتي وماشفتيه عموما قدر الله وماشاء فعل لعلها خيره لك سبحان الله وعسى ان تكرهو شيئا وهو خير لكم وعسى ان تحبو شيئا وهو شر لكم الخيره فيما يختاره الله . الله يهدي سرك ويفرح قلبك ويزيل الهم عنه يااااااااااارب.
بالنسبه للحبوب اللي ذكرتيها انا ماعندي علم بيها لكن اعرف وحده كانت نحيفه واستخدمت حبوب الخميره بس كيف شكلها الله اعلم بس من جد سمنت منها وصار شكلها مررره حلوو . ان شاءالله اكون افدتك يارب
تحياتي لك ياعزيزتي .

 

[ثقتي عاليه]

هلا حبيبتي اذا تبين تتاكدين ان هي او لا روحي سالي صيدلاني ثاني .. وثالث ورابع وتاكدي من العلبه افضل
وموفقه يا قلبي